"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Sipas njoftimit bëhet gjithashtu me dije se u kapën 14 shtetas të shpallur në kërkim ndërkombëtar dhe 59 shtetas të shpallur në kërkim kombëtar.
TIRANË- Policia e shteti ka bërë bilancin për muajin janar të 2024, ku njoftohet se janë finalizuar 98 operacione policore.
Sipas njoftimit bëhet gjithashtu me dije se u kapën 14 shtetas të shpallur në kërkim ndërkombëtar dhe 59 shtetas të shpallur në kërkim kombëtar.
Gjithashtu mësohet se janë zbardhur 83 ngjarje kriminale në të gjithë vendin.
NJOFTIMI I POLICISË:
Policia e Shtetit, gjatë muajit janar 2024
Megaoperacione me impakt të lartë publik kanë shënjuar punën e Policisë në 12 qarqet e vendit, në këtë fillim intensiv të vitit.
Kjo punë është bazuar në elemente si: ✔analizimi në dinamikë i fenomeneve kriminale më shqetësuese për komunitetin, ✔bashkëpunimi me qytetarët dhe me partnerët ndërkombëtarë, ✔kontakti 24/7 me terrenin dhe ✔puna e inteligjencës policore.
Rezultatet gjatë këtij muaji shënojnë 98 operacione të finalizuara.
✅Gjatë këtij muaji megaoperacioni “Tempulli”, me fokus pastrimin e shkollave, lokaleve dhe rrugicave, nga drogat, përmbylli fazën e parë, me vënien në pranga të 563 prodhuesve/shpërndarësve të narkotikëve, si dhe me sekuestrimin e rreth 800 kilogramëve droga të ndryshme dhe 15 armëve të zjarrit.
✅Në janar u iniciua megaoperacioni “Tempulli 2”, i cili deri më tani ka çuar përpara drejtësisë 301 shtetas, ka goditur 11 grupe kriminale në fushën e narkotikëve, si dhe ka sekuestruar rreth 585 kilogramë droga të ndryshme (cannabis, kokainë dhe heroinë) dhe 12 armë zjarri.
✅Më tej, megaoperacioni “Sundimi i ligjit” shtriu efektet e tij në çdo skaj të territorit, rriti parametrat e sigurisë në komunitet, si dhe forcat parandaluese dhe goditëse të Policisë. Konkretisht, në kuadër të këtij megaoperacioni:
-u kapën 14 shtetas të shpallur në kërkim ndërkombëtar dhe 59 shtetas të shpallur në kërkim kombëtar;
-u sekuestruan 7 mina me telekomandë, gjatë operacioneve “Safe City”, “New Start” dhe “Brothers”, në Mirditë, Lezhë dhe Tiranë. Nëpërmjet këtyre operacioneve, Policia parandaloi ngjarje të rënda kriminale kundër personit. Ndërkaq, forca parandaluese e Policisë dhe reagimi i menjëhershëm për njoftimet e qytetarëve parandaluan dhe përshkallëzimin e 8 konflikteve, kryesisht: në familje, me mjete prerëse ose për motive pronësie.
-u sekuestruan 18 armë zjarri në të gjithë vendin dhe një arsenal në Fier, në kuadër të operacionit “Risku”, i përbërë nga: mitraloz, bomba dore, radio, GPS dhe nga një sasi e madhe municioni të kalibrave të ndryshëm;
-u finalizuan operacionet “Taksisti”, në Korçë dhe “Çikago”, në Tiranë, të cilat goditën veprimtaritë kriminale të trafikimit të cannabisit dhe armëve të zjarrit, nga Shqipëria në RMV ose nga ShBA në Shqipëri. 13.2 kg cannabis, 1 kallashnikov dhe 8000 euro u sekuestruan nga të dyja operacionet;
-u zbardhën 83 ngjarje kriminale, konkretisht: ✔79 vjedhje, disa prej tyre me dhunë ose me thyerje, ✔vendosja e eksplozivit në një banesë dhe në një biznes në Dibër, si dhe ✔2 raste të djegies së automjeteve në Tiranë;
-u goditën 14 raste të kontrabandës me mallra si: fishekzjarre, puro, bizhuteri floriri, celularë, bagëti, veshje dhe produkte të tjera;
-u goditën 15 raste të organizimit të kundërligjshëm të lojërave të fatit, kryesisht baste sportive, në lokale;
-u evidentuan dhe goditën 71 raste të krimeve mjedisore, si: ndërtime të paligjshme, shpërdorim të tokës dhe prerje të paligjshme të pyjeve.
✅Përveç dimensionit ligjor të punës së Policisë së Shtetit, prezent gjatë janarit ka qenë dhe dimensioni human i saj. Në Valbonë, mal të Korabit, Hot dhe në Kurbin iu dha ndihmë 7 shtetasve shqiptarë dhe të huaj, të cilëve iu rrezikuan jetët nga bllokimi për shkaqe të ndryshme.
✅Policia Rrugore dhe makinat inteligjente kanë qenë prezente gjatë këtij muaji, në të gjitha akset e vendit, me qëllimet e vetme: parandalimin e aksidenteve rrugore dhe lëvizjen e lehtësuar të përdoruesve të rrugës.
Si rezultat i punës parandaluese dhe monitorimeve të pandërprera:
✔Janë vënë në pranga 179 drejtues mjetesh, nga të cilët 137 për drejtim të mjetit në gjendje të dehur dhe 42 për drejtim të mjetit pa leje drejtimi.
✔Janë pezulluar 293 leje drejtimi, nga të cilat 124 për tejkalim të normave të shpejtësisë, 88 për drejtim mjeti, nën ndikimin e pijeve alkoolike dhe 81 për shkelje të tjera të Kodit Rrugor, për të cilat parashikohet kjo masë administrative.
✅Ndërkaq, Policia Kufitare ka ofruar shërbim cilësor, të shpejtë dhe etik, për qytetarët në hyrje/dalje, në të gjitha pkk-të, si dhe ka garantuar qarkullimin e lirë dhe të sigurtë të shtetasve, mallrave dhe shërbimeve.
Për të përmbushur këtë qëllim, janë goditur:
✔55 raste të kalimit të paligjshëm të kufirit;
✔6 raste të përdorimit të dokumenteve false për të kaluar kufirin;
✔8 raste të kontrabandimit të mallrave;
✔5 raste të braktisjes së të miturve.
Policia e Shtetit garanton se do të vijojë intensivisht megaoperacionet “Sundimi i ligjit” dhe “Tempulli 2”, si dhe bashkëpunimin me qytetarët dhe me partnerët ndërkombëtarë, për të krijuar një ambient të sigurtë dhe zbatimin e të drejtave të qytetarëve.
Ftojmë që të denonconi në njësitë e Policisë, në Komisariatin Dixhital dhe në numrin pa pagesë 112, çdo rast paligjshmërie.
foto ilustruese TIRANË- Dy të rinj në Tiranë janë arrestuar në kuadër të operacionit policor "Shëtitësit"...
foto ilustruese ITALI- Një laborator për përgatitjen e heroinës u zbulua në San Severo në Itali nga policia vendase. Në ...
foto nga vendngjarja KORÇË- Një banesë është përfshirë nga flakët në katin e parë të nj&...
foto ilustruese TIRANË- Depërtimi i masave ajrore me origjinë jugperëndimore do të bëjë që vendi ynë kët&...
fatbardha me bashkëshortin GREQI- Një tjetër grua shqiptare ka humbur jetën nga tradhëtia dhe dhuna në familje. Para se t&eum...
Foto ilustruese TIRANË-Pedagogia Majlinda Keta është shprehur se e djathta në Shqipëri është e ç’organizua...
Foto ilustruese TIRANË-Gjetjet e kësaj jave në Barmetri tregojnë se shqiptarët janë besnikë ndaj kampeve poltike dhe pa...
Foto e kabujve KOSOVË-Disa ditë më parë në Fiks Fare u transmetua një video e një qytetari nga rruga "OSBE" në Kam&...
ligatina SHQIPËRI- Në Ditën Ndërkombëtare të Ligatinave, një numër organizatash mjedisore, studentë dhe pë...
foto ilustruese TIRANË- Në një letër të përbashkët drejtuar institucioneve qeveritare, 28 organizata të shoqër...
