Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Mbështetësit demokratë vijonë mbledhjen e tyre poshtë banesës së kreut të opozitës, Sali Berisha. • Siç janë shprehur më herët, ata thonë se këto mbledhje janë në shenjë solidarizimi me kryedemokratin i cili ndodhet në arrest shtëpie që nga 31 janari. • Mbledhjet e tyre kanë vijuar çdo ditë për një javë rresht. • Berisha ashtu si netët e tjera, ka përshëndetur nga dritarja e banesës, mbështetësit e tij. • Gjatë fjalimit të mbajtur, ai ka folur për vitin që lamë pas dhe se si ishte për ai vit për Shqipërinë dhe shqiptarët. • Berisha e cilësoi 2023 si viti i përpjekjeve antiligjore, antikushtetuese, banditeske të Edi Ramës, sipas tij për të shkatërruar opozitën shqiptare. • Ish-kryeministri foli edhe për zgjedhjet e 14 majit të kaluar ku akuzoi Ramën se përjashtoi nga listat e votimit në qendrat e tyre mbi 1.3 milionë shqiptarë, dhe se përjashtoi të drejtën e opozitës për komisionerë në gjysmën e qendrave të votimit. • Berisha ka rikthyer çështjen e inceneratorëve, ku akuzon SPAK se sipas tij për të amnistuar Edi Ramën, amnistuan vjedhjen e qindra milionë eurove. • Mes demokratëve të mbledhur posht Berishës ishte edhe avokati i tij, Genc Gjokutaj.• Ai tha se shumë shpejt, Berisha do jetë mes tyre dhe u kërkoi atyre që të bashkohen ndaj kësaj kauze dhe shprehu bindjen se çështja e tij do të fitojë.
4 artikuj për këtë temë.
TIRANË- Mes demokratëve të mbledhur poshtë pallatit të liderit të PD-së, Sali Berishës ishte edhe avokati i tij, Genc Gjokutaj. Gjatë fjalës së tij ai tha se shumë shpejt, Berisha do jetë mes tyre dhe u kërkoi atyre që të bashkohen ndaj kësaj kauze dhe shprehu bindjen se çështja e tij do të fitojë.
‘Të bëhemi bashkë se këta nuk janë trima, por janë mashtrues, deri më tani kanë mashtruar popullin. Tani këtyre nuk u duhet besuar as e vërteta. Përpara, se njerëzit i kanë hapur sytë. Për pjesën ligjore unë ju garantoj besnikëri ndaj çështjes tonë. Çështja do të fitojë. Doktor Berisha së shpejti do të jetë midis nesh’, tha Gjokutaj.
Prej ditësh mbështetësit e ish-kryeministrit janë zhvendosur çdo pasdite në Rrugën Mustafa Matohiti, kundër vendimit të GJKKO-së që ashpërsoi masën e sigurisë ndaj Berishës, duke e lënë atë në arrest në shtëpi.
TIRANË- Kryedemokrati, Sali Berisha si netët e mëparshme ka mbajtur nga dritarja e banesës fjalimin e tij për mbështetësit e mbledhur poshtë palllatit.
Berisha ka rikthyer çështjen e inceneratorëve, ku akuzon SPAK se sipas tij për të amnistuar Edi Ramën, amnistuan vjedhjen e qindra milionë eurove.
PJESË NGA FJALA E BERISHËS:
Edi Rama në vjedhjet, skandalet e tij nuk di të ndalur.
Institucionet e vendit u shndërruan në mënyrë përfundimtare, në armë të diktaturës së re.
Shërbimi Informativ, Policia e Shtetit, patronazhistët, aktivistët të gjithë u sulën kundër opozitës. U vërsulën për ti grabitur votat shqiptarëve. Ky ishte viti i amnistive të shekullit, ku skapistët e partisë për të amnistuar Edi Ramën, amnistuan vjedhjen e qindra milionë eurove.
Miqtë e mi!
Le të marrim vetëm disa fakte. Ju të gjithë e dini se, Erion Veliaj është pronari së bashku me Edi Ramën i djegësit të Tiranës që gjer sot ka zhdukur 130 mln euro. Pra nga taksat e qytetarëve të Tiranës dhe qarkut të Tiranës, janë paguar për ndërtimin e inceneratorit të Tiranës, 138 mln euro deri më sot, dhe ato janë zhdukur pa nam dhe nishan.
Asnjë nga 5 objektet që duhej ndërtuar, nuk ekziston. Erion Veliaj me firmën e vulën e tij, ishte përgjegjës për të ndjekur çdo ditë, javë, muaj procesin e ndërtimit të tyre. Por Erion Veliaj nuk ndiqte ato, ndiqte paratë që depozitonte me Edi Ramën në bankat ofshore, kurse shqiptarëve u linte plehrat e Tiranës.
Miqtë e mi! Edi Rama duke amnistuar Erion Veliajn, ka amnistuar veten e tij. Sepse kompaninë e tij me Veliajn e vlerësoi të parën, i dha 8% bonus. Pa firmën e tij, kurrë vjedhja e fushës së Sharrës nuk mund të ndodhte. A po e mbrojnë skapistët Edi Ramën, por e mbrojnë në verbërinë më të madhe sepse vetë ata janë bashkëpunëtor në krimet e tij, në krimet e tyre.
TIRANË- Kreu i Partisë Demokratike, Sali Berisha ashtu si netët e tjera, ka përshëndetur nga dritarja e banesës, mbështetësit e tij të cilët prej një jave janë mbledhur poshtë banesës në shenjë solidarizimi.
Gjatë fjalës së tij, Berisha ka folur për vitin që lamë pas dhe se si ishte për ai vit për Shqipërinë dhe shqiptarët. Ai e cilësoi 2023 si viti i përpjekjeve antiligjore, antikushtetuese, banditeske të Edi Ramës, sipas tij për të shkatërruar opozitën shqiptare.
Ish-kryeministri foli edhe pë zgjedhjet e 14 majit të kaluar ku akuzoi Ramën se përjashtoi nga listat e votimit në qendrat e tyre mbi 1.3 milionë shqiptarë, dhe se përjashtoi të drejtën e opozitës për komisionerë në gjysmën e qendrave të votimit.
PJESË NGA FJALA E BERISHËS:
Përshëndetjet e mia më të përzemërta, mirënjohjen më të pakufishme, për praninë tuaj këtu, vazhdimin e një beteje e cila ndoshta është ndër më të rëndësishmet në historinë dhe faktet e këtij vendi, një beteje që synon çlirimin e Shqipërisë nga diktatura e bandave, krimit dhe drogës. Miqtë e mi, në emër tuaj do të ftoj sonte çdo qytetar shqiptar, që banon në Shqipëri, jashtë Shqipërisë, të ndalet për një moment të shkurtër dhe të analizojmë vitin që lamë pas.
Çfarë ishte për Shqipërinë dhe shqiptarët viti 2023.
Viti 2023 për çdo shqiptar ishte viti i përpjekjeve antiligjore, antikushtetuese, banditeske të Edi Ramës për të shkatërruar opozitën shqiptare. Ishte viti në të cilin Edi Rama me lakejtë e tij në gjykata, pasi i mori logon dhe vulën PD-së, vazhdoi skenarin e tij për të lenë vendin pa opozitë.
Në përpjekjen për të përqendruar të gjitha pushtetet në duart e tij, Edi Rama aktivizoi me 14 maj, vrasës serial, liroi nga burgjet elementët më të rrezikshëm të krimit të organizuar. I solli ata nga jashtë, vendosi qytetet në terrorin e tyre. Përjashtoi nga listat e votimit në qendrat e tyre mbi 1.3 milionë shqiptarë. Hoqi nga fletëvotimi emrin e PD-së, logon e saj dhe kryetarin e saj, Sali Berisha. Përjashtoi të drejtën e opozitës për komisionerë në gjysmën e qendrave të votimit.
Përdori dhjetëra e qindra milionë fonde publike për të blerë fonde dhe influenca.
Megjithë këtë, opozita ja doli të konfirmohet e pamposhtur. Në revanshin e tij kundër demokracisë, Edi Rama vazhdoi i pandalshëm, i mohoi opozitës deputetëve të saj, të drejtat themelore kushtetuese. E nxori veten mbi kushtetutën, mbi ligjin.
Ai nuk pranoi të hetohet për aktet e shëmtuara kriminale, ai nuk pranoi të hetohet për krimet që ka kryer me organizatën e tij kriminale që quhet qeveri. Ai nuk pranoi të hetohet për vjedhjet e mëdha të pasurive publike, për shndërrimin e Durrësit në parajsën e tij dhe të trafikantëve të tij, duke i plaçkitur shqiptarëve në port rreth 4 mln euro tokë dhe pronë publike.
Ai nuk pranoi të hetohet për skandalin më të madh të kohërave, ndërkombëtar, Rama-McGoninal, në të cilin Edi Rama, Charles McGonigal, Agron Neza dhe Dorian Duçka, funksionuan si një grup kriminal i vërtetë.
Në këtë skandal Edi Rama mobilizoi McGonigalin kundër Sali Berishës dhe opozitës shqiptare.
Në këtë skandal Edi Rama vendosi sistemin e gjobave shumëmilionëshe mbi biznesmenët shqiptarë.
Në këtë skandal Edi Rama hoqi e vendosi sikur të ishin të familjes së tij, licencat e naftës pronë publike e shqiptarëve.
TIRANË- Mbështetësit demokratë vijonë mbledhjen e tyre poshtë banesës së kreut të opozitës, Sali Berisha.
Siç janë shprehur më herët, ata thonë se këto mbledhje janë në shenjë solidarizimi me kryedemokratin i cili ndodhet në arrest shtëpie që nga 31 janari.
Mbledhjet e tyre kanë vijuar çdo ditë për gati një javë rresht. Berisha ka komunikuar herë pas here me mbështetësit e tij me megafon nga dritarja e shtëpisë.
