Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
•Vlora u trondit mbrëmë nga një atentat me armë zjarri, ku një 41-vjeçar humbi jetën. •Viktimë mbeti Laert Kekaj, i cili rezulton me gjeneralitet të ndryshuar (Leartiad Lekaj). •41-vjeçari u ekzekutua me 6 plumba teksa lëvizte me motor, ndërsa ndaj tij është zbrazur një karikator kallashnikovi. • Mësohet se autorëve u janë dashur më pak se 12 minuta për tu larguar nga qyteti. Mjeti tip "Audi" me tëcilin lëviznin autorët është gjetur totalisht i shkrumbuar në Kotë, ndërsa brenda tij është gjetur edhe kallashnikovi që dyshohet se është përdorur për ekzekutimin e Leartiad Lekaj (Kekaj). • Deri më tani nuk ka asnjë të dyshuar për vrasjen, ndërsa policia ka shoqëruar 8 persona të cilët janë marrë në pyetje.
6 artikuj për këtë temë.
VLORË- 'Dosja.al' siguron pamjet e atentatit të mbrëmjes së djeshme në Vlorë, ku u ekzekutua 41-vjeçari Leartiad Kekaj. Siç shihet edhe në pamjet më poshtë, tre persona vrapojnë pasi kanë hapur zjarr, ndërsa viktima shfaqet i fundit.
Ndërkohë automjeti tip 'Audi' largohet dhe kthehet mbrapsht me “indietro” drejt 41-vjeçarit duke e qëlluar drejt e në kokë brenda makinës së tij.
Çfarë ndodhi mbrëmjen e djeshme në Vlorë?
Leartiad Lekaj (Kekaj) u ekzekuatua mbrëmjen e djeshme në një atentat të mirëorganizuar. Ngjarja ndodhi rreth orës 21:50, në lagjen “28-Nëntori”, në rrethana ende të paqarta. Viktima ka qenë duke udhëtuar me motor, kur është qëlluar me armë zjarri nga një person i maskuar, i cili ndodhej në një makinë. Makina “Audi” që dyshohet se është përdorur nga autorët e krimit është gjetur bashkë me kallashnikovin brenda totalisht e shkrumbuar në fshatin Kotë në Vlorë. Në vendngjarje janë gjetur 28 gëzhoja, çka do të thotë se mbi viktimën është qëlluar me breshëri kallashnikovi.
VLORË- Policia ka hedhur dritë mbi hetimet e atentatit të Leartiad Lekaj (Kekaj) 41 vjeç.
Sipas burimeve mendohet se 3 persona morën pjesë në atentatin e 41-vjeçarit, një shoferë dhe dy qitës. Njëri qitës ka qenë në vend të parë të makinës dhe tjetri prapa. Viktima është qëlluar me 6 plumba në trup dhe në kokë.
"Audi" më pas është larguar me shpejtësi duke dalë në hyrje të qytetit, në rrugën e Lumit. Autorët kanë djegur në aksin Kotë-Sevaster makinën dhe më pas janë larguar me një tjetër mjet duke përfituar nga zona e shkretë dhe errësira.
Ngjarja ka zgjatur rreth 15 minuta maksimumi.
VLORË- Detaje të reja janë zbardhur nga atentati i një nate më parë, ku mbeti i vrarë Leartiad Lekaj (Kekaj) 41 vjeç.
Sipas raportimeve paraprak, autorët me makinë fillimisht kanë përplasur motorin me të cilin po udhëtonte 41-vjeçari dhe më pas e kanë qëlluar. Lekaj pasi është rrëzuar ka tentuar të largohet rreth 80 metra, por njëri nga autorët ka zbritur dhe e ka qëlluar sërish. 41-vjeçari ka marrë 6 plumba por kanë qenë goditjet me plumba në kokë, ato që i kanë marrë jetën.
Mënyra si është kryer krimi tregon se bëhet fjalë për një atentat të mirëorganizuar. Policia ndërkohë po hetohen për automjetin Audi A6, të cilin dyshohet se e kanë përdorur autorët e krimit. Mjeti më pas u gjet i djegur dhe mendohet se mund të jetë përdorur edhe për një ngjarje tjetër kriminale në veri të vendit.
Pista kryesore ku po heton policia ka të bëjë me dënimin e tij me 10 vite burg në 2002, pasi u dënua për vrasje në bashkëpunim për shkak të grabitjes.
VLORË-Policia e Vlorës në lidhje me atentatin që ndodhi mbrëmjen e kaluar (9 shtator 2023) në Vlorë, ku u qëllua për vdekje Leartiad Lekaj (Kekaj).
Njoftimi i policisë:
Rreth orës 21:50, në lagjen “28-Nëntori”, në rrethana ende të paqarta, është vrarë me armë zjarri shtetasi L. K., 41 vjeç. Nga kontrolli i zonës, në aksin rrugor “Kotë- Sevaster”, shërbimet e Policisë kanë konstatuar një automjet tip “Audi”, duke u djegur.
Janë ngritur menjëherë pika kontrolli në hyrje/daljet e qytetit të Vlorës dhe në akset “Vlorë-Fier”, “Vlorë-Tepelenë” dhe “Vlorë-Himarë”. Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve.
Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim identifikimin dhe kapjen e autorëve.
VLORË- Vlora u trondit mbrëmë nga një atentat me armë zjarri, ku një 41-vjeçar mbeti i vrarë. Në foton e mëposhtme është viktima Laert Kekaj, i cili rezulton me gjeneralitet të ndryshuar (Leartiad Lekaj).
41-vjeçari ka qenë në burg, pasi ka qenë i dënuar për bashkëpunim në një vrasje. Viktima thuhet se ka vuajtur më shumë se 10 vite dënim. Raportohet se rreth vitit 2000-2002 dyshohet se ka marrë peng një kambist dhe e ka ekzekutuar. Ndërsa vite më vonë në 2005, ai ishte marrë si i pandehur për kryerjen e veprës penale të vjedhjes me pasojë vdekjen, të kryer në bashkëpunim me shtetasin Fjodor Mezyraj.
Burime bëjnë me dije se në vendngjarje janë gjetur mbi 28 gëzhoja, që do të thotë se mbi viktimën është qëlluar me breshëri kallashnikovi.
VLORË- Leartiad Lekaj (Kekaj) 41-vjeç, është ekzekutuar me armë zjarri nga një atentat mafioz mbrëmjen e djeshme (9 shtator 2023) në Vlorë.
Një makinë është gjetur e djegur në fshatin Kote në Vlorë, dhe dyshohet se u përket autorëve të atentatin. Brenda automjetit tip "Audi" me targa italiane u gjet 1 kallashnikov, që dyshohet se është përdorur në vrasje.
Ende nuk dihen motivet e vrasjes, por dyshohet se mund të ketë ndodhur për hakmarrje. Sipas policisë thuhet se 41-vjeçari ka pasur një konflikt të mëparshëm. Ndërkohë 8 persona janë shoqëruar në polici dhe janë marrë në pyetje rreth ngjarjes. Deri më tani, nuk ka asnjë person të dyshuar.
