E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË- Teksa në Kuvend pritet që së shpejti të nisë shqyrtimi i projektligjit për ndryshimin e Kodit të Familjes dhe të ligjit të birësimit, palët pro dhe kundër ndryshimeve kanë nisur lobimet në politikë.
Koalicioni shqiptar “Pro Familjes dhe Jetës”, ku janë bashkuar Forumi Mysliman i Shqipërisë, çifti Akil dhe Lindita Pano- Fondacioni “Ancora Inc”, Fisnik Kruja- Forumi Mysliman i Shqipërisë, Ilir Çumani- Instituti Kombëtar i Fëmijëve Jetimë të Shqipërisë, Silvi Mihali- eksperte Zhvillimi i Hershëm te Fëmijët (ABA) dhe Erion Kristo pedagog, analist dhe aktivist i shoqërisë civile janë takuar këto ditë me përfaqësuesit më të lartë politik në vend për të kërkuar prej tyre që të marrin masa për të mbrojtur shoqërinë në krizën në të cilën ndodhet.
TAKIMET
Takimin e parë një përfaqësi nga koalicioni shqiptar “Pro Familjes dhe Jetës” e zhvilluan me kreun e shtetit, Ilir Meta. Pas prezantimit të koalicionit, u diskutua mbi krizën në të cilën ndodhet familja shqiptare dhe nevojën për angazhimin serioz të të gjithë institucioneve dhe shoqërisë në zvogëlimin e impaktit negativ dhe krijimin e mundësive për kurimin e plagëve të familjes. Më tej, biseda vijoi mbi çështje me interes të lartë publik, që lidhen me propozimet ligjore, të cilat prekin Kodin e Familjes. Ky takim në Institucionin e Presidentit të Republikës, ishte edhe pikënisja e takimeve të tjera të planifikuara me përfaqësues të institucioneve më të larta shtetërore.
Po ashtu, koalicioni shqiptar “Pro Familjes dhe Jetës” gjithashtu takoi edhe kryetarin e grupit të PS-së, Taulant Balla, dhe deputetin e Komisionit të Ligjeve, Toni Gogu. Pas prezantimit të koalicionit, u diskutua mbi krizën në të cilën ndodhet Familja Shqiptare dhe biseda vijoi përsëri mbi çështje me interes të lartë publik, që lidhen me propozimet ligjore të cilat prekin Kodin e Familjes. Kërkesa jonë sikundër dhe dakordësia nga ana e përfaqësuesve të maxhorancës ishte nevoja e hapjes së një debati publik përpara prezantimit në Parlament të ligjeve, të cilat prekin Kodin e Familjes. Së fundmi, ata u takuan edhe me dy nënkryetarët e PD-së, Grida Duma dhe Alfred Rushaj, si dhe anëtaren e Komisionit të Ligjeve, Greta Bardeli.
Gjatë bisedës intensive, kërkesa jonë ishte që: Grupi Parlamentar i Opozitës të pozicionohet qartë në mbrojtje të familjes dhe jetimëve, siç është pozicionuar ideologjikisht e djathta konservatore në botë. Ndërkohë që qeveria ka paraqitur projektligjin për ndryshime në Kodin e Familjes dhe Ligjin e Birësimeve, apeli ynë është ruajtja e vlerave të martesës, familjes dhe mbrojtja e interesit më të lartë të fëmijëve jetimë. Nga përfaqësuesit e opozitës morëm garancinë që do të jenë aleatët e kësaj kauze jetike për kombin dhe të ardhmen e shoqërisë Shqiptare.
FTESA NGA LGBTI
Për të njëjtën çështje duket se nuk kanë ngelur pas edhe pala tjetër që kërkon ndryshimin e Kodit të Familjes dhe Ligjit të Birësimit. Gazeta “Panorama” ka siguruar një ftesë që ka mbërritur me postë elektronike te deputetët e Kuvendit të Shqipërisë. Organizata “OMSA”, e cila punon për garantimin e të drejtave të komunitetit LGBTI fton deputetët për të diskutuar në lidhje me nismat ligjore, por jo vetëm, “I/E deputet i Kuvendit të Shqipërisë, uroj që ky email t’ju gjejë mirë dhe shëndet dhe me punë. Rreth dy vjet më parë, në prill 2018, organizata që unë drejtoj, ‘Open Mind Spectrum Albania’ (OMSA), një organizatë që punon për edukimin, respektimin dhe avancimin e të drejtave të komunitetit LGBTI, në bashkëpunim të ngushtë me Kuvendin e Shqipërisë organizoi në mjediset e Kuvendit forumin e parë politik në histori për të drejtat e LGBTI-së.
Kam kënaqësinë të konstatoj që roli i organizatave që përfaqësojnë komunitetin LGBTI është rritur dhe ka një vëmendje në rritje për mbrojtjen e të drejtave të komunitetit. Në këtë kuadër, për të vazhduar bashkëpunimin, dua t’ju ftoj të na bashkoheni në aktivitetin që po zhvillojmë në lidhje me guidën e parë për partitë politike Shqiptare, pjesëmarrjen politike diversitetin dhe gjithëpërfshirjen”, thuhet në ftesën që ka siguruar gazeta “Panorama”.
Ndërkohë, kujtojmë se Kodi i Familjes dhe Ligji për Birësimin ishte parashikuar në kalendarin trijavor të punës që të shqyrtohej në 10-ditëshin e parë të nëntorit në komisionet ligjore, por që është shtyrë për shkak të axhendës së ngjeshur të Kuvendit, pasi diskutohet projektbuxheti dhe paketa fiskale.
Në ndryshimet që propozohen në Kodin e Familjes parashikohet që të ulet mosha për personat që aplikojnë për të birësuar. Po ashtu, një tjetër ndryshim është që tani mund të aplikojnë për birësim edhe një person i vetëm dhe persona që nuk janë të lidhur me martesë, por bashkëjetojnë. Në planin e punës të miratuar nga qeveria për personat LGBTI premtohet se ligjet e mësipërme do i nënshtrohen ndryshimeve për të akomoduar shqetësimet e personave LGBTI. Por, kjo nismë u kundërshtua edhe nga komitetet ndërfetare, të cilët nuk janë dakord që fëmijët të birësohen nga personat LGBTI. 5 përfaqësi fetare iu drejtuan me një shkresë dhe propozime përkatëse në Kodin e Familjes.
Marrë nga Panorama
Cila mendoni se është alternativa më e mirë:
KAVAJË– Prokuroria pranë Gjykatës së Shkallës së Parë Kavajë ka regjistruar procedimin penal “Vrasja në rrethana të tjera cilësuese” në lidhje me vde...
Tri vite pasi ata u shpallën fajtorë, vetëm dje u arrit të zhvillohej seanca në Shkallën e Dytë. Në seancë ishim vetëm tre avokatë, ndërsa dy nga të pandehurit,...
TIRANË– “Beton Ekspress”, kompania e Edmond Begos, i përfolur dhe për njohjen me kreun e grupit parlamentar të Partisë Socialiste, Tulant...
BULLGARI– Shkaku i përplasjes së autobusit nga Maqedonia e Veriut në Bullgari, ku vdiqën 46 persona, mund të jetë humbja e orientimit të shoferit në rrugë...
TIRANË- 12 persona janë arrestuar për vepra të ndryshme penale. 3 persona janë në kërkim si bashkëpuntorë në vjedhje.Një 24-vjeçar dhe 32-vjeç...
Që pas tërmetit të 26 nëntorit 2019 Shqipëria ka një rritje të aktiviteti fizik për shkak të lëvizjeve të pllakave tektonike të cilat kanë rritur rrezikun edhe ...
ITALI– Një shtetase shqiptare vrau me thikë pronarin italian, pasi ai e ka ngacmuar seksualisht. Mediat e huaja shkruajnë se Mide Andreu , 51 vjeç ...
FIER– Kreu i degës së Partisë Demokratike në qytetin e Fierit ëhtë shprehur se nuk ka dijeni për ndërrimin e bravave të kësaj selie. Në një prononcim për ...
TIRANË– Një foto e vjetër është kthyer sërish në ‘dritën’ e prozhektorëve! Bëhet fjalë për dy miq që u vranë në harkun kohor të dy viteve në distancë...
FIER– Bravat e dyerve të selisë së Partisë Demokratike janë ndërruar. Ka qenë ish-kreu i PD-së në Fier dhe njëkohësisht deputet i PD-së, Luan Baçi ...
