Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pjesa e dytë
Memorie.al publikon disa dokumente arkivore të nxjerra së fundmi nga Autoriteti për Informimin e Dosjeve të ish-Sigurimit të Shtetit (AIDSSH) që për vite me rradhë kanë qenë në fondin rezervat me siglën “Tepër sekret të një rëndësie të veçantë”, të cilat i përkasin periudhës kohore 1976 – 1984, ku Ministria e Punëve të Brendshme në Tiranë, me anë të Drejtorisë së Sigurimit të Shtetit dhe asaj të Zbulimit Politik, kanë survejuar dhe mbajtur nën kontroll të arratisurit politik dhe krerët kryesorë të emigracionit antikomunist shqiptar, kryesisht atij të Legalitetit që vepronin në Suedi dhe disa vende të tjera të Evropës Perëndimore, si Belgjikë, Itali apo dhe në SHBA-ve, Rodezi etj., ku zhvillonin aktivitetin e tyre eksponentë të njohur antikomunistë, si: Abedin Mulosmani, Jahuz Kuçi, Xhedvet Mustafa, Sami Korri, Adil Biçaku, Aziz Biçaku Kadri Biçaku, Xhafer Jakupi, Hasan Berisha, Ramazan Selami, Kujtim Berisha, Sherif Pleshti, Irfan Bushati, Niman Aliaj, gruaja e Xhafer Elezit, E. Haxhiymeri, Skepët, Vishajt, M. Shpata, F. Gjuraj, I. Leka, Sh. Reçi, I. Sallaku, etj.
Raport – informacionet e Zbulimit Politik shqiptar që vepronte në shtete të ndryshme të Evropës Perëndimore dhe Sigurimit të Shtetit, lidhur me stërvitjet dhe përgatitjet për të zbarkuar në Shqipëri të grupit të kryesuar nga Xhevdet Mustafa (me origjinë nga Durrrësi), ku bënin pjesë edhe Selim Kuçi, Sabaudin Haznedari, Halit Bajrami, Anton Frroku dhe Fadil Kaceli, të cilët me ndihmën e dy ushtarakëve të huaj, William Vincent e Fogarty Rutherford, ekspertë të armatimeve, si dhe të Jani Lekës në Itali dhe Eqrem Kllobçishtit, tregtar me origjinë nga Dibra që hynte dhe dilte nga Shqipëria si tregtar, do të realizonin misionin e tyre sekret.
Cilët ishin oficerët e Zbulimit Politik që vepronin nën petkun e diplomatit në ambasadat shqiptare që survejonin dhe mbikqyrnin lëvizjet e përgatitjet që bënte grupi i kryesuar nga Xhevdet Mustafa në shtete të ndryshme të Evropës dhe ata të Sigurimit të Shtetit në Shqipëri, të cilët me anë të bashkëpunëtorëve si “Liqeni i Shkodrës, “Aktori”, “Boga” etj., do të mbanin nën mbikqyrje familjen e Selim Kuçit, (i njohur ndryshme, si Jahuzi), në qytetin e Shkodrës, prej nga ai ishte arratisur në vitin 1963, një prej antikomunistëve më të egër, që shërbente në Oborrin e Princit Leka Zogu në Rodezi dhe që Zbulimi Politik dhe Sigurimi i Shtetit, e etiketonte si ‘Trimi i Mretit’?!
“Grupi i Xhevdet Mustafës, përbëhet nga 6 shqiptarë, dhe dy të huaj. Xhevdet Mustafa, Sabaudin Haznedari, Halit Bajrami, Fadil Kaceli, Selim Kuçi, dhe Anton Frroku. Xhevdeti ka thënë, se ka dhe dy shqiptarë të tjerë, shokë të tij që sipas tij, janë trima. Dy të huajt janë William Rutherford, i cili është diplomuar si kapiten barke, dhe ka ardhur vetëm për këtë punë, d.m.th. vetëm për të drejtuar barkën. Ndërsa tjetri, është Vincent Fogarty i cili, ka ardhur për t’u bërë filtrimin, tytave të pistoletave dhe automatikëve. Këta të dy të huajt, nuk janë të qartë për qëllimet që ka grupi, ata dinë shumë pak, Xhevdeti, ju ka thënë se grupi do të shkojë për të marrë një sasi floriri që kanë lënë gjermanët, gjatë luftës. Grupi po përgatitet, dhe mendohet që nga fillimi i shtatorit, të hyjë në Shqipëri. Diskutohen dy intenerarë, njëri është Italia, për brigjet e Durrësit dhe Kavajës, ndërsa intenerari i dytë është, Jugosllavia me anë të detit, duke e bërë nisjen nga Ulqini ose nga ndonjë vend tjetër i Jugosllavisë. Nisja do të bëhet shumë sekrete. Në rast se grupi niset nga Jugosllavia, kjo do të bëhet me dijeninë dhe lejen e shtetit jugosllav, nëse grupi do niset nga Italia, atëhere kjo do të bëhet në mënyrë ilegale. Objektivi kryesor i grupit është që të hyjë në Tiranë, dhe atje të kryejnë aksionin. Qëllimi kryesor i grupit, është që të eliminojnë udhëheqësit kryesorë të Partisë, dhe njerëzit e tjerë me rëndësi të Byrosë Politike…”.
Vijon nga numri i kaluar
Përpjekjet e Sigurimit të Shtetit për të mbledhur të dhëna mbi Selim Kuçin, duke mbajtur nën kontroll familjen Haznedari
S E K R E T
Shoku Ymer Berberi në telin nr, 936, njofton “Stambollin”:
Vazhdoni përpunimin e familjes së I. Haznedarit, dhe na njoftoni për çdo gjë. Po ashtu grumbulloni të dhëna mbi Selim Kuçin, pjestar i bandës i cili ka qenë aty, dhe është takuar me shqiptarë të ndryshëm.
Presim.
Nxori në tre kopje, për veprimet diversive I. Haznedarin, e S. Kuçin, P. op. Flamur Selimi, datë 1.10.1982.
Informacion i Sigurimit të Shtetit më 5 shtator 1982 për ‘Bandën Xhevdet Mustafa’ dhe misionin që do kryente ajo në Shqipëri
Dhënë B.p. “Bazeni”
Marrë P.op. Haki Keta
Asistoi P. op. Ymer Berberi
Datë 25.8.1982
S E K R E T
Ekzemplar Nr.
Tiranë më 5.10.1982
I n f o r m a t ë
Grupi i Xhevdet Mustafës, përbëhet nga 6 shqiptarë, dhe dy të huaj. Xhevdet Mustafa, Sabaudin Haznedari, Halit Bajrami, Fadil Kaceli, Selim Kuçi, dhe Anton Frroku. Xhevdeti ka thënë, se ka dhe dy shqiptarë të tjerë, shokë të tij që sipas tij, janë trima. Dy të huajt janë William Rutherford, i cili është diplomuar si kapiten barke, dhe ka ardhur vetëm për këtë punë, d.m.th. vetëm për të drejtuar barkën. Ndërsa tjetri, është Vincent Fogarty i cili, ka ardhur për t’u bërë filtrimin, tytave të pistoletave dhe automatikëve. Këta të dy të huajt, nuk janë të qartë për qëllimet që ka grupi, ata dinë shumë pak, Xhevdeti, ju ka thënë se grupi do të shkojë për të marrë një sasi floriri që kanë lënë gjermanët, gjatë luftës. Grupi po përgatitet, dhe mendohet që nga fillimi i shtatorit, të hyjë në Shqipëri. Diskutohen dy itenerarë, njëri është Italia, për brigjet e Durrësit dhe Kavajës, ndërsa intenerari i dytë është, Jugosllavia me anë të detit, duke e bërë nisjen nga Ulqini ose nga ndonjë vend tjetër i Jugosllavisë. Nisja do të bëhet shumë sekrete. Në rast se grupi niset nga Jugosllavia, kjo do të bëhet me dijeninë dhe lejen e shtetit jugosllav, nëse grupi do niset nga Italia, atëhere kjo do të bëhet në mënyrë ilegale. Objektivi kryesor i grupit është që të hyjë në Tiranë, dhe atje të kryejnë aksionin. Qëllimi kryesor i grupit, është që të eliminojnë udhëheqësit kryesorë të Partisë, dhe njerëzit e tjerë me rëndësi të Byrosë Politike. Në rast se do të ketë mundësi, do të kapen dhe do të vriten, antarët e familjeve të udhëheqsave. Bazat e grupit në Shqipëri, ende nuk dihen, por Sabaudin Haznedari ka thënë që ka lidhje sekrete me Jani Lekën, ish-federal fashist në Durrës, ndërsa Xhevdet Mustafa, ka thënë se ka lidhje me vëllezërit në Durrës. Sabaudini ka biseduar me Jani Lekën, këtu në Romë, dhe këta paskan kontakte sekrete me anë telefoni Itali – Shqipëri. Xhevdeti, paska krijuar lidhje me anë të emigrantëve ulqinakë që shkojnë në Durrës, dhe me një dibran, Eqerem Kllobçishtin, që tani jeton në Itali. Ai është mik i Xhevdetit i cili, shkon e vjen në Shqipëri, si tregtar.
Informacion i agjentit të Zbulimit Shqiptar “Boga”, mbi përgatitjet e grupit të kryesuar nga Xhevdet Mustafa për zbarkimin në Shqipëri
“S E K R E T”
Dhënë nga “Boga”
Marrë nga P. op. K. Jaho
I n f o r m a t ë
Organizata më aktive reaksionare tani për tani është “Legaliteti”. Njerëzit më të rrezikshëm të cilët, mund të kalojnë dhe në kryerjen e veprimeve të mprehta janë Sami Korri, Sherif Pleshti, Selim Kuçi, etj.
Nxjerrë për Selim Kuçin nga rap. inf. i “Bogës” i datës 27.11.1976. nga P. op. Hidai Xhafa më 5.12.1976.
Armatimi i grupit përbëhet nga 6 pistoleta, 5 copë belge, 14 dhjetëshe, dhe një beretë italiane me 4 automatikë. Armëve, janë duke u vënë tyta heshtëse. Xhevdeti, është interesuar për të blerë armatim special. Për këtë ka shkuar dhe në Bruksel (Belgjikë) por nuk gjeti sepse personi që e furnizonte, ishte futur në burg sepse kishte vrarë një jugosllav. Sabaudini ka marrë përsipër të blejë veshëmbathje dhe plaçka të përdorura ushtarake e civile, si dhe çanta. Gjithashtu ai do të marri dhe medikamente për mjekimin e grupit. Grupi gjithashtu disponon dhe dylbi, radio transmetimi, busulla dhe harta për udhëtim. Zbarkimi i grupit, do të bëhet me anë të detit. Udhëtimi, do bëhet si më poshtë. Nga Italia ose nga Jugosllavia, do nisen me barkën e cila ecën me 115 km në orë, është barkë sportive dhe mban 8 persona, ka një motorr me 350 kuaj fuqi. Pastaj kur të afrohen afër bregdetit tonë, do të kalojnë në një barkë gome me motorr të vogël dhe me këtë do të zbresin në tokë. Këtë barkë të gomës, do ta fshehin në det ose në tokë, sepse ndoshta do t’ju duhet prapë. Ndërsa barka e madhe, pasi të zbarkojë grupin, do të kthehet me shpejtësi për në bazën e saj. Ajo do të rikthehet pas një jave për të marrë grupin, në vendin e caktuar. Varka e madhe, do të vijë deri në tre herë, dhe nëse grupi nuk do të paraqitet, në vendin e caktuar, atëherë ajo do të kthehet në bazë, dhe nuk do të vijë më për të marrë grupin. Ndoshta grupi, do të kthehet me anë të tokës. Veshja do të jetë, si turistë ose si peshkatarë. Vitin e kaluar, Sabaudini dhe Xhevdeti janë njohur në Zelandën e Re, me një rreshter policie të quajtur John Roberts. Ata, i kanë propozuar atij që të shkonte me pushime në Itali, dhe i kanë premtuar 50.000 dollarë në rast se do të bashkëpunonte me ta, për të kryer një veprim me rëndësi në Shqipëri. Aty për aty rreshteri (muaji tetor 1981) pranoi, por kur Sabaudini shkoi në Zelandën e Re, në korrik 1982, ai nuk pranoi me pretekstin se nuk kishte marrë lejen e hyrjes për tu kthyer atje. Sabaudini kishte mendimin se vendin e Robertit, do ta zinte trimi i Mbretit Leka, Selim Kuçi. Ky i fundit, në një bisedë të bërë me antarët e grupit në Belgjikë, kishte thënë se ishte ekspert në çdo lloj armatimi, dhe se kishte bërë një kurs të gjatë në Rodezi, ku kishte pasur dhe shumë shqiptarë të tjerë.
Përpjekjet e Zbulimit Shqiptar, për survejimin e Selim Kuçit në Suedi
“S E K R E T”
Ekzemplar Nr 1
Tiranë më 23.2.1984.
Sh. Hasan Luçi, nga Parisi me Tel nr.131 dt 21.2.1984. njofton: Në një telefonatë që i bënë Selim Kuçit, në shtëpi nuk përgjigjet njeri. Teli, është parë nga shoku Ministër, nuk bën shënim. Materiali, u nxuarr për dosjen e S. Kuçit për Vep. Diversive e Vep. të Mprehtë.
Marrë nga Memorie.al
1 vit nga zgjedhjet e 25 prillit si e shikoni gjendjen e vendit:
TIRANË– Videoja e publikuar dje në Dosja.al, ku shihen zyrtarë të lartë të qeverisë dhe Partisë Socialiste u filmuan teksa darkonin në restorantin e njohur...
DASHIJeni kthyer nga një javë energjike. Muaji Janar ka qenë deri më tani dhe do të jetë një muaj i shkëlqyeshëm i rimëkëmbjes. Gjatë fundjavës mund të ketë për...
TIRANË– Lori Hoxha, një nga blogeret më në zë në Shqipëri, e njohur edhe si trashëgimtarja e ‘Top Channel” i është kthyer dashurisë së saj të parë dhe të v...
TIRANË– Këngëtarja Lori Kaçka ka zgjedhur hapur ‘burrin’ e saj të jetës. E ftuar në “Shiko kush luan”, këngëtarja u vu përpara një loje, ku du...
TIRANË-Këngëtarja Tuna Sejdiu është shprehur e pikëlluar për vdekjen e ish-vjerrës së saj Teuta Berishës. Edhe pse e ndarë nga Patrisi ajo ka postuar një f...
BRITANI– Dukesha e Kembrixhit, Kate Middleton është ndikuese dhe personazh i dashur në rrjetet sociale.Ajo po feston ditëlindjen e 39 por nuk ndodhet në L...
TIRANË– Moderatoja Dojna Mema ka festuar ditëlindjen ditën e djeshme, ndërsa i dashuri i saj, Vlashent Sata, ka zgjedhur fjalët më speciale për ta ur...
TIRANË– Aktori Amos Zaharia, vëllai i princeshës Elia Zaharia ka treguar së është arrestuar nga policia në 97-ën duke u akuzuar për vjedhje makinash. Amos ...
TIRANË– Aktori Amos Zaharia, vëllai i princeshës Elia Zaharia ka folur për fëmijërinë e tyre dhe sekretet që kanë mbajtur me njëri-tjetrin.Aktori i ftuar n...
KOSOVË– Ditën e sotmë është ndarë nga jeta nëna e Robert Berishës.Pas këtij lajmi të hidhur, këngëtarja Nora Istrefi ka shkruar fjalët më të ndjera ...
