Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Tendenca pozitive u ndikua nga mineralet, lëndët djegëse dhe energjia, kryesisht nafta e favorizuar nga çmimet e rritura nga kriza si dhe industria mbështetëse automotive.
Eksportet kanë vijuar tendencën rritëse dhe në mars, për të dytin muaj radhazi, pas shumë muajsh radhazi me rënie. Tendenca pozitive u ndikua nga mineralet, lëndët djegëse dhe energjia, kryesisht nafta e favorizuar nga çmimet e rritura nga kriza si dhe industria mbështetëse automotive.
Ndërkohë, grupi më i madh dhe punëdhënësi kryesor, ai i tekstileve dhe këpucëve ka vijuar tendencën rënëse. Ecuri negative kishin dhe pije ushqime dhe duhan, të ndikuara nga përmbytjet, që dëmtuan prodhimin në sera.
Sipas INSTAT, Në mars 2026 eksportet e mallrave arritën vlerën 32.7 mld lekë, duke u rritur me 4.1%, në krahasim me të njëjtën periudhë të një viti më parë dhe me 5.6%, në krahasim me Shkurt 2026.
Gjatë muajit Mars 2026, në rritjen e eksporteve prej 4,1 %, pozitivisht kanë ndikuar grupet: “Minerale, lëndë djegëse, energji elektrike” me +5,0 pikë përqindje, “Makineri, pajisje dhe pjesë këmbimi” me +1,6 pikë përqindje, “Materiale ndërtimi dhe metale” me +0,6 pikë përqindje, etj. Negativisht kanë ndikuar grupet: “Tekstile dhe këpucë” me -1,9 pikë përqindje, “Ushqime, pije, duhan” me -0,8 pikë përqindje, etj.
Për tre mujorin, tendenca u kthye për herë të parë pozitive. Sipas INSTAT, për periudhën janar-mars 2026, eksportet ishin 90.3 miliardë lekë, me një rritje prej 1% me bazë vjetore. Edhe për tre mujorin, ndikimin kryesor pozitiv e dhanë mineralet lëndë djegëse e energji dhe makineri e pjesë këmbimi, ndërsa efekti më negativ ishte nga tekstile e këpucë dhe ushqimet.
Eksportet nga industria e veshjeve dhe këpucëve kanë shënuar muaj radhazi me rënie. Sipas eksportuesve, kërkesa për mallra kryesisht veshje pune ka nisur dobët këtë vit, të ndikuara nga tarifat e SHBA dhe tkurrja e industrisë në Gjermani. Edhe fillimi i luftës në Lindjen e Mesme ka ndikuar psikologjikisht kërkesën për veshje, duke e ulur më tej atë. Në mars, eksportet e këtij grupi ranë me 6.3%. Për tre mujorin shitjet e tekstileve e këpucëve zbritën në 25.4 miliardë lekë, me një tkurrje prej 5.2% në krahasim me të njëjtën periudhë të një viti më parë.
Në janar hyri në fuqi dhe paga e rritur minimale prej 50 mijë lekësh, nga 40 mijë lekë që ishte më parë, me fasonin, që është sektori që ndikohet më shumë nga kjo lëvizje, për shkak se rritet kosto e punës.
Eksportet e tekstileve e këpucëve vijojnë të jenë grupi më i madh eksportues në vend me 28% të totalit.
Lufta “ndihmon” eksportet e naftës
Grupi “Minerale. Lëndë djegëse, energji” ka eksportuar 8 miliardë lekë në shkurt 2026, me një rritje të fortë prej 31% me bazë vjetore. Përmirësmi është ndikuar si nga energjia, për shkak të eksporteve që u favorizuan nga moti me reshje, ashtu dhe nga nafta. Sipas “Bankers Petroleum”, që shfrytëzon me koncesion fushën naftëmbajtëse të Patos Marinzës, eksportet kanë qenë pozitive në mars, si rrjedhojë edhe e çmimit dukshëm më të favorshëm më të favorshëm. Për 3 mujorin, ky grup eksportoi 21 miliardë lekë, me një rritje prej 14.4%. Vetëm në mars, rritja ishte 26%.
Ky grup është i dyti më i madh në vend, me 23.3% të totalit.
Ushqime pije e duhan, vijon efekti i përmbytjeve
“Ushqime pije e duhan”, një nga grupet me ecurinë më të mirë vitet e fundit dhe një nga dy sektorët që ka shënuar rritje në 2025-n, e ka nisur negativisht 2026-n. Pas tkurrjes me 2% në janar, shitjet e ushqimeve jashtë vendit ranë me 14.4% në shkurt dhe 5.2% në mars. Ecuria negative e këtij grupi është ndikuar kryesish nga përmbytjet e muajit janar, që ndikuan në prodhimin e serrave. Për tre mujorin, ky grup ka eksportuar 12 miliardë lekë, me një tkurrje prej 7.3%.
Materiale ndërtimi e metale me rritje në mars
“Materialet e ndërtimit dhe metalet” e mbyllën vitin 2025 me një rënie prej 25.4%, më e thella nga të gjitha grupmallrat. Kjo tkurrje u ndikua nga mbyllja e aktivitetit të Kurum, prodhuesit të çelikut dhe një prej eksportuesve më të mëdhenj në vend.
Megjithatë, në mars, grupi i kthye rritjes për herë të parë, duke u zgjeruar me 4.2%. Për tre mujorin, eksportet ishin 12.5 miliardë lekë, me tkurrje prej 1% me bazë vjetore. Megjithatë, burime nga Kurum thanë se kompania nuk ka rifilluar ende eksportet.
Industria mbështetëse automotive, me ecurinë më pozitive këtë vit
“Makineri, pajisje, pjesë këmbimi” është grupi me ecurinë më pozitive në tre muajt e parë të vitit. Për periudhën janar-mars shitjet e tij arritën në 10.7 miliardë lekë, me një rritje prej 11.2%.
Ky grup, ku peshën kryesore e mban industria automotive është rimëkëmbur që në fund të vitit të kaluar kur kompanitë raportuan se porositë erdhën në rritje. Një pjesë e kompanive prodhojnë pjesë të thjeshta për makineri pune dhe mjete të mëdha transporti një segment që ka qenë në ecuri të qëndrueshme. Ndërkohë vendimi i KE për të lënë mjetet me djegie të brendshme përtej 2035 ne formë hibride, ndryshoi panoramën edhe për këtë vit ku porositë pritet të jenë në rritje. Presionet kryesore që kjo industri e vendosur në vendin tonë po kalon lidhen me fuqinë punëtore, zhvlerësimin e vazhdueshëm të euros pasi kontratat e tyre janë fikse disavjeçare dhe së treti rritja e beftë e pagës minimale në 50 mijë lekë.
Deficiti tregtar thellohet në mars
Në Mars 2026 eksportet e mallrave arritën vlerën 32,7 mld lekë, duke u rritur me 4,1%, në krahasim me të njëjtën periudhë të një viti më parë dhe me 5,6%, në krahasim me Shkurt 2026. Importet e mallrave arritën vlerën 80,3 mld lekë, duke u rritur me 8,8%, në krahasim me një vit më parë dhe me 17,9%, në krahasim me Shkurt 2026. Defiçiti tregtar i këtij muaji është 47,6 mld lekë, duke u rritur me 12,2%, krahasuar me një vit më parë dhe me 28,2%, në krahasim me Shkurt 2026.
Ecuria e tregtisë së mallrave sipas vendeve partnere
Në muajin Mars 2026, vendet me të cilat Shqipëria ka pasur rritjen më të madhe të eksporteve, në krahasim me Mars 2025 janë: Kosova (7,2%), Greqia (38,3%), etj. Ndërsa vendet me të cilat eksportet kanë pasur rënien më të madhe, janë: Italia (7,0%), Spanja (74,3%), etj.
Në muajin Mars 2026, vendet me të cilat Shqipëria ka pasur rritjen më të madhe të importeve, në krahasim me Mars 2025 janë: Kina (33,3%), Gjermania (15,3%), etj. Ndërsa vendet me të cilat importet kanë pasur rënien më të madhe, janë: Italia
(6,0%), Turqia (9,7%), etj.
Shkëmbimet tregtare me vendet e BE-së zënë 55,2%, të gjithë tregtisë. Në Mars 2026, eksportet drejt vendeve të BE-së zënë 69,4 % të eksporteve gjithsej dhe importet nga vendet e BE-së zënë 49,5% të importeve gjithsej./Monitor.al
TIRANË- Prindërit e Iliara Sulës, 22-vjeçares shqiptare e cila u vra nga i dashuri i saj filipinas Mark Samson, kanë rrëf...
TIRANË- Gjykata e Posaçme ka ekzekutuar masën "arrest me burg" për Lulzim Pepën, Fation Markun dhe Anton Kolën, të d...
Kosova dhe Shqipëria po diskutojnë që të thellojnë bashkëpunimin në fushën e industrisë së mbrojtjes, pë...
TIRANË- Mediat e huaja kanë bërë jehonë skandaleve të njëpasnjëshme të mashtrimeve në Call Center-at në...
KOSOVË- Prokuroria ka kërkuar dënim me burgim të përjetshëm, për tre të akuzuarit për vrasjen e Liridona Ade...
KOSOVË- Mbahet sot seanca e sotme për fjalën përfundimtare për vrasjen e Liridona Ademajt. Prokurorja, Javorka Perlin&cced...
BELGJIKË-Një 29-vjeçar shqiptar, i shpallur në kërkim për vrasje, ra në prangat e policisë belge. Mediat belge rapor...
ervis berberi TIRANË- Prokuroria e Posaçme ka kërkuar një dënim prej 10 vitesh burg për ish-drejtorin e ARRSH-së...
SHBA- Televizioni amerikan, Fox News, ka raportuar mbi paralajmërimin e Ambasadës së SHBA-së në Tiranë, më 1 prill. Si...
DURRËS- Një 30-vjeçar në Durrës është arrestuar për fshehjen e bimës narkotike. Policia ka sekuestruar 8 k...
