"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
KAVAJË- Emisioni Stop në Tv Klan ka udhëtuar drejt Kavajës për problemin e zonjës Alma Teferiçi, edukatore në kopshtin nr.1 ose të quajtur kopshti “Hap pas Hapi”.
Bashkëshorti i zonjës shpjegon së gruas së tij i ka ardhur një urdhër transferimi në mes të muajit Prill, nga kopshti numër 1 në një çerdhe në Kavajë. Zonja nuk kishte bërë asnjë kërkesë për transferim, madje as nuk ishte pyetur apo informuar për këtë lëvizje të punës. Në 16 vite si edukatore nuk ka marrë asnjëherë vërejtje në punë.
Dhe këtë urdhër transferimi të bërë me vendim të kryetari të Bashkisë së Kavajës e ankimoi. Urdhri u anulua, por pak ditë më pas edukatorja Alma Teferiçi mori një shkresë, ku thuhej se transferohej nga kopshti nr. 1 në qytet në një çerdhe në fshatin Karpen, një transferim në shkelje, pa kërkesë dhe pa dëshiren e zonjës.
Bledar Teferiçi: Bashkëshortja ime Alma Teferiçi është edukatore në kopshtin “Hap pas Hapi” prej gati 16 vitesh. Në datë 11.4.2022 me urdhër transferimi numër 138, urdhërohet nga kryetari i Bashkisë Redjan Krali që ime shoqe nga edukatore në kopshtin numër 1 të kalojë kujdestare në sektorin e çerdhes të qytetit në Drejtorinë e Shërbimit Social pranë Bashkisë Kavajë. Në mënyrë të habitshme, të çuditshme, pa paralajmërim, pa konsultim dhe pa dijeninë tonë që normalisht duhet të ishim konsultuar më parë për një çështje të tillë. Gjatë kësaj kohe ne bëmë animimin duke u konsultuar me avokatët, bëmë animimin pranë Bashkisë Kavajë. Çuditërisht, po në datë 13 dhe 14 vjen shkresa në dorë të bashkëshortes në kopshtin “Hap pas Hapi”, vjen vërejtje me shkrim, ku thotë “vërejtje me shkrim për shkak të moskryerjes së detyrës funksionale”, kur ne kishim bërë një ankimim dhe prisnim përgjigje me shkrim konform rregullave dhe ligjeve. Datë 15.4.2022 shfuqizim i urdhrit të transferimit numër 138, cilësojnë rikthimin e zonjës Alma Teferiçi në kopshtin numër 1, pjesë agjencisë së arsimit parashkollor. Më datë 19 paraqitet në vendin e punës në kopshtin “Hap pas Hapi” një zonjë në pozicionin e kujdestares, e cila kishte marrë një urdhër transferimi nga çerdhja në kopsht. Deri në datë 27.4.2022 bashkëshortja vazhdon punën, por gjithmonën nën frikën, trysninë se mos kryhej një lëvizje e radhës.
Të gjitha këto lëvizje, bashkëshorti i edukatores dyshon se janë të qëllimshme që pas disa kohësh t’i largojnë gruan nga puna.
Bledar Teferiçi: Unë gjykoj që është e qëllimshme lëvizja që në një moment të caktuar të bëjmë suprimimin e vendit të punës dhe bashkëshortja të mbetet fare pa punë.
Gazetarja e emisionit Stop shkoi në kopshtin “Hap pas Hapi” për të takuar drejtoreshën, por kjo e fundit refuzoi që të komunikonte me gazetaren dhe nuk e hapi derën.
Prej andej, stafi i Stop udhëtoi drejt fshatit Karpen, aty ku zonja Alma Teferiçi do të transferohet në një çerdhe.
E pikërisht në këtë çerdhe në Karpen, punon vetëm një edukatore, e cila i bën të gjitha punët dhe kujdeset për 12 fëmijë. Ajo thotë se edhe asaj i ka shkuar një urdhër-transferimi për në qytetin e Kavajës, që mesa duket do të jetë kopshti ku punon edukatorja tjetër Alma Teferiçi. Por as kjo edukatore e fshatit Karpen nuk ka kërkuar transferim, madje shprehet e kënaqur me vendin e punës ku është.
Gazetarja: Sa vite keni, që punoni këtu?
Edukatorja: Unë kam 2 vite, kam hy për tre.
Gazetarja: A është e vërtetë, që ju ka ardhur një urdhër transferimi?
Edukatorja: Po!
Gazetarja: Për ku?
Edukatorja: Po nuk e di, më ka ardhë një urdhër transferimi, më duket në Kavajë, po nuk e di.
Gazetarja: A keni kërkuar ju transferimin?
Edukatorja: Jo, nuk e kam kërkuar!
Gazetarja: E keni pranuar ju transferimin?
Edukatorja: Për momentin unë ndihem mirë këtu ku jam, më pëlqen këtu ku jam, ku po punoj. Kopshtin e kam mirëmbajt, kam investuar e kam rregulluar, që të jenë kushtet sa më komode për fëmijët.
Gazetarja: Sa fëmijë keni?
Edukatorja: Po këtu kam 12 fëmijë.
Gazetarja: Punoni vetëm?
Edukatorja: Vetëm punoj! Vetë e mirëmbaj, sanitaren vetë e bëj, çdo gjë!
Për këtë çështje emisioni Stop kërkoi shpjegim nga Drejtoria Arsimore dhe kryetari i bashkisë, por askush nuk doli të mbrojë aktin e paligjshëm.
Marrë nga Tv Klan
Aksidenti i rëndë në Tiranë, si mund të shmangen ngjarje të tilla?
TROPOJË– Dy turiste tuniziane kanë humbur rrugën këtë pasdite në Valbonë të Tropojës. Mësohet se bëhet fjalë për dy gra të moshës 41 dhe 46 vje&ccedi...
LUSHNJE- Një 81-vjeçar nga Lushnja ka humbur kontaktet me familjarët e tij më 19 prill. Mësohet se Xhavit Muça vuan nga skleroza dhe se kohët e fu...
TIRANË– Ish-kryeministri Sali Berisha ka dorëzuar dokumentacionin e nevojshëm për të garuar për postin e Kryetarit të Partisë Demkratike në zgjedhjet...
KUÇOVË- Nadire Rogozi jeton në lagjen “Postbllok” në hyrje të Kuçovës. Si shumë familje të tjera që ngritën shtëpitë pas viteve ‘90 në këtë z...
GJIROKASTËR- Një aksident ka ndodhur ditën e sotme në Qafë Muzinë. Mësohet se një makinë është përplasur me një kamion dhe nga përplasja ky i fundit ka dal...
TIRANË– Edi Paloka është zgjedhur kryetar i Këshillit Kombëtar të Partisë Demokratike. Në procesin e zhvilluar sot në garë ishin Paloka dhe Eleina Qi...
TIRANË– Edi Paloka ka mbajtur fjalën e parë si kryetar i Këshillit Kombëtar të Partisë Demokratike. Në prononcimin e tij për mediat, Paloka falendero...
TIRANË- Me asnjë votë kundër, është miratuar rezoluta për procesin e zgjedhjes së Presidentit të vendit në Këshillin Kombëtar të Partisë Demokratike. Kësht...
TIRANË– Zgjedhja e Presidentit të Republikës po i shërben kryeministrit Edi Rama jo vetëm për të marrë në dorë të vetmin isntitucion që nuk e kontrol...
ITALI- Hoxhë Bujar Spahiu ka zhvilluar një takim ditën e sotme në Vatikan me Papa Franceskun ku në qendër të bisedimeve ishte, bashkëjetesa paqësore ndërmjet fe...
