Vrasja në Shkodër/ Fierza u ekzekutua me kallashnikov nga fqinji, Policia: 5 persona të përfshirë

valter fierza

SHKODËR- Policia ka arrestuar vëllain e autorit të dyshuar për vrasjen e 33-vjeçarit, Valter Fierza mbrëmjen e djeshme në fshatin Hoti i Ri në Shkodër. Mësohet se në pranga ka përfunduar Paolo Mhilli.

Nërkohë policia po punon për kapjen e autorit, Klodian Mhilli dhe 3 personave të tjerë të përfshirë në ngjarje konkretisht Aleksandër Mhilli, Luçiano Mhilli dhe Enton Dushaj.

Sipas informacioneve zyrtare policore këto shtetas janë përfshirë në një konflikt të çastit, për motive të dobëta, jashtë një lokali në fshatin Hot i Ri, me vëllanë e 33-vjeçarit. Pas konfliktit, drejt vendit të ngjarjes është afruar me makinë Valter Fierza, ndërsa sapo ka parë automjetin shtetasi Klodian Mhilli, dyshohet se ka qëlluar disa herë, me armë zjarri kallashnikov, në drejtim të 33-vjeçarit, i cili për pasojë, mbeti i vrarë.

Valter Fierza u vra mbrëmjen e djeshme në fshatin Hoti i Ri në Shkodër, pas një debati për parkimin e makinës.

foto ilustruese

SHKODËR- Është zbardhur dinamika e vrasjes në fshatin Hot i Ri në Shkodër, ku viktimë mbeti 33-vjeçari, Valter Fierza. Lidhur me ngjarjen policia ka shpallur në kërkim 5 persona konkretisht shtetasit Klodian Mhilli, Aleksander Mhilli, Paulo Mhilli, Luçiano Mhilli dhe Enton Dushaj.

Sipas informacioneve zyrtare policore këto shtetas janë përfshirë në një konflikt të çastit, për motive të dobëta, jashtë një lokali në fshatin Hot i Ri, me vëllanë e 33-vjeçarit. Pas konfliktit, drejt vendit të ngjarjes është afruar me makinë Valter Fierza, ndërsa sapo ka parë automjetin shtetasi Klodian Mhilli, dyshohet se ka qëlluar disa herë, me armë zjarri kallashnikov, në drejtim të 33-vjeçarit, i cili për pasojë, mbeti i vrarë.

NJOFTIMI I POLICISË:

Policia identifikon dhe shpall në kërkim 24-vjeçarin që dyshohet se qëlloi me kallashnikov, në drejtim të automjetit me drejtues 33-vjeçarin. Identifikohen dhe shpallen në kërkim 4 shtetas të tjerë, të dyshuar të përfshirë në konflikt. Gjenden dhe sekuestrohen një armë zjarri pistoletë që dyshohet se e posedonte 24-vjeçari dhe 3 gëzhoja që u gjetën në vendngjarje.

Si rezultat i punës intensive hetimore, të kryer nga shërbimet e Drejtorisë Vendore të Policisë Shkodër, menjëherë pas ngjarjes së ndodhur mbrëmë, rreth orës 21:48, në fshatin Hot i Ri, ku për shkak të një konflikti të çastit, u vra me armë zjarri kallashnikov, shtetasi V. F., është bërë e mundur zbardhja e dinamikës së ngjarjes dhe identifikimi i shtetasve të përfshirë në të.

Në vijim të veprimeve procedurale, u identifikuan dhe u shpallën në kërkim shtetasit K. M., 24 vjeç, A. M., 23 vjeç, P. M., 22 vjeç dhe L. M., 20 vjeç, të gjithë banues në fshatin Hot i Ri, si dhe shtetasi E. D., 38 vjeç, banues në lagjen “Vojo Kushi”. Nga hetimet e deritanishme dyshohet se këta 5 shtetas janë përfshirë në një konflikt të çastit, për motive të dobëta, jashtë një lokali në fshatin Hot i Ri, me vëllanë e 33-vjeçarit, shtetasin K. F., 35 vjeç. Pas konfliktit, drejt vendit të ngjarjes është afruar me automjet, shtetasi V. F. Sapo ka parë automjetin, shtetasi K. M. dyshohet se ka qëlluar disa herë, me armë zjarri kallashnikov, në drejtim të 33-vjeçarit, i cili për pasojë, mbeti i vrarë.

Policia gjeti dhe sekuestroi me cilësinë e provës materiale, një armë zjarri pistoletë (dyshohet në posedim të shtetasit K. M.) dhe 3 gëzhoja që u gjetën në vendngjarje. Vijojnë kërkimet intensive për kapjen e 5 shtetasve të shpallur në kërkim dhe për gjetjen e armës me të cilën është kryer vrasja, si dhe vijojnë hetimet e thelluara për të individualizuar përgjegjësinë penale për këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Viktima

SHKODËR- Klodian Mihlli është identifikuar si autori i dyshuar i vrasjes së 33-vjeçarit Valter Fjerza mbrëmjen e së enjtes (21 shtator) në fshatin Hot i Ri në Shkodër.

“Më bllokove rrugën, s’kam ku kaloj unë”, ishin debatet që kishin me njëri-tjetrin, të cilat sollën më pas vrasjen e 33-vjeçarit.

Në kërkim është shpallur edhe vëllai i autorit të dyshuar, i cili dyshohet se e ka ndihmuar të largohet nga vendngjarja.

Raportohet se vëllai i viktimës dhe Klodian Mihlli kanë debatuar në një lokal në lagje që shërbente edhe si bilardo rreth një orë para krimit. Më pas autori ka marrë kallshnikovin dhe ka qëlluar për vdekje Klodian Fjerzën, pranë makinës së vëllait, në rrugicën e lagjes. Plumbat e marrë kanë qenë fatalë për të riun i cili ka humbur jetën në vendngjarje./Dosja.al

Valter Fjerza

SHKODËR- Detaje të reja janë zbuluar nga krimi i rëndë në Shkodër ku 33-vjeçari Valter Fierza, u ekzekutua me armë zjarri. 

Vrasja ndodhi në fshatin Hot i Ri të njësisë Rrethina rreth orës 22:00. Viktima u qëllua me automatik kallashnikov nga një person tashmë i identifikuar nga policia vendore e Shkodrës dhe i shpallur në kërkim.

I gjithë konflikti nisi mes vëllait të viktimës Kolë Fierza dhe autorit të dyshuar të vrasjes. Debati nisi në një lokal afër banesave lidhur me parkimin duke pretenduar se është bllokuar rruga. Rreth një orë pas këtij debati, konflikti ka vijuar mes viktimës Valter Fierza dhe autorit të dyshuar. Pas debatit autori, që është edhe fqinj, me 33-vjeçarin ka marrë armë automatik kallashnikov dhe e ka qëlluar duke e lënë të vdekur në vend.

Ishin familjarët e viktimës, ata të cilët e kanë gjetur të vdekur në mes të rrugës, afër makinës së tij. Pas vrasjes autori i dyshuar është larguar në drejtim të paditur. 

Në pika të ndryshme janë ngritur grupe kontrolli për të mos lejuar që autori të largohet.

Valter Fierza që mbeti i vrarë, nuk njihej si person problematik në atë lagje. Viktima dhe autori i dyshuar janë fqinj prej shumë vitesh dhe njiheshin me njëri-tjetrin. Debati mes vëllait të viktimës dhe autorit ka qenë i çastit dhe sipas informacioneve të deri tanishme më përpara palët nuk kanë pasur ndonjë debat apo konflikt në të kaluarën./Dosja.al