"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Komisioneri u shpreh se synimi i vizitës së tij dhe mesazhi kryesor ishte vijimi i procesit të integrimit europian të Shqipërisë.
TIRANË- Komisioneri për Çështjet e Brendshme dhe Migracionin, Magnus Brunner ka folur për vizitën e tij në Shqipëri, synimet europiane ndaj vendit, procesin e integrimit dhe sfidat e Shqipërisë në raport me drejtësinë dhe emigracionin. Duke folur në një intervistë për Euronews Albania, Komisioneri u shpreh se synimi i vizitës së tij dhe mesazhi kryesor ishte vijimi i procesit të integrimit europian të Shqipërisë.
Brunner foli edhe për drejtësinë, ku sipas tij Reforma në Drejtësi, e miratuar në vitin 2016, ka qenë një pikë kyçe për të ndihmuar Shqipërinë në përballimin e sfidave europiane. Ai shtoi gjithashtu se SPAK, i themeluar si një shtyllë kryesore e reformës në drejtësi, ka bërë arritje të rëndësishme deri më sot dhe luan një rol kyç në dhënien e rezultateve të prekshme në luftën kundër krimit të organizuar dhe korrupsionit.
Më tej, Brunner theksoi se bashkëpunimi me Europol-in është i fortë dhe Shqipëria e ka forcuar praninë e saj atje dhe ka kryer pothuajse 110 operacione të përbashkëta policore me partnerë ndërkombëtarë në vitin 2024. Sa i përket anëtarësimit në BE, Komisioneri tha se Shqipëria është në rrugën e duhur dhe sipas tij, për të arritur objektivin e vitit 2030, këto përpjekje duhet të vazhdojnë.
Intervista:
Së pari, do të donim t’ju pyesnim se cili është mesazhi kryesor i vizitës suaj të parë në Shqipëri si Komisioner?
Shqipëria është një pararendëse e procesit të anëtarësimit në BE dhe ju po jepni një kontribut të drejtpërdrejtë në sigurinë tonë të përbashkët. Kapitujt më të rëndësishëm dhe më kërkues në procesin e anëtarësimit janë ata mbi shtetin e së drejtës dhe sigurisë. Ata janë pjesët qendrore në procesin e anëtarësimit për çdo vend kandidat, dhe që, mbi të gjitha, do të sjellin dobi për shqiptarët. Jam këtu për të ofruar mbështetjen e BE-së dhe për t’u siguruar që të vazhdojmë në këtë rrugë me të njëjtën vendosmëri që kemi parë vitin e kaluar. Është investimi më i mirë për të ardhmen e Shqipërisë. Dhe është tërësisht në duart e popullit shqiptar.
Si e vlerësoni bashkëpunimin e Shqipërisë me institucionet e Bashkimit Evropian në menaxhimin e migracionit dhe flukseve të parregullta të migrantëve?
Faktet flasin vetë: një ulje prej 95% e mbërritjeve të paligjshme në rrugën e Ballkanit Perëndimor, Shqipëria ështe vendi i parë i zgjerimit që miratoi në janar 2026 një Plan Veprimi Shengen, si dhe zbatoi një udhërrëfyes për përafrimin e vizave në nëntor 2025. I gjithë ky angazhim hap rrugën për anëtarësimin në BE dhe për t’u bërë pjesë e zonës më të madhe të lirisë së lëvizjes në botë.
Shqipëria ka një marrëveshje me Italinë për ngritjen e qendrave për migrantët nga vendet e treta. Pavarësisht vendimeve të gjyqësorit italian, a e shihni këtë marrëveshje si një model dhe një zgjidhje të mundshme për menaxhimin e migracionit edhe në vende të tjera?
Në vitin 2025, BE-ja tregoi se mund të japë rezultate në fushën e migracionit. Aktualisht po zbatojmë reformën më të madhe në Evropë për migracionin dhe azilin. Kjo reformë përfshin gjithashtu rregulla të reja për njerëzit që nuk kanë të drejtë të qëndrojnë në BE. Vitin e kaluar, vetëm 1 nga 5 persona, të cilët u urdhëruan të largoheshin, u kthyen vërtet. Kjo është e papranueshme. Kjo është edhe arsyeja pse propozuam një sërë rregullash të reja ambicioze, të cilat tashmë janë miratuar nga Shtetet Anëtare të BE-së.
Këto rregulla të reja ofrojnë gjithashtu një kornizë për të punuar mbi mënyra të reja për t’u angazhuar me vendet partnere në fushën e migracionit. Kjo është diçka që Shtetet Anëtare të BE-së po e shqyrtojnë tashmë dhe Komisioni luan një rol mbështetës në këtë drejtim. Për mua, ajo që është thelbësore është që BE-ja të fillojë të shohë përtej kufijve të vet dhe të ndjekë një qasje të plotë ndaj migracionit, një qasje që pranon se migrimi as nuk fillon dhe as nuk mbaron në kufijtë e BE-së dhe për këtë arsye duhet të ndjekë një qasje më gjithëpërfshirëse.
Raporti i Progresit i vitit 2025 pohon se krimi i organizuar mbetet një sfidë serioze për Shqipërinë. A shihni përparim konkret nga Shqipëria në këtë fushë?
Po, vërtet, Shqipëria ka bërë përparim konkret. Përafrimi i politikave dhe kuadrit ligjor të saj me acquis e BE-së është një element kyç i rrugës së Shqipërisë drejt anëtarësimit në BE dhe që tashmë po kontribuon në sigurinë tonë të përbashkët. Nevojiten përpjekje të mëtejshme për të forcuar kapacitetin e zbatimit të ligjit dhe për të siguruar hetime efektive.
Si e vlerësoni performancën e Shqipërisë në luftën kundër korrupsionit dhe krimit të organizuar?
Siç e thashë më sipër, këta janë kapituj kyç në procesin e anëtarësimit dhe, para së gjithash, janë në interes të popullit shqiptar. Reforma në drejtësi që Shqipëria miratoi në vitin 2016 ka ndihmuar për trajtimin e këtyre sfidave. SPAK, i themeluar si një shtyllë kryesore e reformës në drejtësi, ka bërë arritje të rëndësishme deri më sot dhe luan një rol kyç në dhënien e rezultateve të prekshme në luftën kundër krimit të organizuar dhe korrupsionit.
Bashkëpunimi me Europol-in është i fortë: Shqipëria e ka forcuar praninë e saj atje dhe ka kryer pothuajse 110 operacione të përbashkëta policore me partnerë ndërkombëtarë në vitin 2024. Forcimi i këtij bashkëpunimi dhe arritja e rezultateve konkrete për stabilitetin, shtetin e së drejtës dhe sigurinë e qytetarëve tanë janë në qendër të takimeve të mia në Shqipëri.
Qeveria shqiptare ka vendosur vitin 2030 si vitin objektiv për anëtarësimin e vendit në Bashkimin Evropian. A e konsideroni këtë afat të arritshëm, bazuar në reformat e zbatuara deri më tani?
Mesazhi ynë është i qartë: vazhdoni në të njëjtën rrugë. Shqipëria është në rrugën e duhur. Janë ndërmarrë reforma të rëndësishme. Për të arritur objektivin e vitit 2030, këto përpjekje duhet të vazhdojnë. Kjo është veçanërisht e vërtetë për forcimin e kapaciteteve të zbatimit të ligjit dhe përmirësimin e efektivitetit të hetimeve./Dosja.al
Belinda Balluku TIRANË- Marsida Xhaferllari, Elsa Toska, Sandër Beci dhe Asim Vokshi janë katër gjyqtarët që votuan ku...
Gjykata Kushtetuese TIRANË- Vendimi i Gjykata Kushtetuese për lënien në fuqi të pezullimit të zv.kryeministres Belinda B...
Edi Rama, Belinda Balluku, GJK TIRANË- Gjykata Kushtetuese ka lënë në fuqi pezullimin e zv.kryeministres Belinda Balluku. Pas rret...
Foto ilustruse TIRANË- Hapja e Lojërave Olimpike Dimërore “Milano Cortina 2026” shënoi një moment simbolik pë...
TIRANË- Në fillim të dhjetorit, një media satirike kroate publikoi një tekst humoristik, sipas të cilit ministrja shqiptare isht...
Sali Berisha TIRANË- Kreu i Partisë Demokratike, Sali Berisha ka deklaruar se komuniteti ndërkombëtar pret rrëzimin e Ram&eu...
Sali Berisha TIRANË- Kryetari i Partisë Demokratike, Sali Berisha ka deklaruar se biznesmeni Gerond Meçe ka dëshmuar gjithçka ...
Foto ilustruse SHBA- Deputetët e Partisë Demokratike vijojnë vizitën e në Washington. Ata janë takuar me kongresmenin Cl...
Sali Berisha TIRANË- Kreu i PD-së, Sali Berisha deklaroi se PD është shpresa dhe besimi i shqiptarëve. Gjatë fjalës...
Sali Berisha TIRANË- Kryedemokrati, Sali Berisha tha se Rama po injoron ultimatumin e Brukselit se do të zhbëjnë procesin e i...
