“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
SHBA- BE përshëndet vendimin e SHBA-së që vendosi sanksione ndaj një grupi serbësh të veriut të Kosovës. Ky grup është angazhuar në një skemë ryshfeti në shkallë të gjerë me zyrtarë të sigurisë në Kosovë dhe Serbi.
Shtetet e Bashkuara të Amerikës vendosën sanksione ndaj dhjetëra personave dhe subjekteve në të gjithë Evropën, duke përfshirë këtu edhe një grup të krimit të organizuar që veprojnë kryesisht në veriun e Kosovës. Zyra e Kontrollit për Pasuritë e Huaja e Departamentit të Thesarit SHBA-së, njoftoi se ka vënë sanksione ndaj “grupit të afaristit serb Zvonko Veselinoviq”, emër i njohur për autoritetet kosovare, i cili disa herë ka qenë edhe në shënjestër të drejtësisë.
Përveç Veselinoviqit në listë janë edhe i vëllai Zharko Veselinoviç, anëtarë të grupit Zheljko Bojiq, Milan Mihajloviq, Sinisha Nedeljkoviq, Radovan Radiq, Milan Radisavleviq, Milojko Radisavleviq, Milan Radoiçiq, Marko Rosiq, Radule Steviq dhe Milivoje Vuloviç.
Ky grup sipas Zyrës së Kontrollit për Pasuritë e Huaja të Departamentit të Thesarit SHBA-së, akuzohet pos të tjerash për marrëveshje me politikanët për të ndihmuar fitoren e tyre në zgjedhje dhe mbështetjen financiare për ta. E në këmbim, politikanët do t’u jepnin vëllezërve “kontratat më të mira për infrastrukturë dhe kontrollin e zonave të caktuara për bizneset e tyre”.
Skemë ryshfeti në shkallë të gjerë
Njëri nga anëtarët e grupit Milan Radojçiç, është pjesë e strukturave udhëheqëse politike të Listës “Srpska”, që është pjesë e kuvendit të Kosovës subjekt ky politik që përfaqësohet me 10 deputetë.
Në njoftimin e Departamentit të Thesarit, thuhet mes tjerash se Zvonko Veselinoviç, dhe grupi i tij, “janë angazhuar në një skemë ryshfeti në shkallë të gjerë me zyrtarë të sigurisë në Kosovë dhe Serbi, për të lehtësuar trafikimin e paligjshëm të mallrave, parave, narkotikëve dhe armëve ndërmjet Kosovës dhe Serbisë”. Në listën e sanksioneve përfshihen edhe shumë kompani në Serbi dhe Kosovë, që janë të lidhura me pjesëtarët e grupit. Në njoftim po ashtu thuhet se Zvonko Veselinoviq dhe grupi i tij u akuzuan nën dyshimet për përfshirjen në vrasjen e politikanit lokal serb të veriut, Oliver Ivanoviq, në janar të vitit 2018.
Sekretari amerikan i Shtetit Antony Blinken, pas vendosjes së sanksioneve ndaj krerëve të krimit të organizuar në veri të Kosovës, Zvonko Veselinoviq e Milan Radoiçiq, si dhe anëtarëve të grupit të tyre, tha se “sanksionet janë në pajtim me objektivat e Samitit për Demokracinë” që mbahet këtë javë nën organizimin e presidentit amerikan, Joe Biden dhe ku merr pjesë edhe presidentja e Kosovës, Vjosa Osmani. Sipas sekretarit Blinken, “bandat që veprojnë përtej kufijve janë destabilizuese dhe shpesh bashkëpunojnë me zyrtarë qeveritarë”. “Ne e dimë gjithashtu se krimi i organizuar i mbështetur nga aktorë të korruptuar mund të destabilizojë sundimin e ligjit, të gërryejë besimin në institucionet publike dhe të dobësojë qeverisjen demokratike”, thuhet në deklaratën e sekretarit Blinken.
Synim i përbashkët
Vendosja e sanksioneve amerikane ndaj një grupi të serbëve në veri të Kosovës, u përshëndet edhe nga shefi i diplomacisë evropiane Josep Borrell, i cili tha se ky “është një hap i rëndësishëm në luftën kundër krimit të organizuar në Ballkanin Perëndimor”.
“Shkatërrimi i rrjeteve kriminale transnacionale kontribuon në sigurinë, stabilitetin dhe përmirëson sundimin e ligjit në mbarë rajonin. BE-ja është plotësisht e angazhuar në arritjen e këtij synimi të përbashkët”, shkroi Josep Borrell në twitter.
Vendosja e sanksioneve amerikane ndaj një grupi të serbëve në veri të Kosovës, u përshëndet edhe nga presidentja e Kosovës, Vjosa Osmani dhe kryeministri i Kosovës Albin Kurti. “Institucionet e Kosovës janë plotësisht të përkushtuara për sundimin e ligjit dhe do të bashkëpunojnë me Shtetet e Bashkuara për të siguruar që rajoni ynë të mos bëhet një parajsë për grupe të tilla kriminale”, shkroi presidentja Osmani.
Për kryeministrin e Kosovës, Albin Kurti, është shumë i mirëseardhur vendimi i Shteteve të Bashkuara. “Përgjegjës për trafikimin e mallrave, parave, narkotikëve dhe armëve në mes Kosovës dhe Serbisë, ky grup është dëshmia më e mirë se krimi në veriun e Kosovës është realitet i përditshëm që cenon ligjshmërinë e të drejtat, lirinë dhe të mirat e qytetarëve. Vendimi i Shteteve të Bashkuara të Amerikës vërteton legjitimitetin e veprimeve të Policisë së Kosovës javë më parë në komunën veriore të Mitrovicës kundër kontrabanduesve të mallrave ilegale. Lidhjet e bashkëpunimit ndëretnik të grupeve kriminale dhe fushëveprimit të tyre transnacional do t’i luftojmë nëpërmjet bashkëpunimit të zyrtarëve të institucioneve tona pa dallim etnie dhe bashkëpunimit ndërkombëtar me aleatët e partnerët tanë”, shkroi kryeministri i Kosovës Kurti.
Marrë nga: DW
Cila mendoni se është alternativa më e mirë:
BRUKSEL- Annalena Baerbock përcaktoi se BE duhet të jetë shtylla kurrizore e politikës së saj të jashtme dhe Franca miku i saj më i rëndësishëm. Në Bruksel dhe ...
ZELANDA E RE- Zelanda e Re të enjten tha se do t’ua ndalojë përjetësisht të gjithë të rinjve që të blejnë duhan, që paraqet një prej qasjeve më të ashpra në bot...
MEKSIKË– 53 persona kanë humbur jetën dhe dhjetëra të tjerë janë plagosur pasi kamioni me të cilin po lëviznin është përfshirë në një aksident, në ju...
SHBA – Pavarësisht shpërndarjes së 2.5 miliardë dozave, rritjet e fundit të infektimeve kanë ngritur pasiguri mbi vaksinat e Sinovac dhe Sinopharm.Variant...
FILIPINE- Një gazetar që hetonte luftën vrastare kundër drogës të Presidentit Duterte është qëlluar për vdekje në Filipine. The Times shkruan se 58-vjeça...
SERBI- Deputeti shqiptar në Serbi Shaip Kamberi ka komentuar sanksionet që u janë vendosur serbëve Zvonko Veselinoviç dhe Milan Radojçiç. M...
BRITANI E MADHE- Varianti i ri Omicron ka bërë që edhe Britani të dorëzohet dhe të shtrëngojë masat për parandalimin e përhapjes të një virusi shqetësues jo shu...
SERBI- Në tetor, në rubrikën e nekrologjive të gazetës serbe Politika u botua një njoftim ku shkruhej: “Lamtumira e fundit për mikun dhe bashkëluftëtarin tim, S...
KOSOVË- Një person është vënë në pranga nga policia e Kosovës, pasi u akuzua se është anëtar i organizatës terroriste ISIS. Prokuroria ka njoftuar se shtet...
KOSOVë- Një 15-vjeçare nga Ferizaj lindi një djalë. Mediat vendase raportojnë se mjekët e martenitetit ku e mitura solli në jetë djalin e saj e çu...
