Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në një etazher të drunjtë pikasen ngjeshur vëllime librash, të paraprira nga një makinë e vjetër shkrimi. Në faqen e bardhë të murit një kurorë me degëza ulliri të bën të mendosh se të zotët e kësaj shtëpie në rrugën “Ali Demi” tërhiqen nga simbolikat e lashtësisë.
Dori dhe Kozeta, përkatësisht 30 dhe 22 vjeç, nuk gëzojnë një punishte, por vetëm dëshirën për të rrokullisur gishtërinjtë dhe penjtë shumëngjyrësh. Kësisoj, ofrojnë tashmë prej një viti qëndisma të punuara me dorë në objekte të ndryshme. Nën logon “Puthje nëpër penj”, ata komunikojnë me klientët e tyre përmes rrjeteve sociale.
Iniciativa u ndërmor fillimisht nga Kozeta, e cila ka mbaruar studimet bachelor për Fizioterapi në Universitetin Mjekësor të Tiranës. Më tej u përvetësua si dëshirë edhe nga Dori, që mbart një eksperiencë thuajse 5-vjeçare si ushtarak dhe më pas si mobilier.
Ndryshe nga shumë të tjerë, të cilëve u ka marrë një tjetër ritëm jeta, Dori dhe Kozeta nuk e kanë ndier ndikimin drastik të pandemisë Covid-19. Përkundrazi! Karantina duket se u ka dhënë mundësi për të reflektuar dhe menduar mbi krijime të reja e sa më origjinale.
Dhe sipas asaj çka dihet, qëndisja është përdorur që në krye të herës si një metodë efektive ndaj ankthit dhe stresit. Madje, ata s’reshtin së rekomanduari këdo që po përjeton të tilla ndjesi, që t’i drejtohet qoftë edhe për një orë qëndisjes, sidomos në këtë periudhë kur kryefjala e ditës është koronavirusi.
Ky çift i ri rrëfen për gazeta “Fjala” hapat e parë, vështirësitë e hasura rrugës, si dhe projektet e planet për të ardhmen. Duke marrë parasysh klimën e një shoqërie që s’është mësuar të dëgjojë për djem që i kushtojnë rëndësi dhe kohë qëndisjes, ish-ushtaraku nuk ngurron të ndalet te vetja.
“Rreth tre muaj përpara se të jetonim bashkë, Kozeta më tregonte vazhdimisht se kishte një dëshirë të madhe për t’u përmbushur artistikisht dhe për të shprehur aftësitë në të krijuar. Kjo i vinte si pasojë e faktit se mjekësia nuk ka vend për art dhe Kozi, duke qenë natyrë e tillë që në adoleshencë, pra me pasionin për letërsinë, pikturën, histori arti, muzikën, nuk e gjente veten e saj të plotë tek fizioterapia dhe kështu donte me patjetër një rrugë të dytë ku të mbushte atë boshllëk. Fillimisht e mbështeta duke menduar se do të ishte thjesht një dëshirë kalimtare për t’u ndier mirë”, tregon fillimisht Dori.
“Me kalimin e kohës po kuptoja se ajo donte që kjo nismë kaq e vogël për t’u ndier e plotë, të bëhej më e madhe dhe të merrte vëmendjen e duhur. Dy muajt e parë e mbështesja vetëm me fjalë, pasi shihja se edhe tërheqja e njerëzve ndaj iniciativës nuk ishte edhe aq serioze dhe në numër. Mirëpo pasi kishim vendosur pak e nga pak se do të jetonim bashkë, vendosëm që ta merrnim seriozisht edhe këtë iniciativë. Fundja, interesi po rritej”, vijon ai.
30-vjeçari shpjegon se këtu shenjohet lindja e faqes së tyre në rrjet. “Është emër tërësisht origjinal, i menduar si një ndërthurje e dashurisë në çift dhe penjve mes nesh që erdhën në të njëjtën kohë me bashkëjetesën tonë, ndaj e kemi quajtur ‘Puthje nëpër penj‘”, thotë Dori.
I identifikuar dikur nga uniforma ushtarake, Dori nuk e ka konsideruar asnjëherë si problem apo tabu qëndisjen.
“Të përballesh dhe të provosh qëndisjen, që cilësohet deri diku e panjohur nga burrat/djemtë shqiptarë, ka të bëjë me personalitetin dhe formimin e njeriut. Unë personalisht e kam parë teorikisht dhe praktikisht si një formë arti shumë të bukur. Nuk e kisha menduar se do të qëndisja ndonjëherë, por që nga momenti që e kam provuar (pavarësisht problemeve fillestare për të mësuar hapat e parë) më ka pëlqyer jashtë mase. Më është dashur rreth një javë të mësoj gjërat bazë, pastaj si çdo punë tjetër, nëse fokusohesh dhe e pëlqen atë që bën, do të perfeksionohesh me kalimin e kohës”, thotë Dori teksa rendit edhe të mirat që ka përftuar nga qëndisja.
“Më ka kalitur durimin, më ka bërë të fitoj qetësi emocionale dhe të jem më i mprehtë ndaj detajeve të jetës. Miqtë, duke e njohur karakterin tim, më kanë thënë se nuk kanë pasur ndonjë habi të madhe ndaj këtij vendimi, sepse më njohin prej vitesh se si mendoj, flas apo e konceptoj jetën.”
Me qëllimin për të treguar histori nëpërmjet copave dhe penjve, dyshja është e fokusuar te marrëdheniet njerëzore dhe jo konsumatore, ndonëse iniciativa e tyre ka marrë tashmë formën e një biznesi të vogël.
“Ne jemi vërtet të fokusuar tek ndjenjat që dikush ka për personin të cilit dëshiron t’i dhurojë punimin apo qoftë edhe ndjenjat që ka nëse e do punimin për vete. Arsyeja pse ne bisedojmë me klientët është sepse punimi duhet patjetër të shprehë emocion. Çdo punim artistik nuk ka jetë pa ndjenja brenda tij. Dhe e vërteta është se arti, edhe kur e bën për ta shitur, duhet të bëhet me dashuri”, shprehet Kozeta duke shtuar se e ka të pamundur t’i ndajë punimet në më të bukura apo më pak të bukura.
Nuk përjashtojnë asesi kontributin dhe fuqinë e internetit. Megjithatë, çifti thekson se vazhdimësia për të shprehur dhe bërë atë që dashuron është te forca personale e çdo njeriu. “Ne ndoshta kemi fatin që kemi njëri-tjetrin dhe kjo na bën ta mbajmë fort atë çka kemi”, thonë ata.
Pyetjes nëse ia dalin të jetojnë mirë përmes këtij biznesi, Kozeta i jep një përgjigje pozitive. “Ne kemi vënë re se shqiptarët me njëri-tjetrin po bëhen gjithmonë e më shumë mbështetës, sidomos ndaj atyre që po punojnë fort dhe e meritojnë mbështetjen për shkak të produktit final. Po marrim gjithmonë e më shumë vlerësime ndjesore ashtu edhe monetare. Për të qenë të sinqertë, po jetojmë gjithashtu mirë dhe paqtë, sepse e duam atë që bëjmë”, shprehet Kozeta.
Për sa i takon interesit ekzistues për punimet e këtij lloji, Dori dhe Kozeta tregojnë se ata që orientohen më shumë drejt tyre janë çuditërisht të rinjtë. “Interesi çdo ditë e më shumë bëhet edhe më i madh. Arsyeja kryesore është se njerëzit kërkojnë t’i dhurojnë vetes apo njerëzve të dashur gjëra të veçanta, të krijuara posaçërisht për ta. Shtojmë faktin se në Shqipëri po vjen një erë e re drejt dashurisë për krijimet e punuara me dorë.
Nëse flasim për moshën e orientuar drejt qëndisjes, ne si shqiptarë do të na vijë menjëherë në mend mosha mbi 30 vjeç, por çuditërisht janë ata nën 30 vjeç që e presin dhe duan më shumë këtë rrymë artistike”, shprehet çifti duke argumentuar se hamendësojmë për klientë më në moshë për arsye se qëndisja në Shqipëri është pjesë e traditës dhe ç’është pjesë e saj mbetet nostalgjike dhe më e pranueshme tek ta.
Profesionalizimi mbi një fushë të caktuar rritet me përvojën e viteve te kushdo. Rrjedhimisht, koha do të tregojë për Dorin dhe Kozetën se sa shumë do të mësojnë dhe krijojnë prej qëndisjes.
Marrë nga Fjala.al
1 vit nga zgjedhjet e 25 prillit si e shikoni gjendjen e vendit:
Tiranë-Paketa e dytë financiare parashikon që të përfitojnë një pagë prej 40 mijë lekësh vetëm një herë për 176 mijë të punësuar, ndërsa e para jepte 26 mijë le...
TIRANË- Rektori i Universitetit të Tiranës Mynyr Koni ka sqaruar se ai nuk e ka nxjerrë urdhrin për nisjen e procesit zgjedhor. Në një intervistë për Ora N...
TIRANË- Ministrja e Shëndetësisë dhe Mbrojtjes Sociale, Ogerta Manastirliu, ka ndarë lajmin e mirë për ardhjen në jetë të banorit më të ri në Tiranë.Në një...
TIRANË- Ministrja e Arsimit, Sportit e Rinisë, Besa Shahini, ka folur sot për pezullimin e procesit mësimor në shkolla për shkak të COVID-19, por dhe si do...
TIRANË- Studentët janë kundër zgjedhjeve në 12 qershor, e kërkojnë nga ministria e Arsimit që të të shtyhen, pasi në kërtë kohë është e pamudur për shkak t...
TIRANË– I moshuari, Hysen Tuga ka treguar historinë e tij të trishtë. Në një rrëfim për FaxWeb, ai ka treguar se është grabitur dhe më pas është braktisur ...
TIRANË– Kreu i “Biznes Albania”, Luan Bregasi me anë të një reagimi për shtyp shkruan se gjendja e biznesit në vend është shumë e vështi...
Bllokimi i lëvizjeve si rrjedhojë e masave për të frenuar përhapjen e Covid-19 ka frenuar të paktën përkohësisht, tendencën e emigracionit të shqiptarëve, që is...
TIRANË- Ministria e Arsimit i ka dhënë udhëzim Rektoratit të Universtietit të Tiranës që të vijojnë procedurat për mbajten e zgjedhjeve edhe pse vendi po k...
TIRANË- Besimtarët myslimanë i janë drejtuar sërish Komunitetit Mysliman të Shqipërisë me një kërkesë për të hapur xhamitë. Në një peticion të nisur sot on...
