Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ndërsa bënte fushatën për president, Donald Trump-i e krahasoi komunitetin e Bitcoin-it me fuqinë e çelikut amerikan 100 vite më parë.
SHBA- Investitorët në kriptomonedha kanë shpresa të mëdha për presidencën e ardhshme të Donald Trump-it, i cili u paraqit gjatë fushatës elektorale si mbështetës i monedhave dixhitale. Korrespondenti i Zërit të Amerikës, Scott Stearns, njofton më gjerësisht për masat që mund të marrë administrata e ardhshme amerikane për ta forcuar këtë sektor të ri të tregut financiar.
Ndërsa bënte fushatën për president, Donald Trump-i e krahasoi komunitetin e Bitcoin-it me fuqinë e çelikut amerikan 100 vite më parë.
“Kjo është fryma që ndërtoi Amerikën dhe që do të na ndihmojë ta bëjmë Amerikën sërish madhështore”, tha zoti Trump.
Ai deklaroi se do t’i bëjë Shtetet e Bashkuara kryeqytetin e kriptomonedhave të planetit.
“Nëse kriptomonedhat do të përcaktojnë të ardhmen, atëherë dua që të përqëndrohen në Shtetet e Bashkuara”, tha zoti Trump.
Pas fitores së zotit Trump, vlera e monedhës Bitcoin arriti lartësi të reja. Investitorët tek monedhat dixhitale inkurajohen nga premtimet e zotit Trump për të lehtësuar mbikëqyrjen nga Komisioni Amerikan i Letrave me Vlerë dhe Këmbimit, ku analisti i tregut Garrick Hileman thotë se administrata e Presidentit Joe Biden përdori kontrolle më të forta për të mbajtur jashtë disa aktorë të këqij.
"Me siguri ka patur një efekt zmbrapsës për manipulatorët që duan të merren me kriptomonedhat. Pra, nëse tani prezantoni rregulla të lehtësuara, mund të shkaktohen më shumë mashtrime dhe krime, gjë që ka një efekt shumë negativ tek njerëzit që kërkojnë ta përvetësojnë këtë si një investim real", thotë zoti Hileman.
Ekipi pro monedhave dixhitale i Presidentit të zgjedhur Trump po shqyrton gjithashtu ndryshime të tjera politikash për ta mbështetur këtë sektor, thotë analistja e tregut Susannah Streeter, nga firma “Hargreaves Lansdown”.
"Politikat që ata kanë paraqitur përfshijnë krijimin e një rezerve strategjike të Bitcoin-it dhe kriptomonedhave të tjera. Deri më tani pasuritë që u janë sekuestruar kriminelëve, janë shitur. Por ideja pas kësaj do të ishte që jo vetëm të mbaheshin këto pasuri, por edhe të shtohen në vitet e ardhshme”, thotë ajo.
Zonja Streeter thotë se përqasja e Presidentit të zgjedhur Trump duket më shumë në përputhje me interesat e kriptomonedhave për ta mbajtur këtë industri përgjithësisht të decentralizuar.
“Ekipi gjithashtu duket se nuk ka mbështetur sugjerimet për monedhën dixhitale të bankës qendrore, pra një dollar dixhital që në fakt mund të çojë në më shumë centralizim të monedhës, gjë që sigurisht nuk mbështetet nga sektori i kriptomonedhave”, thotë zonja Streeter.
Në këtë drejtim ka rol edhe Elon Musk-u. Kompania e tij e automjeteve elektrike Tesla zotëron një sasi të konsiderueshme të kriptomonedhës Bitcoin.
Zoti Musk iu bashkua fushatës zgjedhore të zotit Trump në muajin e fundit dhe pritet të drejtojë përpjekjet e qeverisë së ardhshme për të përmirësuar efikasitetin.
“Nuk kam qenë aktiv politikisht më parë. Jam tashmë politikisht aktiv, sepse mendoj se e ardhmja e Amerikës dhe e ardhmja e qytetërimit është në rrezik”, tha zoti Musk.
Eksperti Hileman thotë se zoti Musk do të jetë themelor për krijimin e entuziazmit për kriptomonedhat.
"Ai është një mbështetës i madh i monedhës Dogecoin, që përputhet me filozofinë e tij se rezultati më argëtues, është rezultati më i mundshëm", thotë eksperti Hileman.
Monedhat dixhitale ende përballen me pengesa për t’u pranuar më gjerësisht. Të dhënat e Qendrës Kërkimore Pew muajin e kaluar treguan se gati dy të tretat e amerikanëve thonë se kanë pak, ose aspak besim se janë të besueshme dhe të sigurta mënyrat aktuale për të investuar, tregtuar, apo përdorur kriptomonedhat./VOA
foto ilustruese BRITANI- Autoritetet britanike dhe amerikane po hetojnë rreth disa dronëve që kanë fluturuar mbi katër baza ajrore...
protesta ITALI- Mijëra punëtorë morën pjesë të premten në një grevë të përgjithshme në Itali. A...
Foto ilustruese NIGERI- Të paktën 100 persona, kryesisht gra, janë zhdukur pasi një varkë që transportonte pasagjerë n&e...
Lviv pa energji UKRAINË- Komisioneri i Lartë i Kombeve të Bashkuara për të drejtat e njeriut i ka bërë thirrje Rusis&eum...
rikthimi i libanezeve LIBAN- Ushtria izraelite ka paralajmëruar qytetarët libanezë që të mos kthehen në 60 fshatra në ju...
foto ilustruese KINË- Depozita më e madhe e arit në botë është zbuluar në provincën qendrore të Kinë...
rebelet ne Aleppo ALEPPO- Rebelët e armatosur sirianë pretendojnë se kanë hyrë në Aleppo, hera e parë që rebelë...
foto ilustruese SUEDI- Një dron i paidentifikuar fluturoi sot herët mbi ambasadën ruse në Stokholm, duke spërk...
projektligji BRITANI- Anëtarët e parlamentit britanik kanë votuar për legalizimin e vdekjes së asistuar duke miratuar një pro...
katedralja PARIS- Më shumë se pesë vjet pasi Katedralja Notre-Dame mori flakë, ajo është ngritur nga hiri dhe është...
