E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Kur natyra harron të printojë kupon tatimor.
Në një operacion të bujshëm antikorrupsion, shteti shqiptar ka shpallur "non grata" një nga rreziqet më të mëdhenj për ekonominë kombëtare: rigonin e mbledhur në mal.
Inspektori Muçi, heroi i këtij fronti të ashpër kundër bimëve spontane, është përballur me një shitëse e cila kishte marrë guximin, që pa fature blerje dhe pa certifikatë origjine të shiste rigon. Po, atë barishten që rritet vetë, pa subvencione, pa tender dhe pa të njohshëm në Bashki.
Inspektori Muçi - Qeska duhet të ketë prodhuesin, fermerin.
Shitësja - Mali, shkova e mblodha në mal.
Inspektori Muçi (i tronditur nga kjo anarki e natyrës) - Nuk funksionon kështu!
Jemi në një situatë të rëndë korrupsioni kur edhe mali bëhet ortak në evazion fiskal, nuk na mbetet gjë tjetër veçse të vëmë kamera në pyje e të detyrojmë rigonin të vetëdeklarohet.
Po ku kemi arritur, o Shqipëri? Kur edhe mali bëhet ortak në evazion fiskal, nuk na mbetet gjë tjetër veçse të vëmë kamera në pyje, të pajisim kaçubat me NIPT dhe të detyrojmë rigonin të vetëdeklarohet në e-Albania.
Qeveria që e kap lepurin me qere, shumë shpejt do të kërkojë që edhe lulet e egra të mbajnë barkod, dallëndyshet të regjistrojnë adresën e foleve dhe flladet e malit të pajisen me leje qarkullimi. Sepse natyra, në këtë vend, ka filluar të bëhet e dyshimtë. Ajo prodhon pa pyetur, rrit pa leje ndërtimi, shitet pa fature tatimore. Një burim i rrezikshëm informaliteti që po i shpëton kontrollit të shtetit.
Shitësja, kjo bashkëpunëtore e rigonit në evazion fiskal, përpiqet t’i hedh hi syve inspektorit Muçi duke u shfaqur me një logjikë të thjeshtë dhe të çiltër, i kujton inspektorit se disa gjëra “janë të natyrës o tu bëftë Bardha kurban (me fjalën kurban ajo përpiqet ta korruptojë inspektorin hero” dhe nuk ka faturë shitje për to. Por shteti nuk ngopet me logjikë. Ai ka uri për pulla tatimore, vula, barkode dhe... sekuestrim të qeskave me barishte.
Inspektori Muçi (kthehet kërcënues) - Kjo është dita e fundit që vij normal. Nesër do t’i sekuestroj.
Po çfarë do të ndodhë me rigonin rebel? A do të gjobitet mali? A do të futet rregullore që çdo kaçubë aromatike të ketë certifikatë prej AKU-së? O harrova kjo e fundit u pezullua.
Në vendin tonë, ku shpesh tenderat bëhen me një ofertues, ku lejet e ndërtimit dalin në natën e Vitit të Ri dhe ku oligarkët i kemi kthyer në hartues të ligjeve, armiku më i rrezikshëm doli të jetë rigoni i malit. Ky është problemi kryesor i fiskalizimit shqiptar, një tufë barishte faturë blerje.
Dhe për këtë, inspektori ngrihet nga zyra, merr makinën e shtetit, del në terren për të gjurmuar “qeskat e padeklaruara”. Lufta kundër evazionit ka zbritur nga offshore-i në shportë. Nga fatura fiktive tek fletat e barit.
Çfarë do të ndodhë më tej? A do të kemi një sistem fiskal për natyrën? A do të klasifikohet mali si subjekt ekonomik me përgjegjësi të kufizuar? A do të merren në pyetje kaçubat për bashkëpunim me shitës ilegalë? Do të futen kërpudhat dhe çaji i malit në regjistrin e enteve prodhuese pa leje?
Mos u çudisni nëse një ditë në lajme të dëgjoni: “AKU (kjo iku apo ajo e reja) kontrolloi një pyll në Skrapar. U sekuestruan 27 kg rigon dhe 14 tufë trumza që nuk kishin certifikatë prejardhjeje.” Sepse ligji është i barabartë për të gjithë, për ndërtuesit, për bankierët, për koncesionarët… dhe për rigonin.
Ironia është se në të njëjtën kohë, me po këtë zell inspektues, mund të ndalonim ndërtimet në bregdet, skemat e pastrimit të parave dhe tenderat që i fiton gjithmonë kush “duhet”. Por këto janë më të vështira, kërkojnë përballje. Ndërsa një shitëse me një qese rigon është pre e lehtë. Nuk ka avokat, as llogari në Qipro. Ka vetëm barishten dhe një vend bosh në tryezë për të ushqyer.
Në fund, ajo që mbetet është një pyetje që s’duhet harruar:
Kush është më evazionist, rigoni që rritet vetë në mal, apo sistemi që lë miliona pa taksuar, por ndëshkon një tufë barishte?
Kështu, në këtë republikë të absurdit fiskal, rigoni është shpallur armiku i ekonomisë kombëtare. E nesër, kush e di... ndoshta vjen radha e boronicës. Sepse çdo gjë që nuk ka barkod, është potencialisht armik i buxhetit të shtetit.
Agim Nesho Ajo që është instaluar sot në Shqipëri nuk ka të bëjë me një regjim demokratik dhe aq më pak m...
Takimi i ministrave të jashtëm në Zvicër EVROPË- Ndërsa lufta po përhapet në Lindjen e Mesme, aktorët kryesor&...
Foto Ilustruese Herën e parë që Donald Trump ishte president, ai pothuajse e la NATO-n; tani që është rikthyer në detyr...
Lutfi Dervishi TIRANË- Nëse mendojmë se problemet që kemi janë korrupsioni, papunësia, zgjedhjet e kontestuara, uji i (pa)pij...
Emmanuel Macron dhe Keir Starmer Aleatët e rëndësishëm të SHBA-së po përpiqen të forcojnë lidhjet e tyre, nd&e...
Brenda pak orësh pasi mori detyrën si kryetar i Reformës të martën, David Bull shkaktoi polemikën e tij të parë në...
Foto Ilustruese Nëse do të duhet të shpjegojmë me një fjali rezultatin e zgjedhjeve presidenciale në Poloni, mund të th...
Agim Nesho Zgjedhjet e 11 Majit treguan se ishin një maskaradë elektorale, ku regjimi i inkriminuar dhe korruptiv i Edi Ramës mbrojti fasad...
Meri Lika TIRANË- U zhvilluan sërish me sukses zgjedhjet në Shqipëri – ato që na bëjnë të ndiejmë krenar...
ermal mulosmani TIRANË- Një gjë është e qartë. Edi Rama do t'i fitonte zgjedhjet me çdo kryetar të mundshëm...
