Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Nëse MIE-ja nuk përgiigjet brenda kësaj kohe, tarifat e propozuara konsiderohen të miratuara. Tarifat e Marinës mund të rishikohen çdo vit, bazuar në normën e inflacionit. Marrëveshja do të jetë e vlefshme për një periudhë 35 vjeçare nga data e nënshkrimit
TIRANË- Qeveria shqiptare ka paraqitur në Autoritetin e Konkurrencës marrëvehsjen kuadër dhe marrëveshjet e tjera për projektin e investimit strategjik “Marina & Jahtet e Durrësit” të dakordësuara ndërmjet Komitetit të Negocimit të Marrëveshjeve dhe Subjektit Investues, Eagle Hills Real Estate Development SHPK.
Sipas dokumentacionit të paraqitur, shoqëria publike Albanian Seaports Development Company SHA dhe shoqëria Eagle Hills Real Estate Development SHPK bien dakord të krijojnë një shoqëri aksionare me ofertë publike, “Investitorin Strategjik” (emri i shoqërisë do të saktësohet në momentin e themelimit dhe regjistrimit të saj në QKB).
Shoqëria Albanian Seaports Development Company SHA (ASDC) është një shoqëri aksionare e kontrolluar 100% nga Autoriteti Portual i Durrësit, me objekt aktiviteti koordinimin, administrimin e proceseve të lidhura me projektin e investimit “Marina & Jahtet e Durrësit”; administrimin e pasurive dhe shërbimeve jashtë terminaleve në përdorim të Autoritetit Portual Durrës.
Shoqëria Eagle Hills Real Estate SHPK (Eagle Hills) është një shoqëri me përgjegjësi të kufizuar, me objekt aktiviteti: zhvillimin dhe ndërtimin e pasurive të paluajtshme, dhënien me qera të pasurive të paluajtshme dhe çdo aktivitet tjetër në lidhje me pasuritë e paluajtshme. Kjo shoqëri kontrollohet 100% nga North East Real Estate Holdings Limited, shoqëri me përgjegjësi të kufizuar, e themeluar dhe ekzistuese në Abu Dhabi.
Shoqëria e përbashkët Investitori Strategjik (Joint Venture, JV) do të jetë një shoqëri aksionare me ofertë publike. Qëllimi i vetëm i shoqërisë është të ushtrojë biznesin e saj, i cili përfshin zhvillimin e pronave të paluajtshme me përdorime të ndryshme dhe objektet detare në Zonën e Projektit, në përputhje me Master Planin dhe Master Planin e Detit, si dhe operimin dhe menaxhimin e veprimtarive të ndryshme të biznesit në përputhje me Planin e Biznesit dhe Planin e Biznesit për Detin.
Mbledhja e Aksionarëve do të jetë autoriteti më i lartë vendimmarrës i shoqërisë. Në përgiithësi, vendimet e Mbledhjes së Aksionarëve kalojnë me 50%+1 të votave. Vetëm çështjet madhore si miratimi ose ndryshimi i buxhetit, miratimi ose ndryshimi i Master Planit, Rritja ose zvogëlimi i kapitalit të shoqërisë, etj., duhet të marrin pëlqimin e 75% të votave.
Bordi Mbikëqyrës do të përbëhet nga 5 anëtarë, 3 prej të cilëve caktohen me propozimin e Eagle Hills dhe 2 prej të cilëve me propozimin e ASDC. Statuti i shoqërisë JV parashikon se arabët e Eagle Hills duhet të zotërojnë të paktën 50.1% të aksioneve totale në shoqëri, por raporti I saktë i kuotave në strukturën aksionere të shoqërisë nuk bëhet i ditur.
Ofrimi i shërbimeve nga Eagle Hills do të përfshijë shërbimet e projektimit, zhvillimit dhe menaxhimit të projektit, shërbimet e shitjeve dhe marketingut, shërbimet e kujdesit ndaj klientit dhe menaxhimit të marrëdhënieve me klientët, shërbimet e teknologjisë së informacionit dhe shërbime të tjera shoqëruese.
Investitori Strategiik do të ketë të drejtën ekskluzive dhe detyrimin të Financojë, projektojë, përmirësojë, ndërtojë, operojë, mirëmbajë dhe përdorë Marinën; të administrojë, operojë dhe mirëmbajë të gjitha asetet ekzistuese; të kryejë zhvillimet tregtare ose shërbimet në Marinë; të zhvillojë marketingun dhe reklamat për Marinën; të lidhë marrëveshje me ofruesit e shërbimit, palë të treta vendase dhe të huaja.
Ministria e Industrisë dhe Energjisë i njeh Investitorit Strategjik të drejtën për të ofruar në Marinë shërbimet parkim sezonal, parkim i zgjatur dimëror, parkim i zgjatur vjetor, rimbushje me karburant dhe shërbime mbështetëse të nevojshme për realizimin e shërbimeve të mësipërme. Për ofrimin e shërbimeve të tjrra, që nuk lidhen me ato të mësipërme, investirori duhet të paraqesë kërkesë pranë MIE.
Draftmarrëveshja parashikon që për aktivitetin që do të kryejë, Investitori Strategjik do t’i paguajë MIE-së një tarifë vjetore të barabartë me 2% të xhiros vjetore që do të grumbullojë nga Marina, bazuar në pasqyrat financiare, por me një me kufi të përgjithshëm prej dyqind mijë eurosh.
Pas përfundimit të punimeve të ndërtimit dhe përpara se Marina të deklarohet e hapur për trafik ndërkombëtar, Investitori Strategjik dorëzon tarifat e detajuara që do të zbatohen në Marinë, me qëllim miratimin e tyre nga MIE-ja. MIE-ja mund t ‘i drejtojë Investitorit Strategiikpyetje ose kundërshtime lidhur me tarifat e propozuara brenda njëzet ditësh nga data e dorëzimit të tyre te MIE-ja nga Investitori Strategiik.
Nëse MIE-ja nuk përgiigjet brenda kësaj kohe, tarifat e propozuara konsiderohen të miratuara. Tarifat e Marinës mund të rishikohen çdo vit, bazuar në normën e inflacionit. Marrëveshja do të jetë e vlefshme për një periudhë 35 vjeçare nga data e nënshkrimit
Bazuar në draftmarrëveshjet e paraqitura, Autoriteti i Konkurrencës ka vendosur t’i rekomandojë Ministrisë së Infrastrukturës dhe Energjisë që, përpara se Porti Marina Jahte Durrës të deklarohet i hapur për trafik ndërkombëtar, të miratojë metodologjinë e përcaktimit të tarifave të shërbimeve portuale të ofruara nga Investitori Strategjik, tarifa të cila duhet tëjenë të orientuara drejt kostos.
Gjithashtu, Autoriteti i Konkurrencës kërkon që investitori të miratojë një rregullore mbi funksionimin e Portit Marina Jahte Durrës ku të përcaktojë qartë mënyrën e operimit të mjeteve lundruese sipas parimit “kush hyn i pari, do të shërbehet i pari” dhe të drejtën e barazisë për shoqëritë që do të kryejnë shërbime pranë këtij porti, duke vendosur kushte të barabarta për veprime tregtare të njëjta.
Gjithashtu, nga Investitori Strategjik kërkohet miratimi i programeve të përputhshmërisë me ligjin “Për mbrojtjen e Konkurrencës”, për të gjitha shërbimet që do të ofrojë në Portin Marina Jahte.
Pak detaje për kompleksin e ndërtimit
Më datë 16.08.2022, është hartuar draftmarrëveshja e zhvillimit, ndërmjet palëve Albanian Seaports Development Company SHA dhe Investitori SHA, me qëllim përcaktimin dhe dokumentacionin e saktë të kushteve, marrëveshjeve, të drejtave, detyrimeve, garancive dhe premtimeve të palëve me qëllim zhvillimin e Pasurisë dhe ndërtimin nga Zhvilluesi i Kompleksit Ndërtimor dhe kalimin në favor të Zhvilluesit të titullit të Pasurisë.
Po më datë 16.08.2022 është hartuar draft kontrata për Transferimin e Titujve të Pronësisë”, ndërmjet palëve Investitori Strategjik SHA dhe Albanian Seaports Development Company SHA, me qëllim transferimin e titullit të pronësisë mbi pasurinë nga Pronari te Zhvilluesi, në shkëmbim të realizimit dhe përfundimit me sukses të Kompleksit Ndërtimor dhe çmimi nominal i përcaktuar.
Megjithatë, vendimi i Autoritetit të Konkurrencës nuk jep më shumë detaje rreth kushteve të marrëveshjes dhe përfitimeve që do të ketë pala shqiptare nga realizimi i projektit.
Marë nga Monitor.al
Foto Ilustruese TIRANË- Kontrata “Nxitja e zhvillimit të qëndrueshëm nëpërmjet aplikimit të modeleve inovative p&e...
Foto Ilustruese TIRANË- Ministrja e Financave dhe Ekonomisë Delina Ibrahimaj prezantoi në Komisionin Parlamentar të Ekonomisë proj...
Foto Ilustruese TIRANË- Euro po vijon edhe këtë javë të mbiçmohet në kursin e këmbimit me lekun. Sipas kursit zyr...
Foto Ilustruese TIRANË- Autoriteti i Konkurrencës ka mbyllur këtë muaj hetimin paraprak në tregun e barnave dhe pajisjeve mjek&eum...
Të dhënat TIRANË- Shqipëria po përjeton në 2022 vitin më të mirë historik deri tani për sa i përket ...
Foto Ilustruese TIRANË- Vitin që vjen kufiri i patatueshëm i pagave do të bëhet 50 mijë lekë nga 40 mijë lekë ...
Foto Ilustruese TIRANË- Ministria e Bujqësisë dhe Zhvillimit Rural hodhi dritë mbi ecurinë e disa masave kryesore të saj n&eu...
Foto Ilustruese TIRANË- Qeveria shqiptare do të ulë ndjeshëm huamarrjen në tregun e brendshëm financiar për vitin e ardh...
Foto Ilustruese TIRANË- Ofrimi i më shumë se 1200 shërbimeve publike online që përbën sipas qeverisë 95% të sh...
Foto Ilustruese TIRANË- Përveç financimit të kontratave koncesionare, Ministria e Infrastrukturës do të realizojë rret...
