LIVE UPDATES
Bota

Gjykata e Lartë e Izraelit kërkon kompromis për rastin e shkarkimit të udhëheqësit të Shin Bet, Ronen Bar

Seanca për apelimin për shkarkimin e Barrit nga Shin Bet filloi mëngjesin e djeshëm. Pas një konfrontimi mes mbështetësve dhe kundërshtarëve të qeverisë së kryeministrit izraelit Benjamin Netanyahu, gjykata vendosi të përjashtojë publikun nga salla e gjyqit dhe vazhdoi procedurat me dyer të mbyllura.

9 Prill 2025, 09:47 Nga N.F

Gjykata e Lartë e Izraelit kërkon kompromis për rastin e

IZRAELI- Gjykata e Lartë e Izraelit të martën mbrëma i kërkoi qeverisë dhe prokurorit të përgjithshëm të arrinin një kompromis në lidhje me shkarkimin e shefit të Shin Bet, Ronen Bar pas një seance të gjatë dëgjimore gjatë së cilës shqyrtoi ligjshmërinë e vendimit të diskutueshëm.

“Ne po japim një afat deri pas Pashkës (e cila përfundon më 19 prill) për të gjetur një kompromis krijues”, tha presidenti i saj, gjyqtari Yitzhak Amit, përpara se të vendosë Gjykata.

Seanca për apelimin për shkarkimin e Barrit nga Shin Bet filloi mëngjesin e djeshëm. Pas një konfrontimi mes mbështetësve dhe kundërshtarëve të qeverisë së kryeministrit izraelit Benjamin Netanyahu, gjykata vendosi të përjashtojë publikun nga salla e gjyqit dhe vazhdoi procedurat me dyer të mbyllura.

Me rrezikun e rindezjes së përçarjeve në shoqërinë izraelite, Netanyahu vendosi më 21 mars të shkarkojë Barr, duke deklaruar se ai kishte humbur të gjithë besimin tek ai. Për shkarkimin e kreut të Sigurisë së Brendshme u bënë menjëherë pesë apelime dhe Gjykata e Lartë e Izraelit kërkoi të njëjtën ditë pezullimin e zbatimit të vendimit të qeverisë.

Bazuar në vendimin e djeshëm të Gjykatës, Barr do të vazhdojë të ushtrojë detyrat e tij deri në njoftimin e mëtejshëm, megjithëse i lejoi qeverisë Netanyahu të kërkonte pasardhës të mundshëm, por ndaloi çdo "shpallje emërimi".

Kryeministri izraelit e cilësoi këtë vendim si “të çuditshëm”. Qeveria ka vendosur të largojë Barr nga posti i kreut të Shin Bet më së voni deri më 10 prill. Shkarkimi i Barr kundërshtohet kryesisht nga opozita izraelite, duke e konsideruar atë si një shenjë të tendencave autoritare të Netanyahut, por edhe nga Prokurori i Përgjithshëm i Izraelit, Gali Baharav-Miara, i cili e ka karakterizuar vendimin e qeverisë si "thelbësisht të meta" dhe "të ndotur nga konflikti i interesave personale të kryeministrit".

Në një letër drejtuar Gjykatës së Lartë, Barr vlerësoi se shkarkimi i tij lidhej më shumë me faktin se ai nuk iu nënshtrua presionit të Netanyahut dhe jo aftësive të tij. Në të njëjtën kohë, kreu i Shin Bet akuzoi kryeministrin izraelit se po përpiqej ta përdorte atë për të vonuar zhvillimin e gjyqit të tij për korrupsion, me Netanyahu që u përgjigj se kjo ishte një "gënjeshtër".

 

izrael shin bet bennett

Sondazh

Poll
MË SHUMË

Nesër protestë para Kuvendit! Paralajmëron protestuesi: Më 23 tubimi i madh

Nesër protestë para Kuvendit! Paralajmëron protestuesi: Më 23 tubimi i madh

Protestuesi: Nuk ndalojmë deri në largimin e atij që është strukur në Kryeministri

Nis marshimi drejt Kryeministrisë, protestuesit bëjnë thirrje për dorëheqjen e kryeministrit

Dita e 50-të e protestës/ Nis grumbullimi në sheshin "Skëndërbej"

Kryeministri Rama kryen nderimet në homazhet për gazetarin Enrik Mehmeti

Emigrantët bllokohen në pikën kufitare mes Kroacisë dhe Serbisë, kërkojnë informacion

Pesë turistë gjermanë mbetën të bllokuar në Karaburun, ekipet e shpëtimit bënë të mundur gjetjen

Cili ishte shkaku i vdekjes së aktores së njohur turke Ece Irtem?

Shiko video te tjera