"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Trump pretendoi pa prova se gjykatësi i çështjes ishte i korruptuar dhe i padrejtë dhe se procedurat ligjore në shtetin e Nju Jorkut ishin orkestruar nga presidenti Biden dhe zyrtarët federalë.
SHBA- Ish-presidenti i Shteteve të Bashkuara, Donald Trump u zotua se do të apelojë vendimin që e shpalli atë fajtor për 34 vepra penale që lidhen me përpjekjen e tij për të ndikuar në mënyrë të paligjshme rezultatin e zgjedhjeve të 2016.
"Ishte një gjyq i montuar", tha me zemërim Trump, para një grupi gazetarësh dhe mbështetësish në kullën që mban emrin e tij në Manhatan.
Për 33 minuta, pa një fjalim të shkruar, Trump renditi një sërë kritikash lidhur me çështjen ndaj tij, lidhur me vendin dhe Presidentin Joe Biden. Trump pretendoi pa prova se gjykatësi i çështjes ishte i korruptuar dhe i padrejtë dhe se procedurat ligjore në shtetin e Nju Jorkut ishin orkestruar nga presidenti Biden dhe zyrtarët federalë.
Presidenti Joe Biden gjatë një deklarate në Shtëpinë e Bardhë vuri në dukje se vendimi i njëzëshëm kundër Trump erdhi pasi juria dëgjoi për 5 javë dëshmi për çështjen dhe se Trump i ishte dhënë çdo mundësi për të mbrojtur veten.
“Eshtë e rrezikshme dhe e papërgjegjshme që dikush të thotë se vendimi ishte i montuar vetëm sepse nuk i pëlqeu”, tha Biden të premten.
Juria prej 12 anëtarësh diskutoi me kujdes për rreth 10 orë, dy ditë me radhë para se të shpallte vendimin të enjten, duke e bërë Trump presidentin e parë të Shteteve të Bashkuara që gjykohej dhe dënohej për akuza penale. Trump pritet të jetë kandidat i Partisë Republikane për zgjedhjet presidenciale të nëntorit kundër Joe Bidenit, demokratit që e mundi atë në zgjedhjet e 2020. Por Trump tani përballet me mundësinë që të vihet në shërbim prove ose të burgoset deri në katër vjet.
Masa e dënimit do të shqiptohet në 11 korrik, në mes të fushatës së tij elektorale për të drejtuar sërish Shtëpinë e Bardhë dhe vetëm disa ditë para Kuvendit Kombëtar Republikan, të 15 korrikut, ku ai pritet të emërohet zyrtarisht si kandidat për president. Trump pritet të apelojë dënimin dhe mund të vazhdojë garën presidenciale. Kushtetuta e Shteteve të Bashkuara nuk e pengon atë që të bëhet president pavarësisht dënimit për kryerjen e veprave penale.
Trump përballet edhe me tre çështje të tjera penale, por rasti që u shqyrtua në Nju Jork mund të jetë i pari që mbyllet përpara zgjedhjeve të nëntorit. Trump u dënua pasi Michael Cohen, ish avokat i tij, dëshmoi se Trump i kishte thënë “thjesht bëje”- pra të bënte një pagesë prej 130 mijë dollarësh para zgjedhjeve të 2016 për aktoren e filmave pornografikë Stormy Daniels në këmbim të heshtjes së saj për një marrëdhënie intime që ajo thotë se kishte patur me Trump një dekadë më herët.
Trump mohoi përsëri të premten të ketë patur një marrëdhënie me Daniels. “Nuk ka ndodhur kurrë, asgjë”, tha ai.
Arritja e një marrëveshjeje në këmbim të heshtjes nuk është e paligjshme. Trump u dënua për akuzat se falsifikoi të dhënat e biznesit të Organizatës Trump për të fshehur rimbursimin prej 130,000 dollarësh për Cohen në vitin 2017, i cili e kishte paguar me fondet e tij Daniels. Rimbursim u regjistrua si shpenzim ligjor i kompanisë së presidentit Trump.
Marrë nga VOA
Liqeni SHBA- Liqeni më i madh i ujërave të ëmbla në Kaliforni është kthyer në jeshile të ndezur për ...
Gordana Siljanovska-Davkova MAQEDONI E VERIUT - Presidentja e re e Maqedonisë së Veriut, Gordana Siljanovska-Davkova, deklaroi s...
Foto ilustruese SPANJË- Partia e udhëheqësit separatist katalanas Carles Puigdemont arriti një rezultat të mirë në zgjed...
Droga GJERMANI- Gjermania ka ngritur alarm në vend për shkak të numrit rekord të zbulimit të kokainës dhe rritjes së tra...
foto ilustruese UKRAINA- Sekretari i Përgjithshëm i NATO-s, Jens Stoltenberg, thotë se tani është më i bindur që Ukraina...
Benjamin Netanyahu IZRAEL- Zyra e kryeministrit Benjamin Netanyahu theksoi se qeveria izraelite është e bashkuar në dës...
foto ilustruese FRANCË- Gazetarja marokene me bazë në Paris, Manal Fkihi, e cila mban hixhab, tha këtë të premte se do të...
foto ilustruese SHBA- Shtëpia e Bardhë po finalizon planet lidhur me forcimin e kufirit mes Shteteve të Bashkuara dhe Meksikës, ç...
Foto ilustruese SHBA- Vendimi historik për fajësinë e ish-presidentit Donald Trump në gjykatën e Nju Jorkut të enjten pë...
Jon Benjamin MEKSIKË- Një video shokuese është publikuar ku Ambasadori i Mbretërisë së...
