Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHKODER- Nikoll Shullani, babai i Gëzim Shullanit, njëherazi edhe pajtuesi i gjaqeve që u kontaktua nga vëllai i Jan Prengës, Antoni për të ndërmjetësuar me familjet e rrëmbyesve, ka sqaruar pozicionin e tij dhe të të birit në këtë ngjarje. Në një deklaratë për mediat nga banesa e tij në Shkodër, Shullani tha se vepron si kryetar i një shoqate që është e licensuar nga gjykata. Ai tha se ishte Anton Prenga, ai që e ka takuar dhe i ka treguar për rrëmbimin dhe bisedat e Ndrek Prengës me Gramoz Rexhepin, që zbuloi emrat e grupit të Dukagjinit. (Lexo këtu dosjen e plotë për Jan Prengën). Shullani tha se ka shkuar tek banesa e Gentian Doçit, ka takuar të atin, që nuk ka patur dijeni. Tek familja Bleta, ai shtoi se nuk ka takuar askënd, pasi ishte vetëm shërbëtorja, ndërsa tek familja Gështenja, ka takuar të zotin e shtëpisë që e ka garantuar se nëse nipi i tij është përfshirë në këtë ngjarje, atëherë situata do të zgjidhej me në bazë të Kanunit.
Deklarimi i plotë i Nikoll Shullanit:
“Dua të sqaroj problemin e familjes sime. Jam kryetar i shoqatës së Pajtimit të Gjaqeve me vendim gjykate. Kam qenë në shumë familje për pajtim dhe ndërmjetësim, deri në Milano për pajtim për ndërmjetësim për çdo problem. Familja Prenga ka patur një fatkeqësi, iu rrëmbye një mashkull dhe ka ardhur Anton Prenga bashkë me Pjetër Prengën bashkë me një kushëri në shtëpinë time. Familjen Prenga i kam miq të vjetër. Më thanë “Nikoll, rrëmbyesit e vëllait i kena në Shkodër, ndaj duhet ardh me ne të shkojmë e të bisedojmë”. I thashë: “Matu mirë se para se të shkosh tek ai duhet të jetë 99% i sigurt.” Më thanë “Ti i ke patriot janë shaljanë me origjinë, na kanë thënë se i njeh”. Iu kam thënë dy familje si njoh, njërin e njoh. Unë i njoh Doçajt, janë rritur me halle. Jemi ngritur dhe kemi shkuar tek Lushi, për djalin e tij Gentianin. I kanë kallëzuar se është përmendur djali yt.
I thashë Lushit: Në emër të të madhit Zot, të të mirës, të njerëzimit, burrnisë dhe sedrës që kemi si malësorë, nëse ka dijeni për këtë punë të na ndihmojë. Ta gjejnë mashkullin ku e kanë, gjallë a vdekur, dhe ta varrosin. Cdo gjë që iu ka borxh familja Prenga do t’i dorëzohet Nikollës. Lushi më tha: Kam 7 muaj pa folur me djalin, po munda të flas me të, do të të kallëzoj. U çuam dhe shkuam tek familja Bleta. Aty s’gjeta askënd. Ishte një grua, i thashë dua të takoj Nikën. Më tha “Ka ikur në Itali me gruan”. U çuam e ikëm tek Gështenja. Me familjen Bleta ishin kushërinj. I thashë plakut jam fëmija i filanit.
I treguam bisedat në Angli, fjalën e vlonjatit që ka përmendur djalin tuaj si rrëmbyes i Prengës. Më ktheu përgjigjie njerëzore. Nëse nipi im ka dijeni për këtë gjë, kurrë Zoti mbarë mos ia priftë. Më tha brenda 5 ditësh do flas me meshkujt e shtëpisë se i kam të shëprndarë në Evropë. Pasi doli lajmi më tha eja më tako. Kam shkuar tek Gjon Gështenja dhe mu shpreh njësoj siç e ka kanuni i Lekë Dukagjinit.
Më tha që nipi është duke ardhur, meshkujt i kam duke ardhur. Këtë punë e ka shteti. Shteti të vazhdojë, unë nuk i kam hak as hile, as di kush e ka bërë, betohem në kanun. Detyra ime është për të pajtuar dhe ndërmjetuar familje, ndërsa përsa i përket marrjes nëpër gojë të djalit.
Unë se mohoj kë kam djalë, ai ka punuar me vëllezërit Prenga, por në këtë situatë e morën në qafë. Pse nuk e marrin 2 muaj në telefon eja të flasim. I kam thënë unë fol me Prengat, nëse ka dorë në marrjen e mallit, të dorëzojnë mallin të marrin mashkullin se është babai i 5 fëmijëve. Unë s’jam njeri që të më marrin mediat e të më nxjerrin fotot. Se kam detyrë të nderuar”.
Nikoll Shullani u zbulua nga dëshmia ekskluzive e Anton Prengës e cila u botua dy ditë më parë në Dosja.al. Prenga deponoi në prokurori të gjithë rrjedhën e ngjarjes dhe tentativat për të shpëtuar Jan Prengën, trupi i të cilit ende nuk është gjetur. Ai u mor peng më 17 janar në Kamëz. dhe autorët e rrëmbimit janë familja Hajri në Shijak dhe grupi i Dukagjinit në Shkodër. Në krye të dy grupeve dyshohet se është Gramoz Rexhepi i cili ka qenë porositësi i rrëmbimit për një sasi prej 260 kilogram kokainë që u vodh nga Astrit Prenga, Gëzim Shullani, Xhuliano nga Shkodra dhe një rumun në portin e Smuthit në Angli. Droga doli nga porti, dhe u nda mes të katërtve dhe pas disa ditësh grupet nisën të kërkonin kokainën.
Gentian Doçi telefonoi Astritin dhe Gëzimin, ndërsa Gramoz Rexhepi, vëllain e Prengajve, Ndrekën i cili ndodhej në burg. Pas paralajmërimeve, pengu ishte marrë në Kamëz, dhe 5 ditë më vonë, më 22 janar, droga dhe 700 mijë paundë, pjesa e Shullanit dhe Prengës u kthyen, por jo Jan Prenga. Në këtë moment, Gramoz Rexhepi i tregon Ndrek Prengës emrat e rrëmbyesve për shkak se ata i dolën nga fjala e dhënë se pengu nuk do të vritej. Sipas kqyrjes së kamerave të sigurisë, dyshohet se rrëmbyesit ta kenë nxjerrë të pajetë trupin e Jan Prengës dhe ta kenë transportuar me një furgon të bardhë, tek i cili janë parë të futen disa persona me lopata, që dyshohet ta kenë groposur, por ende trupi nuk është gjetur. Nga grupi i Shijakut janë arrestuar: Bajram, Leonard dhe Elton Hajri, Festim Bezhdili, Olsi Turja, dhe në kërkim është Altin Hajri. Ndërsa nga grupi i Dukagjinit është vetë-dorëzuar Ardian Doçi ndërsa në kërkim janë: Gentian Doçi, Arjan Doçi, Gentian Bleta, Aldo Majnishta dhe Korado Doda.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Gjykata e Tiranës ka vendosur masën “arrest me burg” ndaj Vladimir Gjutës, i cili u kap disa ditë më parë me 120 mijë euro dhe armë pranë selisë së...
DURRËS– Policia e Durrësit ka vënë nën pranga dy shoferë pasi kanë aksidentuar dy persona gjatë drejtimit të automjetit.Sipas njoftimit të policisë së Durr...
TIRANE- Operacioni Forca e Ligjit (OFL) ka goditur sërish dy emra të njohur si të përfshirë në aktivitet kriminal dhe veprimtari të paligjshme. Për 48 orë, Oreg...
Mallakastër- Ditën e sotme, 7 punëtorë të nënstacionit elektrik të pompimit të naftës në Poçem, kanë hyrë në grevë urie, pasi prej 27 muajsh nuk kanë mar...
Vorë- Policia ka parandaluar një krim brenda familjes në Vorë. Mësohet se në fshatin Domje, 66-vjeçari Sami Bulica kërcënonte gruan e tij, 63-vjeç...
Tiranë-Punonjësit e Inspektoriatit të Mbrojtjes së Territorit, të shoqëruar nga Policia, po zhvillojnë sot një aksion në zonën e Astirit në Tiranë, ku po njoft...
SHKODËR- Dosja.al ka mësuar detaje të reja për tentativën e vrasjes në Shkodër, ku fatmirësisht nuk pati asnjë të lënduar. Sipas informacioneve mësohet se ...
Vlorë-Mëngjesin e sotëm ka marrë flakë një kasolle që ndodhej në një stan në vendin e quajtur “Ura e Gjormit” në Vlorë dhe si pasojë ka humbur jetën 80-vje&cced...
Fier- Gruaja e Soni Meços, Dhimitrie Meço, i cili u plagos në dorë me armë zjarri nga efektivi i FNSH-së Paulin Shpani është shprehur për mediet s...
TIRANË– Ditën e sotme moti do moti do të jetë i qëndrueshëm, kryesisht me kthjellime dhe vranësira të pakta kalimtare përgjatë Ultësirës Perëndimore dhe zo...
