Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sipas Ballës, praktika dhe vendimet e Gjykata Kushtetuese e Shqipërisë kanë përcaktuar qartë se komisionet hetimore duhet të kenë një objekt të veçantë, të përcaktuar qartë dhe të mos shndërrohen në hetime të përgjithshme.
TIRANË- Kryetari i Grupit Parlamentar të Partisë Socialiste, Taulant Balla në një komunikim me gazetarët ka sqaruar qëndrimin e mazhorancës për kërkesat e opozitës për ngritjen e komisioneve hetimore parlamentare. Sipas Ballës, praktika dhe vendimet e Gjykata Kushtetuese e Shqipërisë kanë përcaktuar qartë se komisionet hetimore duhet të kenë një objekt të veçantë, të përcaktuar qartë dhe të mos shndërrohen në hetime të përgjithshme.
“Komisionet nuk mund të jenë ekspedita peshkimi,” u shpreh ai, duke theksuar se kërkesat duhet të jenë në përputhje me Kushtetutën dhe të mos mbivendosen me hetimet e organeve të drejtësisë.
Balla shtoi se mazhoranca nuk është kundër ngritjes së komisioneve hetimore në parim, por kërkon që ato të riformulohen sipas standardeve kushtetuese dhe të jenë të fokusuara në çështje konkrete. Ai theksoi gjithashtu se ekziston gatishmëri për dialog me opozitën për të dakordësuar objektin e tyre.
Gjatë pyetjes së gazetarëve për debate të brendshme në Partinë Socialiste, përfshirë deklaratën e deputetit Erion Braçe, për të kandiduar për Bashkinë e Tiranës, Balla është shprehur se çdo anëtar ka të drejtë të shprehë opinionin e tij brenda partisë.
Fjala e plotë e Kryetarit të Grupit Parlamentar të PS, Taulant Balla:
Prej vitit 2003, kur Gjykata Kushtetutëse me dy vendime të pasuese 20, 21 edhe në vendime të tjera të Gjykatës Kushtetutëse, është sqaruar shumë qartë se kërkesat për ngritjen e komisioneve hetimore duhet të respektojnë disa parime. Është e vërtetë që një parim i parë është parimi i së drejtës së palës kërkuese, në rastin në fjalë të pakicës parlamentare, por se kjo kërkesë dhe përmbajtja e kërkesës duhet të shikohet në këndvështrimin që ka kufizime sa i përket përmbajtjes, pra që ato duhet të jenë në përputhje me Kushtetutën, që komisioni hetimor të mos mbivendoset me pushtetet e tjera dhe këtu i referohemi pushtetit gjyqësor, dhe që kërkesa të fokusohet në një çështje të veçantë.
Kujtoj këtu një term të përdorur nga Gjykata Kushtetutëse, 23 vite më parë, komisioni hetimor nuk duhet të jetë një ekspeditë peshkimi, ku hajde nisemi njëherë, shohim çka dhe pastaj po peshkuam ndonjë gjë, hajde, ndërkohë që Gjykata Kushtetutëse ka thënë që duhet të vihesh me çështje konkrete, i marrim me radhë. Kërkesa e parë që u shqyrtua në rend dite ishte një kërkesë e cila sipas një kolege deputete të opozitës u tha që do të hetohet nëna natyrë, moti apo perëndia sepse ka sjellë shumë shi edhe në trajtë shakaje ndoshta kjo, se jam i sigurt u sqarua që ishte shaka.
Ndërkohë që thuhet që të hetohen të gjitha procedurat nga 2014 deri në 2025-ën, ndërkohë që nuk kishte një çështje specifike, pra duhet të hetojmë mënyrën e prokurimit ndoshta, dhe unë do isha shumë dakord por hajde sill dua të shqyrtoj se çfarë qasje ka pasur dhe çfarë duhet të përmirësojmë ne në ligjin e prokurimeve sa i përket kësaj. Duam të hetojmë mënyrën e supervizimit, pra gjithë legjislacionin mbështetës për gjithë këtë procedurë hajde ta bëjmë këtu, por ti nuk mund të vish dhe të thuash shiko meqënëse ka ndodhur kjo kjo, hajde se duhet të jetë kështu. Prandaj Gjykata Kushtetuese ka qenë shumë e qartë dhe nëse opozita nuk di të formulojë një kërkesë për një komision hetimor jemi të gatshëm t'ia ofrojmë një lloj ekspertize, edhe ju gazetarët e keni fituar një gjë të tillë.
Kërkesa tjetër ishte kërkesa për një komision hetimor e cila është më e qartë se të gjitha sa i përket pamundësisë që Kuvendi të ndërhyjë në një proces që është përfshirë një pushtet tjetër. Mbështetja jonë e plotë unë e thashë në Konferencën e kryetarëve, mbështetje të plotë ndaj Prokurorisë qoftë kjo e posaçme apo prokuritë e rretheve në të gjitha hetimet që ato kryejnë sa i përket çështjeve të sipërpërmendura, por në asnjë rast nuk duhet që Kuvendi, pushteti legjislativ të ndërhyjë në autoritetin e pushtetit gjyqësor e për pasojë vendimi i Gjykatës Kushtetuese e ka pranuar që hetime të kryejë Kuvendi ndërkohë që këto hetime po kryhen nga pushteti tjetër, pushteti gjyqësor, flet për pushtetin vendimi i gjykatës e për pasojë nuk i referohem se është prokuroria apo gjykata.
Mos harroni asnjëherë që një proces hetimi edhe gjykata është gjithmonë e përfshirë për të marrë ato masat paraprake apo çështje të tjera, kështu që në këtë këndvështrim jemi në kushtet që me gjithë dëshirën tonë të mirë dhe këtu e rishpreh se u tha dhe unë do ta them dhe në fjalën time në seancën plenare të ditës së enjte, dëshira jonë për të miratuar çdo kërkesë që vjen nga opozita është e palimituar, por duhet që këto kërkesa të vijnë në formën që e kërkon ligji dhe kushtetuta, vendimet e Gjykatës Kushtetuese dhe dëshira është që dhe të kemi mundësi dhe të ulemi sepse Gjykata Kushtetuese ka thënë dhe diçka tjetër që duhet të ketë gatishmëri për të për të negociuar pra për të diskutuar për mbajtjen në mënyrë për të shkuar në një një tekst të përbashkët.
Zoti Balla një nga kërkesat që kishte opozita për komisionin hetimor dhe për atë të ARRSH-së ishte pikërisht në lidhje me procedurat dhe funksionimin e këtij institucioni. Ku ishte problematika në përmbajtjen e kërkesës që mazhoranca e refuzoi dhe është e disata herë që mazhoranca refuzon disa kërkesa për komision hetimor, ndërkohë që bashkërisht dhe tematika e komisionit dhe mund të dakordësohet?
Pyetja juaj i dha të drejtë argument tim, pra ju thatë një ndër çështjet ishte dhe kjo dhe unë po ju them, Gjykata Kushtetuese në vendimet pasuese të 20, 21, 2003 ka sqaruar që duhet të vish me një çështje të veçantë dhe për pasojë kemi transpozuar në ligjin për komisionet hetimore në nenin 2 pika 1/1 edhe çfarë është çështja e veçantë. Dhe ky është thelbi dhe jo pa qëllim Gjykata Kushtetuese në vitin 2003 ka thënë që komisioni hetimor nuk duhet të nisë si një ekspeditë peshkimi dhe hajde të ça të zëmë rrugës por duhet të vijë me një gjë konkrete. Edhe për rastin në fjalë, edhe për gjënë që shtroni ju nuk ka një gjë konkrete, pra do të thotë në çështjen e funksionimit kemi evidentuar që nga faktet dhe grupfaktet na rezulton që ka një dy tre katër gjëra, dhe meqë jam këtu edhe meqënëse dritaret e Gjykatës Kushtetuese janë atje, zonja e zotëri i Gjykatës Kushtetuese keni shkelur ligjin tuaj për funksionimin e Gjykatës Kushtetuese sa i përket zbardhjes së vendimit për çështjen e Rregullores së Kuvendit pra 30 ditë pas shpalljes së vendimit që ka qenë më 23 mars apo si duan ta llogarisin 30 ditëshin, duhet që Kuvendit ose le të themi në fletoren zyrtare të botohet sa më parë vendimi i Gjykatës Kushtetuese për rregulloren e Kuvendit sepse na duhet të fillojmë menjëherë punën edhe për disa ndryshime të tjera rregullore të Kuvendit edhe sa i përket çështjes së komisioneve të përhershme të Kuvendit meqënëse sipas gjykatës kushtetuese procedura e ndjekur nga Kuvendi nuk ka qenë përputhje me kushtetutën mbi bazën e një parimi që nuk duhet ta komentoj.
Disa nga akset kryesore të vendit dhe ai i Librazhdit nuk ka tematikë për komision hetimor?
Padyshim dhe më vjen shumë mirë që prokuroria ka nisur një hetim për këtë çështje.
Zoti Balla unë kam një pyetje nisur nga ajo që ju deklaruat. Ju thatë që komisionet hetimore do të duhet të ngrihen për një çështje, por ju jeni një deputet me eksperiencë dhe keni qenë këtu në parlament me funksione edhe në grupin parlamentar të partisë socialiste ku për shembull është ngritur një komision hetimor për çështjen e inceneratorëve e cila ka pasur shtatë çështje shtatë tema për këtë komision i cili është ngritur dhe funksionoi dhe ka qenë një nga komisionet më të suksesshme. Pse atëherë u ngrit dhe këtë herë refuzohet?
Faleminderit shumë, sepse atëherë opozita ka qenë e gatshme të negocionte. Po ju them që në atë kohë është kërkuar, është negociuar dhe ajo që ve re në këtë kohë është që opozita ka një qasje e cila në vlerësimin tim dëmton punën e tyre. Pra nëse ata do të vazhdojnë të vijnë me idenë o këtë orash e vdiqja, nuk kanë për të marrë kurrë asgjë, sepse gjykata kushtetuese e ka përcaktuar qartë edhe këtë çështje që duhet negociuar objekti dhe unë i kam thënë sot që me këtë objekt jeni jashtë temës, po ju them që kërkesa në formën si ka ardhur është e pamundur që të përpunohet për të ardhur në një formë siç e kërkon kuadri kushtetues.
Një pyetje sa i takon Partisë Socialiste, Erjon Braçe ka shfaqur ambicien për të kandiduar për Bashkinë e Tiranës. Si drejtues politik i qarkut të Tiranës çfarë opinioni keni për këtë ambicie të Braçes për të kandiduar për Bashkinë e Tiranës dhe a keni një koment sa i takon kritikave të tij për lidershipin e partisë dhe për proceset e brendshme partiake?
Unë nuk kam dëgjuar kritika.
Ka qenë tek emisioni Top story dhe ka kritikuar?
Unë nuk e shoh Top Story, por dua të them që në Partinë Socialiste secili ka të drejtën e vet të thotë gjithçka mendon dhe ndërkohë që jo pa qëllim ne kemi hapur një proces shumë të gjerë analize brenda Partisë Socialiste ku secili është i lutur të vijë të marrë pjesë që nga struktura bazë e jona organizata socialiste deri në këshillat socialiste dhe asambletë. Sa i përket ambicies së çdo socialisti lidhur me proceset e ardhshme zgjedhore pas vendimit përsëri të Gjykatës Kushtetuese nuk ka zgjedhje në tiranë deri në një nga të dielat mes 15 prillit dhe 15 majit, kështu që do kemi kohë ta diskutojmë dhe këtë çështje.
Për kolegun tuaj Spiropali për falje morën vendimin apo akoma?
Do ju njoftoj kur ta kem vendimin. Faleminderit shumë./Dosja.al
Hristijan Mickoski MAQEDONI E VERIUT- Kryeministri i Maqedonisë së Veriut, Hristijan Mickoski, është pyetur sot nga gazetar&e...
Jamarbër Malltezi TIRANË- Drejtuesi i Departamentit të mjedisit në PD, Jamarbër Malltezi ka mbajtur një deklaratë pë...
Jamarbër Malltezit TIRANË- Gjykata e Lartë ka rrëzuar këtë të marte rekursin e Jamarbër dhe Argita Malltezit pë...
Taulant Balla TIRANË- Kreu i Grupit Parlamentar të PS-së, Taulant Balla ka folur për qëndrimet publike të Braçe d...
Albulena Haxhiu Kryetarja e Kuvendit të Kosovës, njëherësh ushtruesja e detyrës së presidentit, Albulena Haxhiu, tha se &eum...
Alqi Bllako TIRANË- Ish-deputeti i Partisë Socialiste, Alqi Bllako, është paraqitur ditën e sotme në ambientet e GJKKO-...
Gazment Bardhi TIRANË- Kreu i grupit parlamentar të PD-së Gazment Bardhi, akuzoi qeverinë se po bllokon në mënyr&eu...
Gledis Nano dhe Edi Rama TIRANË- Qeveria Shqiptare ka refuzuar të zbatojë vendimin e Gjykatës në lidhje me padinë e ish-...
TIRANË- Sekretariati i Etikës së Kuvendit ka marrë vendimin që të përjashtojë me 20 ditë deputetin e Partis...
TIRANË- Partia Socialiste ka rrëzuar në Konferencën e Kryetarëve dy kërkesa të opozitës për ngritjen e komis...
