SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Ne, të pavarurit, jemi moralisht superior ndaj anëtarëve të partive politike sepse mund të themi gjithçka që mendojmë pa përdorur korniza kryetarësh e kufizime partiake, përveç kornizave të etikës dhe moralit për të respektuar tjetrin në lirinë e mendimit dhe të zgjedhjes së tij politike. Në këto kushte, edhe unë, në lirinë time, sot do të shkruaj për katrahurën që ka ndodhur dhe po ndodh tek tre partitë më të mëdha politike në Shqipëri dhe së fundmi tek Partia Demokratike.
Shumë prej nesh, sidomos ata me prirje të majta, sot janë duke u kënaqur për çka është duke ndodhur me partinë më të madhe opozitare sepse, pas dobësimit të saj, të majtët shohin veten në pushtet të përjetshëm. Por a i duhet kujt kjo?
Në kushtet e sistemit tonë politik, demokracia nuk mund të funksionojë pa partitë politike. Nëse partitë dobësohen, nuk duhet të habitemi aspak kur edhe demokracia, që jemi përpjekur të ndërtojmë, të dobësohet. Asnjë individ, qoftë ky i varuar ose jo, asnjë grupim i cili nuk është parti politike, nuk mund të zëvendësojë rolin vendimtar të partive në demokraci. Nëse një ditë partitë politike do të zhduken, pa atë ditë do të zhduket edhe demokracia. Pra ne nuk na duhet sistemi një partiak, jemi të tej ngopur pesëdhjetë vjet me të.
Por çfarë ka ndodhur dhe është duke ndodhur me partitë politike në Shqipëri?
Me ardhjen në pushtet të Edi Ramës, lufta politike nuk ishte më lufta me programe dhe ide, por u bë luftë kulisash, luftë pas shpine, luftë meskine dhe partitë politike të ndihmuara dhe nga ndryshimet kushtetuese të vitit 2008, u kthyen në organizata pronarësh me anëtarë pa vizion, pa integritet, pa profesonializëm dhe pa personalitet.
Qëllimi i Edi Ramës nuk ishte mundja e “armiqve” politikë me ide dhe program por tek asgjesimi fizik i tyre (e kam fjalën për asgjesim politik) por dhe tek asgjesimi i mendimit (jo vetëm të mendimit ndryshe, por të krejt mendimit) brenda partisë së tij. Qëllimin për asgjesimin e mendimit brenda partisë së tij, ai e arriti pa shumë vështirësi (kujtojmë këtu të vetmen rezistencë “Lëvizja për Mendimin Ndryshe”) dhe e mbushi partinë me lepe-peqës të paskrupuj, me servila pa shtyllë kurrizore, me kopjues të këqijë të cilët mendojnë se duke lëvizur edhe gishtat si shefi do të mund t’i pëlqejnë atij, e kështu partia socialiste nga një parti shumëmendimshe u kthye në një parti unimendim. Anëtarët e saj tashmë kishin dhe kanë një “diell” që i ndriçon, një “Skënderbe” që i udhëheq, e që ta kënaqin liderin e tyre ata të gjithë mund të hanë edhe bar.
Qëllimin për eleminimin e kundërshtarëve politik, Edi Rama, filloi ta “qëndis” dalëngadalë me moton “përça e sundo”, duke goditur së pari LSI-në derisa e uli në gjunjë, e tani e ka radhën PD-ja.
Ku është PD-ja dhe si do jetë ajo pas betejës që po bëhet brenda saj?
Debati është i thjeshtë, në njërin krahë është është Berisha, të cilit të gjithë ia njohim aftësinë që ka për të ngritur masat, pak apo shumë këtë do ta shohim, dhe në anën tjetër Basha i cili, gjithmonë sipas mendimit tim, është njeriu që nuk mundi të krijojë asnjë frymë në parti.
Ai njësoj si Rama, po përpiqet ta kthej PD-në, në parti pa mendim, ta mbush me servilë dhe njerëz të paaftë, me figura të kopjuara keq me letër kalk jo me fotokopje të cilët nuk japin besim dhe as siguri tek elektorati as i PD-se e aq më tepër tek elektorati gri.
Shumë prej nesh mund të jemi velur e nginjur me kaq shumë politikë, me kaq shumë polarizim ndërkohë që jetët tona nuk përmirësohen, është e vërtetë edhe unë jam një prej këtyre njerëzve por, sot mendoj se ne duhet t’i kuptojmë partitë politike në të njëjtën mënyrë siç kuptojmë për shembull agjentët imobiliar, të cilët edhe pse mund t’i kemi inat e përqindjet e tyre të na duken të larta, ata do të vazhdojnë të na ofrojnë një shërbim që na duhet, ne do të vazhdojmë t’iu drejtohemi kur të kemi nevojë për të blerë një shtëpi sepse e kemi të pamundur të gjejmë aq shumë kohë sa të vlerësojmë të gjitha ofertat dhe të bëjmë negociatat për çmimin. Njësoj duhet të mendojmë edhe për partitë.
Edhe pse në Shqipëri partitë gjithmonë janë më të shqetësuara për veten sesa për votuesit e tyre, politika funksionon shumë më mirë kur ka disa parti, demokracia është më e sigurt me praninë e tyre.
Për këtë arsye, unë dua që Partia Demokratike pas kësaj beteje, me apo pa Sali Berishën, me apo pa Lulëzim Bashën, të dal më e fortë, dua që ajo të ngrihet në nivelin e një opozite luftarake e cila të mos i japë asnjë moment qetësie qeverisë. Po për arsyen e sigurisë së demokracisë, unë dua që LSI-ja të ringrihet, me apo pa Ilir Metën, me apo pa Monika Kryemadhin, kjo pak rëndësi ka por, të ngrihet dhe të jetë poli i tretë politik në Shqipëri.
Në vendin tonë me një demokraci të dobët, kur kryetarët e partive politike sapo marrin pushtetin nisin vrapimin drejt autokracisë, është e domosdoshme ekzistenca e partive të forta politike opozitare. Numri i madh i partive politike (131 parti) nuk na siguron demokracinë, por qoftë edhe vetëm një parti e fortë përballë pushtetit jep siguri se pushteti nuk mund të kthehet në dikataturë.
Partitë politike gjithmonë janë konsideruar një e keqe e domosdoshme, për këtë arsye, në vend që të festojmë dobësimin e Partisë Demokratike, ne duhet të kuptojmë se, kur partitë pushojnë së ekzistuari edhe demokracia është e destinuar të vdes.
Iftar dhe politikë, a u prek Muaji i Ramazanit nga politikanët?
TIRANË– Shqipëria do të ketë në dispozicion edhe spitalin Covid-4 nëse numri i të infektuarve që kanë nevojë për ndihmë mjekësore vijon të rritet. Në...
GREQI- Në fillim të viteve 1990, dhjetëra mijëra emigrantë të varfër shqiptarë kaluan nëpër pyjet pranë fshatit Ieropigi, duke iu shmangur patrullave kufitare g...
TIRANË– Institucionet arsimore në Tiranë të dëmtuara nga tërmeti i 26 nëntorit 2019 janë ende shumë larg rindërtimit ose rikonstruksionit, ndërkohë q...
Nga Blendi KajsiuHeshtja duket se është strategjia kryesore e kryetarit të PD-së përballë fushatës që ka nisur Berisha… në bazë. Synimi i tij është të evitojë p...
FIER- Kamera e fshehtë e emisionit “Stop” bëri një vëzhgim në Komisariatin e policisë Shkodër dhe Fier. Shumica e makinave, që hynin brenda parkimit të komisari...
ZVICËR- Votuesit zviceranë mbështetën me vendosmëri martesat e të njëjtit seks në referendumin mbarëkombëtar këtë të diele. Parashikimet e para treguan se ...
TIRANË– Kolegji Penal i Gjykatës së Lartë vendosi sot të prishë vendimin e Apelit për çështjen Tahiri dhe e ktheu për rishqyrtim po në atë gjy...
BRITANI E MADHE– Shqiptari 36-vjeçar Koci Selamaj është personi që është vënë në pranga pasi akuzohet de ka masakruar mësuesen 28-vjeçare Sa...
TIRANË– Kur gazetarja e Klan News, e pyeti të hënën në Opinion, nënkryetarin dhe kryetarin e grupit parlamentar të PD-së, pse partia e tij nuk ka fol...
Në kulmin e krizës së eurozonës, një nga këshilltarët e ngushtë të Angela Merkel më shpjegoi ambicjen e saj drejtuese: t’i lërë trashëgim pasardhësit të saj një...