Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHBA– Ushtria amerikane tha se ka përfunduar gati një të katërtën e tërheqjes së trupave nga Afganistani.
“Komanda Qendrore e Shteteve të Bashkuara (CENTCOM) vlerëson se kemi përfunduar midis 16-25% të të gjithë procesit”, thuhet në një njoftim të lëshuar të martën nga qendra komanduese, e cila mbikëqyr operacionet në Afganistan.
Komanda Qendrore e Shteteve të Bashkuara gjithashtu tha se kishte tërhequr pajisje dhe materiale të ngjashme me rreth 160 ngarkesa të avionëve transportues C-17 nga Afganistani dhe i ka kthyer më shumë se 10,000 pajisje Agjencisë së Logjistikës Mbrojtëse.
Presidenti amerikan Joe Biden njoftoi muajin e kaluar se trupat amerikane do të largohen nga Afganistani deri më 11 shtator, pas një angazhimi gati 20 vjeçar ushtarak në vendin e shkatërruar nga lufta.
Në kohën kur u bë njoftimi i Presidentit Biden, të paktën 2,500 trupa amerikane ishin pjesë e misionit të NATO-s në Afganistan, i cili përbëhej nga më pak se 10,000 trupa. Tërheqja e forcave të NATO-s të udhëhequra nga Shtetet e Bashkuara ka shkaktuar frikë se lufta civile në Afganistan mund të intensifikohet dhe të dalë jashtë kontrollit.
Civilë afganë janë vrarë në një varg sulmesh që nga 1 maji, kur Shtetet e Bashkuara filluan zyrtarisht tërheqjen e trupave, dhe Talibanët kanë zgjeruar territoret e tyre në të gjithë vendin, duke përfshirë provincën Baghlan në veri, provincën Helmand në jug, provincën Farah në perëndim dhe atë të Laghmanit në lindje.
Është ende e paqartë nëse Talibanët do të mbajnë premtimin e tyre të bërë në shkurt të vitit 2020 për të shkëputur lidhjet me al-Kaidën. Grupi terrorist i al-Kaidës ishte përgjegjës për sulmet e 11 shtatorit të vitit 2001, që shkaktuan vrasjen e rreth 3,000 njerëzve në tokën amerikane.
Udhëheqësi i pakicës republikane në Senat, Mitch McConnell i kërkoi presidentit të martën që të “rishikojë” vendimin për t’u tërhequr, pasi ekipet e tij diplomatike dhe ushtarake i kanë kujtuar atij “rreziqet dhe pasojat me të cilat do të përballen ata”.
“Pas tërheqjes sonë, ekzistojnë shumë arsye për të besuar se al-Kaida do të rigrupohet në strehën e saj historike të sigurt. Nuk është një veprim strategjik të heqësh dorë nga avantazhi ndërsa armiku është ende në fushën e betejës”, tha senatori McConnell.
Forcat amerikane vranë Osama bin Ladenin, udhëheqësin e al-Kaidës që orkestroi sulmet e vitit 2001, gjatë një sulmi në kompleksin e tij në Abotabad të Pakistanit, në maj të vitit 2011.
Zyrtarët amerikanë të mbrojtjes kanë argumentuar se planifikimi për mënyrën se si Shtetet e Bashkuara do t’i përgjigjen kërcënimeve nga Afganistani pasi tërheqja të ketë përfunduar është duke vazhduar, duke lënë të kuptohet në javët e fundit se ka patur një progres në sigurimin e marrëveshjeve bazë për të pozicionuar më mirë forcat amerikane të antiterrorizmit.
Por, përkundër një farë optimizmi, zyrtarët e administratës ende nuk kanë njoftuar ndonjë masë specifike për këtë.
“Është ende një punë në progres”, tha Milancy Harris, ndihmës sekretar i Pentagonit për Operacionet Speciale dhe Luftimin e Terrorizmit, të martën në një diskutim në internet.
Senatori McConnell vuri në dukje se fqinjët e Afganistanit si Irani, Pakistanin dhe vendet e tjera të Azisë Qendrore të ndikuara nga Rusia “nuk ka të ngjarë të lejojnë stacionimin e një numri të konsiderueshëm të trupave tona anti-terroriste në vendet e tyre”.
Zoti Harris shtoi se administrata po punon çdo ditë “për t’u siguruar që ne të mendojmë mirë dhe të marrim një qasje me të vërtetë të qëllimshme të planifikimit për tërheqjen.”
“Theksi im është tek shkallëzimi dhe aftësitë reaguese”, tha Harris, duke i quajtur përpjekjet amerikane të antiterrorizmit në Afganistan deri më tani një shembull se si ushtria mund të punojë në mënyrë efektive për t’iu kundërvënë grupeve terroriste.
Korrespondenti i Zërit të Amerikës, Jeff Seldin kontribuoi në këtë raport.
Marrë nga VOA
Iftar dhe politikë, a u prek Muaji i Ramazanit nga politikanët?
SHBA– Sekretari i Shtetit Antony Blinken njoftoi të martën se Uashingtoni do të rihapë Konsullatën e Përgjithshme amerikane në Jeruzalem, një lëvizje që r...
SHBA– Ata ndanë dhimbjen, qeshën së bashku në Zyrën Ovale, dhe folën për atë që Presidenti Joe Biden e quajti “realiteti i vështirë i përçarj...
SHBA– Më shumë se gjysma e të rriturve në Shtetet e Bashkuara janë vaksinuar plotësisht kundër koronavirusit, ka thënë Shtëpia e Bardhë të martën.Presiden...
SHBA– Moderna njoftoi të martën se vaksina e saj kundër COVID-19 mbron fëmijë që nga mosha 12 vjeç. Ky njoftim hap rrugën për ta bërë Modernën vaks...
SHBA– Udhëheqësi republikan i Dhomës së Përfaqësuesve Kevin McCarthy kritikoi të martën ligjvënësen republikane, Marjorie Taylor Greene për krahasimin që ...
BRITANI– Pothuajse një ton kokainë është gjetur e braktisur në bregun në East Essex të Britanisë, ka thënë Agjencia Kombëtare e Krimit.Sipas mediave brita...
SHBA– Anëtarët e familjes së George Floydit kanë biseduar me ligjvënësit amerikanë, duke iu bërë thirrje këtyre të fundit që të miratojnë legjislacionin për ref...
KOSOVË– Një person është plagosur në këmbën e majtë pas të shtënave me armë zjarri në fshatin Hoçë të Prizrenit.Lidhur me rastin është arrestu...
SIÇILIA- Qyteti Siçilian i Cammarata tërhoqi vëmendjen në të gjithë botën me ofertën e tij të guximshme për banorët e rinj në vitin 2019 me skemat...
PODUJEVË- Blerim Maçastena ishte arrestuar para gjashtë muajsh për kalim ilegal të kufirit nga forcat Serbe. Maçastena është liruar nga burg...
