Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
BRUKSEL– Bashkimi Europian do të financojë 9 miliardë euro për rajonin e Ballkanit Perëndimor në kuadër të zhvillimit ekonomik dhe rimëkëmbjes. Komisioneri i BE-së për zgjerimin, Oliver Varhelyi, në mbledhjen e Këshillit Europian tha se në rajon do të investohen 9 miliardë euro për Ballkanin për periudhën 2021-2027, duke shtuar se paketën do të prezantojë vetë gjatë turit të tij, që do të nisë nesër me vizitën në Shqipëri. Sipas Varhelyi, fondi i BE do të përdoret si financim për sektorët kryesorë të investimeve, për një integrim të suksesshëm ekonomik rajonal, për të ndihmuar përshpejtimin e procesit të integrimit BE.
“Sot ne paraqesim planin Ekonomik dhe të Investimeve për Ballkanin Perëndimor për të rritur zhvillimin ekonomik dhe rimëkëmbjen e rajonit. Ne do të mobilizojmë deri në 9 miliardë euro financim për sektorët kryesorë të investimeve në transport, energji, tranzicion të gjelbër dhe dixhital, për të krijuar rritje të qëndrueshme dhe vende pune. Përveç kësaj, kapaciteti investues i rajonit duhet të rritet duke mobilizuar një lehtësim të ri të Garancisë së Ballkanit Perëndimor, ambicie për të rritur potencialisht investime deri në 20 miliardë €. Plani do të rrisë grantet në krahasim me huatë, pasi hapësira fiskale e rajonit është e kufizuar. Plani gjithashtu ofron një rrugë për një integrim të suksesshëm ekonomik rajonal për të ndihmuar përshpejtimin e afrimit të procesit të integrimit BE. Ky plan duhet të ndihmojë për të transformuar Ballkanin Perëndimor në një nga rajonet më tërheqëse për investime në botë,”– tha në fjalën e tij Varhelyi.
Sa i përket punës për çeljen e negociatave me Shqipërinë dhe Maqedoninë e Veriut, Komisioneri për zgjerim tha se vendi ynë është drejt përmbushjes së kushteve për konferencën e parë ndërqeveritare. Megjithatë shtoi se shpreson që ndryshimet në Kodin Zgjedhor të mos ndikojnë për keq ndaj Shqipërisë.
“Këshilli po konsideron vendimin për negociatat me Shqipërinë dhe Maqedoninë e Veriut. Shqipëria është shumë pranë përmbushjes së kushteve për konferencën e parë ndërqeveritare. Kemi përgatitur planin ekonomik për Rajonin. Duhen më shumë grante se sa kredi. KE ka dhënë 20 mld euro në Ballkanin Perëndimor, dhe uroj që të marrë dritën jeshile për konferencën e parë ndërqeveritare. Këto vende janë fokusi kryesor i BE. KE propozon 9 mld euro të tjera për Ballkanin Perëndimor për periudhën 2021-2027”.
Ai komentoi edhe situatën politike në vendin tonë dhe zhvillimet më të fundit që kanë të bëjnë me ndryshimet në Kodin Zgjedhor dhe mungesa e Gjykatës Kushtetuese. Megjithatë ai shtoi se përgjithësisht vlerësimi për punën e bërë konsiderohet pozitiv. Por për një opinion më të qartë tha se do ta shohë vetë situatën në vend nesër.
“Shqipëria duhet të mbetet e angazhuar për vijimin e reformave. Shqipëria ka bërë progres të qendrueshëm në zbatimin e rekomandimeve të ODIHR. Rritja ekonomike në Ballkan është një nga qëllimet e BE-së. Po e shohim çështjen e reformës zgjedhore me sy të hapura mirë dhe do shkoj t’i shoh gjërat vetë në terren” tha ai, referuar vizitës që do të zhvillojë nesër në Shqipëri,” – tha gjatë fjalës së tij Varhelyi.
REFORMA ZGJEDHORE DHE NDRYSHIMET NË KOD:
Shqipëria ka ndjekur me insistim rrugën e reformave dhe autoritetet shqiptare vazhdojnë të tregojnë se janë të përkushtuara në realizimin e tyre. Shqipëria ka bërë një progres të madh dhe është shumë afër plotësimit të kushteve për arritjen e realizimit të të qenit pjesë në Konferencën e parë ndërqeveritare. Është shënuar një progres i jashtëzakonshëm me Reformën elektorale me Marrëveshjen e Nënshkruar me 5 Qershor dhe implementimin e rekomandimeve të OSBE –ODIHR. Po vazhdohet me implementimin e reformës në Drejtësi, po ashtu po vazhdon edhe Lufta kundër krimit të organizuar. Janë bërë përpjekje të jashtëzakonshme në vendosjen e rendit dhe sundimit të ligjit. Shqipëria gjithashtu duhet të vazhdojë me reformat e saj edhe në periudhën para zgjedhore. Sa i përket zh Kodit Zgjedhor po e ndjekim me vëmendje dhe shpresojmë që kjo çështje të mos jetë gabim. Kemi punuar për arritjen e një marrëveshje. Kam folur me të gjithë në veçanti me kryeministrin, por ne sërish do të jemi vigjilentë. Do shkoj ta shikoj vetë punën në terren.
GJYKATA KUSHTETUESE ENDE JO FUNKSIONALE
Me katër anëtarët aktualë, Gjykata ka kuorumin minimal për të gjykuar mbi pranueshmërinë e çështjeve. Procesi i përzgjedhjes për tre poste të lira është duke vazhduar. Procesi është prekur pak nga kriza COVID-19, por pritet të finalizohet si përparësi. Përfundimi i emërimeve në Gjykatën Kushtetuese do të vazhdojë pasi Gjykata e Lartë të arrijë kuorumin e kërkuar prej tre të pestave të anëtarëve në detyrë, pasi kjo e fundit është autoriteti i tretë emërues së bashku me Asamblenë dhe Presidentin e Republikës.
Nesër Komisioneri për Zhvillim dhe Fqinjësi të mirë, Oliver Varhelyi do të zbarkojë në Tiranë ku përveçse do të prezantojë planin e investimeve do të takohet edhe me të gjithë faktorët politikë në vend. Ndërsa pasdite, në orën 16:00 do të mbajë një fjalim në Kuvendin e Shqipërisë.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE- Ka përfunduar mbledhja e Partisë Demokratike me aleatët e zhvilluar në ambientet e selisë blu.Në përfundim të mbledhjes Lulzim Basha është shprehur se n...
BRUKSEL– Komisioneri për Zgjerim Oliver Varhelyi ka zhvilluar një konferencë për shtyp pas prezantimit të planit ekonomik për rajonin e Ballkanit Perëndimor. I ...
TIRANË- Për më shumë se një orë, kryeministri Edi Rama ka mbledhur sërish në selinë e Partisë Socialiste drejtuesit politikë në qarqet e vendit. Burime për...
Komisioneri për Fqinjësinë dhe Zgjerimin Olivér Várhelyi, deklaroi sot se Shqipëria ka përparuar në objektivat për hapjen e bisedimeve të anëtarësimit me Bashki...
TIRANE– Komisioni Europian propozon 9 miliard euro per Ballkanin për periudhën 2021-2027. Këtë e deklaroi komisioneri Oliver Varhelyi para Komisionit të p...
TIRANE- Nga data 1 janar e vitit 2021 të gjithë shqiptarët që duan të udhëtojnë në vendet shengen do të përballen me një lëvizje të re. Bëhet fjalë për një sist...
TIRANE– Presidenti i vendit, Ilir Meta ka reaguar në lidhje me kontributin që po japin vendet si SHBA, Europa, Kandaja, Australia e kushdo tjetër, që sipas tij ...
TIRANË– Deputetja Rudina Hjadari ka prezantuar projektin me emrin ‘Nisma’, me të cilin pretendon të futet në garën e 25 prillit. Përmes një statusi në rrje...
