26 Janar 2023, 21:40
Nga Lindita Çela
Lindita Çela
Drejtuesit e Prokurorisë së Posaçme Kundër Korrupsionit dhe Krimit të Organizuar dolën sot në një konferencë për shtyp. Në fakt nuk di se si mund të quhet konferencë shtypi, ku për më shumë se një orë në zyrat e shteti tim, flitej italisht dhe as nuk u lejuan gazetarët të jenë të pranishëm.
Por nuk ishte ky problemi i vetëm, i “konferencës për shtyp” që zhvilloi sot SPAK.
Nga njoftimet që përcjellte zëdhënësja krijohej bindja, se “konferenca e shtypit” ishte shumë e rëndësishme. SPAK më në fund po godiste në shenjë. Për shkak të pa mundësive teknike dhe fizike u tha se “konferenca për shty” nuk do të ishte me pjesëmarrjen e gazetarëve, por virtuale. Gazetarëve do iu dërgohej një link. Bashkë me link-un u ndanë dhe udhëzimet se nuk duhet të përdoronin gjatë lidhjes virtuale as kamerat, as mikrofonat, apo as të guxonin të bënin fotot, se përndryshe, kush nuk bindej lidhja do të shkëputet.
Te paktën këtë kërcënimin teknologjik mund të na e kishin kursyer sepse dhe përdoruesi me nivelin minimal i teknologjisë e di që kjo ishte e pamundur të ndodhte. Çdo kush mund të regjistronte për hesap të vet dhe IT italiane nuk kishte ç'të bënte.
Por nuk po ndalem këtu, e as tek suksesi i operacionit, por tek e ashtuquajtura “konferencë për shtyp” cila u shndërrua në seancë falënderimesh për italianet për punën e shkëlqyer të hetimit. Këta të fundit, nga ana e tyre nuk harrnin të tregonin kujdes se në këtë grup kriminal, italianët ishin në pakicë. Kam bindjen se të pranishëm në të sallë të SPAK janë të vetëdijshëm se ka pasur suksese edhe më të mëdha, por unë dua të ndalem tek leksioni i radhës që SPAK mori nga Italia. Ky ishte komunikimi dhe respektimi e medias.
Për të qenë e sinqertë, jo se Italia është një vend për tu lavdëruar me raportin që ata kanë me median, sa i përket transparencës apo dhe detyrimit të publikimit të informacionit, por ama ata ende nuk kanë guxuar ta përjashtojnë atë, ta fyejnë apo edhe ta intimidojnë, se paku publikisht.
Ndaj nga ana tjetër e Adriatikut, nëpërmjet link-ut të përcjellë nga SPAK, shikoheshin prokurorët dhe policët italian ishin përballë gazetarëve. Pas tyre nuk qëndronin efektivë të forcave speciale të mbuluar dhe të armatosur kokë e këmbë, siç ishin të rreshtuar pas krahëve të Dumanit, por nja dy policë sa për të plotësuar dekorin e përballjes së forcave të shtetit me publikun.
Gazetarëve iu lejuan të bëjnë pyetje, sepse në fund të fundit konferencat e shtypit këtë qëllim kanë. Regjistruan sa deklaruan prokurorët dhe vijuan punën e tyre. Në SPAK, nga salla e konferencave prokurorët special dhe policët dëgjonin, pa i ndarë sytë nga telefonat,se si kolegët e tyre italianë iu përgjigjeshin pyetjeve të gazetarëve. Nuk u ndanë as informacione sekrete, as të dhëna që dekonspironin hetimin, me gjasa as nëndorësi fashikuj të dosjes, por u raportua sa është bërë duke pasur respekt për punën e gazetarëve që kishin përballë dhe duke iu bindur detyrimit ligjor, atij të informimit.
Nga salla e konferencave të SPAK nuk u tregua kujdes, që të paktën “konferenca e stërzgjatur me falënderime”, të përkthej shqip. Sa përulësinë e treguar, kjo besoj është çështje personale e gjithsecilit.
lindita cela
Insights
26 Janar 2023, 12:24
Agim Xhafka
Korça
Dëbora e parë si dashuria e parë. Ngazëllim, marrje fryme, rrahje zemre, ëndërrim, fluturim, bekim. Korça...
Insights
25 Janar 2023, 07:41
Ben Manaj
Nga Ben Manaj
Së fundmi, sërish isha në Janinë për herë të dytë, thjesht si një tepelenas i apasionuar pas figur...
Insights
22 Janar 2023, 21:40
Ola Xama
Ola Xama
Nga viti 2019 qeveria u kujtua se nuk kishte arritur të zhvillojë si duhet ekonominë shqiptare e se duhej një kompani në ...
Insights
20 Janar 2023, 18:08
Jess Phillips
Jacinda Arden
ZELANDË E RE- Jacinda Ardern nuk i ka mbetur më "gaz në rezervuar" për të vazhduar detyrën si kryeministre e Ze...
Insights
18 Janar 2023, 19:35
k.m.
Ledi Shamku dhe Skënder Gjiknushi
E mbani mend besoj Kryeakademizmën, kur rehat-rehat, faqe Qeverisë dhe Shkencës, citoi me afsh e me b...
Insights
17 Janar 2023, 07:27
Ola Xama
Ola Xama
Biznesi i ndërtimit. Ndërtimet pa kriter dhe nga kompani fantazmë kanë pushtuar vitet e fundit qytetin. Sot Tirana ka hyrë...
Insights
12 Janar 2023, 21:24
Flora Xhemani Baba
Flora Xhemani Baba
Shpeshherë përballemi në përditshmëri me faktin e trishtë të braktisjes së fshatrave. Por e v&eu...
Insights
11 Janar 2023, 15:14
k.m.
Luiz Ejlli
TIRANË- 2 ditë zgjat çudia më e madhe në këtë vend, por këto të fundit në vendin tonë j...
Insights
9 Janar 2023, 10:00
Esther Walker
Princi Harry
Nga Esther Walker
Unë e arrita disa kohë më parë mërzinë time sa i përket informacioneve rreth Harry dhe M...
Insights
7 Janar 2023, 14:11
Agim Xhafka
Agim Xhafka
Sot në mëngjes në rrugët e qytetit tim vdiq një njeri. Quhej Arben, i sëmurë epileptik, ishte 38 vjeç...