Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Për këto shpërblime, kreu i qeverisë shkruan se kjo pako e madhe nuk zgjidh të gjitha hallet, as nuk i jep fund luftës dhe impaktit të saj të pashmangshëm mbi ekonominë tonë, por, zmbraps një dimër ‘jo të lehtë’.
TIRANË- Kryeministri Edi Rama ka bërë përshëndetjen e fundit për këtë vit, përmes një statusi në rrjetet sociale. Në një status në Facebook, Rama shkruan se ka preferuar të mos mbajë konferencë fundviti, por ka lënë ‘Pakon e Madhe’ që të flasë. Bëhet fjalë për pakon 8 miliardë lekëshe që do të shpërndahet thuajse të gjithë qytetarëve në formë shpërblimi, duke nisur nga pensionistët, familjet me ndihmë ekonomike, gratë me shumë fëmijë, efektivët e policisë, bluzat e bardha, mësuesit, etj. Për këto shpërblime, kreu i qeverisë shkruan se kjo pako e madhe nuk zgjidh të gjitha hallet, as nuk i jep fund luftës dhe impaktit të saj të pashmangshëm mbi ekonominë tonë, por, zmbraps një dimër ‘jo të lehtë’.
Pakoja është prezantuar prej dy ditësh nga kryeministri Rama, përmes statuseve në rrjetet sociale. Çdo pensionist do të marrë 8000 Lekë të reja, 20 mijë lekët të reja për 6700 nënat kryefamiljare me ndihmë ekonomike, 20 mijë lekë të reja për sanitaret, shoferët, punonjësit e shërbimeve mbështetëse të shtetit dhe tërë punonjësit e tjerë të shtetit me një pagë bruto nën 60 mijë lekë, ku përfshihen edhe 1181 zjarrfikës, 3267 infermierë, 6045 mësuese dhe edukatore, 2200 ushtarë bazë dhe mijëra nëpunës të shkallëve të ulëta të administrates. Pakoja e Madhe përfshin edhe ata me pagë bruto mbi 600 mijë lekë. 11 mijë infermierë, 5411 mjekë, 30 mijë e 693 mësues dhe edukatorë, 15 mijë e 384 punonjës sigurie, punonjës të policisë së burgjeve si dhe 14 mijë e 318 nëpunës do të marrin nga 10 mijë lekë të reja.
Postimi i plotë:
Sot nuk e pashë të udhës të bëj një konferencë shtypi si çdo fundvit, po lashë Pakon e Madhe kundër inflacionit të luftës të flasë për pensionistët, familjet me ndihmë ekonomike, personat me aftësi të kufizuara, invalidët e punës, të cilët si kurrë më parë, do të marrin një mbështetje financiare ekstra, sepse si kurrë më parë, u duhet të përballen me një dimër me dorën e zgjatur të inflacionit të luftës mbi konsumin e tyre bazë. Ne nuk mund t’i linim ata vetëm në këtë dimër të vështirë për të gjithë Europën, po mbi të gjitha për më të dobëtit. Prandaj duke u nisur në radhë të parë, pikërisht nga nevoja për ta larguar atë dorë shqetësuese nga konsumi i tyre bazë, ideuam Pakon e Madhe. Ndërkohë, kjo mbështetje nuk e zëvendëson, as e ndryshon zotimin se pensionistët do të jenë vitin që po vjen, përfituesit e parë nga taksa e jashtëzakonshme mbi eksportuesit e mëdhenj të energjisë, të cilën e miratuam në Kuvend me paketën fiskale 2023. Kështu që kjo pako, ku ka 8000Lekë të reja për çdo pensionist, e cila do të shpërndahet javët e para të janarit, nuk është mbështetja e fundit ekstra për pensionistët për vitin që po troket në derë.
Pakoja ka 20 mijë lekët të reja në dorë për 6700 nënat kryefamiljare me ndihmë ekonomike, ashtu sikundër për herë të parë, qeveria shpërndan 20 mijë lekë të reja për sanitaret, shoferët, punonjësit e shërbimeve mbështetëse të shtetit dhe tërë punonjësit e tjerë të shtetit me një pagë bruto nën 60 mijë lekë, plot 27 mijë e 249 vetë, ku përfshihen edhe 1181 zjarrfikës, 3267 infermierë, 6045 mësuese dhe edukatore, 2200 ushtarë bazë dhe mijëra nëpunës të shkallëve të ulëta të administratës! Ndjehem i lumtur kur mendoj se me këtë mbështetje ekstra, familjet e tyre s’do ta ndjejnë aspak dimrin me dorën e zgjatur të inflacionit të luftës mbi konsumin e tyre të përditshëm. Por Pakoja e Madhe përfshin edhe ata me pagë bruto mbi 600 mijë lekë - duke përjashtuar natyrisht nivelet politike të administratës. 11 mijë infermierë, 5411 mjekë, 30 mijë e 693 mësues dhe edukatorë, 15 mijë e 384 punonjës sigurie, punonjës të policisë së burgjeve si dhe 14 mijë e 318 nëpunës do të marrin nga 10 mijë lekë të reja, të cilat i shtohen rritjes së pagave të tyre këtë vit, duke e bërë praktikisht zero efektin e inflacionit të luftës për familjet e tyre. Ndërkohë, edhe pse kanë paga më të larta se sa 60 mijë lekë bruto, efektivët e Forcave të Këmbësorisë që morën me mund e me meritë edhe certikatën si forcë ekselence e NATO-s, ata të Forcave Speciale Delta, Renea, Ndërhyrja e Shpejtë, Njësia Operacionale apo Zjarrëfikësit do të marrin nga Pakoja e Madhe 20 mijë lekë të reja.
Kjo pako e madhe nuk zgjidh të gjitha hallet, as nuk i jep fund luftës dhe impaktit të saj të pashmangshëm mbi ekonominë tonë, por së bashku me subvencionin masiv të çmimit të palëvizur të energjisë, zmbraps një dimër që përndryshe do të ishte jo i lehtë, si edhe mishëron kujdesin dhe vëmendjen e pandarë të qeverisë ndaj njerëzve të këtij vendi. Ata kurrë s’i kemi lënë dhe s’do t’i lëmë vetëm, po do të bëjmë gjithçka mundet për t’i mbështetur e lehtësuar në ditët e vështira, siç nuk do të lemë gjë pa bërë për t’u sjellë ditë gjithnjë e më të mira. E mira s’ka fund, por kjo do të jetë gjithnjë e më shumë qeveria e shumicës, jo e disave dhe nëse sot ne jemi në gjendje të hapim një pako të madhe për thuajse 1 milionë shqiptarë, kjo ndodh pikërisht sepse ne jemi këtu për ata, shumicën e shqiptarëve, jo për disa.
GËZUAR
Sali Berisha TIRANË- Kryedemokrati Sali Berisha do të jetë sonte në natën e ndërrimit të viteve në emisionin e humo...
Edi Rama dhe socialistet TIRANË- Kryeministri Edi Rama ka publikuar një video ku shihet teka pozon krah një grupi të rinjsh socialist&e...
Sali Berisha SHKODËR- Ish-kryeministri Sali Berisha ka qenë i pranishëm në një drekë të organizuar nga kryebashkiaku i S...
Elisa Spiropali dhe Agron Çela TIRANË- Deputeti Agron Çela ka zyrtarizuar bashkimin e tij me Partinë Socialiste, pas publikimisht t...
Albano Bogdo dhe Sali Berisha TIRANË- Kryedemokrati Sali Berisha ka zhvilluar një bisedë telefonike me nënën e aktorit të hum...
Edi Rama, Enkelejd Alibeaj dhe Sali Berisha TIRANË- Deputeti demokrat Enkelejd Alibeaj ka bërë një rezyme të vitit q&...
Agron Çela Në janar të vitit 2021, zëra kishte se deputeti i Lëvizjes Socialiste për Integrim në Shkodër, Agron &...
Sali Berisha TIRANË- Kreu i PD-së Sali Berisha në një deklaratë për media u pyet se cilin prej kundërshtarëve ...
Sokol Sadushi TIRANË- Zëvendës kryetari i Gjykatës së Lartë Sokol Sadushi ka bërë bilancin për vitin 2022...
Sali Berisha TIRANË- Ish kryeministri Sali Berisha foli në konferencën me gazetarët për akuzat ndaj ish-zv/kryeministrit Arben Ahm...
