Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Si keqpërdoret “heshtja” në vendimarrjen e një institucioni që duhet të jetë i pavarur, për të favorizuar subjektet qeveritare
Dihet që e drejta e informimit në Shqipëri është shumë problematike. Përballë kuadrit ligjor që është thuajse perfekt, ka një nivel të mjeruar zbatueshmërie në praktikë. Në mënyrë të përsëritur kjo u përmend dhe në Progres-Raportin e Komisionit Evropian, që u bë publik ditët e fundit. Që ka disa institucione publike që nuk të përfillin fare kur i kërkon informacion, apo që aplikojnë metoda mashtrimi, që gjoja të përgjigjen duke të dhënë informacion, të cilin as nuk e ke kërkuar dhe as nuk ke interes, duke fshehur atë do të duhet dhënë sipas ligjit.
Kulmi është kur, dhe një institucion si Komisioneri për të Drejtën e Informimit dhe Mbrojtjen e të Dhënave Personale, që duhet të garantojë zbatimin e ligjit në mënyrë të pavarur, nuk ta jep informacionin e kërkuar!
Shembull konkret: Organizata rinore ATC, më datë 24.10.2024 ju drejtua institucionit të Komisionerit me një kërkesë për informim. Kërkesa ishte e thjeshtë: se në sa raste ankesash Komisioneri nuk kishte marrë vendim, (i kishte kaluar me heshtje), pavarësisht se i kishte shqyrtuar ankesat. Periudha kohore për të cilin kërkohej informacioni ishte nga 1 janari 2015 deri në datën kur do të jepej përgjigja.
Institucioni i Komisionerit më datë 06.11.2024 dërgoi si përgjigje një email “çarçaf”, shumë të gjatë, ku ishin renditur aspekte që organizata rinore as nuk i kishte kërkuar dhe as nuk kishte ndonjë interes. Për ironi ky institucion aplikoi metodën e disa institucioneve publike në Shqipëri, që u kërkon informacion për një gjë, dhe ato të japin informacion për një gjë tjetër! (Që ta quajnë kështu procesin si të “zgjidhur”!). Në përmbajtjen e emailit kishte lloj-lloj të dhënash që ishin marrë “copy-paste” nga raportet vjetore të 10 viteve të fundit, jepeshin link-ë etj., por mungonte ajo që kërkohej në fakt: se në sa raste ankesash Komisioneri nuk kishte marrë vendim, (i kishte kaluar me heshtje), pavarësisht se i kishte shqyrtuar ankesat. Përballë kësaj manovre të papërshtatshme, organizata i rishkroi institucionit të Komisionerit, se duhej të zbatonte ligjin dhe të jepte informacionin e kërkuar. Pas kësaj, institucioni i Komisionerit ndryshoi metodë dhe nisi një email shumë të shkurtër, ku e konsideronte përgjigjen “e dhënë”!!
“Shko në gjykatë”, metoda me të cilën Komisioneri favorizon agjencitë qeveritare
Institucioni i Komisionerit për të Drejtën e Informimit dhe Mbrojtjen e të Dhënave Personale në mjaft raste aplikon heshtjen për vendimarrje. Dmth e trajton një ankesë që i vjen nga subjekte të ndryshme. Por kur pritet të marrë vendim për shkeljen evidente të indentifikuar gjatë hetimit administrativ procesi ngec. Ndodh kalimi ne heshtje, duke shfrytëzuar në mënyrë abuzive një pikë të ligjit për të drejtën e informimit, që parashikon se, në qoftë se Komisioneri nuk merr vendim brenda afatit 15 ditor, atëherë ankuesit i lind e drejta për t’iu drejtuar gjykatës.
Përmes “heshtjes” ky institucion thotë: “shko në gjykatë”. Sigurisht që mund të ketë dhe ankesa që nuk i jepet dot përgjigje për kompleksitetin e tyre, apo që janë të diskutueshme. Ndaj ligjbërësi ka parashikuar dhe” heshtjen”. Ja një rast konkret kur heshtja e Komisionerit favorizoi qeverinë dhe përbuzi ankuesin: Në drejtim të Agjencisë Shtetërore për Mbështetjen dhe Zhvillimin e Startup-eve dhe Lehtësuesve mbërriti një kërkes për informim më datë 15.07.2024. Megjithëse kërkesa ishte sipas ligjit, Agjencia as nuk u përgjigj fare. Më datë 16.08.2024, ankuesi iu drejtua sipas ligjit institucionit të Komisionerit për të Drejtën e Informimit dhe Mbrojtjen e të Dhënave Personale. Ankesa kishte dy elementë thelbësorë: Së pasi se Agjencia kishte refuzuar kërkesën për të dhënë informacion; së dyti, ky institucion qeveritar nuk kishte “Program Transparence” në shërbim të publikut, kërkesë kjo e ligjit.
Më datë 22.08.2024 institucioni i Komisionerit njoftoi me shkresën me nr prot 1901/1 Agjencinë Shtetërore për Mbështetjen dhe Zhvillimin e Startup-eve dhe Lehtësuesve se kërkonte të informohej “mbi trajtimin apo procedurën e ndjekur lidhur me kërkesën për informacion” brenda datës 28.08.2024. Në shkresë shkruhej se në rast mosveprimi brenda afatit të përcaktuar, institucioni i Komisionerit “do të vlerësojë mbi ndjekjen e procedurës së mëtejshme në përputhje me nenin 18 dhe 24 të ligjit për të drejtën e informimit”. Pas kësaj shkrese institucioni i Komisionerit ndërpreu çdo kontakt me ankuesin, pavarësisht se ky i fundit bëri dhe dy shkresa të tjera kujtesë se ishte ne pritje të vendimit nga ky institucion. Ndaj Agjencisë që shkeli ligjin Komisioneri nuk aplikoi asnjë sanksion (për refuzim informacioni dhe për mospasjen e “Programit të Transparencës”), të parashikuara këto qartësisht në ligjin 119/2014, i ndryshuar. Pra, Komisioneri aplikoi “heshtjen”, duke i thënë ankuesit “shko në gjykatë”!!!
Këto qëndrime të institucionit të Komisionerit janë një lajm shumë i keq për të drejtën e informimit në Shqipëri. Tregojnë deformimin institucional dhe mbi të gjitha cënimin e pavarësisë. Favorizimi i institucioneve qeveritare zvogëlon besimin në publik të Komisionerit, shton telashet dhe mundimet e qytetarëve dhe subjekteve të intersuara, (duke i përplasur në dyert e gjykatave), çon dëm fondet e akorduar nga buxheti i shtetit dhe donatorët ndërkombëtarë.
protesta VLORË- Disa punonjëse të një fasonerie në Durrë kanë mbajtur një protestën mëngjesin e kësa...
pamje nga vendngjarja KOSOVË- Kryeministri i Kosovës, Albin Kurti, njoftoi më 25 nëntor se është vendosur gurthemeli pë...
Pajtime Fetahu ELBASAN- Forcat Speciale kanë kryer një operacion 'blic' në Elbasan nga ku raportohet se disa persona janë vendosur n&eu...
Forcat Speciale ELBASAN- Dosja.al, mëson detaje të reja nga aksioni i Forcave Speciale në Elbasan. Mësohet se synimi i operac...
Arlind Bushati dhe Hamza Lici SHKODËR- Forcat Speciale kanë nisur një aksion ditën e sotme në Shkodër. Dosja.al, më...
Artan Hoxha dhe Elton Qyno TIRANË- Masa e sigurisë ndaj dy gazetarëve të kronikës Artan Hoxha dhe Elton Qyno ka tronditur vendin d...
Suel Cela ELBASAN- Forcat Speciale kanë nisur një operacion për kapjen e Suel Çelës në Elbasan. Burime ekskluzive p&eu...
Ervin resuli TIRANË- Eksperti për çështjet e bujqësisë dhe blegtorisë, Ervin Resuli ka ngritur shqetësimin e nj&e...
foto ilustruese DURRËS- Një 22 vjeçar nga Durrësi është arrestuar ditën e sotme në Durrës,&n...
Artan Hoxha dhe Elton Qyno TIRANË- Prokuroria e Posaçme ka lëshuar sot dy urdhër-arreste për gazetarët e kronikës...
