Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– ISH-kryeprokurori Adriatik Llalla tha se debatet dhe përplasjet me ish-ambasadorin e SHBA-ve në Shqipëri, Donald Lu, ishin kthyer në personale. I ftuar në “Opinion”, Llalla tha se bashkë kanë pasur disa herë debate për tema të caktuara për të cilat Lu, sipas tij, ndërhynte ose kërkonte të impononte mënyrën se si ai e vlerësonte zgjidhjen. Një prej çështjeve për të cilat deklaroi se kishin pasur debate ishte Reforma në Drejtësi. Këtu Llalla zbuloi se e kishte sulmuar edhe Presidenti Bujar Nishani në atë kohë, jo personalisht, por drejtësinë në bllok.
Pjesë nga biseda:
Peka: Në një intervistë te Fevziu jeni shprehur se Donald Lu është investuar kundër jush. Pse?
Llalla: Marrëdhëniet e mia me ambasadorin u kthyen në një debat personal. Lidhur më shumë me qëndrimet që unë mbaja për çështje të caktuara. Ajo që është për tu theksuar që është një lloj nënvlerësimi që ne shqiptarët i bëjmë vetes tonë është se përulemi përpara çdo të huaji që vjen në vendin tonë. Pikërisht kjo ndodhi edhe me ambasadorin Lu. Kemi pasur disa herë debate për tema të caktuara për të cilat ndërhynte ose kërkonte të impononte mënyrën se si ai e vlerësonte zgjidhjen. Një ndër temat e diskutuara në debate ka qenë edhe Reforma në Drejtësi.
Peka: Keni pasur debate me Donald Lu për reformën në Drejtësi?
Llalla: Në tryeza pune edhe kemi debatuar.
Peka: Keni qenë kundër reformës…
Llalla: Nuk kam qenë kundër reformës. Sistemi i drejtësisë kishte nevojë për tu reformuar, jo për tu sulmuar. Unë kam qenë kundër sulmit në bllok që po bëhej ndaj punonjësve të sistemit të drejtësisë. Të gjithë u hodhën kundër punonjësve të sistemit të drejtësisë, atyre që në ditët më të vështira, në vitin 1997, punuan në çdo cep të vendit. Prokurori i Gjirokastrës i cili mbronte prokurorinë me armë. Në Vlorë, Lushnje, Berat, e kudo tjetër. Këta njerëz nisën të sulmoheshin dhe etiketoheshin si kriminel, që realisht janë njerëz që punonin ndershmërisht. Sulm në bllok, duke përfshirë edhe presidentin Nishani që ishte i pari që sulmonte punonjësit e drejtësisë dhe të gjithë me radhë.
Peka: Ju ka sulmuar dhe presidenti Nishani?
Llalla: Mua personalisht jo, por sistemin e drejtësisë. Nishani, Dedja, kryetari i gjykatës së lartë e të gjithë me radhë u hodhën të gjithë kundër punonjësve të sistemit me idenë se mund të siguronin privilegje në të ardhmen. Në daljet publike kam qenë i vetmi zyrtar i cili kam qenë kundër luftës në bllok që po i bëhej njerëzve të drejtësisë.
Peka: Ju keni qenë i zgjedhur nga Nishani si kryeprokuror. A ja keni thënë Nishanit se pse po e sulmoni drejtësinë në bllok?
Llalla: I kam thënë Nishanit, Metës dhe kujtdo tjetër, që ky nuk është veprimi i duhur. Ne nuk mund të demotivojmë pjesën pozitive. Një nga debatet me Donald Lu ka qenë pikërisht kjo. Sepse nuk mund të sulmohet në bllok të gjithë punonjësit e sistemit, sepse po demotivojmë pjesën pozitive të punonjësve të sistemi te drëjtësisë dhe fakti po e tregon se jo të gjithë mund të futen në një kallëp, sepse vettingu po tregon se pjesa më e madhe po e kalon këtë proces.
Peka: Gjatë kohës që ishit në krye të Prokurorisë së Përgjithshme, u përfshitë në një debat të ashpër, madje edhe me akuza personale me ish-ambasadorin amerikan në Tiranë, Donald Lu. Përse kjo përplasje? A nuk mund të kishit një qëndrim më luajal dhe të shmangnit kursin e debateve me përfaqësuesin e Shteteve të Bashkuara të Amerikës?
Llalla: Me Donald Lu debati u kthye në konflikt personal. Filluan debatet mediatike, sulmet e ndërsjellta pa pasur asnjë arsye madhore, përveç faktit se në natyrën e tij, ose ashtu kishte gjetur rrugën në shumë institucione të tjera, synonte të bëhej ashtu siç donte ai. Në një moment që ata nuk perceptonin dot mendimin ndryshe, mendimin e një drejtuesit të një institucioni të shtetit shqiptar.
Peka: Pra fillimisht me Donald Lu përplasja ishte për reformën në drejtësi, nuk pranonte asnjë lloj mendimi ndryshe nga ai?
Llalla: Fakti tregon se ky proces reforme siç erdhi, u implementua pa marrë mendimin e askujt brenda sistemit. Prokuroria përshembull, çoi anëtarë të grupit të punës, dy nga anëtarët më të mirë që kishim. Fatkeqësisht të dy janë larguar nga sistemi, si Dritan Rreshka dhe Henrik Ligori. Ishin pjesë e grupit të punës, por realisht nuk dhanë ndonjë kontribut sepse mendimi i tyre nuk u mor asnjëherë në konsideratë. Në bindjen time, unë kam qenë gjithmonë që akuza të mos decentralizohej, por të ishte një institucion i centralizuar. Tashmë me ndryshimet ligjore nuk është më ai institucion i centralizuar dhe mendoj se rrjedha që ka marrë nuk është më ai institucion serioz shtetëror.
(f.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Ish-kryeprokurori Adriatik Llalla ka deklaruar se ka pasur dijeni që zyrtarë të qeverisë, drejtorë policie dhe jo vetëm, po përgjoheshin, ...
TIRANË– Vendimi i DASH për ta shpallur non-grata nuk e bën të ndihet krenar, por sipas ish-kryepeokurorit Adriarik Llalla, nuk lanë pasur asnjëherë r...
TIRANË– Ish-kryeprokurori Adriatik Llalla ka deklaruar se hetimet për kryeministrin Edi Rama dhe kryebashkiakun Erion Veliaj, nuk i ka nisur pasi në ...
TIRANË– Ish-kryeprokurori Adriatik Llalla nuk i trembet përballjes me personat që vetë ai ka punuar për t’i mbyllur në qeli. I ftuar në “Çim P...
TIRANË– Ish-kryeprokurori Adriatik Llalla e ka konsideruar të njëanshëm vendimin e gjyqtarit që i sekuestroi pasuritë. I ftuar në “Çim Peka Li...
TIRANË– Ish-kryeprokurori Adriatik Llalla e ka konsideruar shpifje dhe mashtrim deklaratën e Alfred Pezës për pasuritë e tij. I ftuar në “Çim ...
TIRANË– Ish-kryeprokurori Adriatik Llalla ka sqaruar faturat të cilat janë marrë nën hetim për të vërtetuar akuzat për korrupsion. I ftuar më “&Ccedi...
TIRANË– Ish-kryeprokurori Adriatik Llalla tha se prokuroria mund të gjejë edhe shumë emra të tjerë zyrtarësh dhe jo vetëm që kanë blerë prpna me vler...
MIRDITË- Kryetari aktual i Partisë Demokratike ka vizituar ditën e sotme qytetin e Mirditës, ku dhe është takuar me demokratët. Në fjalën e tij, Basha ka k...
TIRANË– Vendimin për ta dënuar me dy vite burg, ish-kryeprokurori Adriatik Llalla e ka konsideruar si të marrë jashtë sallës së gjyqit. I ftuar në “&...
