Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Banka e Shqipërisë vlerëson se rritja e totalit të kredive me probleme për subjektet financiare jobanka (rreth 85% e saj) është ndikuar kryesisht nga veprimet e subjekteve Final dhe Micro Credit Albania, të cilat gjatë vitit 2023 kanë trajtuar volume të konsiderueshme të kredive me probleme, të blera nga bankat dhe institucionet e tjera.
TIRANË- Raporti i kredive me probleme për institucionet financiare jobanka shënoi rritje vitin e kaluar. Sipas të dhënave nga Banka e Shqipërisë, në fund të vitit 2023 ky raport u rrit në 13.9%, nga 13.2% që kishte qenë një vit më parë.
Ky raport është pothuajse tre herë më i lartë krahasuar me nivelin mesatar të kredive me probleme të sektorit bankar, që në fund të vitit 2023 ishte pak më shumë se 4.7%.
Banka e Shqipërisë vlerëson se rritja e totalit të kredive me probleme për subjektet financiare jobanka (rreth 85% e saj) është ndikuar kryesisht nga veprimet e subjekteve Final dhe Micro Credit Albania, të cilat gjatë vitit 2023 kanë trajtuar volume të konsiderueshme të kredive me probleme, të blera nga bankat dhe institucionet e tjera.
Për vitin e kaluar, shoqëria Micro Credit Albania shënoi një rritje të ndjeshme të portofolit të mikrokredisë, me 0.53 miliardë lekë. Në vitin 2022, kjo shumë qëndronte në zërin “Të tjera të arkëtueshme”, si kredi me probleme të blera, por të patrajtuara nga subjekti.
Pas masës së pezullimit të veprimtarisë që Banka e Shqipërisë aplikoi ndaj këtij subjekti gjatë vitit 2023, ai ka trajtuar një numër të lartë të kredive, duke i klasifikuar ato në klasat përkatëse të portofolit të mikrokredisë. Në mënyrë të ngjashme, edhe subjekti Final, gjatë vitit 2023, ka transferuar
një pjesë të kredive me probleme që kishte blerë nga subjektet e tjera (0.43 miliardë lekë), nga zëri “Të tjera të arkëtueshme” në klasat përkatëse të portofolit të mikrokredisë.
Riklasifikimi i kredive të këtyre subjekteve ka ndikuar rrjedhimisht edhe në rritjen e raportit të kredive me probleme të sektorit.
Më datë 23 maj të këtij viti, Guvernatori i Bankës së Shqipërisë, Gent Sejko, vendosi revokimin e licencës për dy institucionet e mësipërme financiare, pasi aksionerët e tyre u dërguan për gjykim nga Prokuroria e Tiranës, për shkelje ligjore në procesin e mbledhjes së kredive të këqija.
Pavarësisht rritjes së raportit të kreidve me probleme, gjatë vitit 2023, institucionet financiare jobanka që ushtrojnë veprimtaritë e kreditimit kanë gjeneruar një rezultat pozitiv neto prej pothaujse pesë miliardë lekësh. Krahasuar me vitin paraardhë, vlera e fitimit neto është rritur me më shumë se 84%.
Megjithatë, pjesa më e madhe e shtesës së fitimit krahasuar me vitin 2022 i takon dividendit të përfituar nga institucioni financiar Tranzit, nga pjesëmarrja si aksioner në Bankën Amerikane të Investimeve. Pikërisht Tranzit ishte subjekti me kontributin më të lartë në fitimin e realizuar, ndërsa pas tij u renditën Kredo Finance dhe IuteCredit Albania.
Kthimi mesatar nga aktivet për IFJB-të që ushtrojnë veprimtaritë e kreditimit arriti në 7.7% (kundrejt 4.8% në vitin 2022), ndërsa kthimi mesatar nga kapitali arriti në 37.4% (kundrejt 17.9% në vitin 2022).
Në fund të vitit 2023, portofoli i kredisë bruto për institucionet financiare jobanka arriti në 53.6 miliardë lekë, në rritje me 13% krahasuar me vitin paraardhës. Portofoli i kredisë bruto të IFJB-ve arrin në 7.25% të totalit të kredisë së sistemit bankar, duke regjistruar një rritje prej 1 pikë përqindje krahasuar me vitin paraardhës./MONITOR
foto ilustruese TIRANË- Rritja e aktivitetit të pasurive të paluajtshme është ngadalësuar ndjeshëm në tremujorin e ...
Të dhënat TIRANË- Në qershor, çmimet ishin rreth 2% më të shtrenjta në krahasim me të njëjtin muaj t&eu...
Foto ilustruese TIRANA- Pesha e depozituesve të mëdhenj ndaj totalit të depozitave bankare shënoi përsëri rritje të...
Foto ilustruese TIRANA- Sinjale negative për skemën e sigurimeve, punësimi pa pagë rritet më tej më 2023Punësimi pa page...
Foto ilustruese TIRANA- Pagat janë rritur me ritme të përshpejtuara në dy vitet e fundit, duke reflektuar si mungesën e fuqisë...
TIRANË- Tirana po vendos ditë pas dite rekorde me projekte kullash dhe së fundmi Këshilli Kombëtar i Territorit miratoi lejen e zhvil...
Gent Sejko TIRANA- Banka e Shqipërisë ka lehtesuar politikën monetare, duke ulur normën bazë me 0.25 pikë përqindje p&eu...
Foto ilustruese TIRANË- Inflacioni i Eurozonës u ngadalësua në 2.5 për qind në qershor, por politikëbërësit do...
Foto ilustruese TIRANA- Teksa në total numri i bizneseve ka ardhur në rritje vitin e kaluar, disa aktivitete janë në krizë dhe po ...
Grafiku TIRANA- Rënia e popullsisë pritet që të përmirësojë automatikisht një nga treguesit që Shqipëria ...
