"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Nëntorin e kaluar, kryeministri i Shqipërisë, Edi Rama, dhe kryeministrja italiane, Giorgia Meloni, e nënshkruan marrëveshjen, sipas së cilës Italia do t’i dërgojë në Shqipëri emigrantët që i kap dhe i shpëton në Detin Mesdhe, duke filluar nga pranvera e këtij viti.
SHËNGJIN- Ka filluar puna për ndërtimin e një qendre për regjistrimin emigrantëve në qytetin e portit veriperëndimor të Shqipërisë, Shëngjin, në bazë të një marrëveshjeje mes Shqipërisë dhe Italisë, njoftuan autoritetet shqiptare të mërkurën.
Në portin e Shëngjinit u përcaktua kohë më parë një vend ku tani ka nisur të ndërtohet qendra për regjistrimin dhe verifikimin e emigrantëve që kapen nga autoritetet italiane në Detin Mesdhe.
Shqipëria pritet t’i pranojë deri në 36.000 emigrantë nga fillimi i muajit të ardhshëm, në bazë të marrëveshjes.
Drejtori i Portit të Shëngjinit, Sandër Marashi, tha për media të mërkurën se Qeveria italiane kishte kërkuar rreth 4.000 mijë metër katrorë tokë brenda territorit të portit dhe se strehimi i emigrantëve pritet të fillojë kah fundi i majit.
“Sipërfaqja që u kemi dhënë nuk na pengon ne në përpunime, apo aktivitetin që ka porti i Shëngjinit. Nga mesi ose fundi i muajit maj pritet që të vijnë emigrantët e parë”, tha Marashi. Punimet po kryhen nga kompani shqiptare të kontraktuar nga Italia.
Nëntorin e kaluar, kryeministri i Shqipërisë, Edi Rama, dhe kryeministrja italiane, Giorgia Meloni, e nënshkruan marrëveshjen, sipas së cilës Italia do t’i dërgojë në Shqipëri emigrantët që i kap dhe i shpëton në Detin Mesdhe, duke filluar nga pranvera e këtij viti.
Sipas marrëveshjes, emigrantët e regjistruar në qendrën e Shëngjinit më pas do të shoqërohen në një qendër strehimi në veri, në Gjadrit të Lezhës, ku ka disa ditë që ka filluar ndërtimi i saj.
Kuvendi i Shqipërisë e ratifikoi këtë marrëveshje në shkurt, me gjithë kundërshtimin nga opozita dhe shqetësimet e ngritura për mungesë transparence.
Dy ditë pasi u nënshkrua ajo nga Rama dhe Meloni, Amnesty International tha se marrëveshja është e “jashtëligjshme dhe e pazbatueshme”.
Sipas marrëveshjes, Italia do të depozitojë 16.5 milionë euro në një llogari të posaçme të Thesarit të Shqipërisë, si paradhënie për strehimin e emigrantëve në Shqipëri.
Marrëveshja parasheh që emigrantët që do të kapen në Detin Mesme dhe të strehohen në Shqipëri dhe strehimin e tyre do ta financojë shteti italian.
Hyrja e emigrantëve në ujërat territoriale dhe në territorin e Shqipërisë do të kryhet ekskluzivisht me mjetet e autoriteteve kompetente italiane.
Në dokumentin e publikuar nga Qeveria shqiptare nënvizohet se autoritetet italiane do të përballojnë çdo shpenzim të nevojshëm për akomodimin dhe trajtimin e emigrantëve, duke përfshirë ushqimin, kujdesin shëndetësor dhe çdo shërbim tjetër që do të vlerësohet i nevojshëm dhe duke u kujdesur që ky trajtim të respektojë të drejtat dhe liritë themelore të njeriut, sipas së drejtës ndërkombëtare.
Italia, sipas marrëveshjes, do të financojë të gjitha shërbimet e kujdesit spitalor, por edhe të pajisjeve, sikurse automjetet dhe karburantet si dhe pagesat për avokatë. Ndërkaq, Shqipëria do të ofrojë lehtësira për personelin italian që do të punojë në Shqipëri, të cilët do të përjashtohen nga nevoja për pajisje me viza, leje të qëndrimit dhe kërkesa të tjera që kërkohen nga legjislacioni shqiptar për migracion.
Po ashtu marrëveshja parasheh edhe obligimet që ka Italia sa i përket ofrimit të sigurisë të qendrave të pritjes së emigrantëve, ndërkaq Shqipëria do të ofrojë siguri për emigrantët gjatë transportit të tyre jashtë këtyre qendrave.
Fillimisht pritet të strehohen rreth 3.000 persona, ndërsa në një vit fluksi emigrator mund të shkojë deri në 36.000 persona./REL
policia e vlores VLORË- Një 46-vjeçar është proceduar penalisht në Vlorë dhe është shpallur në kër...
OSHEE TIRANA- Të gjithë ata që kanë detyrime të prapambetura të energjisë elektrike qoftë biznese, familjarë a...
Foto ilustruese TIRANË-Piktori Ali Oseku u nda dje nga jeta pas një sëmundjeje të rëndë në moshën 80-vjeçar...
Foto ilustruese TIRANA- Një 55-vjeçar ka rënë nga lartësia e kantierit ku po punonte, në kryeqytet, dhe për pasojë...
Foto Ilustruese TIRANË- Fermerët në Shqipëri janë bërë bashkë për të themeluar Shoqatën e Bleg...
Foto ilustruese TIRANA- Mesazhe të dyshimta në telefona, WhatsApp apo forma të tjera, të cilat priren t’ju udhëzojn&...
Gjin Gjergji BRITANI- 52-vjeçari shqiptar, i dënuar për pedofili pas përdhunimit të një 15-vjeçareje në vi...
La piana di Fondi ITALIA- 80 karabinierë nga komanda Latina dhe Catania në Itali u angazhuan në një operacion për ekz...
Foto ilustruese VLORË-Një 21-vjeçar është vënë në pranga për përndjekje dhe kërcënime pë...
Droga LEZHA- Një 45-vjeçari Eduard Koka u arrestua në Lezhë pasi u kap duke shpërndarë doza kanabisi. Operacioni policor i ...
