Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
• Organizatori i sulmit të 7 tetorit, Yahya Sinwar, lideri i Hamasit është vrarë nga një sulm ajror izraelit në Gaza. • Sinwar kryesonte listën e më të kërkuarve të Izraelit. • Ministri i Jashtëm izraelit, Israel Katz, ishte zyrtari i parë që konfirmoi se Yahya Sinwar u vra nga ushtarët izraelitë. • Ai se vrasja e Sinwar krijon një mundësi për lirimin e menjëhershëm të pengjeve dhe krijimin e një Gaze të lirë nga kontrolli i Hamasit dhe Iranit. • Presidenti i Izraelit, Isaac Herzog thotë se përpjekjet e liga të Sinwarit iu kushtuan terrorit, gjakderdhjes dhe destabilizimit të Lindjes së Mesme. • Vrasja e tij pritet të jetë në qendër të diskutimeve për presidentin Joe Biden dhe homologët e tij më të afërt evropianë gjatë një takimi ditën e nesërm në Berlin të premten. • Axhenda për liderët e SHBA-së, Gjermanisë, Francës dhe Britanisë së Madhe pritej të paraqiste diskutime mbi rrugën drejt një armëpushimi në Liban dhe një zgjidhje për krizën humanitare në Gaza. • Ende nuk ka asnjë reagim nga grupi militant i Hamasit. • Deri më tani, Izraeli ka eleminuar disa figura të larta si të Hamasit dhe të Hezbollahut.
5 artikuj për këtë temë.
IZRAEL- Sekretari i mbrojtjes i Mbretërisë së Bashkuar tha se nuk do të mbaj zi për vdekjen e Sinwar nëse konfirmohet. Sekretari britanik i Mbrojtjes, John Healey, thotë se Britania e Madhe është ende në pritje të konfirmimit nga Izraeli se lideri i Hamasit, Yahya Sinwar, është vrarë.
Por ai thotë nëse është e saktë: "Unë për vete, nuk do të mbaj zi për vdekjen e një lideri terrorist si Sinwar dikush që ishte përgjegjës për sulmin terrorist të 7 tetorit."
Healey thotë se ai dhe qeveria janë të vetëdijshëm se jo vetëm që shkaktoi ditën më të errët, më vdekjeprurëse për popullin hebre që nga Lufta e Dytë Botërore, por se ajo shkaktoi më shumë se një vit konflikt dhe një nivel të patolerueshëm të viktimave civile palestineze.
IZRAEL- Ministri i Jashtëm izraelit, Israel Katz, konfirmoi se Yahya Sinwar u vra nga ushtarët e IDF. Në një mesazh për homologët e tij në mbarë botën, Katz u bë zyrtari i parë izraelit që njoftoi zyrtarisht neutralizimin e liderit të Hamasit.
"Vrasësi masiv Yahya Sinwar, i cili është përgjegjës për masakrën dhe mizoritë e 7 tetorit, u vra sot nga ushtarët e IDF. Kjo është një arritje e madhe ushtarake dhe morale për Izraelin dhe një fitore për të gjithë botën e lirë kundër boshtit të keq të islamit radikal të udhëhequr nga Irani”, tha ministri izraelit, sipas zyrës së tij.
Gjithashtu Katz shton se vrasja e Sinwar krijon një mundësi për lirimin e menjëhershëm të pengjeve dhe krijimin e një Gaze të lirë nga kontrolli i Hamasit dhe Iranit.
“Izraeli ka nevojë për mbështetjen dhe ndihmën tuaj tani më shumë se kurrë për të çuar përpara këto synime të rëndësishme së bashku”, përfundoi Katz në deklaratën e tij.
Ndërkohë, një foto e qarkulluar në internet tregon ushtarët e IDF që mbajnë trupin e atij që besohet të jetë lideri i Hamasit nga ndërtesa ku ai u vra në qytetin jugor të Gazës, Rafah.
SHBA- Izraeli u ka konfirmuar zyrtarëve amerikanë se lideri i Hamasit, Yahya Sinwar, ka vdekur sipas testeve fillestare të ADN-së. Por bëhet gjithashtu me dije se ende po kryhen testime të mëtejshme.
Vdekja ende e pakonfirmuar e liderit të Hamasit, Yahya Sinwar, pritet të jetë në qendër të diskutimeve për presidentin Joe Biden dhe homologët e tij më të afërt evropianë gjatë një takimi ditën e nesërm në Berlin të premten.
Axhenda për liderët e SHBA-së, Gjermanisë, Francës dhe Britanisë së Madhe pritej të paraqiste diskutime mbi rrugën drejt një armëpushimi në Liban dhe një zgjidhje për krizën humanitare në Gaza.
"Por lajmet e sotme do të tejkalojnë planet e mëparshme të axhendës", ka thënë një zyrtar për CNN.
Udhëheqësit pritej gjithashtu të diskutonin se si ta vendosnin Kievin në pozicionin më të fortë të mundshëm duke hyrë në Grupin e Kontaktit të Mbrojtjes së Ukrainës, një mbledhje e 57 vendeve që mbështesin përpjekjet ushtarake të Ukrainës që mblidhet çdo disa muaj.
SHBA- Zyratrët amerikanë thanë se misioni për të vrarë liderin e Hamasit, Yahya Shinwar u zhvillua dje. Pavarsisht se ushtria izraelite ka vazhduar me testet e ADN-së dhe njohjen e fytyrës për të konstatuar nëse trupi i gjetur i përkiste Sinwar. Shtetet e Bashkuara, thonë tre zyrtarë amerikanë, nuk ishin të përfshirë në operacion dhe nuk dhanë informacione specifike që e çuan ushtrinë izraelite në Sinwar.
Zyrtarët amerikanë besojnë se nëse vdekja e Sinuar konfirmohet, do të jetë një punë e madhe. Operacioni u zhvillua në Rafah, në jug të Gazës, shtuan dy zyrtarë amerikanë. Sipas ushtrisë izraelite, lideri i Hamasit, i cili u vra pas një operacioni që pasoi një kontroll të rastësishëm dhe zbulim nga ushtarët izraelitë në Rafah, ka vdekur.
Konfirmimi i lajmit vjen nga raportimet e burimeve ushtarake për mediat izraelite si Channel 12, të cilat kanë akses në kasetat e bisedave të ushtarëve me komandantët e tyre menjëherë pas përleshjes. Të njëjtat burime raportuan se ndërtesa në të cilën u gjet Sinwar ishte e rrethuar nga ushtarë izraelitë, ndërsa një dron i dërguar për të inspektuar zonën ishte ai që dërgoi një sinjal se lideri i Hamasit mund të kishte vdekur atje.
IZRAEL- Yahya Sinwar është udhëheqës i Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian. Më 17 tetor, Izraeli tha se po verifikon raportimet e pakonfirmuara se Sinwari është vrarë gjatë operacioneve të tij ushtarake në Rripin e Gazës.
Sinwar, 62 vjeç, dyshohet se është arkitekti i sulmit vdekjeprurës kundër Izraelit më 7 tetor 2023. Sulmi i paprecedent nxiti luftën që Izraeli po kryen në enklavën palestineze. Sinwar u bë udhëheqësi kryesor i Hamasit, pas vrasjes së Ismail Haniyeh, shefit të byrosë politike të grupit, i cili u vra në Teheran më 31 korrik në një sulm të dyshuar izraelit.
Ai paraprakisht kishte udhëhequr krahun ushtarak të Hamasit, apo Brigadën Iz al-Din Al-Kasam. Sinwar nuk ishte parë si personi i preferuar për të pasuar Haniyehun, i cili jetonte në Katar. Khaled Meshaal, ish-shefi politik i Hamasit dhe Khalil al-Hayya, një figurë e shquar në krahun politik të grupit, ishin parë si personat që mund të merrnin udhëheqjen e grupit.
Tradicionalisht, shefi politik i Hamasit gjendet jashtë vendit në mënyrë që të mund të udhëtojë dhe të mbajë kontakte me aleatët rajonalë, sikurse Irani dhe Hezbollahu, grupi libanez dhe partia politike që kontrollon shumicën e jugut të Libanit dhe është i shpallur organizatë terroriste nga SHBA-ja, ndërkaq BE-ja e ka në listë të zezë vetëm krahun politik të tij. Sinwari besohet se gjendet në Gazë.
Një arsye e rëndësishme për emërimin e Sinwarit në krye të Hamasit, thanë ekspertët, është se ai ka raporte të ngushta me Iranin, i cili i ofron mbështetje financiare dhe ushtarake grupit. I njohur nga mbështetësit e tij edhe si Abu Ibrahim, Sinwar u lind në një kamp refugjatësh në qytetin e Han Junisit në Gazë.
Prindërit e tij, sikurse të Haniyehut, u larguan nga qyteti bregdetar Ashkelon gjatë luftës arabo-izraelite të vitit 1948, luftë që rezultoi me krijimin e shtetit të Izraelit. Këtë ngjarje palestinezët e quajnë “nakba” apo katastrofa.
Sinwar iu bashkua Hamasit pak pasi grupi u formua më 1987 dhe krijoi organizatën famëkeqe për siguri të brendshme, Al-Majd, qëllimi kryesor i të cilës ishte të gjendet spiunë izraelitë brenda grupit. Ai fitoi reputacionin si njeri i dhunshëm dhe iu vu nofka “Kasapi i Han Junisit”.
Sinwar u kap nga forcat izraelite dhe u dënua me disa dënime me burgim të përjetshëm për një sërë akuzash – përfshirë për vrasjen e dy ushtarëve izraelitë – dhe qëndroi për më shumë se dy dekada në burg. Gjatë kohës sa ishte në burg, ai kishte organizuar greva për përmirësimin e kushteve të punës dhe u shndërrua në një udhëheqës në mesin e të burgosurve palestinezë.
Sinwar u lirua nga burgu më 2011, si pjesë e një këmbimi të burgosurve kur u liruan më shumë se 1.000 të burgosur palestinezë në këmbim të kthimit të një ushtari izraelit që mbahej nga Hamasi. Pak kohë pas lirimit, Sinwari e shoqëroi Haniyehun në një udhëtim në Teheran, ku ai u takua me liderin suprem iranian, Ajatollah Ali Khamenei./REL
