Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Deputeti Tedi Blushi, në tryezën për shëndetësinë, ka denoncuar degradimin e thellë të sistemit shëndetësor në Shqipëri dhe mungesë të garantimit të shërbimit për qytetarët.
TIRANË- Sekretari i Përgjithshëm i Partisë së Lirisë, Tedi Blushi ka prezantuar sot disa propozime nw lidhje me menaxhimin e sistemit shëndetësor në vend. Deputeti Tedi Blushi, në tryezën për shëndetësinë, ka denoncuar degradimin e thellë të sistemit shëndetësor në Shqipëri dhe mungesë të garantimit të shërbimit për qytetarët.
Ai ka akuzuar qeverinë se ka ndërtuar një sistem ku pacientët përballen me mungesë ilaçesh jetike, sidomos për sëmundjet onkologjike. Blushi ka theksuar se, sipas të dhënave dhe rasteve të paraqitura, shumë të sëmurë detyrohen të përballen me trajtime të pamjaftueshme ose të pasigurta.
Blushi ka ngritur shqetësimin për rritjen e kostove të fshehura dhe barrës financiare mbi pacientët në sistemin publik. Sipas tij, situata aktuale kërkon ndërhyrje urgjente dhe ndryshim rrënjësor të mënyrës së funksionimit të shëndetësisë.
Deklarata e Plotë:
Premtim-mashtrimi më i madh dhe më shkatërrimtar i “Rilindjes” për “shëndetësinë falas” e ka renditur sot Shqipërinë, të fundit në rajon për nivelin më mizerabël të përkujdesit shëndetësor, duke lënë pas edhe shumë shtete afrikane si Trinidad Tobago, Nepalin apo Ganën. Sot, në vend të një sistemi që mbron jetën, shëndetin dhe dinjitetin e qytetarëve, Shqipëria përballet me një realitet alarmant. Mjekësinë që në themel ka humanizmin, “Rilindja” e degradoi në pazar për shëndetin dhe jetën, një shëndetësi që funksionon sipas parimit kriminal “paguaj ose vdis”.
Spitali Onkologjik është shembulli më i dhimbshëm dhe më tragjik, ku pacientët me sëmundje të rënda përballen jo vetëm me ankthin dhe mungesën e shërbimit dinjitoz, por me rrezikun real të kërcënimit të jetës. Çdo vit kemi rreth 7 mijë raste të reja me kancer. Çdo ditë në Onkologjik hyjnë mbi 100 pacientë, për të cilët kjo qeveri ofron vetëm 19 poltrona për kimioterapi, ndërkohë që Kosova ka 100 të tilla. Pacientët bëjnë kimioterapi në karrige, 6–8 orë, me dhimbje dhe në mënyrë çnjerëzore. 46% e barnave të kancerit nuk kanë hyrë asnjëherë në Shqipëri, 116 barna tumorale, jetike për pacientët me kancer, nuk janë importuar asnjëherë në periudhën 2021–2025.
Mungon Avastina, një ilaç jetik për këta të sëmurë! Situata me furnizimin me ilaçe është skandaloze. Pacientët trajtohen me barna të skaduara. Dhe ky është krim shtetëror, jo kujdes shëndetësor. Po sjell në vëmendjen tuaj edhe një tjetër rast tragjik. Në 19 shkurt të vitit të kaluar, i ndjeri Ardit Rapushi, 35-vjeç, u shtrua për vizitë dhe trajtim mjekësor në Qendra Spitalore Universitare “Nënë Tereza”. Sipas babait të tij, për katër ditë me radhë, familjarëve iu mohua e drejta elementare për ta vizituar, pa asnjë shpjegim ligjor apo mjekësor.
Katër ditë më pas, familja, sipas babait të tij, njoftohet se djali i tyre kishte humbur jetën në spital. Pra, për katër ditë të tëra, trupi i pajetë i një qytetari është mbajtur i fshehur nga familja, pa njoftim, pa transparencë dhe pa asnjë shpjegim. Edhe më tronditës është fakti se pas më shumë se një viti, familja Rapushi nuk ka marrë ende kartelën klinike të plotë, as dokumentacionin zyrtar që shpjegon shkaqet reale të vdekjes. Ky është sistemi kriminal shëndetësor që ndërtoi Edi Rama, çimentoi Ilir Beqja, perfeksionoi Ogerta Manastirliu, e përsosi Albana Koçiu dhe po e lartëson Evis Sala. Spitalet publike dhe qendrat shëndetësore janë kthyer sot në ambiente ku qytetarët hyjnë me shpresë për shërim dhe dalin me zhgënjim, duke paguar kosto të pamerituara dhe në shumë raste tragjike, duke humbur edhe jetën.
Mungesa e barnave, korrupsioni i përhapur, tarifat e fshehura dhe braktisja e sistemit nga mjekët e infermierët kanë rrënuar çdo standard minimal të kujdesit shëndetësor dhe kjo nuk është më thjesht krizë, por një kolaps i mirëfilltë dhe i qëllimtë, pjesë e axhendës antikombëtare për shpopullimin e vendit. Të dhënat e bëra publike nga “NUMBEO”, rrjetit mbarëbotëror që merr në shqyrtim cilësinë e përgjithshme të jetesës, tregon se aktualisht vendi ynë renditet i 93 në botë ndër 100 vende sa i përket kujdesit shëndetësor, me 48.1 pikë duke humbur një vend, krahasuar me vitin 2025, kur ndodheshim në vendin e 92 në botë me 48.2 pikë dhe kemi humbur 17 vende në raport me vitin 2013 kur “Rilindja” erdhi në pushtet dhe kur sa i përket renditjes botërore për kujdesin shëndetësor, Shqipëria mbante vendin e 76 në botë.
Ky fakt nuk përbën asnjë surprizë por është konfirmim i qëndrimeve shumë të drejta të Partisë së Lirisë për degradimin e shëndetësisë nëpërmjet plaçkitjes së fondeve me koncensione, korrupsionit të tmerrshëm, si dhe klientelizmit që ka destrukturuar sistemin shëndetësor. Njësoj si afera e inceneratorëve edhe koncensionet e shëndetësisë vetëm gllabërojnë lekët e shqiptarëve, që përfundojnë në xhepat e Edi Ramës dhe oligarkëve pranë tij. Në vend të investonin për rritjen e pagave të mjekëve dhe infermierëve, që të mos iknin masivisht nga Shqipëria, si dhe t’u siguronin shqiptarëve një shërbim shëndetësor dinjitoz, me kosto të ulta dhe me standarde, Edi Rama, vendosi t’u jepte miliona euro klientëve të Qeverisë, për të mbushur së bashku xhepat e tyre.
Shëndetësia është sot më keq se kurrë sepse koncensionet dhe PPP-të u ideuan nga Edi Rama si mjet për zhvatjen e shqiptarëve. Partia e Lirisë është e vendosur të anulojë koncensionet korruptive në sistemin shëndetësor dhe që çdo pasuri dhe qindarkë të grabitur nga Edi Rama dhe ministrat e tij t’u kthehet shqiptarëve! Rezultati më dramatik i “shëndetësisë falas” është gjithashtu fakti që sot shqiptarët, qytetarët më të varfër të Europës, sipas Organizatës Botërore të Shëndetësisë dhe Bankës Botërore paguajnë rreth 60% të shpenzimeve nga xhepi ose mbi 750 milion euro në vit, si dhe pagesa e mbi 300 milion euro gjatë pandemisë Covid-19.
Ndërkohë që në spitalet duke filluar nga QSU mungon shërbimi dinjitoz, bëhet tregti edhe me ilaçet për sëmundjet tumorale, aparaturat nuk funksionojnë, spitalet marrin flakë dhe qindra ilaçe mungojnë në farmacitë e vendit. Në mbështetje të 5 Prioriteteve madhore për 4 milion shqiptarë plus, deputetët e Partisë së Lirisë në Kuvendin e Shqipërisë përgatitën me shumë përgjegjshmëri, në bashkëpunim me ekipin e mrekullueshëm të mjekëve, edhe amendamente për Buxhetin 2026, që u rrëzuan nga kjo shumicë që kurrë nuk e ka patur prioritetin interesin publik. Ne propozuam një shtesë 7.5 miliard lekë për Shëndetësinë, me destinacion mbështetjen e listës së barnave të rimbursueshme dhe kujdesit dytësor, si edhe një shtesë 2.5 miliard lekë për trajtimin me barnat e domosdoshme dhe aparatura për sëmundjet onkologjike, si përgjigje për tragjeditë, në kufijtë e krimeve kundër njerëzimit, që po përjetojnë mijëra të sëmurë dhe familjet e tyre në spitalin onkologjik.
Për Partinë e Lirisë, shëndetësia është objektiv madhor ndaj ne angazhohemi: Të rritim shpenzimet për Shëndetësinë në mesataren e rajonit në nivelin 6% të Prodhimit të Brendshëm Bruto. Të dyfishojmë pagat e mjekëve dhe infermierëve duke i dhënë fund largimit dramatik të tyre nga vendi. Të sigurojmë pasurimin e tregut të barnave me shumë më tepër ilaçe se sa aktualisht, si dhe t’i japim goditje asgjësuese kontrabandës, duke krijuar të gjithë premisat për rikthimin e kompanive farmaceutike prestigjioze brand-name në Shqipëri. Të konsolidojmë dhe zbatojmë Sistemin e Referimit për t’i dhënë fund kaosit, radhëve shumë të gjata dhe pritjes me muaj të tërë i pacientëve si dhe korrupsionit që gjeneron ky kaos.
Të bllokojmë të gjitha koncesionet korruptive në shëndetësi, që rrëmbejnë taksat e shqiptarëve. Ringritje e shërbimit cilësor të Mjekut të Familjes dhe Shërbimit Parësor në tërësi. Të kryejmë Hartimin e Plan-Veprimeve Kombëtar për parandalimin dhe trajtimin e sëmundjeve me vdekshmëri të lartë, sëmundjet e zemrës dhe tumorët, të shoqëruara me Plan-Financimin e çdo etape. Të realizojmë me vendosmëri autonominë e shërbimit spitalor si rruga e vetme për një shëndetësi efikase në të gjithë vendin dhe pranë qytetarit. Të realizojmë Plan-Veprimin Kombëtar kundër pandemive me një vend të veçantë për edukimin dhe parandalimin.
Decentralizimin e kompetencave të Ministrisë së Shëndetësisë për të ofruar shërbimin sa më pranë banesës të qytetarëve dhe për të fuqizuar sistemin shëndetësor në të gjithë territorin. Gjithashtu ne kemi edhe 6 propozime për të ulur kostot financiare për pensionistët për barnat dhe shërbimet shëndetësore.
-Mbulim i plotë financiar të të gjithë barnave, që përdoren nga pensionistët dhe të përshkruara me recetë mjekësore.
-Mbulim i të gjitha shërbimeve mjekësore dhe të infermierisë në banesë për pensionistët me probleme shëndetësore.
-Dhënia e shërbimit mjekësor me prioritet për pensionistët për evitimin e pritjeve të gjata në qendra shëndetësore apo spitale.
-Sigurimi i shërbimeve mjekësore pa pagesë për reabilitimin dhe fizioterapinë për pensionistët me sëmundje invalidizuese.
-Sigurimi pa pagesë të materialeve mjekësore të trajtimit të pacientëve pensionistë në banesë si dhe të artikujve mjekësor (paterica, karroca, shtretër ortopedikë), që mundësojnë lëvizjen dhe pavarësimin jetësor të pensionistëve.
-Zbatimin e detyruar të protokolleve të geriatrisë në qendrat shëndetësore për pacientët pensionistë.
Tryeza e Partisë së Lirisë për Shëndetësinë është sot një platformë publike që me propozime konkrete do ta përmirësojnë shëndetësinë si për qytetarët ashtu edhe për personelin shëndetësor. Falenderim për të gjithë specialistët, ekspertët dhe kandidatët tanë për mendimet dhe propozimet e tyre shumë të çmuara. Ne kemi kapacitetet e duhura profesionale të përkushtuara plotësisht për të kontribuar për një shërbim shëndetësor me standarde dhe sa më pranë qytetarëve.
Në një shtet ku digjen 90 mijë euro në ditë për një incenerator që nuk ekziston, por mungojnë 75 mijë euro për pajisje që shpëtojnë jetë në Onkologjik; Në një vend ku qytetarët detyrohen të zgjedhin mes ilaçeve dhe ushqimit; Ku mjeku dhe infermieri poshtërohen; ndërsa klientët e pushtetit pasurohen nga paratë tona; Protesta nuk është zgjedhje, por detyrë kombëtare./Dosja.al
Takimi TIRANË- Kryetari i Partisë Demokratike Sali Berisha, zhvilloi një takim me studentë të shkollës franceze, Sciences Po,...
Erion Veliaj TIRANË- Janë zbardhur diskutimet e zhvilluara në Gjykatën Administrative për padinë e kryebashkiakut të Ti...
Marta Kos BRUKSEL- Komisionerja për Zgjerim e BE-së, Marta Kos ka dalë kategorisht kundër iniciativës së përbashkët...
Edi Rama TIRANË- Kryeministri Edi Rama ka komentuar sot zjarrin që ka rënë në pallatin e kompleksit 'Arlis' pranë QSUT-së...
Edi Rama TIRANË- Kryeministri Edi Rama ka komentuar ditën e sotme vizitat në Spanjë dhe Itali gjatë ditëve të fundi...
Sekretari i pergjithshem LIBAN- Sekretari i përgjithshëm i Hezbollahut ka renditur atë që ai mendon se duhet të ndodhë pas ar...
Spraji me piper TIRANË- Lideri i opozitës, Sali Berisha deklaroi ditën e sotme se ndaj protestuesve të opozitës është p...
Foto ilustruse Zyrtarëve publikë në Kosovë, që dyshohen për pasurim të jashtëligjshëm, pritet t’iu verif...
Kur filloi lufta SHBA–Izrael kundër Iranit, qeveritë e Ballkanit Perëndimor evakuuan qytetarët e tyre nga pjesë të Lindjes...
Sali Berisha TIRANË- Kreu i PD-së Sali Berisha tha se Eric Adams, kryetari i Bashkisë së Nju Jorkut nuk ka ardhur për të...
