Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
DRENOVË– Burgu i Drenovës është bërë prej kohësh lajm, për shkak të një personazhi-Neim Behari-, i cili u ka dërguar letra kërcënuese disa zyrtarëve të drejtësisë dhe të sistemit të burgjeve.
Pak ditë më parë, gjykata e Korçës e vendosi të dënuarin Behari në izolim, sipas regjimit “41 bis”, në bazë të kërkesës së Drejtorisë së Përgjithshme të Burgjeve, pas kërcënimeve që ai ka bërë publikisht.
Por, siç ka raportuar më parë “Boldnews.al”, izolimi i Beharit mund të jetë edhe pasojë e një “hakmarrjeje” ndaj tij, për shkak se ai ka kallëzuar penalisht për korrupsion drejtorin e burgut të Drenovës, Genci Fejzollari dhe nëpunës të tjerë të institucionit.
Akuzat për paligjshmëri brenda burgut të Drenovës, të lëshuara nga Neim Behari, emri i të cilit shoqërohet shpesh me përcaktimin si një person me “probleme të shëndetit mendor”, në fakt, përforcohen nga brenda radhëve të administratës
Dritan Nurçe punonte prej vitesh në Institutin e Ekzekutimit të Vendimeve Penale në Korçë, në rolin e specialistit (kujdestarit). Ai është një ndër pesë punonjësit e këtij institucioni, të cilët kanë dhënë dorëheqjen këto 2-3 muajt e fundit. Disa prej tyre e kanë argumentuar dorëheqjen “për arsye personale”. Por, jo Nurçe.
Ai ka dhënë dorëheqjen pak javë më parë, i detyruar, sipas tij, për shkak se nuk të pranonte të vepronte në kundërshtim me ligjin. Për shkak të kundërshtive të tij, ai është përballur me një betejë administrative me drejtorin e Burgut, në përfundim të të cilës doli i fituar.
Pas përfundimit të kësaj beteje disa-mujore, Nurçe dha dorëheqjen, i bindur se angazhimi profesional në Burgun e Drenovës do të vijonte të shoqërohej me përplasje të brendshme.
Drejtoria e Përgjithshme e Burgjeve ka pranuar kërkesën e tij për dorëheqje, duke shënuar se Nurçe ka dhënë dorëheqjen për “arsye personale”.
Por, argumenti zyrtar i Drejtorit të Përgjithshëm të Burgjeve, Agim Ismaili, nuk qëndron. Ish-specialisti ka dhënë dorëheqjen, për shkak se nuk ka pranuar të bëhet pjesë e praktikave abuzive, të orientuara nga zyrtarët drejtues të Burgut të Drenovës.
“Boldnews.al” ka siguruar letrën e dorëheqjes që Nurçe ia drejton eprorëve të tij.
“Dorëheqja ime vjen për shkaqe dhe rrethana që lidhen me parregullsitë që janë instaluar në kundërshtim me aktet ligjore dhe nënligjore në praktikën e përditshme të punës në këtë institucion” (Burgun e Drenovës, shën.red.), shkruan, ndër të tjera, tashmë ish-specialisti Dritan Nurçe.
Në tekstin e dorëheqjes, ai rendit akuza të rënda për paligjshmëri nga ana e drejtuesve të Burgut. “Qëllimi dhe arsyeja e shkeljes së ligjit është e qartë dhe nuk ka nevojë për komente”, shkruan Nurçe, duke aluduar për praktika korruptive nga ana e zyrtarëve të IEVP Drenovë.
Heshtja e Drejtorisë së Burgjeve
Drejtori i Përgjithshëm i Burgjeve, Agim Ismaili, me Urdhërin e datës 24 Dhjetor 2019, ka pranuar dorëheqjen e specialistit Dritan Nurçe. Sipas Urdhërit të Ismailit, një kopje të të cilit e ka siguruar edhe “Boldnews.al”, dorëheqja është kryer për “arsye personale”.
Duket qartë që drejtuesi më i lartë i sistemit të Burgjeve e ka thjeshtuar tërësisht situatën, duke u mjaftuar me “arsyet personale”, e duke anashkaluar problematikat e mprehta për paligjshmëri, të parashtruara në letrën e ish-specialistit Nurçe.
Siç duket që ka edhe një përpjekje të shtuar nga Drejtoria e Përgjithshme e Burgjeve për të kaluar në heshtje ose për të mos cënuar titullarët e Burgut të Drenovës.
Një situatë e tillë ka ndodhur edhe në Tetor të vitit 2019, pas publikimit të një investigimi në “Boldnews.al”.
Në një artikull, me titull “Kush e kërcënoi realisht gjyqtarin Markelian Kuqo? Një histori që përfshin zyrtarët e Burgjeve”, publikuar të Dielën e 20 Tetorit 2019, redaksia e “Boldnews.al” publikon edhe një vendim gjyqësor, në të cilin gjykata e Korçës ka refuzuar uljen e dënimit për të dënuarin T.H., me argumentin se dosja e hartuar nga Burgu i Drenovës për këtë të burgosur, kishte mangësi të theksuara dhe paligjshmëri.
Një ditë pas publikimit të këtij shkrimi, drejtori i Burgut të Drenovës, Genc Fejzollari, kërkon nga Drejtoria e Përgjithshme e Burgjeve pezullimin e specialistit Dritan Nurçe, i cili përfaqësonte institucionin në gjykatë.
Urdhëri i pezullimit nënshkruhet nga Drejtori i Përgjithshëm, Agim Ismaili, në 18 Nëntor 2019. Specialisti i pezulluar ankimin urdhërin, duke argumentuar se ai ishte vetëm përfaqësues i Burgut në seancë gjyqësore, por nuk ka qenë dakord me materialin e përgatitur nga eprorët e tij.
Pas shqyrtimit të rastit, inspektorët e Shërbimit të Kontrollit të Burgjeve arritën në konkluzionin se Nurçe nuk kishte përgjegjësi. Në përfundim, Drejtori i Përgjithshëm, Agim Ismaili, revokon masën e pezullimit.
Çështja mbyllet aty, vetëm me një kallëzim penal ndaj juristes së Burgut të Drenovës, pavarësisht se materialet për të dënuarin T.H. janë hartuar e miratuar nga një komision përkatës, si edhe të konfirmuar nga drejtori i burgut të Drenovës.
Marrë nga Boldnews.al
1 vit nga zgjedhjet e 25 prillit si e shikoni gjendjen e vendit:
TIRANE- Dosja.al zbulon emrat e disa prej menaxherëve të arrestuar në kuadër të operacionit “Fati i lojërave”, pasi akuzohen se kanë ushtruar në mënyrë të palig...
GJIROKASTËR– “O djali kallabollate/ Doje të shtoje hirate/ Humbe dhe ato që pate!”. Bejo Kërri sapo ishte ulur në një tavolinë të ngushtë, ku katër bashkëf...
VLORË- 40 metra kub lëndë e rrezikshme për jetën gjendet që prej datës 20 shkurt në Shqipëri, pasi u bllokuan në tragetin që vinte nga Italia në qytetin e ...
VLORË- Pas bllokimit të tragetit të linjës Brindizi-Vlorë, në të cilën kishte thuhet se kishte një ngarkesë me mbetje të rrezikshme, të cilat do të futeshi...
TIRANË- Drejtori i Përgjitshëm i Policisë së Shtetit, Ardi Veliu së bashku me drejtuesen e Prokurosisë së Tiranë, Elisabet Imeraj kanë dalë në një deklarat...
Vlorë-Rozina Kornuzi, gruaja e Zamir Kornuzit, një prej 6 personave të arrestuar dje në portin e Vlorës, pasi tentuan të fusnin në Shqipëri mbetje të rrezikshme...
LUSHNJE– Përshkallëzohet protesta e fermerëve në Lushnje. Policia nuk i ka lejuar fermerët që të bllokojnë rrethrrotullimin. Forca të shumta policore ndodhen në...
Tiranë- Policia e Tiranës ka arrestuar bizesmenin, Gramoz Murataj gjatë aksionit për goditjen e lojërave të fatit dhe basteve online. Murataj ra në prangat e Po...
LUSHNJE– Sindikata e fermerëve ka organziuar një protestë këtë paradite në qytetin e Lushnjes. Fermerët e degëve Lushnjë, Divjakë, Berat, Fier, Kuçovë, p...
