Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Nga Nikoll Lesi
Deri dje isha pro lëvizjes së Doktorit, pra Saliut, sepse pavarësisht nga se u nis ai, për demokratët apo për vete, “Foltorja” ishte një gjallërim, karikim i bazës së deziluzionuar të demokratëve nga humbjet e njëpasnjëshme të BASHËS si kryetar. Ndonëse nuk e besoj akoma se Basha ka vendosur krejt i vetëm për disa vendime të mëdha politike si dorëzimi i mandateve, mosfutja në zgjedhjet lokale apo heqja nga lista e emrave historikë si Jozefina Topalli, Arben Imami, Ridvan Bode, Astrit Patozi etj.
Berisha ishte dhe mbetet Burrë Shteti, paçka se ka shumë akuza mbi supe, ka lejuar apo bërë të pabëra të mëdha shqiptare.
Duam apo nuk e duam Saliun, ai bashkë me Ilir Metën u hoqën vizat për në BE shqiptarëve e kjo është historike. Saliu dhe Meta futën Shqipërinë në NATO. Ndërkohë që RRUGA E KOMBIT ka firmën e Sali Berishës. Nëse nuk e bënte Berisha atëkohë, edhe sot e kësaj dite Kosova dhe Shqipëria do ishin dy shtete të ndara përgjithmonë prej moskomunikimit me infrastrukturë moderne.
Tani Lulzim Basha thotë se edhe ai e bëri Rrugën e Kombit, por nuk është ashtu pasi ishte thjesht ministër Transporti e zbatoi vendimmarrjen e Berishës.
Sot nuk po përmendim edhe disa ta pabëra të Sali Berishës kur në pushtetin e kohës së tij, në 26 maj 1996, ai shkeli për herë të parë institucionin e votës së lirë duke futur duart në kutitë e votimit.
Dhe që prej asaj dite të tmerrshme të 26 majit 1996 nuk ka më zgjedhje të lira në Shqipëri. Sot është perfeksionuar vjedhja dhe blerja e votës së lirë. Por iniciuesi apo ai që prishi i pari votimet ishte Sali Berisha.
Nuk po themi se dogji e shkatërroi median e lirë të kohës, pasi ajo tani ka vendim të gjykatës së lartë me firmë e vulë për pushtetin kriminal të PD-së më 2 mars 1997, kur dogji KOHA JONË tamam si nazistët.
Por le të kthehemi në kohë dhe te vijmë te dueli Berisha- Basha për PD-në.
Siç thashë në fillim Foltorja e nxori PD-në nga përgjumja, asfiksia dhe monotia e pesimizmit se “me Lulin jemi në opozitë gjithë jetën”. Berisha gjallëroi bazën, frikësoi kryeministrin Rama për mundësinë e fillimit të protestave pa ndalesë në sheshin para kryeministrisë.
Ndërkohë Basha sulmon nga selia blu dhe nga salla e parlamentit, por kjo nuk mjafton për t’u përballur me regjimin e Ramës. Kryeministri me këtë mënyrë opozitare të Bashës rri deri pas viteve 2030 në pushtet.
Deri këtu jemi me Berishën si lëvizje e jo si mbrojtje personale!
Një vend pa opozitë të fortë dhe të besueshme është shtet autokratik e aq me tepër në Shqipëri ku kryeministri kthehet në mbret.
Firmat e delegatëve të PD janë për Berishën. Nëse janë të vërteta, që prapë mendoj se janë të sakta, ata duan Kuvendin dhe largim të Bashës.
Deri këtu prapë jemi dakord se Kuvend duhet të ketë. Deri pardje Basha deklaronte se nuk do të ketë Kuvend Kombëtar të PD!
Lëvizja 180-gradëshe e Bashës natyrisht ishte djallëzore dhe e mirëllogaritur, siç doli mbrëmë vonë deri në perfeksion diabolik.
Basha vendosi me kryesine se me datë 18 dhjetor do të kemi Kuvend të PD, nderkohe qe data 11 dhjetor ishte shpallur nga Saliu.
Nëse Berisha dhe Basha, siç thonë formalisht në publik, duan një PD të fortë dhe të përbashkuar duhet të gjenin një zgjidhje për duelin final mes tyre e ku njëri mbetet e tjetri mund të rrijë si fraksion në PD. Aq me tepër që projekt-statuti që kërkon Berisha është shumë jetësor për një PD e cila synon të vijë në pushtet.
Nga ana e tij Basha për ti gërricur nervat Saliut nxori agjendën e Kuvendit me disa pika që nuk përkojnë aspak me atë që duan demokratët e firmave dhe Saliu. Mendoj se e bëri kastile për të provokuar Saliun, siç ia arriti fatkeqësisht, dhe për ta nxjerrë atë në sytë e publikut dhe sidomos të bazës demokrate se BERISHA
NUK ËSHTË NJËRI I KOMPROMISIT PËR PD, POR E KA HALLIN TE HALLET E VETA.
Berisha doli mbrëmë me nxitim e sipër dhe tha JO më 18 dhjetor, duke sjellë që Basha të fitojë lojën për momentin në sytë e publikut.
Nëse Berisha do të këshillohej apo të ishte më i qetë pas kësaj lëvizje shahu politik nga Basha, ai si njeri i rrahur me “ vaj e uthull” do të bënte një gjest sfidues historik për veten dhe PD; të thoshte PO, më 18 dhjetor do jemi aty të gjithë dhe nëse ka delegatët protij e bënte Lul Bashën të fliste me vete në sallën e Kuvendit sepse çdo akt do t’ia rrëzonte salla e Kuvendit live para miliona syve të shqiptarëve.
Ajo puna që siç tha Saliu mbrëmë se nuk mund të prekë vullnetin e 4200 delegatëve që kanë firmosur për datën 11 dhjetor, nuk e ha njeri pasi ata kanë firmosur një formular të bërë në zyrat e Berishës. Dhe mirë kanë bërë por të thuash tani se “janë ata që vendosin”, kur fare mirë të gjithë e dimë se si ka vepruar Berisha me PD-në tash 30 vite.
Natyrisht që vlerat e Saliut si ish-lider i kësaj partie mbeten historike dhe të gdhendura në selinë blu, porse të na bëjnë sikur nuk mund të bindë 4200 delegatë për ta ndryshuar datën, nga 11 në 18, këtë nuk e ha asnjë.
Berisha do të hynte në histori për së dyti nëse mbrëmë thoshte: Po, për hir të mospërçarjes dhe për shkak se më ka ftuar kastile do shkojmë më 18 dhjetor atje, te logu i burrave për ta dërmuar mu në sallë.
Nëse siç thotë se ka shumicën e delegatëve sapo të hynte në sallën e Kuvendit dhe delegatët te ngriheshin të gjithë në këmbë duke thirrur: Sali Berisha, Sali Berisha, kaq do ishte dhe Kuvendi mbaronte punë.
Por Berisha nuk e ka pranuar deri tani këtë duel.
Tani detyrohemi të bëjmë “avokatin e djallit”. Nga dje Basha fitoi sfidën publike me Saliun derisa kanë filluar të qarkullojnë teoritë konspirative se Berisha nuk ka garanci te votimi i fshehtë në Kuvend etj etj.
Ndaj Sali Berisha duhet të bëjë aktin publik të sfidës: të pranojë vetëm një Kuvend, atë të datës 18 dhjetor me njerëzit e datës 11 dhjetor!
Cila mendoni se është alternativa më e mirë:
TIRANË– Kryetari i Bashkisë Tiranë Erion Veliaj ka vendosur që të stampojë inicialet e tij në targat e makinës me të cilën lëviz. Bold News ka publik...
Nga ARTAN FUGAShihja me interes këto libraritë e rrugës në Tiranë. Quajini si të doni por mua më duken më të pasurat, ata që i mbajnë janë heronj vërtetë të kul...
Nga Muhamed Veliu Me një zë që i dridhej fort, përmes fjalëve që mezi i dilnin nga goja Rudolf Marku u shfaq në Opinion për të treguar dosjen e tij hapur nga is...
Axhenda anti-familje si kërcënim për të gjithëSulmi frontal që liberalët e majtë dhe përfaqësuesit e minoriteteve seksuale kanë ndërmarrë ndaj institucionit të ...
Erion Veliaj nuk lodhet duke gënjyer. Madje edhe për gjëra krejt të dukshme që janë në sytë e të gjithëve. Lapsi.al ka fotografuar këtë të dielë një nga “...
VORË- Pas shumë kohësh, Erjon Veliaj është shfaqur në pozicionin e liderit të PS, atë që, e lakmoi aq shumë përpara zgjedhjeve, sa i ra shumë në sy kryteta...
Sali Berisha e ka fshi perpara Partine Demokratike, s’ka qe e ndale. Nuk e di a eshte kjo nje gje e mire per kete parti dhe per demokracine shqiptare ne p...
Nga Redi MuçiSeriali i Netflix-it që ka tejkaluar çdo rekord shikueshmërie, Squid Game (Loja e kallamarit), duket sikur ka kapur të papërgatitur k...
Nga Alma LleshiAshtu sikurse Virginia Woolf do të shprehej rreth 100 vite më parë: Meshkuj si ti nuk duhet të ekzistojnë! Lulzim Basha nuk i kurseu as gratë. Ta...
Berti zgjohu mor sheprak . Pse s’dëgjon thirrjet e mia . Të kam thënë s’do jetë shumë lark . Ja u bë Akademia . ********* Ngreu merr libra e shk...
