"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ministri Maqedonci e ka konsideruar vendimin si hap të madh drejt sigurisë dhe prosperitetit të Kosovës dhe rajonit.
KOSOVA- Ministri i Mbrojtjes i Kosovës, Ejup Maqedonci, dhe deputeti i Lëvizjes Vetëvendosje Driton Hyseni, kanë thënë të dielën se Komisioni i Përhershëm i Asamblesë Parlamentare të NATO-s, e ka avancuar statusin e Kuvendit të Kosovës në këtë trup, nga ai vëzhgues në të asociuar. Hyseni, njëherësh kryesues i delegacionit të Kuvendit të Kosovës në këtë Asamble, ka thënë se ky “është niveli më i lartë i prezencës në Asamble deri në anëtarësim të plotë të Kosovës në NATO”, dhe se vendimi do të zyrtarizohet përmes një votimi në Asamblenë parlamentare të NATO-s në sesionin pranveror, më 27 maj, në Sofje.
“Me ngritjen e nivelit të përfaqësimit të Kosovës në Asamblenë e NATO-s, ne do të kemi zgjerim të delegacionit, përfshirje më të madhe në vendimet e Asamblesë dhe do të kemi të drejtë në adresimin e amendamenteve dhe komenteve për secilin proces e dokument i cili trajtohet nga Asambleja, të cilat më herët është dashur të bëhen përmes delegacioneve të vendeve tjera, kryesisht Shqipërisë”, ka thënë Hyseni përmes një postimi në Facebook.
Ministri Maqedonci e ka konsideruar vendimin si hap të madh drejt sigurisë dhe prosperitetit të Kosovës dhe rajonit. Radio Evropa e Lirë ka kërkuar konfirmimin e NATO-s, por ende nuk ka marrë përgjigje. Asambleja Parlamentare e NATO-s përbëhet prej 281 delegatëve prej 32 vendeve anëtare të NATO-s. Secili delegacion krijohet në bazë të popullsisë së një shteti dhe parlamentit të tij. Delegatët nominohen prej parlamenteve në vendet e tyre. Përveç tyre, pjesë e Asamblesë janë edhe delegatë prej nëntë vendeve të asociuara, katër prej vendeve të asociuara të Mesdheut, dhe tetë vëzhgues parlamentarë që marrin pjesë në aktivitete, duke e çuar numrin total të delegatëve në 362.
Anëtarët e asociuar mund të marrin pjesë në pothuajse të gjitha aktivitetet e komiteteve dhe nënkomiteteve dhe në seancat plenare. Ata mund të prezantojnë rezoluta dhe amendamente për rezolutat. Ata, po ashtu, mund të shërbejnë edhe si raportues të posaçëm të asociuar në komitete për të përfaqësuar qëndrimet e tyre për raportet e Asamblesë Parlamentare të NATO-s. Megjithatë, atyre nuk u lejohet të votojnë për raportet, rezolutat apo udhëheqësinë e Asamblesë, dhe as nuk kontribuojnë në buxhetin e saj. Zyrtarët shtetërorë të Kosovës kanë shprehur disa herë synimin për t’u bërë pjesë e NATO-s.
Kryeministri i Kosovës, Albin Kurti e ka përmendur se synon që vendi të anëtarësohet në programin e NATO-s, Partneriteti për Paqe. Shtetet e Bashkuara e kanë mbështetur këtë vendim të Kosovës, ndonëse kanë tërhequr vërejtjen se për një anëtarësim të tillë duhet miratim i të gjitha vendeve të aleancës. Nga 32 vende anëtare të NATO-s, Kosovën si shtet të pavarur e kanë njohur 28 prej tyre ndërsa katër (Greqia, Rumania, Sllovakia dhe Spanja) ende jo. Partneriteti për Paqe është një program i NATO-s, që synon krijimin e besimit midis shteteve anëtare të NATO-s dhe shteteve të tjera në Evropë. Aktualisht, NATO-ja është prezente në Kosovë përmes misionit të saj, KFOR./ REL
Burj Khalifa DUBAI- Burj Khalifa në Dubai u ndriçua me ngjyrat e flamurit rus si një nderim për viktimat e sulmit terrorist në ...
Sheshi i Kuq në Moskë. RUSI- Më 24 mars në Rusi është shpallur ditë zie kombëtare, për të kujtuar viktima...
Nenad Radosavleviç pretendon se shtëpia e tij prej druri - një lloj pushimoreje - është djegur tërësisht. KOSOVA- N&eu...
Princesha e Uellsit Kate dhe burri i saj Princi William. BRITANI- Princesha e Uellsit Kate dhe burri i saj, Princi William, janë shprehur “thell...
letra ITALI- Ëshë publikuar letra e fundit e shkruar me dorë nga ish-kryeministri i ndjerë i Italisë, Silvio Berlusconi. Sipas med...
foto ilustruese SLLOVAKI- Rezultatet përfundimtare të rundit të parë të zgjedhjeve presidenciale në Sllovaki kanë tregua...
vjosa osmani KOSOVË- Presidentja e Kosovës, Vjosa Osmani, e ka përshkruar 24 marsin e vitit 1999 si ditë të shpresës së ...
foto ilustruese VARSHAVË- Një nga raketat e lëshuara nga Rusia në sulmet kundër Ukrainës gjatë natës shkeli pë...
jorn rohde GJERMANI- Ambasadori i Gjermanisë në Kosovë, Jorn Rohde, ka thënë sot se fillimi i sulmeve ajrore të NATO-s k...
njerezit duke u strehuar ne metro pas sulmeve KIEV- Raketat ruse e kanë goditur kryeqytetin ukrainas, Kievin, në orët e para të 24 mars...
