“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
GJERMANI– Michael Roth, ministri i Evropës i Gjermanisë, kërkoi në emër të qeverisë gjermane miratimin e zgjatjes së mandatit të ushtarëve gjermanë në kuadër të KFOR-it, duke sjellë si argumentin kryesor se edhe në vitin e 23-të që nga përfundimi i luftës së Kosovës, prezenca e KFOR-it mbetet e nevojshme: “Kush merret me Ballkanin Perëndimor e sidomos me Kosovën në vitin 2021, ai do të konstatojë se ky rajon i vuajtur ende është larg nga pajtimi i qëndrueshëm, nga paqja, nga stabiliteti”, tha Roth.
Politikani socialdemokrat nënvizoi edhe perspektivën evropiane të Kosovës. “Ballkani Perëndimor është oborri i brendshëm i Evropës dhe ne kemi një interes shumë të madh që ta jetësojmë perspektivën evropiane që kemi premtuar në vitin 2003 për vendet e Ballkanit Perëndimor, edhe për Kosovën.”
Roth: Kurtit i duhet mbështetja jonë
Roth lavdëroi axhendën e kryeministrit Kurti: “Gjendja aktuale në Kosovë është më shpresëdhënëse sa kurrë më parë. Kemi një qeveri të re me në krye Albin Kurtin që i ka vënë vetes si synim të luftojë korrupsionin dhe të forcojë shtetin e së drejtës. Ai ka një maxhorancë të qëndrueshme në parlament, por nuk do të funksionojë pa mbështetjen tonë”, tha Michael Roth.
“Luftimi i pandemisë e ka treguar se BE-ja nuk është e vetmja që shihet si çerdhe e demokracisë, mirëqenies dhe sigurisë. Nëse ne lëmë aty një boshllëk, atëherë mund të vijnë edhe të tjerët, si Rusia dhe Kina e të zënë vendin tonë”, paralajmëroi Roth.
AFD: Kosova është pjesë e Serbisë
Deputeti i partisë së djathtë nacionaliste, Alternativë për Gjermaninë, AfD, Jens Kestner, i cili e mori fjalën pas ministrit Roth, përshëndeti deputetin e parlamentit serb, Karic, që ishte ulur në pjesën e vizitorëve, në tribunë, duke dhënë kështu parashenjën e qendrimit që do të kishte grupi i tij parlamentar ndaj Kosovës. “Ne kemi në Beograd, në qeveri, bashkëbisedues, të cilët kanë arritur të krijojnë një shoqëri multietnike funksionale dhe një shtet të përparuar ekonomik dhe multietnik. Serbia, ku për mua bën pjesë edhe Kosova, duhet të mbahet afër, e jo të kërkohet çka na ndan.”
Deputeti i AFD-së tha më tej se “nëse pretendojmë që jemi kundër ndryshimit të kufijve në botë, kudo qofshin, ne nuk kemi të drejtë të anashkalojmë faktin që kemi ndikuar në mënyrë të drejtpërdrejtë në ndryshimin e kufijve në këtë rajon”, tha Kestner dhe shtoi: “Serbia edhe sot e kësaj dite na e kujton këtë kontradiktë, dhe unë e gjej me vend”.
Silberhorn: KFOR-i faktor stabilizues
Thomas Silberhorn, CSU; sekretar shteti në Ministrinë e Mbrojtjes së Gjermanisë, e filloi fjalimin e tij duke iu kundërvënë pikërisht parafolësit nga partia AFD: “Është e vetëkuptueshme se e drejta e vetëvendosjes vlen edhe për popullin e Kosovës. Dhe është e padiskutueshme që për një paqe të vazhdueshme nevojitet një dialog midis Kosovës dhe Serbisë dhe është e gëzueshme që ky dialog si në Beograd, ashtu edhe në Prishtinë ka shkuar më përpara se në grupin parlamentar të parafolësit tim”, thumboi ai.
Silberhorn shfrytëzoi rastin të falënderohej edhe te të 130 000 ushtarët gjermanë të KFOR-it që kanë marrë pjesë në këtë mision qysh nga viti 1999. “Për këtë angazhim për të shtensionuar dhe stabilizuar gjendjen në Kosovë dhe në të gjithë Ballkanin Perëndimor, angazhim që u ka lënë edhe gjurmë në trup dhe shpirt, unë dua të shpreh njohjen time të lartë dhe respektin tim të thellë”, tha ai.
Silberhorn tha më tej se KFOR-i në Kosovë është në vijën e tretë: pas Policisë së Kosovës, në radhën e dytë është misioni policor i EULEX-it të Bashkimit Evropian, por që nevojitet si një forcë “robuste ndërhyrjeje” dhe “faktor stabilizues.”
Alt: Të liberalizohet regjimi i vizave
Renata Alt, nga Partia Liberale, FDP, në fjalën e saj u shpreh kundër ideve për ndryshimin e kufijve, duke cituar presidenten e Kosovës, Vjosa Osmani, me fjalët: “Kjo nuk përshtatet me kohën tonë. Ajo kërkoi një angazhim diplomatik në nivelin më të lartë nga ana e BE-së, pasi potenciali i shkallëzimit është shumë i lartë.”
Renata Alt, kujtoi se kredibiliteti i BE-së në Ballkan është prej kohësh në rrezik: “Është komplet e pakuptueshme se përse Kosova ende nuk ka liberalizim vizash”, tha ajo dhe kërkoi nga Gjermania që të përdorë më shumë peshën e saj për ta mbështetur Kosovën në këtë pikë.”
Nastic: “Si nga flota ajrore e Hitlerit”
Zaklin Nastic, E Majta, e filloi fjalimin e saj me një krahasim provokues: “Në vitin 1999, Josef Fischer buçiste se me flotën e tij ajrore se do të ndalte një Aushvic të dytë dhe esesët serbë. Njerëzit në Beograd duhej të mbroheshin nga 20 mijë tonë bomba dhe municion me uran në të njëjtit bunkerë si dikur nga flota ajrore e Hitlerit”, tha deputetja e Majtë duke shprehur kështu edhe mospëlqimin e partisë së saj qysh në zanafillën e misionit të KFOR-it në Kosovë.
Bilanci i misionit sipas saj ishte: “Një shtet artificial, i bërë duke shkelur rezolutën 1244 të OKB-së, e cila garantonte sovranitetin dhe pacenueshmërinë territoriale të Jugosllavisë, pa ndonjë industri domethënëse, por me afro 47 përqind papunësi te të rinjtë” dhe “fortesë e terroristëve të IS-it.”
Fjalë të mira gjeti Nastic vetëm për gjykimin që po i bëhet aktualisht ish-presidentit të Kosovës Hashim Thaçi nga gjykata speciale e Hagës: “Për këtë, aleatin tuaj, qysh në një raport të Shërbimit të Fshehtë Gjerman të vitit 2005, thuhej se ka një rrjet kriminal që mban nën kontroll në të gjithë Kosovën“, tha ajo.
Sarrazin: “Njohja e Kosovës është e panegociueshme”
Deputetët e tjerë që do ta merrnin fjalën më pas u shprehën pro zgjatjes së angazhimit të ushtarëve gjermanë në kuadër të KFOR-it.
Manuel Sarrazin, nga Të Gjelbrit, kujtoi se kjo është një pikë për të cilën janë të një mendimi si ministrja e jashtme e Kosovës, ashtu edhe presidenti i Serbisë: “Që të dy thonë se KFOR-i duhet të jetë patjetër i pranishëm në Kosovë.”
Ashtu sikurse Alt, edhe Manuel Sarrazin bëri thirrje për liberalizimin e vizave me Kosovën: “Është e papërfaqësueshme që Kosova të mbetet përjashta, edhe pse i ka përmbushur kushtet”, tha si. Sarrazin kërkoi gjithashtu që Gjermania të angazhohet më shumë për njohjen e Kosovës nga të gjitha vendet e BE-së: “Kosova duhet të njihet si shtet, kjo është e panegociueshme për ne”, tha deputeti i të gjelbërve.
Sarrazin, në cilësinë e tij si kryetar i Shoqatës së Evropës Juglindore, kishte zhvilluar të martën (18.05.) një pjesë të intervistës me zëvendëskryeministren e Kosovës, Donika Gërvalla.
Liberalizimi i vizave tani dhe njëherë
Edhe deputetët e CDU/CSU-së që folën më pas, si Christian Schmidt, CSU; dhe Peter Beyer, CDU; kërkuan liberalizimin e vizave për qytetarët e Kosovës. “Ne duhet të flasim më shumë me vendet skeptike, sidomos me Holandën dhe Francën: “Kosova i ka plotësuar të gjitha kriteret që i kemi vënë ne, pra, Bashkimi Evropian. Liberalizimi i vizave duhet të ndodhë tani dhe menjëherë”, tha Beyer.
Beyer, i cili është raportues për Kosovën si në Bundestag, ashtu edhe në Këshillin e Evropës, kërkoi nga udhëheqja aktuale e Kosovës që megjithë sfidat e mëdha, si pandemia dhe korrupsioni, të mos e lënë anash procesin e normalizimit me fqinjët veriorë: Procesi i normalizimit me Serbinë duhet të ketë po aq prioritet, tha ai dhe shtoi: “Më mungojnë deklarata në këtë drejtim, si nga presidentja e shtetit ashtu edhe nga qeveria.”
Beyer: Dialogu me përparësi
Beyer, i cili është edhe i ngarkuari i qeverisë gjermane për marrëdhëniet transatlantike, kujtoi edhe se me qeverinë e Joe Biden-it ekziston edhe një shans për t’u çliruar nga barra e dokumentit të nënshkruar në Shtëpinë e Bardhë dhe për t’i çuar përpara reformat transatlantike Deputeti kristiandemokrat hodhi poshtë idenë anëtarësimit të gjithë Ballkanit Perëndimor si bllok në BE: “Kjo do të ishte baraz me pranimin e një dështimi total të politikës së zgjerimit të dhjetë viteve të fundit”, tha ai.
Beyer i kujtoi në fund qeverisë Kurti edhe “detyrat e shtëpisë”, siç e quajti ai, konkretisht, realizimin e Asociacionit të Komunave serbe. Beyer shprehu besimin se Albin Kurti do të ishte në gjendje ta realizonte këtë premtim të mëparshëm të Kosovës, duke kujtuar se të gjitha qeveritë e deritanishme i kanë ikur kësaj çështjeje.“
KFOR-i, misioni i parë i Bundeswehr-it
Kërkesa e qeverisë gjermane për zgjatjen e mandatit të Bundeswehr-it u kalua në komisionet përkatëse të Bundestagut. Misioni i Bundeswehr-it në kuadër të KFOR-it u aprovua për herë të parë nga Bundestagu më 11 Qershor 1999 dhe ishte hera e parë që Gjermania dërgonte ushtarë në tokë të huaj. Ushtria gjermane është e detyruar që atëherë të marrë leje nga Bundestagu për çdo zgjatje të misionit. Më 28 qershor 2019, Bundeswehri e reduktoi numrin maksimal të ushtarëve të stacionuar në Kosovë nga 800 në 400. Aktualisht në Kosovë janë të stacionuar 70 ushtarë gjermanë.
Marrë nga DW
Iftar dhe politikë, a u prek Muaji i Ramazanit nga politikanët?
KOSOVË- Kryeministri i Kosovës, Albin Kurti i ka dërguar Organizatës së Kombeve të Bashkuara për Arsim, Shkencë dhe Kulturë (UNESCO), një letër me disa kër...
Policia po heton një sulm antisemit në një restorant të Los Anxhelosit si sulm urrejtjeje. Siç njofton nga Los Anxhelosi korrespondenti i Zërit të Amerik...
JERUZALEM – Një armëpushim ka hyrë në fuqi pas 11 ditë luftimesh të ashpra mes Izraelit dhe grupit militant Hamas që kontrollon Gazën. Luftimet morën shka...
Një grup organizatash aktiviste thotë se të paktën nëntë drejtues ekzekutivë dhe investitorë në kompanitë që prodhojnë vaksina të koronavirusit janë bërë miliar...
GJERMANI- Fjalimi programatik i Armin Lashetit, kryetarit të partisë së kancelares Merkel, CDU dhe kandidatit për kancelar të CDU/CSU-së i drejtohej si elektor...
SERBI-Presidenti i Serbisë, Aleksandar Vuçiç, ka shprehur frikën se në periudhën e ardhshme do të ketë presione të ndryshme politike për çë...
ITALI- Ndërsa gjuetia e midhjeve shkatërron shkëmbinjtë nënujorë të Napolit, policia u bashkua me biologët për të gjetur bandat pas saj. The guardian raporton s...
SHBA- Elon Musk është gati krijimit të fabrikës së tij të Tesla në Rusi dhe në vendet fqinje të saj. CNN shkruan se gjatë një samiti online me student rus, Musk...
