Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sejko tha se BSH ka nënshkruar edhe një marrëveshje bashkëpunimi me Bankën qendrore evropiane për shkëmbimin e informacionit në fushën e mbrojtjes së kartëmonedhave euro nga falsifikimi. Çuçi tha se bashkëpunimi mes institucioneve, godet këtë veprimtari kriminale e cila sipas tij ndikon në destabilitetin e ekonomisë.
TIRANË- Banka e Shqipërisë ka nënshkruar në marrëveshje bashkëpunimi ndërinstitucionale me Ministrinë e Brendshme dhe Prokurorinë e Përgjithshme për parandalimin e falsifikimit të monedhave në vendin tonë. Në ceremoninë e nënshkrimit të marrëveshjes, Guvernatori Gent Sejko u shpreh se kjo marrëveshje është domosdoshmëri për të parandaluar këtë fenomen, teksa shtoi se sipas të dhënave më të fundit, ka një rënie të konsiderueshme të numrit të kartëmonedhave të falsifikuara në qarkullim.
Sejko u shpreh se këto tregues renditin Shqipërinë në një ndër vendet me treguesin më të ulët të monedhave të falsifikuara në qarkullim. Sejko tha se BSH ka nënshkruar edhe një marrëveshje bashkëpunimi me Bankën qendrore evropiane për shkëmbimin e informacionit në fushën e mbrojtjes së kartëmonedhave euro nga falsifikimi. Ai tha se duhet të jemi më vigjilent pasi falsifikuesit përpiqen të ecin me hapin e teknologjisë të reja për aktivitet e tyre kriminale.
Ministri Brendshëm Bledi Çuçi, gjatë fjalës së tij, Çuçi ka theksuar se kjo marrëveshje vjen si detyrim ndaj partnerëve ndërkombëtarë, kryesisht atyre Europianë. Po ashtu ai shtoi se bashkëpunimi mes institucioneve, godet këtë veprimtari kriminale e cila sipas tij ndikon në destabilitetin e ekonomisë.
Pjesë nga fjalët e tyre:
Gent Sejko: Ceremonia e nënshkrimit të bashkëpunimit ndërinstitucional mes Ministrisë së Brendshme, Prokurorisë së Përgjithshme dhe Bankës së Shqipërisë. Kjo marrëveshje shënon kurorëziminn e një pune voluminoze të nisur 5 vite më parë. Megjithëse njerëzit gjithnjë e më shumë po përdorin pagesat digjitale, paraja fizike mbetet domosdoshmëri dhe luan rol të rëndësishëm në jetën e gjithsecilit prej nesh. Parandalimi dhe mbrojtja e monedhave ndaj falsifikimit është një sfidë e përbashkët e të gjithë autoriteteve kompetenteve. Ndaj bashkëpunimi mes tyre është domosdoshmëri për parandalimin dhe goditjen e fenomenit të falsifikimit të monedhave në vendin tonë. BSH ka marrë hapa konkret për të parandaluar falsifikimin dhe për të ruajtur besimin e publikut tek monedha kombëtare leku. Në periudhën 2019-2022, BSH emetoi dhe hodhi në qarkullim serinë e re të kartëmonedhave shqiptare me elementë të reja sigurie, duke i bërë këto kartëmonedhave më të sigurta ndaj falsifikimit. Të dhënat më të fundit tregojnë se ka një rënie të konsiderueshme të numrit të kartëmonedhave të falsifikuara në qarkullim. Për vitin 2022 janë 343 copë kundrejt një gjendje mesatare të kartëmonedhave në qarkullim prej 127 milionë copë, ose 2 copë monedha të falsifikuara për 1 milionë copë në qarkullim, kundrejt 5 copë monedha të falsifikuara që ishin në 2021. Ndërsa sa i përket monedha metalike, prerja 50 lekë vijon të jetë e vetmja monedhë e falsifikuar në sasi të papërfillshme vetëm në 79 copë në 2022, kundrejt 250 milionë copë monedha në qarkullim. Treguesi i ulët i kartëmonedhave dhe monedha shqiptare të falsifikuara, kundrejt kartëmonedhave dhe monedha në qarkullim, e rendit Shqipërinë ne një ndër vendet me treguesin më të ulët të monedhave të falsifikuara në qarkullim. Pavarësisht shifra të ulta, jemi të vetëdijshëm se duhet të jemi më vigjilent pasi falsifikuesit përpiqen të ecin me hapin e teknologjisë të reja për aktivitet e tyre kriminale. Në këtë frymë, BSH, Ministria e Brendshme dhe Prokuroria e Përgjithshme nënshkruajnë sot këtë marrëveshje bashkëpunimi si një përpjekje e mëtejshme për të forcuar kuadrin institucional dhe për të qartësuar protokollin operacional të bashkëpunimit në fushën e mbrojtjes së monedhave kundër falsifikimit. E shtrin bashkëpunimin jo vetëm në monedhën kombëtare lekë por edhe në monedhën Euro. BSH ka nënshkruar marrëveshje bashkëpunimi me Bankën qendrore evropiane për shkëmbimin e informacionit në fushën e mbrojtjes së kartëmonedhave euro nga falsifikimi. Kjo marrëveshje respekton punën e pavarur institucionale të secilës palë në zbatim të ligjit.
Bledi Çuçi: Unë doja që të i’u ndaja disa konsiderata që mbyllen me arsyen pse duhet një marrëveshje kur dihet se falsifikimi i kartëmonedhave është një vepër e dënueshme nga kodi penal. Unë mendoj që kjo marrëveshje vjen si detyrim ndaj partnerëve ndërkombëtar, veçanërisht partnerëve të Bashkimit Europian. Vetëm pak kohë më parë nënshkruam me Prokurorin e Përgjithshëm, marrëveshjen për vjedhjen e veprave të artit që kanë rëndësi kombëtare. Unë mendoj që këto marrëveshje janë efikase për të luftuar paligjshmërinë. Duke lidhur marrëveshje mes institucionesh të ndryshme, duke filluar nga Prokuroria që ka për detyrë të hetojë shkeljet, dhe duke vazhduar me Policinë e Shtetit dhe Bankën e Shqipërisë ne godasim këtë veprimtari penale, që është shumë e rëndësishme, pasi nuk lidhet direkt me viktimat e falsifikimeve të parasë, por ndikon edhe në destabilitetin e ekonomisë. prandaj ne duhet që ti godasim këtë veprimtari kriminale.
Lumi Seman FIER- Kërkimet në ujërat e lumit Seman në të tretën ditë radhazi për të gjetur trupin e 26- vje&cce...
Bardh Spahia TIRANË- Kryetari i Bashkisë së Shkodrës, Bardh Spahia e ka konsideruar të papranueshëm dhe skandaloz dhunimin e...
Lezhë LEZHË- Qarku i Lezhës është përfshirë nga reshje intensive shiu që prej mëngjesit të sotë...
Kryefamiljarja KLOS- Familja Lika në fshatin Xibër-Hane të Njësisë Xibër në Bashkinë Klos ka mbetur në qiell t...
Rovena Voda TIRANË- Ish-zëvendësministrja e Brendshme Rovena Voda deklaroi se bazuar nga akti i ekspertimit telefonik, është provu...
policia VLORË- Niko Isaraj 38- vjeç është arrestuar sot nga policia në Vlorë. Policia njofton se 38- vjeçari ishte i...
Urgjenca në Korçë KORÇË- Raste të shtuara të pacienteve në Korçë i drejtohen pediatrisë a...
Rovena Voda TIRANË- Ish-zëvendësministrja e Brendshme Rovena Voda, ka dhënë një intervistë për 'Euronews Albania', ...
Ibrahim El Salih Lekica TIRANË- Ibrahim El Salih Lekica ka kërkuar gjykim të shkurtuar në Gjykatën e Posaçme. Ai akuzohet p...
Policia DIBËR- Dy persona janë arrestuar ditën e sotme në Dibër, për dhënien e ndihmës së kalimit të...
