6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Një tjetër pikë që ai komentoi ishte edhe takimi i presidentit ukrainas, Volodymyr Zelensky me Presidentin serb, Aleksandër Vuçiç. Në samit, Serbia nuk iu bashkua vendeve perëndimore për sanksione ndaj Rusisë. Pavarësisht qëndrimit të Serbisë, Zhovkva thotë se Zelensky e ka falenderuar udhëheqësin e Serbisë për ndihmën humanitare dhe financiare, si dhe për strehimin e qytetarëve ukrainas që prej agresionit
TIRANË- Igor Zhovkva, këshilltari diplomatik i Presidentit ukrainas Volodymyr Zelenskit, ka zbuluar detaje nga samiti i mbajtur dy javë më parë në Tiranë. Në samit morën pjesë liderë europianë dhe vetë presidenti ukrainas. Temat e diskutuara në samit përfshinë çështjet e sigurisë dhe ndërhyrjes ruse në Ballkan gjithashtu njohjen e Kosovës nga Ukraina dhe marrëveshjen për bashkëprodhimin e municioneve në Shqipëri.
Në intervistën e tij për Tirana News, Zhovkva tha se nuk ekziston asnjë lloj mosmarrëveshjeje midis Ukrainës dhe vendeve të Ballkanit Perëndimor, në lidhje me ritmin e integrimit të secilit vend në BE. Ai tha se Ukraina e mbështet integrimin e Ballkanit Perëndimor në BE.
“Sipas këndvështrimit tim ky Samit ishte një sukses i vërtetë. Më lejoni t’ju kujtoj se ky ishte samiti i dytë i një formati të tillë. Samiti i parë u mbajt vitin e kaluar në Athinë dhe këtë herë në Tiranë, midis Ukrainës dhe vendeve të Ballkanit Juglindor. Në këtë format për ne ishte shumë e rëndësishme të ishim në Tiranë dhe të takoheshim me udhëheqësit. Presidenti Zelensky pati mundësinë të takonte personalisht liderët e rajonit dhe të fliste me secilin prej tyre për çështje shumë të rëndësishme. Midis çështjeve që u diskutuan në Samit që më pas u pasqyruan në një deklaratë të miratuar ishte sigurisht çështja e vendosjes së paqes në Ukrainë. Ne diskutuam për formulën e paqes dhe Samitin e Paqes që do të mbahet në Zvicër. Sigurisht që diskutuam se si mund të bashkojmë përpjekjet për integrimin në Bashkimin europian.
Në Ukrainë ndonjëherë dëgjojmë se ekziston një mosmarrëveshje midis Ukrainës dhe vendeve të Ballkanit Perëndimor, në lidhje me ritmin e integrimit të secilit vend në BE. Rezultoi se kjo ishte diçka krejt e pavërtetë sepse kur presidenti Zelensky foli me kryeministrin e Shqipërisë apo me udhëheqësisht e Maqedonisë së Veriut apo me presidentin e Malit të Zi secili prej tyre mbështeti përpjekjet e Ukrainës drejt integrimit në BE, si dhe hapat e ardhshëm të Ukrainës për të miratuar në kuadrin e negociatave për Ukrainën. Pra e kuptojmë qartazi se nuk ekziston asnjë mosmarrëveshje midis Ukrainës dhe Ballkanit Perëndimor. Nga ana jonë, ne mbështesim integrimin e mëtejshëm të Ballkanit Perëndimor në Bashkimin Evropian. Dhe vendet e Ballkanit Perëndimor mbështesin Ukrainën”, u shpreh Zhovkva.
Këshilltari diplomatik foli edhe për idenë e propozuar e bashkëprodhimit të municioneve mes Ukrainës dhe Shqipërisë. Ai tha se nisja e këtij bashkëprodhimi është i nevojshëm jo vetëm për Ukrainën po dhe për vendet e tjera.
“Ne e kemi ndjerë menjëherë mbështetjen e kryeministrit tuaj, të vendit tuaj dhe të popullit tuaj ndaj Ukrainës dhe popullit ukrainas që prej fillimit të agresionit të hapur të Rusisë. Faleminderit për mbështetjen humanitare dhe për mbështetjen e njerëzve tanë. Ajo çfarë kupton çdo vend në rajonin e Evropës dhe sigurisht përfshirë këtu Shqipërinë dhe kryeministrin shqiptar, është se në ditët e sotme duhet të kontrollojmë sigurinë, cilat janë kushtet e sistemit të sigurisë në vendet tona.
Por Ukraina po lufton me drejtësi dhe po e ndalon agresionin të avancojë më tej në vendet evropiane. Ne do ta bëjmë këtë gjë duke përdorur armët tuaja, artilerinë tuaj dhe municionet tuaja. Por ajo që është e rëndësishme është nisja e këtij bashkëprodhimi. Nisja e këtij prodhimi shtesë që është i nevojshëm jo vetëm për Ukrainën, por dhe për vendet e tjera. Kjo sepse çdo vend duhet të kontrollojë zhvillimet në sigurinë, ushtrinë dhe mbrojtjen e tyre. Duke ndërlidhur dhe bashkuar përpjekjet tona ne do ta bëjmë këtë gjë edhe më efektive. Po ne do të prodhojmë armë dhe municione të reja për të cilat Ukraina ka nevojë në fushëbetejë, por në fund të fundit, vendet tuaja do të kenë nevojë për këto armatime për të qenë më të mbrojtur, më të përgatitur”, u shpreh Zhovkva.
Një tjetër pikë që ai komentoi ishte edhe takimi i presidentit ukrainas, Volodymyr Zelensky me Presidentin serb, Aleksandër Vuçiç. Në samit, Serbia nuk iu bashkua vendeve perëndimore për sanksione ndaj Rusisë. Pavarësisht qëndrimit të Serbisë, Zhovkva thotë se Zelensky e ka falenderuar udhëheqësin e Serbisë për ndihmën humanitare dhe financiare, si dhe për strehimin e qytetarëve ukrainas që prej agresionit
“Ky nuk është takimi i parë midis Presidentit Zelensky dhe Presidentit Vuçiç. Ata patën një takim edhe në Samitin e parë, por në Tiranë ata patën një takim shumë të mirë dhe produktiv dhe të frytshëm. Sigurisht që diskutuam për agresionin rus ndaj Ukrainës dhe ne e ndjejmë në mënyrë absolute mbështetjen e Serbisë ndaj Ukrainës përsa i përket integritetit territorial dhe sovranitetit. Nuk diskutuam për sanksionet ndaj Rusisë. Të gjithë e dinë pozicionin e Serbisë, por presidenti Zelenski e falenderoi udhëheqësin e Serbisë për ndihmën humanitare dhe financiare, për strehimin e qytetarëve ukrainas që prej agresionit.”, tha Zhovkva.
sali berisha TIRANË- Lideri i opozitës Sali Berisha tha për mbështetësit e tij se duhet të interesohen se çfarë p...
sali berisha TIRANË- Ish-kryeministri Sali Berisha tha mbrëmjen e sotme se paratë që mblidhenin nga taksat e qytetarëve, gjat&eum...
sali berisha TIRANË- Kreu i PD-së, Sali Berisha në fjalimin e tij para mbështetësve të mbledhur poshtë ...
myslim murrizi TIRANË- Ish-deputeti i Partisë Demokratike, Myslim Murrizi ka ironizuar disa nga deputetët e opozitës, të cilë...
belind kellici TIRANË- Anëtari i Kryesisë së PD-së, Belind Këlliçi ka në një deklaratë sot për me...
Ina Zhupa SHKODËR- Deputetja e Partisë Demokratike, Ina Zhupa ka nisur një tur takimesh për të diskutuar mbi dëmin dhe pasoja...
TIRANË- Në procesin e integrimit të Shqipërisë në BE shpesh pyesim veten sesi ne mund të jemi pjesë e Europës, du...
Bardhi dhe Tabaku TIRANË- Partnerët perëndimorë të Shqipërisë përshëndetën rikthimin në normalitet t...
Edi Rama TIRANË- Kryeministri Edi Rama do të mbledhë ditën e nesërme asamblenë e Partisë Socialiste. Mësohet se mbl...
Ambasada Gjermane TIRANË- Ambasada gjermane në Tiranë ka reaguar pas dakordësimit mes PD-së dhe PS-së për ngritjen e dy...
