"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Gjyqtarja e dorëhequr, Elsa Toska, është emëruar në detyrë në vitin 2019 dhe mandati i saj duhej të mbaronte në vitin 2028, siç thuhet edhe në njoftimin e Kuvendit.
TIRANË- Kuvendi i Shqipërisë shpalli në mes të kësaj jave thirrjen për aplikime për plotësimin e vakancës së krijuar në Gjykatën Kushtetuese, pas dorëheqjes së gjyqtares Elsa Toska.
Në njoftimin e kryetares së Parlamentit, Elisa Spiropali, thuhet se “është shpallur procedura për plotësimin e vendit vakant, mandat plotësues, për 1(një) anëtar të Gjykatës Kushtetuese, me qëllim plotësimin e vakancës të krijuar për shkak të deklarimit të mbarimit përpara afatit të mandatit të gjyqtares Znj. Elsa Toska, i cili përfundon më datën 14.11.2028, referuar Vendimit të Kuvendit nr. 133/2019 “ Për zgjedhjen e zonjës Elsa Toska, anëtare të Gjykatës Kushtetuese”.
Kjo shpallje, e publikuar në faqen zyrtare të internetit të Kuvendit të Shqipërisë në datë 30 Shtator 2024, është mbështetur në Vendimin e Gjykatës Kushtetuese të datës 23 Shtator 2024, në të cilin u vendos njëzëri “deklarimi i mbarimit të mandatit përpara afatit të gjyqtares së Gjykatës Kushtetuese, zonjës Elsa Toska, në datën 23.9.2024, për shkak të dorëheqjes”.
Bazuar në këtë vendim të Gjykatës Kushtetuese, por edhe në vendimin e Kuvendit të datës 11 nëntor 2019, si edhe në mbështetje të nenit 125 të Kushtetutës së Republikës së Shqipërisë, kryetarja e Kuvendit, në shpalljen e vendit vakant, ka theksuar se mandati i Elsa Toskës ishte “i plotë” dhe “përfundonte në vitin 2028”.
Deri këtu, të gjitha veprimet e Kuvendit janë korrekte e konformon Kushtetutës dhe akteve të dala në zbatim të saj.
Por, vetëm pak orë pas publikimit të këtij njoftimi parlamentar, në një portal mediatik, i lidhur me një prej anëtarëve të Gjykatës Kushtetuese, u ngrit pretendimi se kryeparlamentarja Spiropali ka shkelur Kushtetutën në caktimin e afatit përfundimtar të gjyqtares së dorëhequr, Elsa Toska, në vitin 2028.
Ky portal mbështeste idenë se mandati i Toskës përfundonte në vitin 2025. Por, ky portal nuk jep asnjë argumentim kushtetues apo ligjor mbi këtë qëndrim, një qëndrim i cili nuk është i qartë nëse është i vetë portalit apo i një ose disa gjyqtarëvë kushtetues që nxisin këtë diskutim.
Faktet tregojnë që qëndrimi i Kuvendit është tërësisht në përputhje me Kushtetutën. Argumentat janë të shumtë.
Së pari, Kushtetuta, në nenin 125, pika 3, thotë: “Gjyqtarët e Gjykatës Kushtetuese qëndrojnë në detyrë për 9 vjet, pa të drejtë riemërimi”.
Gjyqtarja e dorëhequr, Elsa Toska, është emëruar në detyrë në vitin 2019 dhe mandati i saj duhej të mbaronte në vitin 2028, siç thuhet edhe në njoftimin e Kuvendit.
Së dyti, Gjykata Kushtetuese, në vendimin nr. 62, dt. 23 Shtator 2024 “Për deklarimin e mbarimit të mandatit të gjyqtares Elsa Toska për shkak të dorëheqjes”, thotë që në krye të dokumentit se “Kuvendi i Republikës së Shqipërisë, me vendimin nr. 133/2019, datë 11.11.2019, ka vendosur: “Zonja Elsa Toska zgjidhet anëtare e Gjykatës Kushtetuese, për vakancën e plotë të shpallur nga Kuvendi i Shqipërisë në datën 12.2.2018”.
Ky vendim i Gjykatës Kushtetuese është publikuar në Fletoren Zyrtare nr. 163, viti 2024.
Së treti, duke u rikthyer pas në kohë. Në Fletoren Zyrtare nr. 153, viti 2019, është publikuar vendimi nr. 139 i Kuvendit të Shqipërisë, ku është vendosur “Zonja Elsa Toska zgjidhet anëtare e Gjykatës Kushtetuese, për vakancën e plotë të shpallur nga Kuvendi i Shqipërisë në datën 12.2.2018”.
Këto tre argumenta konfirmojnë se qëndrimi i Parlamentit për “mandat të plotë” për Elsa Toskën është tërësisht në përputhje me Kushtetutën.
Po ashtu, këto tre argumenta bazë janë të mjaftueshëm për të rrëzuar çdo pretendim për anti-kushtetushmëri nga kryeparlamentarja, të ngritur nga ai portal apo nga gjyqtari a gjyqtarët kushtetues që fshihen pas tij.
Pasi argumentat kushtetues janë të qartë, ajo që ngrihet pikëpyetje është fakti se çfarë shqetësimi ka portali, ose cilido tjetër pas tij, për mandatin e zonjës Toska?
Nëse sjellja e Spiropalit për kohë-zgjatjen e mandatit të Elsa Toskës do të ishte anti-kushtetuese, a do të ishte njëlloj kjo shkelje kushtetuese edhe për një tjetër gjyqtare, Fiona Papajorgji, e zgjedhur për një mandat të plotë nga Parlamenti në të njëjtën ditë me gjyqtaren e dorëhequr, në nëntor 2019?
Në fund të ditës, kuptohet që tymnaja e ngritur nga një portal për anti-kushtetutshmëri, nuk ekziston. Por ajo që mund të kuptohet nga ky pretendim i hedhur në mediumin on-line është fakti që mandati i Elsa Toskës po hap orekse të ndryshme, sidomos nga politika, të cilat, me shumë mundësi, do të shfaqen publikisht së shpejti.
Sali Berisha Palët do të ndahen si gjithmonë në pro dhe kundër vendimit të Gjykatës së Apelit për dënimin...
Ben Blushi Nëse fetë e botës do mblidheshin në një Muze të Madh, aty Bektashizmi do zinte një dhomë të vog&eum...
Mal Berisha TIRANA- NJË FARË EGJRE ANTI-KOMBËTARE E MBJELLUR NË STAMBOLL NË VITIN 1993 DUKET SE NA MBIU TANI, NË VITIN 2024. ...
Keir Starmer dhe Giorgia Meloni Një mbrëmje të ftohtë, vonë në dimrin e vitit 1999, isha duke pritur për një tren n...
foto ilustruese IZRAEL- Një valë shpërthimesh vdekjeprurëse në Liban dhe pjesë të Sirisë ka vënë në ...
Volodymyr Zelensky Në Ukrainë, ekziston një shaka: mos humbisni kurrë kohë duke mësuar përmendësh emrat e ministrav...
Ben Blushi Si një njeri që ka jetuar njëzet vjet nën një regjim gjysëm ushtarak, unë pothuajse e kam urryer ushtrinë...
Janusz Bugajski Në fushatën e saj për të ushtruar dominimin serb në Ballkanin Perëndimor, qeveria Vuçiq po bllokon p&e...
foto ilustruese UKRAINË- Të veshur me uniforma të bardha, admiralët në komandë të flotës ushtarake turke, bullgare ...
andi bushati TIRANË- Ndodhi fiks ashtu siç e pati parathënë e përditshmja “Le monde”. Porsa mbaroi ceremonia e n&eu...
