Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Atentati i mbrëmshëm në Sarandë ndaj 50-vjeçarit Thimjo Rubati ka nxjerrë në pah një profil të pasur kriminal të viktimës, i njohur për drejtësinë shqiptare dhe atë greke. • Rubati, i cili sapo kishte dalë nga një burg në Greqi, rezulton të jetë përfshirë prej vitesh në ngjarje të rënda, si trafikimi i të miturve dhe rrëmbimi i personave. • Pavarësisht akuzave të mëparshme në Shqipëri për korrupsion dhe kontrabandë, ai arriti t’i shpëtonte burgimit duke u dënuar vetëm me kusht nga Gjykata e Apelit. • Dinamika e sulmit, ku autorët qëlluan me nëntë plumba pistolete për të ekzekutuar 50-vjeçarin, tregon qartë për një atentat të mirorganizuar. • Autorët e atentatit, të cilët lëviznin me një motomjet dhe kishin të maskuar identitetin, hapën zjarr nëntë herë ndaj 50-vjeçarit Thimjo Rubati, duke e plagosur atë me tre plumba. • Pas ngjarjes, sulmuesit u larguan me shpejtësi në drejtim të zonës së plazhit "Baba Rexhepi". • Grupi hetimor dyshon se autorët e kanë braktisur motomjetin në atë zonë për t'u arratisur më pas përmes detit me një skaf. • Ndërkohë, Policia po vijon hetimet intensive, duke u përqendruar te pista e larjes së hesapeve për shkak të së kaluarës së errët të viktimës. • Burime pranë spitalit grek bëjnë me dije se Rubati ka marrë tre plumba, dy në afërsi të mëlçisë dhe një në kërbishte, por fatmirësisht, plumbat nuk kanë prekur organe jetësore, duke bërë që pas mjekimeve nga kirurgët, gjendja e tij shëndetësore të jetë e stabilizuar
6 artikuj për këtë temë.
SARANDA- Policia e Sarandës pas kontrolleve intensive ka bërë të mundur gjetjen e një motori, i cili ishte braktisur buzë detit. Ai u gjet në vendin e njohur si “Kasollja”, ndërsa policia dyshon se i përket autorëve të atentatit ndaj Thimjo Rubatit.
Bëhet me dije se mjeti nuk ka shenja dëmtimi, gjë e cila mund t’i shërbej grupit hetimor për verifikime të mëtejshme. Kjo çon në një pistë tjetër hetimi, ku dyshimi se autorët janë larguar me mjet lundrues pas atentatit përforëcohen.
Grupi hetimor ka përjashtuar si motiv incidentin e ndodhur një natë më parë mes djalit të Rubatit dhe një efektivi policie, duke e konsideruar atë të palidhur me atentatin. Aktualisht po hetohen disa pista, mes tyre konfliktet e vjetra dhe çështjet e pronësisë. Kjo pas Rubati rezulton person me precedentë të theksuar penalë./Dosja.al
SARANDA- Policia ka shpallur në kërkim tre persona, të cilët dyshohen se kanë dhunuar oficerin e Policisë Mihal Velço, mbrëmjen e së enjtes në lagjen nr. 4 të Sarandës. Personat e shpallur në kërkim janë Andrea Rubati, 27-vjec, Antonio Lefteri, 30 vjeç dhe Engjëll Dalanaj, 30 vjeç.
Andrea Rubati është djali i Thimjo Rubatit, personi i cili u plagos mbrëmjen e djeshme me armë zjarri në qytetin e Sarandës. Bëhet me dije se oficeri i policisë u ka kërkuar tre të rinjve të mos kryenin manovra të rrezikshme me motor në qytet. Kjo pasi rrezikonin jetën e tyre dhe qytetarëve të tjerë. Pas kësaj, dyshohet se ata e kanë fyer, goditur për shkak të detyrës dhe kanosur me thikë.
Pas dhunës së bërë ndaj policit, ata janë larguar me motor, por janë identifikuar nga kamerat e sigurisë në zonë. Tre personat akuzohen për veprat penale "Goditja për shkak të detyrës" dhe "Kanosja"./Dosja.al
SARANDË- Nëntë gëzhoja pistolete të kalibrit 9 milimetra janë sekuestruar nga policia në vendin ku mbeti i plagosur 50-vjeçari Thimjo Rubati, i njohur edhe si Sandër Rubati, gjatë atentatit të ndodhur mbrëmjen e së premtes në lagjen nr. 4 të Sarandës.
Sipas hetimeve paraprake, autorët dyshohet se u larguan fillimisht me motor drejt zonës së plazheve në lagjen “Baba Rexhepi”, ndërsa më pas kanë përdorur një mjet lundrues për të humbur gjurmët. Gjatë gjithë natës, forcat e policisë kanë ushtruar kontrolle në zonë në kërkim të motorit të përdorur.
Grupi hetimor ka përjashtuar si motiv incidentin e ndodhur një natë më parë mes djalit të Rubatit dhe një efektivi policie, duke e konsideruar atë të palidhur me atentatin. Aktualisht po hetohen disa pista, mes tyre konfliktet e vjetra dhe çështjet e pronësisë. Rubati rezulton person me precedentë të theksuar penalë.
Ai ka vuajtur dënim në Greqi për vrasje, ndërsa në Shqipëri është dënuar për kontrabandë automjetesh dhe është proceduar edhe për trafikim automjetesh me elementë identifikues të ndryshuar. Historia e tij kriminale, si edhe precedentët penalë të të birit, Andrea Rubati, po verifikohen nga hetuesit në përpjekje për të zbardhur motivin e atentatit./Dosja.al
SARANDË- 50-vjeçari Thimjo Rubati, i cili mbeti i plagosur mbrëmjen e së premtes pas një atentati me armë zjarri në qytetin e Sarandës, ndodhet jashtë rrezikut për jetën.
Mësohet se, pas ndërhyrjes së shpejtë mjekësore fillimisht në spitalin e Sarandës, ku iu dha ndihma e parë e specializuar, 50-vjeçari u transportua drejt spitalit të Janinës për një trajtim më të avancuar.
Burime pranë spitalit grek bëjnë me dije se Rubati ka marrë tre plumba, dy në afërsi të mëlçisë dhe një në kërbishte. Fatmirësisht, plumbat nuk kanë prekur organe jetësore, duke bërë që pas mjekimeve nga kirurgët, gjendja e tij shëndetësore të jetë e stabilizuar./Dosja.al
SARANDË- Zbardhen detaje të reja në lidhje me atentatin e ndodhur mbrëmjen e kaluar në qytetin e Sarandës, ku mbeti i plagosur 50-vjeçari Thimjo (Sandri) Rubati. Grupi hetimor ka rindërtuar itinerarin e autorëve dhe mënyrën se si është organizuar sulmi i armatosur.
Sipas informacioneve paraprake, autorët e dyshuar, të cilët lëviznin me një motomjet dhe mbanin skafandra për të fshehur identitetin, kanë mbërritur në vendngjarje nga rruga "Mit’hat Hoxha", duke ardhur nga drejtimi i stadiumit për te porti.
Në momentin që janë afruar pranë objektivit, ata kanë hapur zjarr me një pistoletë 9 mm, duke shkrepur në drejtim të 50-vjeçarit gjithsej nëntë herë. Si pasojë e të shtënave, Thimjo Rubati ka marrë tre plumba në trup.
Ai u dërgua menjëherë në spital, ku ndodhet nën kujdesin e mjekëve. Pas krimit, autorët janë kthyer në të njëjtin itinerar nga kishin ardhur, duke u larguar me shpejtësi në drejtim të zonës së plazheve, pranë zonës së njohur si "Baba Rexhepi". Hetuesit dyshojnë se në atë zonë, autorët mund të kenë braktisur motomjetin për t’u arratisur më pas nëpërmjet detit, me anë të një skafi./Dosja.al
SARANDË- Detaje të reja dhe tronditëse kanë dalë në dritë në lidhje me atentatin e armatosur që tronditi mbrëmjen e djeshme qytetin bregdetar të Sarandës. Shënjestra e sulmit, Thimjo Rubati, 50 vjeç, rezulton të jetë një personazh me një profil të lartë kriminal, i njohur prej vitesh nga drejtësia shqiptare dhe ajo greke.
Grupi hetimor ka zbardhur një historik të gjatë aktivitetesh kriminale të 50-vjeçarit, i cili kishte lënë së fundmi qelinë e një burgu në Greqi, ku vuante dënimin për një ngjarje të rëndë penale. E kaluara kriminale e Thimjo Rubatit daton që prej fillimit të viteve 2000, ku spikasin akuzat për trafikim të të miturve në vitin 2002 dhe rrëmbimin e një 16-vjeçareje në vitin 2012.
Pavarësisht se gjatë kohës që ishte në burgun grek, autoritetet shqiptare e kërkonin për një dosje voluminoze korrupsioni dhe kontrabande, e lidhur me një skemë të trafikimit të makinave ku implikoheshin edhe zyrtarë doganorë, Rubati ia doli t’i shpëtonte burgut në vendlindje.
Gjykata e Apelit e dënoi atë me dënim me kusht, duke bërë që ai të mos kryente asnjë ditë burg në Shqipëri për këtë aferë. Dinamika e ngjarjes së djeshme tregon qartazi se autorët kanë pasur si synim eliminimin fizik të 50-vjeçarit. Nga ekspertiza paraprake, rezulton se ndaj Rubatit është qëlluar me pistoletë të kalibrit 9 mm.
Ekspertët e krimeve kanë sekuestruar në vendin e ngjarjes 9 gëzhoja. Policia po vijon punën intensive për identifikimin e autorëve, ndërsa si pistë kryesore e hetimeve mbetet larja e hesapeve për shkak të së kaluarës së trazuar kriminale të 50-vjeçarit./Dosja.al
