Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË– Këshilli i Emërimeve në Drejtësi i ka hapur rrugë zgjedhjes së anëtarittë pestë të Gjykatës Kushtetuese për ta rikthyer në funksionalistet, për të plotësuar kështu edhe një prej kushteve për çeljen e negociatave mes Shqipërisë dhe BE-së. Në mbledhjen e sotme, KED-ja ka bërë me dije se nga 4 kandidaturat vetëm Altin Binaj ka “kaluar klasën” dhe do të vazhdojë më tej garën për një post në Kushtetuese.
Binaj, aktualisht prokuror dhe drejtues pranë Prokurorisë së Apelit Vlorë, pritet të propozohet në vijim për anëtar të Gjykatës Kushtetuese, pasi ai ka kaluar me sukses edhe procesin e Vetingut. Dy kandidaturat e tjera Artan Spahiu dhe Dedë Kasneci nuk i plotësonin të gjitha kriteret e kërkuara, ndërsa Gentian Mete u tërhoq vetë nga gara.
Vendi vakant në Kushtetuese u shpall nga Presidenti Ilir Meta më 22 nëntor të vitit 2019, menjëherë pas shkarkimit të anëtarit Besnik Muçik, i cili u “dogj” nga procesi i Vettigut. Ngritja e Gjykatës Kushtetuese pritet të përfundojë deri në fund të këtij vitit, afat të cilin e kanë theksuar edhe diplomatët ndërkombëtarë në Shqipëri. Aktualisht Gjykata Kushtetuese nga 9 anëtarë, ka vetëm 4; Vitore Tusha, Elsa Toska, Marsida Xhaferllari dhe Fiona Papajorgji. Por megjithatë që Gjykata të funksionojë plotësisht duhet të ketë të paktën pesë anëtarë.
DETAJET e mbledhjes:
Këshilli i Emërimeve në Drejtësi (KED), në datën 16.09.2020, zhvilloi mbledhjen e tij të radhës, me këtë rend dite:
Miratimi i procesverbaleve të përmbledhur të mbledhjeve të KED-së, të datave 17.08.2020 dhe 21.08.2020. 2. Shqyrtimi i gjetjeve në procedurën e verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019. – Altin Binaj – Artan Spahiu – Dedë Kasneci – Gentian Mete
Diskutim për vlerësimin e njoftimit të organeve të emërtesës, Presidenti i Republikës dhe Kuvendi i Shqipërisë, për rishpalljen e thirrjes për paraqitjen e kandidaturave për plotësimin e vendeve vakante në Gjykatën Kushtetuese, vakanca të parakohshme.
Diskutim lidhur me “Njoftim qëndrimi” të përcjellë nga zoti Ardian Dvorani me e-mailin e datës 20.08.2020. Vendimmarrja lidhur me lejimin/ndalimin e kandidimit të kandidatëve të mësipërm.
Në mbledhjen e sotme merrnin pjesë anëtarët e KED, Avokati i Popullit si dhe përfaqësuesi i Presidentit të Republikës dhe përfaqësuesi i Kryetarit të Kuvendit. Në pikën 3 dhe 4 të rendit të ditës mori pjesë dhe përfaqësuesja e OPDAT.
Shqyrtimi i rasteve të kandidatëve për vendet vakante për gjyqtar në Gjykatën Kushtetuese është vendosur në përfundim të procedurave të verifikimit rigoroz dhe të thelluar të ndjekura nga Këshilli, sipas ligjit dhe standardeve tashmë të njohura e të aplikuara që kërkohen për përzgjedhjen, qenien dhe konfirmimin në detyrën e magjistratit apo anëtarit të Gjykatës Kushtetuese.
Këshilli i Emërimeve në Drejtësi, pasi shqyrtoi aktet dhe procedurën e ndjekur për verifikimin e kandidaturave dhe dokumentacionin e përgatitur lidhur me plotësimin e kushteve ligjore për kandidim, për secilin kandidat të përcaktuar në rendin e ditës, pasi dëgjoi mendimin e Avokatit të Popullit lidhur me procedurën e ndjekur në verifikimin e kandidaturave, vendosi:
Lejimin e kandidimit të kandidatit për gjyqtar në Gjykatën Kushtetuese: Altin Binaj, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Ndalimin e kandidimit të kandidatëve për gjyqtar në Gjykatën Kushtetuese si më poshtë:
Artan Spahiu, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Dedë Kasneci , për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Përfundimin e procedurës së verifikimit, vlerësimit, pikëzimit dhe renditjes për shkak të tërheqjes së tij nga kandidimi, të kandidatit;
Gentian Mete , për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Vendimet e plota dhe të zbardhura do të publikohen të arsyetuara në faqen elektronike të Gjykatës së Lartë, në pjesën e caktuar për Këshillin e Emërimeve në Drejtësi.
Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar.
Këshilli i Emërimeve në Drejtësi vendosi gjithashtu për të njoftuar organet e emërtesës, Presidenti i Republikës dhe Kuvendi i Shqipërisë, për rishpalljen e thirrjes për paraqitjen e kandidaturave për plotësimin e vendeve vakante në Gjykatën Kushtetuese. Behet fjalë për vakancën e parakohshme, te rishshpallur nga Presidenti i Republikës në datë 27.09.2019 dhe vakancën e parakohshme të rishpallur nga Kuvendi i Republikës në datë 21.08.2019.
Anëtarët e KED u shprehën se nuk hyn në veprimtarinë dhe kompetencën e Këshillit të Emërimeve në Drejtësi, vendimmarrja e kërkuar me anë të “Njoftim Qëndrimi“ të përcjellë nga Z. Ardian Dvorani.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
SARANDË– Ditën e sotme në Delvinë janë regjistruar 3 raste të reja me Covid-19. Sipas informacioneve mësohet se rastet e reja janë regjistruar në kopshtet ...
TIRANË– Vëllai i viktimës Jetmira Hasani të vrarë mbrëmë në Bathore nga kunati i saj ka treguar se motra e tij ka pasur konflikte me familjen e bashk...
TIRANË– KPA-ja ka lënë sot në fuqi vendimin e KPK-së për shkarkimin e Fehmi Petkut, Kreun e Gjykatës së Apelit për Krime të Rënda. Trupi gjykues i Ko...
VLORË– Nëntë persona janë infektuar gjatë 24 orëve të fundit me Covid-19 në Vlorë. Mësohet se pesë prej këtyre rasteve janë shënuar në fshatin Cerkovinë dh...
Rivaliteti mes dy kompanive të pajisjeve teknologjike për një tender me fond 600 milionë lekë (të vjetra) për tonera boje për Posta Shqiptare sh.a, zbulon një v...
SHQIPËRI– Një ciklon mesdhetar do të prekë në orët e ardhshme Greqinë dhe një pjesë të vendit tonë. Sipas agjensive të huaja meteorologjike, cikloni që tas...
TIRANË– Një tjetër mjek ka ndërruar jetë në spital pasi ka humbur betejën me pandeminë e koronavirusit. Burime për Dosja.al bëjnë me dije se ka ndërruar je...
Komisioni Kombëtar për Azilin dhe Refugjatët, rrëzoi më 10 shtator ankimin e shtetasit turk Selami Simsek dhe la në fuqi një vendim të Drejtorisë së Azilit dhe ...
TIRANË– Denisa Dibra dhe Nervida Garunja, dy vajzat që i mbijetuan aksidentit tragjik në dalje të tunelit të Krrabës, janë jashtë rrezikut për jetën....
KORÇË– Furgoni i Policisë kufitare është aksidentuar me një mjet tjetër në Podgorie të Korçës në aksin që e lidh qytetin me Pogradecin. Një ...
