Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kancelari Friedrich Merz mbron politikën e migracionit që po ndjek qeveria e tij dhe deklaron reformimin e ndihmës sociale. Partia në opozitë AfD e akuzon qeverinë për "ekses borxhesh".
GJERMANI- Në fjalën e tij në Bundestag kancelari Friedrich Merz mbrojti politikën e migracionit që po ndjek qeveria e tij. Me kontrollet e kufijve dhe kthimin e migrantëve ilegalë janë penguar "mijëra hyrje ilegale", tha Merz të mërkurën (09.07.2025) në Bundestag, ku po debatohet buxheti për vitin 2025. Masat e marra aktualisht për frenimin e migracionit janë të përkohshme, tha kancelari, duke nënvizuar, se po vazhdojnë përpjekjet për një zgjidhje në nivel europian.
Kancelari vlerësoi miratimin e partnerëve socialdemokrat të koalicionit për pezullimin e bashkimit familjar për personat që gëzojnë ligjërisht të drejtën e mbrojtjes përmes sistemit të azilit. Gjithashtu Merz vuri në dukje, se qeveria ka shfuqizuar procedurën e përshpejtuar të dhënies së shtetësisë dhe ka avancuar me ndryshimet lidhur me përkufizimin e vendeve të sigurta. Duke iu adresuar partisë në opozitë AfD lidhur me migracionin, Merz deklaroi, se "Tani juve po iu humbet tema e luftës suaj politike, prej së cilës ekzistoni."
AfD me tone të ashpra ndaj kancelarit
Në fjalën e saj kryetarja e grupit parlamentar dhe njëkohsish bashkëkryetarja e partisë AfD, Alice Weidel e kritikoi ashpër kancelarin për politikën e migracionit. Ajo i përshkroi kthimet në kufi si pa efekt.
Weidel e akuzoi kancelarin, se "po hedh nga dritarja" paratë e qytetarëve dhe se po i përdor si pretekst shpenzimet e larta për armatimin për "eksseset e borxheve".
SPD kërkon hapjen e procedurës për ndalimin e AfD-së
Kryetari i grupit parlamentar të socialdemokratëve (SPD) në koalicionin qeverisës, Matthias Miersch, iu kundërvu me fjalë të ashpra AfD-së duke kërkuar hapjen e procedurës për ndalimin e kësaj partie. "Si mund të jetë njeriu kaq zemërgur, kaq i mbushur me urrejtje për të mbajtur një fjalim të tillë, kështu si folët ju tani?" tha Miersch duke iu referuar fjalimit të Weidel-it. Shprehja e saj për "transformim të popullit në shtet" , tha Miersch, të kujton kohët e "doktrinës racore".
Kur do të rimarrë hov ekonomia?
Sa i përket politikës së brendshme kancelari u shpreh për një "kthesë" në politikën ekonomike, e mundësuar kjo edhe nga marrja e borxheve të reja. Ndonëse në vitin e tretë pa rritje ekonomike, institutet studimore për herë të parë janë duke i rritur pritshmëritë për rritjen koniunkturore. "Ne po e ndiejmë, që atmosfera në vend sërish po përmirësohet", tha kancelari.
Merz premtoi ndryshime në sektorin e strehimit dhe arsimit në Gjermani. Edhe në politikën sociale do të ketë ndryshime. Në vjeshtë do të paraqitet reforma për ndihmën sociale, mbështetejen financiare për të papunët. Kancelari, vuri në dukje, se sikurse është rënë dakord në koalicion do të referomohet ndihma sociale. Synohet të garantohet sigurimi social bazë "për ata, që vërtetë kanë nevojë për shtetin social", tha ai.
Unioni konservator CDU/CSU në rritje
Merz në fjalimin e tij deklaroi reduktimin fuqishëm të burokracisë për bujqësinë dhe sipërmarrjet. Procedurat e miratimit për impiantet e energjive të rinovueshme duhet të përshpejtohen ndjeshëm, sipas planeve të qeverisë.
Ekologjistët thonë se ka prapaktheu në mbrojtjen e klimës
Partia ekologjiste dhe e Majta në opozitë kritikuan ashpër politikën e qeverisë. Kryetarja e grupit parlamentar të ekologjistëve Katharina Dröge akuzoi qeverinë, se "po bën prapaktheu të paimagjinueshme lidhur me mbrojtjen e klimës".
Ndër të tjera ajo kritikoi, që qeveria po investon më pak në shina, në subvencionimin e gazit fosil dhe po planifikon shpime të reja për gaz në Borkum si dhe po zbeh ligjin për ngrohjen. Këto janë "dështim në politikën e klimës".
E Majta: Paraja nuk mungon, por ajo ndahet në mënyrë të gabuar
Kryetarja e partisë e Majta, Heidi Reichinnek, kritikoi, se koalicioni i konservatorëve dhe socialdemokratëve po i lë njerëzit në baltë. Në buxhet mungojnë paratë për shëndetësinë, për banesa me qira të përballueshme, për qarkullimin urban dhe për ndihmën sociale dhe mbështetjen për prindërit me fëmijë. "Ju po shkurtoni në çdo drejtim, ndërkohë që buxheti për mbrojtjen po shtohet qysh tani me rreth dhjetë miliardë. Por çdo cent, që derdhet për armatime, mungon diku tjetër", tha Reichinnek. Paraja nuk mungon, por ajo ndahet në mënyrë të gabuar.
Projektbuxheti për vitin në vazhdim parashikon shpenzime 503 miliard euro. Koalicioni i mëparshëm qeverisës nëntorin e kaluar (2024) dështoi pikërisht në debatin për buxhetin. Këto ditë parlamenti po diskuton buxhetin e propozuar nga koalicioni i ri qeverisës mes konsrvatorëve dhe socialdemokratëve. Buxheti do të miratohet në Bundestag pas pushimeve të verës.
Në rritje mbështetja për CDU/CSU
Që me ardhjen në pushtet unioni konservator CDU/CSU (kristiandemokrat/kristiansocial) ka fituar pikë në sondazhe. Aktualisht kuota e mbështetjes është me 30 përqind e të anketuarve. Edhe Friedrich Merz krahasuar me dy muaj më parë ka fituar simpatinë e më shumë qytetarëve që janë të kënaqur me punën e tij./DW
marine le pen FRANCË- Një hetim po zhvillohet në selinë e partisë franceze të ekstremit të djathtë, Tubimi Kom...
foto ilustruese RUSI- Disa orë pasi presidenti Vladimir Putin e shkarkoi nga posti i ministrit të Transportit të Rusisë, Roman Starovoi...
MOSKË- Çdo analizë e mendimit aktual të Donald Trump mbi Rusinë rrezikon të dalë jashtë mode shumë shpejt. Në...
parlamenti evropian STRASBURG- Parlamenti Evropian, me 461 vota pro, 121 kundër dhe 107 abstenime ka miratuar sot Raportin e Progresit për&n...
zelenskyy dhe papa leo ITALI- Papa Leo i tha Presidentit ukrainas Volodymyr Zelensky në takimin e tyre të zhvilluar ditën e s...
donald trump SHBA- Presidenti i Shteteve të Bashkuara, Donald Trump, ka vendosur të shtyjë zbatimin e "tarifave hakmarrëse" d...
foto ilustruese RUSI- Gjykata më e lartë evropiane për të drejtat e njeriut ka vendosur se Rusia ishte përgjegjëse për ...
Harku i anijes USS New Orleans ndodhet në shtratin e detit të Iron Bottom Sound në Ishujt Solomon. SHBA- Harku i një kryqëzor...
foto ilustruese BRUKSEL- Komisioni Evropian po forcon qëndrimin ndaj vendeve afrikane që nuk marrin masa për të kufizuar rrjedhje...
Presidenti i entitetit të Bosnjës, Republika Sërpska, Milorad Dodik (majtas); kryeministri Radovan Vishkoviç (më mes); dhe kryetari...
