E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Artan Gaçi sakrifikoi nga jeta partiake duke i hapur rrugë bashkëshortes, por martesa mes të dyve u rikthye prap si problem për partinë 5 vjet më pas.
Pas dasmës me Artan Gaçin në vitin 2014 kur socialistët sapo kishin marrë pushtetin, Olta Xhaçka rrëfeu se miqësia mes çiftit u lidh “në ditët e vështira të grevës së urisë e protestave të shumta të opozitës në atë kohë, mes përpjekjesh pa fund për të vendosur drejtësi”. Partia atëherë bëri një sy qorr e një vesh shurdh, sepse i duheshin sakrificat e të dyve, por pas ardhjes në pushtet gjërat nuk qenë më njësoj.
Largimi i njërit prej tyre u nxit përmes Kodit Etik brenda në PS në vitin 2016, që nuk i lejonte dy të martuar të ishin bashkë në Asamblenë Kombëtare. Artan Gaçi sakrifikoi nga jeta partiake duke i hapur rrugë bashkëshortes, por martesa mes të dyve u rikthye prap si problem për partinë 5 vjet më pas. Artan Gaçit u shpall investitor strategjik për një hotel me 5 yje që ai do të ndërtojë në Himarë, por vendimi kaloi edhe nga qeveria ku bën pjesë bashkëshortja e tij, Olta Xhaçka.
Deputetët e opozitës kërkojnë t’i hiqet mandati Xhaçkës, sepse është njësoj sikur ajo të ketë marrë vendim që të përfitojë vetë nga shfrytëzimi i plazhit në Himarë.
Por sipas saj, e gjitha është një “furtunë në gotë”, sepse bashkëshorti i saj nuk ka përfituar asgjë më shumë se qindra biznesmenë të tjerë që kanë hotele në plazh, të drejtën për të vendosur zhezlona.
Por veprimet e të dyve ngrenë pikëpyetje se çifti ishte i vetëdijshëm për konfliktin e interesit, e megjithatë nuk u ndal.
E para, pse u përdor kunata e Olta Xhaçkës?
Brigjet e detit iu dhanë në përdorim për 30 vjet kompanisë “AGTTC Hotel Management” kompania në pronësi të shtetases amerikane, Taëni Lin Grzych-Sutton. Kjo është partnerja e Andi Xhaçkës, vëllait të ministres. Çfarë e kompromenton pozicionin e ministres ështës deklarata e bashkëshortit të saj, Artan Gaçit, sipas të cilit kompania në fjalë u fut për të shmangur konfliktin e interesit, sepse në të vërtetë investitori strategjik ishte vetë ai.
“Unë jam investitor strategjik dhe po ndërtoj një hotel, nuk po ndërtoj vila siç bëjnë të tjerët,” tha Gaçi për BIRN dhe shtoi se sipas ligjit, “më takon zona e plazhit përballë hotelit për të vënë shezlongët”.
“Por, pikërisht për të shmangur këtë konflikt interesi, unë gjeta një kompani tjetër me përvojë në këtë fushë, e cila do të marrë në menaxhim hotelin dhe plazhin dhe unë jam thjesht investitori,” shjegoi Gaçi. “Kam folur me shumë juristë për këtë,” shtoi ai, ndërsa pranoi se kompaninë e Tawni Lin Grzych-Sutton e ‘ka përzgjedhur ai.’
E dyta, pse Xhacka nuk mori pjesë në mbledhjen e qeverisë kur u mor vendimi?
Vetë Xhaçka betohet se nuk ka asnjë konflikt interesi në dhënien e statusit të investitorit strategjik, por ajo nuk mori pjesë në mbledhjen e qeverisë kur u mor vendimi për hotelin në pronësi të të shoqit. Këtë e zbuloi Elisa Spiropali, kur debatoi me deputetin Agron Shehaj.
“Sa i takon mbledhjes së këshillit të ministrave, znj Xhaçka ka njoftuar që të mos marrë pjesë në shqyrtimin e këtij vendimi për të mos ndikuar, edhe sikur të merrte pjesë. Një individ nuk ndikon dot një vendim kolegjial. Heqja dorë nga mbledhja garanton shmangien nga konflikti i interesit. Si Xhaçka edhe Gaçi janë persona publikë, nuk po e shpikni ju rrotën,”- u shpreh Spiropali në seancë.
Por a shmanget konflikti i interesit nëse ministrja nuk paraqitet në mbledhjen e qeverisë ku merret vendim që të përfitojë familja e saj? Thjesht fakti që nuk shkoi në mbledhje, nuk e përjashton ministren nga përgjegjësia.
E treta, pse i duhej statusi si investitor strategjik, kur nuk pati asnjë përfitim nga prona shtetërore?
Shpallja si investitor strategjik ka disa përfitime për biznesin. Xhaçka këto i mohon kategorikisht. Ajo shpjegon se statusi i investitorit strategjik i duhej për shfrytëzimin e plazhit përballë hotelit për klientët, një kontratë “njësoj si 1356 subjekte të tjera, që shërbejnë në industrinë e turizmit, me të njëjtat tarifa si të tjerët dhe këtë të drejtë do ta kishte edhe pa status të investitorit strategjik”.
Pyetja është, pse do t’i duhej angazhimi i qeverisë, përfshirja e familjarëve, rreziku për t’u gjetur në konflikt interesi, nëse Gaçi do të përfitonte diçka që e përfitojnë edhe qindra hotele të tjera në bregdet?
E katërta, pse i duhet Ramës ta ndryshojë ligjin kur nuk ka konflikt interesi në rastin Xhaçka-Gaçi?
Kryeministri Rama nuk pranoi asnjë nga akuzat për Olta Xhaçkën sot, por shefi i qeverisë tha se për të “do të vendosin institucionet”. Rama u tregua i rezervuar dhe për pak kaloi në një “mea culpa” për mbledhjen e qeverisë, ku i ka dhënë Artan Gaçit statusin e investitorit strategjik. Madje mazhoranca do të ndryshojë ligjin për investitorët strategjikë. për të shmangur hamendësimet në lidhje me konfliktin e interesit.
“Është një diskutim, i cili ka një vlerë, mendoj unë, për investimet strategjike, për të bërë një rishikim të gjithë kuadrit,”-ka thënë Rama. Ndryshimet ligjore që paralajmëron kryeministri vijnë si reflektim. Por nëse ka reflektim, ka edhe gabime.
Opozita kërkon t’i hiqet mandati i deputetit Olta Xhaçkës, bazuar në nenin 35 të parandalimit të konfliktit të interesit. Në pikën dy thuhet: “Në rast se aksionet apo pjesët në kapital janë të regjistruara në emrin e personit të lidhur, ato vlerësohen njëlloj si të ishin të regjistruara në emër të vetë zyrtarit”.
Pra ligji konsideron se favoret e investitorit strategjik i përfitoi direkt Olta Xhaçka. Në mbledhjen e Këshillit të Mandateve u tha edhe se biznesi i familjes Gaçi-Xhaçka kishte përfituar nga TVSH e ulët vetëm 5% në biznesin e hotelit me 5 yje në Himarë. Pas këtyre, ra në sy reagimi i drejtpërdrejtë i deputetit të Lushnjës, Saimir Korreshi që kërkoi që gruaja e tij të shpallej investitore strategjike: “Nëse, është normale që bashkëshorti i një deputete të marrë tokë publike të vendosë shezlone, nuk përbën shkelje, na thoni ku merret leja se akoma nuk ka marrë rrogën nusja ime, po qe të bëjmë ndonjë investim strategjik, se merr 400 mijë lekë, mbaron shpejt ajo, të paktën të bëjmë nja dy shezlone të mbarojmë plazhin”./Lapsi.al
Aleksandër Çipa TIRANË- Unioni i Gazetarëve ka reaguar pasi kryeministri Rama çoi për “riedukim” gazetarin e...
Pamje nga ceremonia GJIROKASTËR- Valle dhe hare në tunelin e rrugës Kardhiq-Delvinë! Qytetarë të shumtë janë mbledh...
Jola Hysaj TIRANË-Partia Demokratike ka reaguar ditën e sotme në lidhje me debatin e zhvilluar ditën e djeshme mes kryeministrit Rama d...
Erdi Jorgoni TIRANË- Protesta e opozitës e thirrur për në datë 7 korrik para kryeministrisë duket se do të bëj...
korrik 1990 TIRANË-Presidenti I Republikës Ilir Meta ka përkujtuar sot 2 korrikun e vitit 1990 ku një grup shqiptarësh me në ...
Flutura Açka dhe Edi Rama TIRANË- Deputetja e Partisë Demokratike, Flutura Açka ka reaguar në lidhje me debatin që p...
Edi Rama KUKËS- Kryeministri Edi Rama e ka nisur mëngjesin e sotëm duke shpërndarë disa pamje nga aeroporti i Kukësit ku ...
Olaf Scholz TIRANË- Kryeministri Edi Rama ka shpikur një metodë të re, të padëgjuar që i jep mundësinë të...
Briseida Shehaj TIRANË- Nënkryetarja e LSI-së në Tiranë Brisida Shehaj, ka konfirmuar pjesëmarrjen e saj në protestë...
Sali Berisha TIRANË- Kryedemokrati Sali Berisha shkruan se personi që u vu sot në krye të degës së Partisë Socialiste n&...
