Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
GJERMANI- Presidenti i Gjermanisë, Frank-Walter Steinmeier mendon se më e keqja në pandeminë e Coronas është kapërcyer. Ndjenja e përbashkësisë është forcuar nga kriza, tha Presidenti në fjalën e tij të Krishtlindjes.
“Kur mund t’i jetoj përsëri ëndrrat e mia?’ Kjo psherëtimë e thellë, të dashur bashkatdhetarë, është një nga mijëra mesazhet personale që më kanë mbërritur nga i gjithë vendi ynë “. Kështu e fillon përshëndetjen Presidenti i Gjermanisë.
Rrallë ka pasur një fjalim të Krishtlindjes nga një President i Gjermanisë, tema e të cilit ishte kaq e qartë dhe mbizotëruese që nga fillimi. Në një kohë kur Presidentët përkatës të Gjermanisë tematizonin më shumë çështje të ndryshme shoqërore në Krishtlindje në vitet e mëparshme, këtë herë bëhet fjalë pothuajse ekskluzivisht për pandeminë e Coronas.
Një “virus i vogël” ka vënë nën kontroll jetën dhe mendimin tonë, ka prishur planet dhe ka shkatërruar ëndrrat, thotë Steinmeier. “Futbolli në stadium, kinema dhe koncert, udhëtimi për pushime, festa e dasmës”, nga shumë gjëra u detyruam të hiqnim dorë. Presidenti flet për nxënës shkolle të nervozuar dhe familje të rraskapitura, të cilave u është dashur të durojnë kushtet e Koronës për mësimdhënien dhe jetën profesionale; për artistë, pronarë restorantesh, hotelierë dhe shitës me pakicë që kanë frikë për ekzistencën e tyre.
Një Krishtlindje krejt tjetër
Krishtlindja është një Krishtlindje ndryshe këtë vit. “Një festë e dashurisë: po! Por pikërisht në ato ditë kur duam të jemi veçanërisht pranë njëri-tjetrit, duhet të mbajmë distancë. Neve – duke përfshirë edhe mua – na mungojnë miqtë dhe të afërmit që nuk kemi qenë në gjendje t’i shohim gjatë gjithë vitit. Shumë të moshuar dhe të sëmurë lihen vetëm për t’u mbrojtur nga virusi ”.
Steinmeier veçanërisht kujton “gratë dhe burrat që luftojnë me virusin në njësitë e kujdesit intensiv gjatë këtyre orëve. Për fqinjët e tyre që kanë frikë për ta”, për njerëzit “që kanë humbur betejën kundër sëmundjes. Shumë kanë pasur një vdekje të hidhur, të vetmuar dhe të gjithë ata na mungojnë “.
“Vendi ynë është vend i fortë”
Në të njëjtën kohë, pandemia tregoi se sa e fortë mund të jetë shoqëria “kur kujdesemi për njëri-tjetrin dhe jemi të pranishëm për njëri-tjetrin”.
Dhe pastaj vjen një fjali që të kujton drejtpërdrejt Kancelaren Angela Merkel pesë vjet më parë: “Vendi ynë është vend i fortë”. Po kështu e nisi në fund të gushtit 2015 Merkeli shprehjen e saj të famshme “Ne do t’ia dalim mbanë” kur lejoi qindra mijëra refugjatë dhe migrantë të hynin në Gjermani. Nuk dihet nëse Steinmeieri i referohet me vetëdije Merkelit apo jo, të paktën mesazhi si te ajo është i njëjtë: Gjermania do të vërë nën kontroll sfidën.
Kur të gjithë punojnë së bashku dhe shteti bën punën e tij, kjo është ajo që do të përcjellë Presidenti i Gjermanisë, atëherë Gjermania do ta përballojë këtë krizë. Ndjenja e qytetarisë është forcuar në pandemi. Kjo gjithashtu mund të japë guxim për përballimin e krizave të tjera, nga ndryshimi i klimës në luftimin e urisë dhe varfërisë, një nga kalimet e pakta në tema të tjera.
“Të arsyeshmit janë shumica dërrmuese”
Atyre që dyshojnë te shteti dhe shoqëria në këtë krizë, Presidenti i Gjermanisë u drejtohet: “Në një kohë pasigurie kemi mësuar se mund t’i besojmë demokracisë sonë. Ne luftuam për rrugën e duhur – dhe më pas morëm vendime së bashku. Ata që e mohojnë rrezikun e virusit shpesh janë veçanërisht të zhurmshëm, por njerëzit e arsyeshëm janë shumica dërrmuese”. Demokracia dhe rrezikimi i saj, që ka qenë tema e madhe e Steinmeierit si President i Gjermanisë deri tani, këtu ai e lidh atë me çështjen e madhe akute të politikës dhe shoqërisë.
Dhe meqenëse bazamenti i shoqërisë e ka provuar veten në sytë e tij, Steinmeier konkludon, “këto Krishtlindje do të jenë edhe një festival shprese!”
2021 përsëri “me përqafime dhe këngë”
Për këtë shpresë kontribuojnë edhe vaksinat. Vetëm disa ditë më parë, Steinmeier bëri thirrje që njerëzit të vaksinohen. Ky është “një akt solidariteti në shoqëri si një e tërë”, tha ai. Ai e di që ka shumë kundërshtarë dhe skeptikë të vaksinave në Gjermani.
Presidenti Federal nuk dëshiron të zbukurojë, por ai dëshiron të japë zemër. “Përpara nesh ndodhet ende një rrugë e gjatë dhe e mundimshme. Por ne shohim që drita e shumëpritur në fund të tunelit po bëhet më e ndritshme.”
Varet nga të gjithë sa e gjatë do të jetë rruga. Nëse të gjithë do të qëndrojnë “të arsyeshëm dhe të durueshëm”, do të bëhen sërish të mundshme shumë gjëra nga të cilat kemi qenë të detyruar të heqim dorë për një kohë të gjatë.
Në fund të fjalës së tij, Steinmeieri nuk druhet të bëjë një prognozë për kohën pas një viti: “Ne mund të presim ta festojmë Krishtlindjen e ardhshme ashtu si e duam: me një numër të madh anëtarësh të familjes, me miqtë tanë ,me përqafime dhe me këngë. Le të na ndihmojë paragëzimi për këtë që t’i bëjmë këto festa të jashtëzakonshme më të bukura. Krishtlindje të bekuara për të gjithë ju!
MARRË NGA DW
(I.A/dosja.al)
1 vit nga zgjedhjet e 25 prillit si e shikoni gjendjen e vendit:
SERBI- Serbia është bërë vendi i parë në Ballkanin Perëndimor dhe Evropë që ka marrë dozat e para të vaksinës anti-Covid. Ndërkohë që në lidhje me shpërndarjen ...
TURQI- Vaksina kineze anti-Covid është miratuar për përdorim në Truqi. Lajmin e ka bërë të ditur vetë Ministri i Shëndetësisë në Turqi, Fahrettin Koca me anë të...
ANGLI-Nënshkrimi i marrëveshjes së Brex-it ditën e djesshme ka bërë që mbështetja për Kryeministrin Boris Johnson të rritet masivisht. Lajmin e kanë bërë të med...
Që prej daljes së koronavirusit nga Kina, virusi është përhapur në të gjithë botën dhe është shpallur pandemi nga Organizata Botërore e Shëndetësisë. Në të gjit...
KANADA- Kanadaja është bërë vendi i dytë që ka aprovuar për aplikim emergjent vaksinën anti-Covid të Modernas. Lajmin e ka bërë të ditur vetë Kryeministri kanad...
SHBA– Amerikanët e pritën Krishtlindjen me një bilanc të zymtë, kur infeksionet me koronavirus janë përhapur në të gjithë vendin.Më shumë se një milion nj...
SHBA– Presidenti i Shteteve të Bashkuara, Donald Trump, e ka dekoruar të dërguarin e tij të posaçëm për dialogun Kosovë-Serbi, Richard Grenell me M...
GJERMANI– Derisa imunizimi kundër koronavirusit pritet të nisë këtë të diel në vendet e Bashkimit Evropian, doktor Tobias Welte, na Qendra gjermane për Sëmundje...
HOLANDË –Një studim i kryër së fundmi nga Universiteti Radboud në Holandë mbi personat e infektuar me Covid ka dalë në përfundimin se indet e dëmtuar...
ANGLI- Marrëveshja e Brex-it u nënshkrua ditën e sotme mes Bashkimit Evropian dhe Britanisë së Madhe. Lajmi u bë i ditur nga të dyja palët e marrveshjes me anë ...
