Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nga Freddy Grey “The Spectator”
A e mbron demokracinë heqja e një kandidati shumë popullor nga fleta e votimit? Apo një veprim i tillë është në fakt tejet anti-demokratik? Këto janë pyetjet që bëjnë tani shumë amerikanë, teksa Gjykata e Lartë e shtetit të Kolorados votoi 4 me 3 pro bllokimit të kandidaturës së Donald Trump në këtë shtet në zgjedhjet e vitit të ardhshëm, duke iu referua klauzolës së rebelimit në Amendamentin e 14-të të Kushtetutës së SHBA-së.
Vendimi i gjykatës i referohet vetëm zgjedhjeve paraprake që do të mbahen në Kolorado më 5 mars. Por nëse mbetet në fuqi, ai do të zbatohet pothuajse me siguri edhe për zgjedhjet presidenciale të 5 nëntorit 20024. Ndoshta Trump nuk do të fitojë në Kolorado. Ai humbi atje përballë Hillary Clinton në vitin 2016 dhe nga Joe Biden në vitin 2020.
Por problemi nuk qëndron këtu. Ky vendim është një përpjekje e qartë për të vërtetuar se duke “nxitur një kryengritje” më 6 janar 2021, Trump është një person ‘non grata’ në zgjedhjet e ardhshme presidenciale. Dhe ai mund të përdoret si një precedent për ta penguar Trump të garojë pas 1 viti.
Sepse diçka e tillë po merret tashmë në shqyrtim edhe në disa shtete të tjera. Në vendimin e tyre, gjyqtarët e Kolorados shkruan: “Ne nuk arritëm lehtë në këto përfundime. Ne jemi të ndërgjegjshëm mbi peshën e madhe të çështjes që kemi përpara. Po ashtu jemi të ndërgjegjshëm për detyrën tonë solemne për të zbatuar ligjin, pa u frikësuar apo bërë favore ndaj dikujt, dhe pa u ndikuar nga reagimi i publikut ndaj vendimeve që ligji na urdhëron të marrim”.
Pra ndjenja solemne e detyrës, i nxiti gjyqtarët të bëjnë atë nuk e ka bërë më parë asnjë gjykatë amerikane, duke vendosur që një qytetar amerikan të mos mundet të kandidojë për presidencën sipas seksionit 3 të Amendamentit të 14-të. Të quash këtë vendim të diskutueshëm është minimumi.
Në fakt seksioni i tretë u shkrua dikur për të penguar separatistët të merrnin poste politike pas Luftës Civile. Aty thuhet: “Asnjë person nuk duhet të jetë Senator apo kongresmen në Kongres, zgjedhës i presidentit dhe i zëvendës/presidentit, apo të mbajë ndonjë detyrë, civile ose ushtarake, në emër të Shteteve të Bashkuara apo ndonjë shteti, që pasi është besuar më parë si një anëtar i Kongresit apo si çfarëdolloj zyrtari i Shteteve të Bashkuara, se do të mbështetë Kushtetutën e Shteteve të Bashkuara, përfshihet në kryengritje ose rebelim kundër shtetit, apo ndihmon armiqtë e tij. Kongresi mund ta heqë këtë kufizim me një votim prej 2/3 të votave në Senat dhe Kongres”.
Si presidenti i 45-të, Donald Trump kualifikohet si një zyrtar i lartë i Shteteve të Bashkuara, pasi është betuar se do ta mbrojë kushtetutën. Megjithatë, mbetet një debat midis ekspertëve të ligjeve nëse seksioni tre mund të përdoret ose jo, pasi Kongresi votoi pro “heqjes së aftësisë së kufizuar” sipas Aktit të Amnistisë të vitit 1872 dhe përsëri në vitin 1898.
Pra, çështja nëse ai seksion mund të zbatohet apo jo jashtë një konteksti të Luftës Civile - dhe në rastin e Trump, për një president, që më 3 janar 2020 ishte ende në detyrë - është një pikë shumë e diskutueshme. Para se të arrijmë tek ideja se Trump nxiti një kryengritje në atë ditë fatale në fillim të vitit 2021.
Vlen të përmendet se aktakuza penale ndaj Donald Trump, e ngritur në Uashington verën e këtij viti, nuk përfshin akuzën për kryengritje. Përkundrazi ajo fokusohet në “komplotin për të mashtruar Shtetet e Bashkuara” gjatë zgjedhjeve të 2020-ës. Shtabi i Trump do ta apelojë vendimin e Kolorados në Gjykatën e Lartë të SHBA-së, dhe ka besim se me një shumicë 6 me 3 gjyqtarësh konservatorë, vendimi do të anulohet.
Kreu i republikanëve në Kongres, Mike Johnson, thotë se shpresonte që Gjykata e Lartë “do ta anashkalonte këtë vendim të pamatur”, të cilin ai e përshkroi si “asgjë tjetër veçse si një sulm partiak të maskuar hollë”. Ndërkohë senatori Thom Tillis, ka prezantuan Aktin Ndihmo Amerikën të Votojë, që do të penalizojë shtetet për “keqpërdorimin e Amendamentit të 14-të për qëllime politike”.
Gjyqtarët e Kolorados njoftuan shtyrjen deri më 4 janar të hyrjes në fuqi të vendimit, për ta lejuar Gjykatën e Lartë të SHBA-së që të vendosë mbi këtë çështjen. Por nëse në fund do të rrëzohet, atëherë do të dështojnë të gjitha përpjekjet e demokratëve për ta përdorur Amendamentin e 14-të për të penguar garimin e Trump në zgjedhjet e ardhshme.
Por me 91 akuza penale mbi të, ndërsa po hyjmë në vitin 2024, do të ketë me siguri përpjekje të mëtejshme ligjore për ta kufizuar fushatën e tij. Demokratët do të vazhdojnë të pretendojnë se po e shpëtojnë demokracinë nga një diktaturë e mundshme.
Republikanët do të vazhdojnë të akuzojnë demokratët për abuzim tiranik me sistemin ligjor. Dhe zgjedhjet e 2024 do të degradojnë në një farsë të çuditshme. Deri më tani, të gjitha ndërhyrjet ligjore duket se e kanë ndihmuar fushatën e Trump, pasi po vazhdon të rritet në sondazhe. Njerëzit, të cilët synohen të jenë burimi përfundimtar i autoritetit në Shtetet e Bashkuara, mund të mos e pëlqejnë Donald Trump, të paktën jo shumica. Por duket se amerikanët nuk e pëlqejnë më shumë as betejën ligjore që po zhvillohet kundër tij.
Foto ilustruese Nga Laura Dubois & Hall “Financial Times” Ishte vdekja e një foshnje në një qendër pritjeje të mb...
Ushtare Nga Renato Caputo “Opinione.it” Gjatë javëve të fundit, në Rusi ka pasur një rritje të ndjeshme të ...
Xi Jinping Nga Federico Giuliani "Il Giornale" Më 25 qershor Qin Gang u zhduk nga skena. Askush nuk e dinte se çfarë kishte ndodhur me Mi...
Nga Joe Parkinson, Drew Hinshaw, James Marson & Aruna Viswanatha “Wall Street Journal” Aeroporti Esenboga, Ankara, Turqi - Dy avionë, nj...
Kina SHBA-Agjentët e shërbimeve sekrete të Kinës përdorën për 3 vite një politikan belg të ekstremit të ...
Nga Angelo Panebianco “Corriere della Sera” Në rast se një institucion i krijuar për t'i shërbyer një qëllimi t&eum...
milorad dodik Nga Letizia Tortello “La Stampa” “Populli serb është gjithmonë i kërcënuar. Rusia nuk nd&eu...
Foto ilustruese Nga Michael Mazza “Global Taiwan” A po hyn bota në një epokë të re të çrregullimit global? Sh...
foto ilustruese Nga Federico Rampini “Corriere della Sera” Në historinë e njerëzimit, asgjë nuk është e për...
Foto ilustruese Nga Murat Yeşiltaş “Daily Sabah” Ngjarjet e vitit 2023, i kanë diversifikuar ndjeshëm skenarët e mundshëm ...
