Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Ish-presidenti i Republikës, Bujar Nishani që aktualisht mban postin e kryetarit të Këshillit Kombëtar të PD, ka komentuar deklaratat e ndërkombëtarëve për situatën poltike të krijuar së fundmi në vend.(Lexo këtu)
Në një postim në rrjetet sociale, Nishani shprehet se mesazhet që u dhanë në këtë vizitë, janë zhgënjyese për shqiptarët, pasi nuk dëgjuan asgjë kundër krimit të organizuar e korrupsionit.
Postimi i plotë i Bujar Nishanit
Shumë e mirëpritur ishte vizita e disa parlamentarëve të Parlamentit Evropian në Shqipëri, për të adresuar situatën e një krize të rëndë politike, institucionale, ekonomike dhe shoqërore që po e çon këtë vend drejt kaosit me impakt të rëndë në të gjithë rajonin. Për fat të keq rezultati i kësaj vizite rezultoi për shumicën dërrmuese të shqiptarëve, zhgënjyese. Mesazhi kryesor që shqiptarët dëgjuan nga disa prej parlamentarëve ishte artikulimi i një ndasie të madhe midis shqiptarëve.
E pasaktë kjo tezë, të nderuar parlamentarë ! Një ide e gabuar për ta kanalizuar kështu krizën e madhe në Shqipëri. Vërtetë që edhe ne shqiptarët kemi angazhime, përkatësi, ndjeshmëri të ndryshme politike në kuptimin partiak. Por ne jemi shumë pak që të jemi aq të ndarë sa ç’dëshiron klani anarkist i “rilindjes”. Demokratë, socialistë, liberalë, konservatorë janë çdo ditë me njëri tjetrin në vendet e tyre të punës, në blloqet e tyre të banimit, në kafenetë e lagjes, madje edhe brenda familjeve të tyre. Nuk ka asnjë urrejtje apo ndasi midis shqiptarëve, zotërinj !
Ndasia dhe urrejtja është midis qytetarëve me krimin e organizuar, që tek ne për fat të keq ka kapur pushtet politik. Përballja dhe dallimi i madh është midis popullit që vidhet dhe pushtetarëve që zhvasin popullin më të varfër të Evropës.
Shqiptarët dëgjuan disa mesazhe për bashkëpunimin, respektim institucionesh, integrimin evropian. Mesazhe këto shumë të mirëpritura. Por, për fat të keq, shqiptarët nuk dëgjuan asnjë mesazh kundër krimit të organizuar, asnjë mesazh kundër korrupsionit të kthyer në kult dhe sistem, asnjë fjalë kundër përdorimit të vrasësve serial, bosëve të trafikut ndërkombëtar të drogës dhe detashmenteve partiake në policinë e shtetit, në blerjen e votave dhe shantazhimin e votuesve të së djathtës.
Kongresi Amerikan (Voice of America), shumë më larg (në kontekstin gjeografik) ka mundur ta shoh dhe ta denoncoi blerjen e votave nga krimi i organizuar.
Deputetët e Parlamentit Evropian që vizituan Tiranën nuk e kanë parë dot atë maskaradë elektorale. Mediat prestigjoze italiane, gjermane, britanike, franceze kanë paraqitur fakte dhe prova se si grupet e krimit të organizuar dhe trafikantët ndërkombëtar të drogës kanë tjetërsuar rezultatin e zgjedhjeve dhe se po pregatiten të vendosin rezultatin në zgjedhjet e ardhëshme. Zëri i këtyre mediave prestigjoze nuk ka mbërritur ende tek parlamentarët që vizituan Tiranën. Mekanizma të specializuar të Parlamentit Evropian konstatuan se 20% e votave u blenë në zgjedhjet parlamentare të vitit 2017. 20% e votave në sistemin tonë do të thotë që kjo “shumicë” e sotme, me rezultatin që mori, nuk do të mund të kishte më shumë se 60 vende në Parlament.
Për rrjedhojë do të ishte minorancë dhe jo maxhorancë. Njëri prej parlamentarëve u tregoi shqiptarëve se kur këto ndodhin në vendin e tij, me këtë çështje merret drejtesia !!!! Ne shqiptarët e dimë mirë se në vendin e tij, kurrë nuk ka ndodhur e nuk ndodh që bandat e vrasësve dhe trafikantët ndërkombëtar të drogës të përfshihen në proceset zgjedhore e jo më ti sigurojnë 20% të rezultatit partisë qeverisëse. Deri këtu jo, ju lutem mos na fyeni ! Shqiptarët nuk dëgjuan asnjë fjalë se çfarë mendojnë parlamentarët evropian për 5 prioritetet e procesit të integrimit evropian.
Si mundet të flitet për integrimin pa gjykuar për procesin drejt tij ? Njëri prej deputetëve shkoi deri atje sa të inkurajonte kthimin e sistemin monist në Shqipëri !
Kjo përbën fyerjen më të madhe ndaj dinjitetit dhe integritetit të shqiptarëve në këto 27 vite të pluralizmit politik. Kjo përbën një fyerje ndaj mijëra viktimave të ekzekutuara nga diktatura, ndaj dhjetra mijërave të interrnuar në kampet e përqëndrimit nga rregjimi i Hoxhës për shkak të përpjekjeve të tyre për liri dhe demokraci. Sot, shqiptarët janë më të vendosur se kurrë më parë që ta kthejnë Shqipërinë në rrugën e idealeve, parimeve, standardeve, dinjitetit, integritetit, civilizimit evropian. Hapi i parë, i përfaqësuesve të shumicës së shqiptarëve duke dorëzuar mandatet e një parlamenti ilegjitim është një vendim historik në shërbim të një të ardhmje krejt ndryshe nga kjo që sot vuajnë shqiptarët dhe që bie ndesh thelbësisht me standardin evropian. Sot, në Shqipëri nuk ka një përpjekje politike të partive në opozitë për të marrë pushtetin në tavolinë. Sot, në Shqipëri ka nisur një lëvizje e madhe qytetare, për një ndryshim të madh në sistemin politik, në proçesin e ndërtimit të institucioneve, në mënyrën e sjelljes së pushtetarëve ndaj qytetarëve, në ekonominë e shqiptarëve, në imazhin dhe dinjitetin e kombit shqiptar. Ata që nuk e shohin dhe nuk e kuptojnë këtë lëvizje të madhe qytetare, nuk janë në krah të shqiptarëve në përpjekjen për projektin e tyre evropian.
Delegacioni i PE pas takimeve me zyrtarët shqiptar dhe opozitën nuk kanë dhënë asnjë zgjidhje për krizën politike në Shqipëri. Eurodeputeti Krstian Preda dhe kryesuesi i delegacionit Tunne Kelam, thanë se zgjedhjet e 2017-ës ishin korrekte dhe të pranuara pasi u monitoruan nga BE. Ata theksuan se bojkoti i Kuvendit nga opozita nuk ishte zgjidhja e duhur dhe se krijimi i një qeverie tranzitore do të hiqte vëmendjen nga negociatat.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Eurokomisioneri për zgjerimin, Knut Fleckenstain, së bashku me 6 eurodeputetë të tjerë me në krye Tunne Kelam, zhvilluan dje takime me aktorët politik në vend, ...
TIRANË– Ministri për Diasporën, Pandeli Majko ka çelur siparin e samitit me të njëjtin emër. Në fjalën e tij përshëndetëse, Majko komentoi edhe ambi...
TIRANË- Banorët e “Unazës së Re” vijojnë protestën në ditën e 117 të tyre, ku kërkojnë largimin e qeverisë dhe anulimin e projektit, i cili sipas tyre ësht...
TIRANË- Ish-deputetja e LSI-së, Nora Malaj e ftuar në studion e “FaxNeës”, foli për deklaratet e ndërkombëtarëve dhe qëndrimet ndaj opozitës, ku sipas tyr...
Gazetarja e njohur Sonila Meço, ka reaguar pas vizitës së delegacionit të Parlamentit Europian në Tiranë. (Lexo këtu)Duke u ndalur tek deklaratat e tyre ...
TIRANË– Kryeministri Edi Rama ka reaguar pas komentit të delegacionit të PE-së në një konferencë për shtyp lidhur me gjendjen politike në Shqipëri. (Lexo k...
TIRANË– Nga nesër pritet të nisë Samiti i Dytë i Diasporës, në Tiranë dhe në Lezhë, ku për 2 ditë pritet të zhvillohen një sërë aktivitesh.Të ftuar n...
BERAT- Ministrja e Infrastrukturës dhe Energjitikës, Belinda Balluku, ka zhvilluar ditën e sotme një inspektim në Drejtorinë Rajonale të shërbimeve të Transport...
TIRANË- Kreu i Grupit Parlamentar të PS-së, Taulant Balla përmes një postimi në Tëwtter ditën e sotme, thekson se PE përkrah fuqishëm hapjen e bisedimeve ...
TIRANË- Ish-ministri i Brendshëm, Saimir Tahiri ka mbërritur në Gjykatën e Krimeve të rënda ku është njohur me akuzat zyrtare nga Prokuroria e Krimeve të R...
