Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Refija ishte fqinje me familjen Josifi. Dera e shtëpisë të të moshuarës është ngjitur me derën e mbyllur brenda të cilës banonte Zhaneta, Anisa, të dyja të vdekura dhe Blerta e mbijetuar. “Nuk dëgjohej as zhurmë asgjë, filloi një erë, që nuk ikte. Mendonim tubacionet”, tregon për gazetën “Si” gruaja që jeton me të birin dhe nusen.
E moshuara shton se muajt e fundit familja nuk ndizte as drita, pasi “asgjë nuk dukej, i kishin mbyllur me grrila dritaret e banjës, të ballkonit, çdo gjë”. Madje edhe ditën kur policia ndërhyri për të parë se ç’po ndodhte në familjen Josifi, pas ankesës së një të afërmi, ata kërkuan prozhektorë me drita, sepse energjinë elektrike e kishte ndërprerë OSHEE.
Fqinjët edhe pse ishin mësuar me ngujimin mëse një vjecar të nënës me dy vajzat, për ta vazhdon të mbetet e vështirë për tu besuar që gratë kishin vendosur të vetflijoheshin. “Shikoja shpesh të motrën, vinte qante trokiste. Ato herë ia hapnin derën, herë jo”, kujton gruaja. Shpesh të afërmit i ishin drejtuar policisë të bindur se diçka i kishte ndodhur njërës prej vajzave që prej mëse një viti nuk dukej askund.
Por efektivët lokalë kur shkuan në shtëpinë e Zhanetës, kryefamiljare, ajo ua preu shkurt: “Kush është ankuar, kujt po i hapim probleme?” . Në një rast, një nga fqinjet mban mend se kur u ishin ankuar të afërmve për tre gratë të cilat ndryshuan rrënjësisht, nga të fiksuara për lule dhe pastërti u kthyen në problem, të afërmit ngritën supet. Ata trokisnin shpesh në derën e Zhanetës, e cila sa vinte e tretej.
“E pashë një ditë, mbase ka javë. E pashë fshehtas nga dritarja. Ishte shkurtuar, shpërfytyruar, mbante në dorë një shishe me qumësht”. Nga një grua e sjellshme, ajo nuk afronte më askënd tregon për të Refija, që është e shokuar se si fokusi tek feja i tjetërsoi gratë deri në pikën që ato të mbyllnin derën e të vendosnin t’i jepnin fund jetës duke u vetflijuar
“Nuk dua ta besoj, e ëma erdhi me vajzat në pallat, pasi e blenë shtëpinë. Jetuan për një kohë të gjatë me qera, afër tezes së tyre që i mori nga Përmeti për t’i mbështetur, pas fatkeqësisë që u kishte ndodhur aty”, shton një banore tjetër për gazetën “Si”
A shkonin tek Jehovai?
Nuk e dimë si quhen, se çfarë janë. Ndonjëherë vajzat iknin me pushime me këta të sektit. Të dyja inteligjente. Këto janë frazat përshkruese për dy të vdekurat, për njërën prej të cilave nuk ka ende një datë të qartë se kur ka ndërruar jetë dhe cili është shkaku i vdekjes. Ekspertët e mjekësisë ligjore do thonë në një raport të posaçëm nëse ishte vetvrasje apo çfarë fundi i jetës së Anisës. Për të ëmën, është shënuar në kartelë si datë vdekjeje e përafërt pesë ditë përpara se policia të hynte me forcë në banesën e tyre.
Shkak deklarohet mos ushqyerja. E paushqyer dhe e tretur me kocka që i dukeshin në trup u gjet edhe Blerta, të cilës fillimisht iu dha ushqim përmes serumeve mjekësore. Nga banorët në Kombinat dy motrat përshkruhen si “mjaft të përgatitura, por pak të mbyllura si natyra ose ndryshe të heshtura”
Zyrat e dëshmitarëve të Jehovait fillimisht sipas banorëve gjendeshin me qera në një pallat aty pranë, ku dy motrat kryenin vizita, më pas motrat u shkëputën prej tyre, por mbanin shoqëri vetëm me një grua të martuar me një shtetas italian, që mendohet se i përket një sekti fetar
Dy gratë që hapnin ndonjëherë derën kur u lutej e motra e moshuar e cila jeton në të njëjtën lagje, përshkruhen mjaft të dobta. E motra e Zhanetës ua përshkroi kështu gjendjen e saj efektivëve. “Përpiqej të shmangej, e pyesja ku është Anisa, përse nuk del? Ajo bënte çdo bisedë të mundshme, por vetëm përgjigjje nuk jepte. Njëherë mbaj mend që librat e zinj që lexonin ua mora dhe ua dogja. Ishte një sekt që u fliste për ringjalljen, ato shkonin shpesh në Tiranë të RE dhe librat i blinin tek Selvia”. Por policia, e pyetur nga gazeta “Si”, nuk tregoi asnjë veprim konkret që të ketë zhvilluar pas zbulimit të këtij rasti vetvrasjeje në Tiranë që dyshohet se ka nisur për shkaqe fetare. Ndonëse gazeta “Si” kërkoi të dhëna zyrtare për emrin e sektit të dyshuar, nuk mori asnjë përgjigjje veçse “po punohet”. “Nuk përjashtohet edhe një besim që praktikonte fenë edhe në Përmet e më pas edhe këtu në Tiranë, por përfundimisht këtë gjë do ta thotë ekspertiza e teologëve që do të japin përgjigje mbi librat e sekuestruar që flasin për ndriçimin e ringjalljen”, pohoi një ekspert policie që megjithatë nuk mundi të justifikonte se përse policia dhe prokuroria së bashku po veprojnë kaq ngadalë për një çështje të konsideruar ndër më të rëndat e viteve të fundit
A kontrollohen sektet?
Në shtëpinë e Zhanetës, teksa në dhomën tjetër trupi i Anisës ishte tharë nga teknikat e përdorura për mumifikim, qeset ishin të shpërndara ngado. Errësira e plotë dhe era e rëndë i ka panikosur edhe ata më të vjetrit që kryejnë ekspertiza në vendngjarje dhe në zona krimi. “Është padyshim një ngjarje që nuk përshkruhet, një kufomë e mbuluar dhe e kthyer në mumje në një dhomë të kyçur. Një derë e blinduar e mbyllur me çelës dhe me litarë nga brenda. Një grua e vdekur e kthyer në skelet përpara se të ndërronte jetë. Dhe në këtë horror një tjetër që jep e merr frymë e pazonja të ketë forcë qoftë sa për të nxjerrë një fjalë”, kështu e përshkroi për gazetën Si shtëpinë ku gratë e familjes Josifi ishin mbyllur prej kohësh
A u vetvra Anisa? Kur? Përse?
Kjo pyetje do të marrë përgjigje nga laboratori i kriminalistikës, por edhe nga dëshmia e Blertës e cila shpresohet shumë të flasë sapo të përmirësohet. “Ne kemi shumë dyshime, – pohoi për gazetën “Si”, – se çfarë ka ndodhur me grate, nëse ato u ndihmuan edhe nga të tjerë për të mumifikuar Anisën apo ku e mësuan këtë teknikë”.
“Në shtëpinë e tyre ishte vetëm një telefon i vogël, jo smart phone që do të thotë se nuk e kanë mësuar në internet. Ato nuk kishin as drita dhe as internet”, shtoi një agjent tjetër që mendon se ndërprerja e këtyre burimeve ishte për shkaqe të indoktrinimit të tyre, gjatë fazës që ato e konsideronin “për ringjalljen”
Dëshmitarët e shumtë që i njihnin të treja janë bindës kur thonë se e para u vetizolua Anisa, fytyra e të cilës pothuajse u harrua nga banorët. Ndaj dhe për prokurorët dhe policinë, hetimi ka nisur duke e kthyer shiritin nga e kaluara.
Ndërkohë që janë ende larg zbulimit të vendit, sallave dhe personave të ngjashëm që ato frekuentonin dhe që predikojnë rikthimin në jetë duke u vetvrarë.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
SHQIPËRI– Radhë të gjata automjetesh janë krijuar edhe në Golem, duke e bërë të pamundur ecjen e makinave.Të gjithë ata që janë nisur për të kaluar të diel...
TIRANË– Kur ndodhesh në trafik gjëja e parë që të vjen në mednje është si ta shmangësh atë, apo çfarë të bësh për të lëvizur më shpejt. Mirëpo shofe...
BERAT-Shirat e pasdites rikthyen sërish problemet në qytetin e Beratit. Si pasojë e reshjeve, u përmbytën rrugët kryesore dhe lagjet e qytetit. Për pasojë është...
ITALI-Një 27-vjeçar shqiptar është arrestuar nga policia italiane për shpërndarje kokaine. Karabinierët po e ruanin shqiptarin dhe i vunë prangat në mom...
RROGOZHINË -Një aksident me pasojë vdekjen është regjistruar ditën e sotme në aksin Rrogozhinë-Peqin. Si pasojë e përplasjes nga makina, ka humbur jetën dr...
KAVAJË- Policia ka shpëtuar dy vajza në plazhin e Qerretit, të cilat rrezikuan të mbyteshin në det. Vajzat të moshave 10 dhe 15-vjeç janë transportu...
SHKODËR- Situata e krijuar nga COVID-19 dhe urdhërat e autoriteteve, nuk kanë penguar maturantët që të zhvillojnë festën e mbrëmjes së maturës. Këta të fun...
COVID-19-Në Kolonjë gjatë 24 orëve të fundit u shënua vetëm një rast me COVID-19 nga 7 tampone të kryer. Bëhet fjalë për djalin e zonjës, e cila u prek nga koro...
