Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Meta thekson se tërheqja nga projekti i “Ballkanit të Hapur” është një vendim shumë i vonuar, që prodhoi kontradikta të forta mes Shqipërisë dhe Kosovës.
TIRANË- Kreu i Partisë së Lirisë, Ilir Meta, ka komentuar ‘mbylljen’ e Ballkanit të Hapur të komunikuar nga vetë kryeministri Edi Rama. Me anë të një statusi në rrjetet sociale, ai thekson se tërheqja nga projekti i “Ballkanit të Hapur” është një vendim shumë i vonuar, që prodhoi kontradikta të forta mes Shqipërisë dhe Kosovës. Ai e cilëson si një nismë jotransparente dhe përçarëse që i shërbente dominimit të një vendi në dëm të vendeve të tjera në rajon, si dhe të forcimit të autokracisë kundër demokracisë për interesa politike të ditës.
Postimi i plotë
MISIONI I “BALLKANIT TË HAPUR” KA MBARUAR, POR JO I “KALIT TË TROJËS”.
Tërheqja nga projekti përçarës dhe përjashtues i “Ballkanit të Hapur” është një vendim shumë i vonuar, që vetëm prodhoi kontradikta të forta mes Shqipërisë dhe Kosovës dhe nuk solli asnjë rezultat tjetër.
Qysh në krye të herës, në vitit 2019, kur u prezantua si projekt me emërtesën “Mini-Shengeni Ballkanik” dhe në vijim, në mënyrë konsistente, gjatë ushtrimit të detyrës së Presidentit të Republikës dhe më pas, kam denoncuar se kjo nismë që ringjallte fantazmën e Jugosllavisë dhe të Millosheviçit, si dhe projektet ogurzeza të ndryshimit të kufijve ishte shumë rrezikshme për paqen, stabilitetin dhe sigurinë në rajon, nuk bazohej në rregullat, parimet, liritë dhe vlerat e Bashkimit Europian, dhe si e tillë kam paralajmëruar se nuk mund të ishte jetëgjatë.
Kjo nismë jotransparente dhe përçarëse që i shërbente protagonizmit dhe dominimit të një vendi në dëm të vendeve të tjera në rajon, si dhe të forcimit të autokracisë kundër demokracisë për interesa politike të ditës, vetëm efekte negative mund të kishte dhe të tilla pati.
Për shkak të këtyre qëndrimeve, që u pasuan nga një sërë sulmesh, akuzash dhe nismash kundër Institucionit të Presidentit, pohova në 12 shkurt të vitit 2022 se: “Nuk më duan President dhunuesit e të drejtave të shqiptarëve, kush synon ndryshimin e kufijve të Kosovës dhe kush është pro ‘Ballkanit të Hapur’”.
Kjo deklaratë e imja vinte sepse isha i shumë i bindur dhe gjithmonë kam mbështetur në mënyrë të palëkundur “Procesin e Berlinit”, si një nismë gjithëpërfshirëse të përkrahur qartë nga të 6 vendet.
Kjo nismë ka dhënë rezultate konkrete, pasi jo vetëm shoqërohet me garancitë dhe mbështetjen financiare të BE, që ka ngritur edhe mekanizma zbatues dhe monitorues, por edhe sepse “Procesi i Berlinit” mbështet krijimin e një tregu të përbashkët rajonal të bazuar në katër liri, fuqizon procesin e zgjerimit, duke i përshtatur reformat e kërkuara me mbështetje financiare, krejtësisht ndryshe nga “Ballkani i Hapur”, që paraqitej thjesht si një alternativë paralele ndaj anëtarësimit në BE duke e tjetërsuar rajonin tonë në një komunitet politik hibrid.
Çdo proces që ka BE-në brenda saj përfaqëson vullnetin e vendeve tona.
Çdo proces që copëton BE-në përfaqëson frikën politike të liderëve autokratikë për humbjen e pushtetit të tyre dhe është i destinuar të dështojë siç ndodhi me “Ballkanin e Hapur”.
Vendimet e befta të njëanshme dhe të mbushura me propagandë dhe retorikë, në funksion të politikës së ditës dhe përfitimeve personale të çastit sjellin vetëm dëme të mëdha e afatgjata dhe fatkeqësisht Kryeministri dhe Qeveria e Shqipërisë e ka ndjekur këtë rrugë.
Ndaj duhet të bëjmë kujdes sepse vërtet misioni i “Ballkanit të Hapur” ka mbaruar, por jo i “Kalit të Trojës”.
Është jetike që Shqipëria dhe Kosova të jenë të bashkuara dhe në koordinim të plotë të qëndrimeve të tyre, duke tërhequr sa më shumë mbështetjen e BE, NATO-s dhe SHBA.
Vitalizimi i “Procesit të Berlinit” është vendimtar për arritje të reja të bashkëpunimit rajonal dhe anëtarësimin në BE të vendeve të Ballkanit Perendimor.
E ardhmja e rajonit tonë është te marrëveshjet e drejta, transparente, që konkretizojnë integrimin europian, i hapin rrugën fqinjësisë së mirë, ku asnjë fqinj nuk e dominon tjetrin dhe konsolidojnë arritjet e deritanishme në funksion të paqes, stabilitetit dhe sigurisë në rajon, ku Shqipëria dhe Kosova janë faktor kyç.
Alfred Balla TIRANË- Nga foltorja e Kuvendit, kreu i Këshillit të lartë të Prokurorisë, Alfred Balla i është pë...
Altin Dumani TIRANË- Kreu i Prokurorisë së Posaçme Antikorrupsion, Altin Dumani, ka paraqitur këtë të h&eu...
Olsian Çela TIRANË- Prokurori i Përgjithshëm, Olsian Çela, prezantoi raportin e veprimtarisë vjetore për ...
Naureda Llagami TIRANË- Gjatë raportimit në Kuvendin e Shqipërisë, kryetarja e Këshillit të Lartë Gjyqësor, Na...
Altin Dumani TIRANE- Kreu i SPAK, Altin Dumani, prezantoi sot në Kuvend raportin vjetor 2022 të institucionit që ai drejton. Kreu i Pr...
Sali Berisha TIRANË- Kryetarit të PD-së, Sali Berishës, ia ka marrë vemendjen për pak çaste telefoni, ndërsa n&e...
Perplasje ne Kuvend TIRANË- Kryeparlamentarja Lindita Nikolla, pati një përplasje pak çaste më parë në Kuvend me depu...
Taulant Balla TIRANË- Kryetari i grupit parlametar të PS-së, Taulant Balla, në një prononcim të shkurtër për media...
Albana Vokshi TIRANË- Deputetja e Partisë Demokratike, Albana Vokshi, i kërkoi drejtueses së seancës Ermonela Felaj të jepte ...
Jorida Tabaku dhe Taulant Balla TIRANË- Deputetja demokrate Jorida Tabaku ka kërkuar ditën e sotmme ndryshim të rendit të ditë...
