Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ahmetaj theksoi se ai nuk është "zar" i politikanëve si Berisha apo Rama ndërsa shtoi se familjarët e tij dhe miqtë e tij po "i masakrojnë".
TIRANË- Ish-zëvendëskryeministri Arben Ahmetaj pak ditë pas intervistës së tretë të bujshme ka folur lidhur me denoncimet e tij të fundit dhe nëse do të ketë një tjetër dalje të katërt. Ahmetaj ka realizuar mbrëmjen e sotme një lidhje live me emisionin "Çim Peka Live" në Syri Tv, ku fillimisht i është përgjigjur gazetarit Baton Haxhiu për akuzat dhe kritikat pas denoncimeve të bëra për aferat dhe korrupsionin e qeverisë.
Ish-numri 2 i qeverisë tha se gazetari nuk duhet të merret me akuza dhe ofendime ndaj tij, por duhet të fokusohet te dosjet korruptive, të cilat sipas tij janë "50 milionë dollarë te tuneli i Llogarasë, te Eko Parku, apo AKSHI ku një tjetër dosje 100 e ca milionë i ka ardhur si denoncim". Gjatë deklaratës, Ahmetaj tha se duke treguar për korrupsionet e qeverisë, nuk do të thotë se është "zari i Berishës". Ai e cilësoi veten si fenomen i "abuzimit të pushtetit, të korrupsionit të medias dhe varësisë së drejtësisë nga një njeri. Kam nxjerrë një dosje që kam arsyet e mia pse nuk i nxjerr".
"Unë kam shumë komente në raport me ato që tha Batoni por do t’i lë në pjesën e dytë. Batoni tha që unë do të deshifroja 50 milionshin. Unë e deshifrova 50 milionshin te pjesa e dytë me bilanc financiar të kompanive turke ku tregonte se nuk kishin sjellë asnjë makineri, kishin harxhuar qindarka për menaxhimin e projektit dhe analiza financiare tregonte në raport me atë që ka harxhuar dhe që është faturuar nga Gjoka Sh. A diferenca 50 milionë dollarë. Çfarë është kjo, nuk është deshifrim? Unë nuk jam 007. Unë jam një person që po tregon me gisht me të drejtë jo siç më treguan mua pa të drejtë me gjithë median. Une jam maskara? Se kam marrë çantën dhe fëmijën në kurriz dhe bredh rrugëve të botës se drejtësia e komanduar nxjerr urdhër arresti për 2 muaj?
Për sa i përket asaj që thotë Batoni, nuk do përdor gjuhën e Batonit se kam pasur miqësi, se atëherë nuk kam qënë maskara dhe i keq por gjithsesi tani jam bërë sipas Batonit. Unë edhe sikur të isha ‘zari i Berishës’, por që kam qënë kundërshtar, Batoni në dashamirësi më ka thënë kur u bëra ministër i Rindërtimit më ka thënë mos e merr se do të fusin në burg për këtë. I kam thënë Baton unë kam frikë nga ligji, kam ndërmend të ndihmojë njerëzit dhe të ndihmoj qeverinë dhe kur unë kam bërë ligjin nuk kam pranuar që brenda ministrisë time të mos kishte njesi prokurimesh dhe kam vendosur në ligj që do ta bëjë autoritetet kontraktore, bashkitë e qyteteve dhe Fondi Shqiptar i Zhvillimit dhe të gjitha kalonin nëpër komitetin e rindërtimit të përbërë nga 7-8 ministra dhe të gjitha kalonin me vendim qeveri dhe asgjë nuk kalonte në vullnetin tim personal. Unë nuk kam qënë zari i asnjërit. Do i sygjeroja Batonit që të fokusohej te 50 milionshi, të fokusohet te Eko Parku dhe jo te azili im.
Të lutem Baton, kur më quan maskara po të them miqësisht që nuk kam qënë ndonjëherë maskara, nuk i kam nxjerr miqtë në pritë, nuk i kam ngulur thika dhe për atë 4 orësh që kemi kaluar bashkë nuk dua të them që më ke dhënë apo s’më ke dhënë të drejtë, s’më ke bërë asnjë pyetje që nuk të kam dhënë përgjigje. Po deshe e detajojmë. Të kam thënë që kjo është mes meje dhe teje dhe që ne jemi takuar e ke thënë ti. Të kam shpjeguar të gjithë për 4 orë. I dashur mik unë nuk jam maskara, por po tentoj të hedh dritë mbi atë që i bëhet Shqipërisë dhe asaj që më bëhet mua.
Unë jam fenomen i abuzimit të pushtetit, të korrupsionit të medias dhe varësisë së drejtësisë nga një njeri. Kam nxjerrë një dosje që kam arsyet e mia pse nuk i nxjerr. Dosjet e SPAK me transaksione...Baton ti je gazetar, si mund të thuash që e futi nën karrige, çfarë do të thotë? Unë nuk ta kuptoj këtë sulm në aspektin profesional dhe njerëzor, ta kuptoj në aspektin politik, je bërë palë dhe ke të drejtën tënde. Por nuk mund të më fyesh se jam maskara, unë nuk jam maskara. Merru me Eko Parkun, po atë të AKSHI-t, se ai djali më ka dërguar edhe një dosje tjetër, 100 e ca milionë...", tha ai.
Ahmetaj theksoi se ai nuk është "zar" i politikanëve si Berisha apo Rama ndërsa shtoi se familjarët e tij dhe miqtë e tij po "i masakrojnë". Ai u shpreh më tej se Rama të cilin e cilësoi si "kreu i organizatës" del me Erion Veliajn dhe Benet Becin dhe thotë këta kanë mbështetjen e tij. Ahmetaj u shpreh se nuk e shtrembëron të vërtetën, të cilën e publikuar në këto intervista.
"Nuk jam zar i Berishës, Nanos dhe as i Ramës, nuk e kam për natyrë të jem zar. Nuk kam bërë asnjë tender te rindërtimi. Ajo që unë kam mundësi të bëj është të mbroj vendin tim, familjen dhe miqtë e mi që i masakrojnë. Kërkojnë lloj lloj lidhjesh që nuk i kanë. Nuk e kam gënjyer shtetin. Duhet të shkoj unë në burg që të integrohet Shqipëria? Po mirë e bëj unë që fëmijët e mi të thonë u fut babai në burg dhe Shqipëria shkoi në Europë.
Kreu i organizatës del me Erion Veliajn dhe Benet Becin dhe thotë këta kanë mbështetjen time. Për mua thotë se po të ishte ky prokuror unë do ta kisha shumë më keq. Duket sikur negocioni me të vërtetën, sikur trajtohet më shumë si gjysëm e vërtetë? E vërteta është proces, e dyta unë kam procesin tim të analizimit të të gjitha fakteve dhe letrave që kam. Është edhe mënyra si komunikoj me publikun, unë nuk kam çfarë kërkoj nga kreu i organizatës. Unë pres masakër. Nuk e shtrembëroj të vërtetën, nuk kam ndërmend të qëndroja 6 orë me publikun që t’ju vinte për të vjellë. Nuk jam 007! Nuk bëj llogari me të vërtetën. Unë e besoj që Shqipëria nuk e meriton të jetë në këtë pikë.", tha ai.
Gjatë deklaratës së tij në emision, Ahmetaj iu përgjigj edhe pyetjes se a do të ketë intervistë të katërt dhe cili do të jetë subjekti i saj. Ai tha në përgjigjen e tij se mediat fillimisht duhet të merren me denoncimet që ka bërë deri tani, ku tha se shumë prej mediave dhe portaleve, për të cilat u shpreh se "kontrollohen nga qeveria dhe spindoctor", kanë heshtur. Ahmetaj konfirmoi po ashtu realizimin e një interviste të katërt.
"Unë sigurisht do bëj të katërtën dhe nuk ka lidhjë më përditshmërinë. Në një vend ku drëjtësia merrët me denoncuesin me të gjitha instrumentat mbi përtej ligjor, sigurisht që çdo person do të krijojë mozaikun e vet. E dyta merruni më denoncimet që kam bërë. Heshtje totale nga televizonet kombëtare nga portalet që i kontrollon qeveria, që i financon qeveria e “spindoctor”, kjo do jetë dhe një pjesë e vogël e të katërtës. Konsumoni kto, verifikoni faktet si e verifikoi Plug atë të AKSHI-t, që është vetëm maja e ajsbergut. Shpresoj të jem gjallë dhe ta shlyej nderin që më ka bërë PS, duke më bërë pjesë të saj dhë ministër të saj, dhe që unë jam munduar pafund për t’ja shlyer. Dikush më quan mashtrues dhe num merret me faktet, nuk kam punë më kta. Unë tërë jetën time kam qenë i strukturuar, merrni letrat e mia, merrni borxhin, letrat për inceneratorët dhe sterilizimin. Unë te çështja “Buka” akuzohem se kam mbrojtur interesat e shtetit. Po ka një të katërt po konsumoni fillimisht këto.", u shpreh ish-zëvendësministri.
arben ahmetaj TIRANË- Ish-zëvendëskryeministri Arben Ahmetaj, në një lidhje telefonike për emisionin "Çim Peka Live" n...
arben ahmetaj TIRANË- Ish-zëvendëskryeministri Arben Ahmetaj ka reaguar sërish mbrëmjen e sotme lidhur me denoncimet e bëra n...
arben ahmetaj TIRANË- Ish-zëvendëskryeministri Arben Ahmetaj është lidhur live mbrëmjen e sotme me emisionin "Çim...
Belind Këlliçi TIRANË- Drejtuesi politik i PD për Tiranën, Belind Këlliçi foli për hetimet e SPAK për ince...
doris pack dhe sali berisha GJERMANI- Eurodeputetja Doris Pack ka marrë pjesë në Kongresin elektoral të CDU-së në Gjermani. ...
bashkia bulqize BULQIZË- Kryetarja e bashkisë së Bulqizë, Festime Mjeshtri dyshohet se ka përfshirë në listën e p&e...
ali mysliu ELBASAN- Prefekti i qarkut të Elbasanit, Ali Mysliu ka dhënë dorëheqjen nga detyra. Sipas raportimeve, largimi nga detyra ka...
sali berisha GJERMANI- Kryetari i Partisë Demokratike, Sali Berisha ka folur nga Gjermania, ku po merr pjesë në Kongresin e CDU-së. Be...
foto ilustruese SHBA- “Kemi nevojë për turizmin super luks në këtë vend, njësoj siç shkretëtira ka nevoj&eu...
pamje nga seanca TIRANË- Komisioni i Medias ka mbajtur sot një seancë dëgjimore në lidhje me procesin e zgjedhjes së drejtori...
