Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË -Kreu i degës së Lëvizjes Vetëvendosje në Tiranë, Boiken Abazi ka reaguar në lidhje me marrëveshjen mes Shqipërisë dhe Greqisë për detin. Në një postim në Facebook, Abazi ka zbuluar sipas tij hilenë që qëndron që deklaratat e kryeministrit Edi Rama dhe ministrit të Jashtëm, Gent Cakaj, se Greqia ka të drejtë të zgjerohet në detin Jon, ashtu si ka bërë Shqipëria në vitin 1990.
Sipas Abazit, ishulli i Otonit në veri të arqipelagut të Korfuzit, është në një situatë krejt ndryshe nga ishulli i Sazanit në detin Adriatik. Më tej ai akuzon Ramën dhe Cakajn, se po barazojnë të drejtat detare të dheut kontinental shqiptar me ato të ishujve grekë të arqipelagut të Korfuzit, duke sjellë rrezikun e zvogëlimit të ujërave territorialë shqiptarë dhe Zonës Ekskluzive Ekonomike, të Shqipërisë.
Reagimi i plotë
Edi Rama dhe Gent Cakaj u deklaruan sot publikisht duke thënë se Greqia ka të drejtë të zgjerohet tani në Detin Jon me 12 milje sepse edhe Shqipëria e ka ushtruar këtë të drejtë në vitin 1990, duke e depozituar zgjerimin në OKB. Ku qëndron hileja në dëm të interesave kombëtare në këto dy deklarata?
1. Shqipëria ka ushtruar të drejtën e saj për të zgjeruar kufijtë detarë 12 milje në vitin 1990, duke e depozituar këtë akt në OKB (shiko dokumentin bashkëngjitur) nisur nga vija bregdetare e dheut kontinental shqiptar dhe nga ishulli i Sazanit. Ishulli i Sazanit ka përballë në lindje dheun kontinental shqiptar, dhe larg në perëndim ka Italinë. Nuk ka formacione gjeografike të shteteve të tjera mes ishullit të Sazanit dhe dheut kontinental shqiptar, apo mes ishullit të Sazanit dhe Italisë. Për më tepër, ishulli i Sazanit ndodhet në kufirin jugor të Detit Adriatik.
2. Ishulli grek thuajse i pabanuar i Otonit, në veri të ishujve të arqipelagut të Korfuzit në Detin Jon, nuk lidhet me dheun kontinental grek, por ka përballë në lindje dheun kontinental shqiptar dhe larg në perëndim Italinë. Otoni ne Detin Jon është në një situatë krejt ndryshe nga Sazani në Detin Adriatik. Prandaj, për ishuj si Otoni nuk mund të ketë zgjerim automatik me 12 milje, por nevojiten negociata. Arqipelagu i Korfuzit dhe ishulli i Otonit, me pretendimin për zgjerim 12 milje në Detin Jon, po trajtohen deklarativisht nga Greqia sikur të kishin fuqi të plota për zgjerim kufijsh detarë dhe zona ekonomike të barabarta me dheun kontinental shqiptar.
3. Rama dhe Cakaj, me deklaratat e tyre indirekt po barazojnë të drejtat detare të dheut kontinental shqiptar me ato të ishujve grekë të arqipelagut të Korfuzit, dhe sërish indirekt po barazojnë trajtimin e ishullit të Sazanit, që qëndron përballë dheut kontinental shqiptar në Detin Adriatik, me ishullin e Otonit, në veri të arqipelagut të Korfuzit përballë dheut kontinental shqiptar në Detin Jon, duke e nxjerr Greqinë deri në Kanalin e Otrantos. Kjo ka rrezikun e madh të ndikojë edhe në zvogëlimin e ujërave territoriale shqiptare edhe në zvogëlimin e Zonës Ekskluzive Ekonomike që i takon Shqipërisë. Ky barazim edhe nuk qëndron edhe është krejtësisht në dëm të interesave kombëtare. Ky barazim është përsëritje e një prej gabimeve të marrëveshjes antikushtetuese të vitit 2009!
Qeveria nuk ka dhënë sqarime se cilat janë metodat bazë dhe menyrat e ndarjes, ku janë pikat e infleksionit për të cilat duhet njohje dhe analizë? Mbi cilat parime po zhvillohen negociatat? Negociatat po zhvillohen në fshehtësi dhe errësirë! Nevojitet transparencë dhë përfshirje e institucioneve studimore shqiptare, dhe jo pallavra në ajër të pushtetarëve.
Dje, kryeministri grek, Kyriakos Mitsotakis njoftoi se ka dërguar në Kuvend, projektligjin i cili do të sjellë zgjerimin e ujërave territoriale të Greqisë me 12 milje në Detin Jon. Deri më tani, kryeministri Edi Rama, i cili është edhe ministër i Jashtëm i vendit, nuk ka dhënë asnjë sqarim as për telefonatën që ka zhvilluar mbrëmë me ministrin e Jashtëm grek, dhe as për situatën politike mes dy vendeve, por është mjaftuar me një koment në Facebook. Ndërkohë që ai është informuar nga ministri i Jashtëm grek, Nikos Dendias i cili pritet që të zhvillojë një vizitë zyrtare në Tiranë, që sipas kryeministrit Mitsotakis do të ketë si ekskluzivitet këtë çështje. Në lidhje me këtë çështje ka ardhur edhe reagimi i Presidentit Ilir Meta, i cili tha se do të mbrojë Kushtetutën me çdo kusht.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
VJENË– Kryeministri Edi Rama ka zbarkuar në Austri, ku do të marrë pjesë në mbledhjen e Këshillit Special nën “petkun” e kreut të OSBE. Pak para mbledhjes ...
TIRANË– Kryeministri Edi Rama zgjodhi që të reagonte sot për të sqaruar të gjithë “të shqetësuarit” lidhur me kërkesën e Greqisë për t’u zgjeruar me 12 mil...
TIRANË– Kreu i grupit parlamentar të Partisë Socialiste, Taulant Balla u është përgjigjur deklaratave të presidentit Ilir Meta lidhur me kërkesën e G...
TIRANË- Partia Demokratike ka përmbyllur fazën e saj të parë të selektimit të kandidatëve për deputetë dhe kryetarë bashkie për zgjedhjet e ardhshme. Në nj...
MAL I ZI-Kreu i Unionit Demokratik të Shqiptarëve dhe njëkohësisht anëtar i koalicionit shqiptar “Bashkë Nji Za”, Mehmed Zenka, i ka quajtur shqetësuese deklara...
TIRANË – Lëvizja Vetëvendosje ka dalë kundër deklaratës së kryeministrit grek, Kyriakos Mitsotakis, se Greqia do të zgjerohet me 12 milje në detin Jon. Sip...
TIRANË– Kryeministri Edi Rama ka reaguar në lidhje me çështjen e kufirit detar me Greqinë, një ditë pasi kryeministri grek, Kyriakos Mitsotakis njof...
VLORË- Presidenti i Republikës Ilir Meta i ka siguruar shqiptarët se do të jetë gjithnjë në krah të tyre për të mbrojtur interesin e vendit. Një ditë pas d...
TIRANË- Ish-deputetja Grida Duma, ka shkuar në shkollën “Sami Frashëri”, dhe ka marrë në pyetje disa nga nxënësit që kanë ndjekur mësimet në këtë godinë, p...
