6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Inflacioni bazë llogaritet nga Banka e Shqipërisë për një grup mallrash dhe shërbimesh që zënë 69% të peshës në shportën e përgjithshme të Indeksit të Çmimeve të Konsumit.
TIRANË- Inflacioni bazë e nisi në rënie vitin 2025. Sipas të dhënave nga Banka e Shqipërisë, inflacioni bazë për janarin zbriti në 2.36%, nga 2.5% që kishte për dhjetorin 2024. Inflacioni bazë ngelet gjithashtu në rënie me bazë vjetore. Në janar të vitit të kaluar, ky tregues kishte qenë në nivelin 2.9%.
Inflacioni bazë llogaritet nga Banka e Shqipërisë për një grup mallrash dhe shërbimesh që zënë 69% të peshës në shportën e përgjithshme të Indeksit të Çmimeve të Konsumit. Inflacioni bazë përjashton ato produkte që zakonisht kanë luhatshmëri të lartë, kryesisht produktet ushqimore dhe ato energjetike.
Qëllimi i llogaritjes së inflacionit bazë është ta zhveshë rritjen e përgjithshme të çmimeve nga luhatjet me natyrë më afatshkurtër. Inflacioni bazë është i lidhur në një shkallë më të madhe me presionet e brendshme inflacioniste, që në vitet e fundit janë ndikuar shumë prej rritjes së kostos së punës të bizneseve.
Paralelisht me inflacionin bazë, edhe inflacioni bazë neto për janarin pësoi rënie në 2.1%, nga 2.21% që kishte qenë për dhjetorin. Edhe inflacioni bazë neto është në rënie vjetore krahasuar me nivelin 3.28% të një viti më parë.
Inflacioni bazë neto përjashton më tej nga inflacioni edhe nëngrupet e ushqimeve të përpunuara (përfshirë bukën dhe drithërat) dhe matet mbi 44.6% të shoqërisë së IÇK-së. Ndërkohë, inflacioni që përjashton të gjitha produktet ushqimore dhe energjetike për muajin dhjetor ishte në nivele të përafërta me inflacionin bazë neto, me 2.03%, nga 2.21% që kishte qenë për dhjetorin.
Sipas INSTAT, inflacioni mesatar në ekonomi e mbylli vitin 2024 në nivelin 2.1%, në rënie të ndjeshme nga niveli prej 4% i fundit të vitit 2023. Ndërkohë, për janarin edhe inflacioni tërësor pësoi rënie të mëtejshme, në nivelin 1.9%.
Në mbledhjen e parë për vendimmarrjen e politikës monetare të këtij viti, Këshilli Mbikëqyrës i Bankës së Shqipërisë vendosi këtë muaj të mbajë të pandryshuar normën bazë të interesit në nivelin 2.75%. Guvernatori, Gent Sejko, tha se qëndrimi aktual i politikës monetare është ende i përshtatshëm për të garantuar stabilitetin e çmimeve dhe për të mbështetur zhvillimin e qëndrueshëm të ekonomisë.
“Këshilli Mbikëqyrës vëren se balanca e përgjithshme e presioneve afatmesme po afrohet gradualisht drejt objektivit tonë të inflacionit. Vendimet e ardhshme të politikës monetare do të vijojnë të kushtëzohen nga informacioni i ri, dhe në veçanti nga analizat dhe vlerësimet mbi ecurinë e presioneve të brendshme inflacioniste,” tha Sejko.
Sipas tij, balanca e rreziqeve për të ardhmen paraqitet neutrale për momentin. Megjithatë, pasiguritë rreth parashikimeve ekonomike janë rritur, kryesisht për shkak të zhvillimeve në ambientin e huaj.
“Vazhdimi i tensioneve gjeopolitike dhe pasiguria në lidhje me politikat tregtare dhe ekonomike, mund të ketë implikime të rëndësishme për ekonominë globale në përgjithësi dhe atë evropiane në veçanti. Inflacioni parashikohet të kthehet në objektivin 3% gjatë vitit 2025.
Kjo ecuri do të ndihmohet nga stabilizimi i çmimeve në tregjet ndërkombëtare dhe nga një ecuri më e qëndrueshme e kursit të këmbimit. Nga ana tjetër, presionet e brendshme priten të mbeten të qëndrueshme, si pasojë e rritjes së shëndetshme të ekonomisë dhe pritjeve të ankoruara për inflacionin.
Një faktor që do të ndikojë në uljen e inflacionit gjatë vitit 2025 pritet të jetë ulja e çmimit të energjisë elektrike për familjet me konsum deri në 700 kWh,” thuhet në deklaratën e Këshillit Mbikëqyrës./ Monitor
Ksamil KSAMIL- Projekti Për Zhvillimin e Integruar Urban dhe Turizmin parashikon që në Ksamil të financojë një Qendër Mi...
Foto ilustruese EUROPA- Humbjet e Bankës Qendrore Europiane u rritën në nivel rekord 7.9 miliardë euro vitin e kaluar, pasi pagesa...
Foto ilustruese TIRANA- Normat e interesit të kredisë për shtëpi pësuan rënie vitin e kaluar, duke mbështetur zgjerimin ...
Foto ilustruese Banka Botërore (BB) e klasifikoi ecurinë e projektit të shëndetësisë, që mbështetet prej saj, si &l...
Foto ilustruese TIRANË - Rreth 7,6 miliardë euro llogaritet totali i kostos për financimin e zbatimit të strategjive deri në 2028 ...
TIRANË - Sektori bankar rriti më tej investimin në Eurobondet e qeverisë shqiptare gjatë vitit të kaluar. Të dhënat e...
Foto ilustruese TIRANË- Financimi i bizneseve të mëdha i dha shtysën kryesore rritjes së kreditimit të ekonomisë shqipta...
Foto ilustruese TIRANË - Të dhënat finale për treguesit ekonomike të ndërmarrjeve në vitin 2023 tregojnë për n...
Foto ilustruese TIRANË - Interesat e larta të borxhit publik gjatë vitit të kaluar, por edhe një rritje jo e vogël e portofol...
Foto ilustruese TIRANA- Mungesa e fuqisë punëtore për shkak të emigracionit ka sjellë që shumë kompani të punë...
