Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Administrata çon përpara qëllimin e saj për të ndërtuar më shumë qendra të tilla ndalimi
SHBA - Kur djali i saj u arrestua nga autoritetet, Yaneisy Fernandez përjetoi frikën më të madhe të jetës së saj. Më vonë ajo mori një telefonatë, e cila vinte nga "Alligator Alcatraz". "Ne nuk e dinim se ku ishte deri sa na telefonoi," tha Yaneisy për BBC. Ai tha: Nënë, më morën dhe më çuan në objektin e krokodilëve.
Qendra e përkohshme e ndalimit të emigrantëve, e ndërtuar në Everglades të Floridës, shpejt u bë një simbol polarizues i politikës së emigracionit të Presidentit Donald Trump. Por vetëm dy muaj pas hapjes, Departamenti i Sigurisë Kombëtare (DHS) njoftoi se do ta mbyllë atë, në përputhje me urdhrat e një gjykate. Procesi ka nisur – drejtori i kufijve, Tom Homan, i tha BBC-së gjatë një konferencë shtypi se vetëm rreth 50% kanë mbetur ende aty.
BBC foli me familjarët e dy të burgosurve që u transferuan në muajin e kaluar, të cilët thonë se të afërmit e tyre ranë prehë e sistemit kur ishin të pambrojtur. Njëri prej tyre është djali i Yaneisy, Michael Borrego Fernandez, i cili u la i gjakosur dhe përjetoi dhimbje të mëdha pas një incidenti mjekësor, para se të dërgohej në një tjetër qendër. Ai ka bërë një padi ku ngre akuza se të burgosurit nuk kishin mundësi për të takuar avokatët e tyre personalisht.
‘Objekti i krokodilëve’
Ndërtesa, brenda 8 ditëve në fund të qershorit në Everglades, një zonë lagunore e mbrojtur dhe e njohur për krokodilet, u bë një nga qendrat më të njohura të ndalimit të emigrantëve në SHBA. E quajtur "Alligator Alcatraz", kjo qendër u ndërtua për të strehuar rreth 3,000 njerëz, por kurrë nuk arriti kapacitetin e saj, edhe pse numri i emigrantëve të ndaluar në SHBA arriti një nivel rekord prej 59,000 në mes të gushtit. Kjo qendër u vu në qendër të debateve që lidheshin me mënyrën se si kishte zgjedhur Trump të godiste emigracionin e paligjshëm. Një pjesë protestuan kundër kësaj qendre, ndërsa të tjerë bënë selfie krenarë me shenjën "Alligator Alcatraz" jashtë ambienteve të tij.
Kur qendra u hap fillimisht, Partia Republikane e Floridës organizoi shitje mallrash të markës "Alligator Alcatraz": bluza me logo, kapele dhe freskues birrash. "Njerëzit janë të ngazëllyer me idenë se po mbyllim kufirin dhe po i debojme ata që janë ilegalisht këtu dhe që po kryejnë krime," tha kreu i Partisë Republikane të Floridës, Evan Power.
Të dhëna kontradiktore për kushtet brenda
Ka pasur raporte kontradiktore për kushtet brenda. Pas një vizite nga ligjvënësit në korrik, republikanët thanë se ishte një objekt i mirëmenaxhuar, i sigurt dhe i pastër. Demokratët, megjithatë, përshkruan kushtet si të neveritshme. Një gjykatës ka lëshuar një urdhër paraprak për ta mbyllur atë brenda 60 ditësh, ndërkohë që po shqyrtohet një rast ku thuhet se qeveria nuk ndoqi protokollet e duhura kur ndërtoi objektin. Edhe pse qeveria po apelon kundër këtij vendimi, DHS ka thënë se do t'i përmbahet urdhrit të gjykatës.
‘E lanë atje si një qen’
Michael Fernandez, i cili u largua nga Kuba për në SHBA në vitin 2019 dhe iu dha azil politik i përkohshëm, por më pas gjykata urdhëroi largimin e tij. Ai e pranoi fajësinë për vjedhje në vitin 2021 për të shmangur dënimin me burg, edhe pse ai thotë se nuk kishte ide që kompania për të cilën punonte po mashtronte klientët. Avokati i tij gjithashtu thotë se Michael nuk ishte në dijeni për urdhrin e largimit ndaj tij.
Në janar, ai u ndalua nga policia ndërsa po çonte mbesën në shkollë. Deri në qershor, ai ishte në duar të shërbimit të Emigracionit dhe Dëbimit (ICE) dhe më pas u transferua në qendrën e ndalimit në Florida. Michael kishte qenë në "Alligator Alcatraz" për më pak se një javë kur Yaneisy mori një telefonatë nga disa nga burrat që ishin ndaluar bashkë me të.
"Ata më thanë që Michael u zgjua i mbuluar me gjak," tha ajo. Michael kishte zhvilluar hemorroide të fazës së katërt – lloji më i rëndë. Ai u transferua në spital dhe iu nënshtrua një operacioni të kolonit.
Një javë pa asnjë lajm
Yaneisy nuk ishte e vetmja që kishte një të afërm që u sëmur rëndë brenda "Alligator Alcatraz". Kur burri i Gladys, Marco Alvarez Bravo, 38 vjeç, u arrestua dhe u dërgua në qendrën e ndalimit, ky ishte tmerri i saj më i madh. Duke kaluar më shumë se një javë pa pasur asnjë lajm prej tij, ajo e gjeti të vështirë të besonte se kjo gjë po ndodhte.
Në një përgjigje për BBC, DHS tha se Marco po merrte kujdes mjekësor, por nuk iu përgjigj pyetjeve specifike se ku ndodhej aktualisht. Ata thanë: "Ai është i vetëdijshëm dhe mund të telefonojë familjen e tij në çdo kohë."
Në fund të gushtit, Marco ishte dërguar në qendrën e ndalimit të Krome-s, 35 milje larg.
Synimet e së ardhmes
Duke u shprehur për të ardhmen, Homan tha se ndërsa "Alligator Alcatraz" ishte një "zgjidhje e shkëlqyer kalimtare", por ai nuk e konsideronte atë si një zgjidhje afatgjatë.
"Unë mendoj se ICE ka nevojë për më shumë qendra të qëndrueshme," i tha ai gazetarëve. "Tani kemi fonde për të ndërtuar infrastrukturë... qendra të përhershme."
Pavarësisht se "Alligator Alcatraz" u mbyll pas urdhrit të gjykatës, duket se administrata po çon përpara qëllimin e saj për të ndërtuar më shumë qendra ndalimi për të menaxhuar fluksin e emigrantëve dhe kërkesat për deportim, gjithmonë në kuadër të politikave të ashpra të emigracionit.
Xi Jinping dhe Narendra Modi KINË- Presidenti i Kinës, Xi Jinping, dhe kryeministri i Indisë, Narendra Modi, janë zotuar të diel&e...
LIBAN- Ushtria e Izraelit tha të dielën se i ka sulmuar infrastrukturën ushtarake të Hezbollahut në jug të Libanit, në vazh...
Pamje nga protesta AUSTRALI - Mijëra australianë morën pjesë në protestat kundër emigrantëve në të gjithë...
RUSI- Derisa Kievi, aleatët e tij evropianë dhe Uashingtoni po vazhdojnë të kërkojnë gjetjen e një mënyre për t&r...
Në foto: Donald Trump në Zyrën Ovale SHBA - Në Shtëpinë e Bardhë është ngritur shqetësimi për që...
Pallati RUSI- Sulmet me dronë ukrainas shkaktuan zjarre masive në pyje që u afruan vetëm pak kilometra larg rezidencës luksoze t&e...
Gaza GAZA- Izraeli po përshkallëzon rrethimin e Qytetit të Gazës, ndërsa Komiteti Ndërkombëtar i Kryqit të...
Brandon Johnson SHBA- Kryebashkiaku i Çikagos, Brandon Johnson, nënshkroi të shtunën një urdhër ekzekutiv që përc...
Foto Ilustruese SHBA- Studiuesit në Universitetin e Kalifornisë kanë zbuluar një qasje pa ilaçe që rigjallër...
Në foto: Narendra Modi dhe Xi Jinping KINË - Kryeministri i Indisë, Narendra Modi, mbërriti në Kinë të dielën p&eu...
