Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Presidenti i Ukrainës, Volodymyr Zelensky, bëri thirrje për shtimin e trysnisë ndaj Kremlinit gjatë udhëtimit të tij drejt Suedisë, ku pritet të kërkojë më shumë armë mbrojtëse mes përpjekjeve të ngecura për paqe. Zelensky i cilësoi si “të liga” sulmet ruse dhe tha se ato goditën infrastrukturën energjetike dhe civile në të paktën dhjetë rajone të Ukrainës, përfshirë kryeqytetin, Kievin.
UKRAINË- Rusia ka kryer sulme të mëdha me dronë dhe raketa ndaj Ukrainës, duke i vrarë të paktën gjashtë njerëz, përfshirë dy fëmijë, thanë autoritetet të mërkurën. Presidenti i Ukrainës, Volodymyr Zelensky, bëri thirrje për shtimin e trysnisë ndaj Kremlinit gjatë udhëtimit të tij drejt Suedisë, ku pritet të kërkojë më shumë armë mbrojtëse mes përpjekjeve të ngecura për paqe. Zelensky i cilësoi si “të liga” sulmet ruse dhe tha se ato goditën infrastrukturën energjetike dhe civile në të paktën dhjetë rajone të Ukrainës, përfshirë kryeqytetin, Kievin.
“Një tjetër natë që dëshmon se Rusia ende nuk ndien mjaftueshëm trysni për zvarritjen e luftës... Fjalët e Rusisë për diplomacinë nuk kanë asnjë kuptim përderisa udhëheqja ruse nuk i ndien problemet kritike”, shkroi ai në X.
Zelensky, i cili po shkon në Suedi për të biseduar për bashkëpunimin në fushën e mbrojtës mes dy vendeve, përsëriti pretendimin se armët me rreze të gjatë veprimi për Ukrainën mund ta ndryshojnë rrjedhën e luftës gati katërvjeçare.
Më herët, Ukraina kishte lënë të kuptohet se vendimi i administratës amerikane për të mos miratuar dërgimin e raketave Tomahawk për Kievin, e kishte dobësuar pozicionin e saj diplomatik. Teksa presidenti ukrainas po largohej nga Kievi herët në mëngjes, Shërbimi Shtetëror i Emergjencave njoftoi se tre njerëz, përfshirë dy fëmijë, u vranë në këtë rajon.
Infrastrukturë energjetike dhe civile në shënjestër të sulmeve
Tymur Tkachenko, kreu i administratës ushtarake të Kievit, tha se të paktën 21 banorë u plagosën gjatë sulmeve. Kryebashkiaku Vitaliy Klitschko shtoi se një fëmijë dyvjeçar ishte në mesin e plagosurve. Klitschko shtoi se copëzat e dronëve dhe raketave të shkatërruara shkaktuan zjarr në distriktet Dnipro, Peçersk dhe Darnitsia të Kievit, duke dëmtuar ndërtesa banimi dhe objekte industriale.
Sulmet filluan natën mes të martës dhe mërkurës, ndërsa dëshmitarët raportuan shpërthime dhe aktivizim të forcave të mbrojtjes ajrore. Edhe autoritetet në Ukrainën juglindore raportuan për sulme. Dronët rusë goditën qytetin Zaporizhja, duke shkaktuar zjarr në disa ndërtesa banimi, tha guvernatori rajonal Ivan Fedorov në Telegram.
“Për shkak të një sulmi nga armiku gjatë natës, rreth 2.000 njerëz janë pa energji elektrike. Punimet e rikuperimit do të fillojnë sapo situata të jetë e sigurt”, raportoi ai.
Fabrika kimike ruse goditet nga raketat Storm Shadow
Një sulm ukrainas ndaj një fabrike kimike ndodhi më herët në rajonin jugor Briansk të Rusisë. Shtabi i Përgjithshëm i Forcave të Armatosura të Ukrainës njoftoi më 21 tetor se gjatë sulmit forcat ukrainase përdorën raketa Storm Shadow të prodhimit franko-britanik.
Shtabi i Përgjithshëm shtoi se fabrika kimike ishte komponent i rëndësishëm i kompleksit ushtarako-industrial rus, që prodhonte barut, eksplozivë, përbërës për karburant raketor dhe “për municione e raketa që ushtria ruse përdor për të bombarduar territorin e Ukrainës”. Forcat ajrore kryen sulmin në bashkëpunim me forcat tokësore, marinën dhe komponentë të tjerë të mbrojtjes ukrainase./REL
Aleksandër Vuçiç SERBI- Presidenti serb Aleksandër Vuçiç ka reaguar lidhur me incidentin e ndodhur paraditen e...
pamje nga vendngjarja SERBI- Një incidet i rëndë ka ndodhur paraditen e sotme përpara godinës së Parlamentit në Beo...
pamje nga vendngjarja SHBA- Një incident ka ndodhur në Shtëpinë e Bardhë. Mësohet se një burrë përplasi makin&...
Udhëheqësit e Ballkanit Perëndimor LONDËR- Udhëheqësit e Ballkanit Perëndimor do të mblidhen sot në Londë...
foto ilustruese SHBA- Një zyrtar i lartë i Shtëpisë së Bardhë ka thënë të martën vonë se nuk ka pla...
Foto ilustruese SIRI- Ekipet e mbrojtjes civile siriane nxorën të martën mbetjet e 20 personave nga një varr masiv në lindje t&eum...
Foto ilustruese PARIS- Policia franceze po intensifikon kërkimet për hajdutët që vodhën bizhuteri mbretërore të pa&ccedi...
Trump-Erdogan SHBA- Ndërhyrja vendimtare e Donald Trump ishte e mjaftueshme për të kapërcyer kundërshtimet e Izrael...
Foto ilustruese PARIS- Vjedhja e së dielës në Luvër u vlerësua nga muzeu të martën në 88 milion...
Foto ilustruese FRANCË- Ish-presidenti francez Nicolas Sarkozy po mbahet në një qeli prej 9 metrash katrorë në të a...
